White heart بتاريخ: 1 مارس 2004 تقديم بلاغ مشاركة بتاريخ: 1 مارس 2004 هى من أعظم و أقدس علاقه بين البشر .... علاقه الأبن بأمه.... و لكن هل من الممكن أن تتطور تلك العلاقه الى درجه تتسبب فيها، أو تؤدى الى مضايقات من نوع ما فى مستقبل هذا الأين و حياته الأسريه المستقبليه؟؟ ماذا يمكن أن تكون أنواع تلك المضايقات لجميع الأطراف؟؟ ما هو علاجها؟؟ أو ما هى أنسب الحلول لأرضاء جميع الأطراف؟؟ ما الأخطاء التى من الممكن أن تقع فيها الأم أثناء تربيتها لأبنها؟؟ و هل يكون من الصعب تدارك أو علاج تلك الأخطاء فى المستقبل؟؟ لقد طرأت على تلك الأسئلة وغيرها، و تذكرت حينها هذه المقوله المنتشرة فى مجتمعنا .... مقولة: :ابن - امه !!! عندما قصت على احدى الصديقات كيف أنه فى صباح احدى الأيام فوجئت بوالدة زوجها تدخل الى بيتهم الخاص (مستغله نسخه من مفتاح البيت أعطوها اياها لأى سبب طارئ) فوجئت و هى مع زوجها فى حجرة نومهما بهذه الأم و معها بعض صديقاتها و قد أخذت تطلعهم على بيت ابنها و حجراته المختلفه .... بل حتى حجرة نومهما حيث كانت ما ذالت مع زوجها فى السرير!!! فألقت و صديقتها عليهم تحيه الصباح و أستمرت فى دورتها مع صديقتها داخل المنزل!!! سألتنى هذه الصديقه عن رأيي بحكم اننى أكبر منها سنا، و عما اذا كانت زوجتى من الممكن أن تفعل ذات الشئ لو كانت فى مكان حماتها؟؟!! و رأيي عما يجب أن تفعله؟ بصراحه لقد أبديت أولا تحفظى الى تلك الصديقه على الخوض فى مثل تلك الأمور الخاصه، بل و نصحتها فى البدايه بعدم اطلاع أى أحد على مثل تلك الأمور من خارج محيط اسرتها الصغيرة، أعنى زوجها بالدرجه الاولى ولو أمكن الأخيرة .... و لكن بحكم الصداقه التى بيننا و مدى الثقه و الأحترام المتبادل بيننا فقد أبديت رأيي الخاص ..... و الأن هل مر بأحدكم ظروف مشابهه؟ و بماذا اقترحتم؟؟ أو ما هى ارائكم و تجاربكم المختلفه حول هذه المسألة؟ ... أن واحدة من آساليب النُظم الديكتاتورية هى : وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء ! رابط هذا التعليق شارك المزيد من خيارات المشاركة
ragab2 بتاريخ: 1 مارس 2004 تقديم بلاغ مشاركة بتاريخ: 1 مارس 2004 شخصية الرجل ابن امه هذه شخصية موجودة فعلا فى المجتمع المصرى وكثيرا مايطلق الابن زوجته ارضاءا لوالدته وقد شاهدت أيضا زوج ابن زوجته فى شخصية الزوج الامعة وكتبت عنها وفيها الزوج الذى يستشير زوجته أمام الناس ويتلقى منها الأوامر علنى مع احترامى لحريم المحاورات مصر أكبر من نظام الحكم الفردى الديكتاتورى الإستبدادى الذى فرضه علينا عسكر حركة يوليو فى الخمسينات وصار نظاما لحكم مصر برنامج الرئيس الإنتخابى لإسكان فقراء الشباب .. سرقه مسؤولون وزارة الإسكان مع المقاولين ..! رابط هذا التعليق شارك المزيد من خيارات المشاركة
فــيــروز بتاريخ: 1 مارس 2004 تقديم بلاغ مشاركة بتاريخ: 1 مارس 2004 (معدل) الحقيقه كنت اتخيل ان شخصية "ابن امه- توجد فى مرحله سنيه معينه لدى الرجال من يتجاوزها يكون بالتاكيد تحرر من اسر سيطرة الام عليه ان وجدت من قبل لكن شاءت الظروف ان اتعامل مع بعض الاشخاص كانوا للاسف ممن ينطبق عليهم هذه الصفه على اختلاف اعمارهم et:( و الحقيقه بسبب ان التعرف عليهم كان ظروف زواج او ارتباط كان من الصعب جدا ان يحدث اى نقاش حول رايى فى هذه العلاقه لان الام لها وضع مقدس جدا لدى الجميع حتى لو راى البعض انها مسيطره او متحكمه .. لذا كنت اوثر الانسحاب بهدوء شديد حتى لا ابدو فى صورة مفسدة العلاقات الحميمه بين الام و الابن ولرايى ان هذا العيب من النوع الدائم الذى يصعب بشده اصلاحه .. لانى انا شخصيا لا يمكن ان اتقبل ان ينتقد اى انسان امى وبالتالى اتوقع المثل مع اى انسان قد يقع تحت سيطرة امه بصوره مبالغ فيها .. فهو لن يتقبل اى انتقاد منى لصورة العلاقه بينه وبينها تم تعديل 1 مارس 2004 بواسطة فــيــروز "أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ" صدق الله العظيم ----------------------------------- قال الصمت: الحقائق الأكيده لا تحتاج إلى البلاغه الحصان العائد بعد مصرع فارسه يقول لنا كل شئ دون أن يقول أى شئ مريد البرغوثى رابط هذا التعليق شارك المزيد من خيارات المشاركة
بنت شعنونة بتاريخ: 2 مارس 2004 تقديم بلاغ مشاركة بتاريخ: 2 مارس 2004 خطيبي الأول كان ابن امه والتاني كان ابن ابوه و الأتنين كانوا مطيييييعييييييييييين جداااااااااا :blink: عشان كدا لما اتنصب الميزان واتحطيت انا في كفة واهلهم في كفة عملت زي فيروز وقلتلهم اهلكم ابقى لكم dct:: ابن امه كانت امه بتتدخل في كللللل حاجا لدرجة انها كانت بتسمع كلللللللل مكالمتنا من السماعة التانية زلما نيجي نخرج كانت تبص على عداد الكيلومتر في العربية ولما نرجع تبص عليه تاني وتسأله رحنا فين ولما يحكيلها خرجنا فين تقوله لالالالالالالالالالالالالا دا عداد العربية عمل كذا كيلومتر يبقى رحتوا فيييين يا بيييييييه f((: عاوزين اكتر من كدا "بنوة!!!!!!!" :) ;) phn: f((: f((: وانا من البلد ديييييييييييي رابط هذا التعليق شارك المزيد من خيارات المشاركة
se_ Elsyed بتاريخ: 3 مارس 2004 تقديم بلاغ مشاركة بتاريخ: 3 مارس 2004 عشان كدا لما اتنصب الميزان واتحطيت انا في كفة واهلهم في كفةعملت زي فيروز وقلتلهم اهلكم ابقى لكم :angry: دي مقارنة ظالمة وغير مقبولة تماماً يا شعنن ، وأي واحده سواء مخطوبة أو متزوجة تلجأ لوضع الإنسان المرتبطه به في الكورنر ده يبقى بتدمر حياتها بدون ان تدري ... فتصوري واحد جه يقولك بصي بقى يا شعنونة إختاري حاجة من إتنين في حياتك يا الميه يا الهوا .... ها هاتختاري أيه ؟ إوعي تقلبيها ضحك وتقوليلي بما إني عايشه في مطروح يبقى " بحب إتنين سوا الميه والهو يا هنايا في حبهم " فالواحد ما يقدرش يستغنى بأي حال من الاحوال عن والديه مهما كان فيهم عيوب الدنيا كلها ... لأن مانفعش أروح أدور على أب وأم تانيين . على العكس تماماً الواحد ممكن يستغنى عن خطيبته وعن زوجته حتى ويتزوج بأخرى في أي وقت ... وسبق ان قولنا بإن فترة الخطوبة بتبان فيها الحاجات اللي زي دي ، فلو وجدتي إن خطيبك مرتبط بوالدته أو والده ولسه ماتفطمش ومافيش أمل منه .. يبقى كل واحد يروح لحاله ..... الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
بنت شعنونة بتاريخ: 9 مارس 2004 تقديم بلاغ مشاركة بتاريخ: 9 مارس 2004 على العكس تماماً الواحد ممكن يستغنى عن خطيبته وعن زوجته حتى ويتزوج بأخرى في أي وقت ... :lol: stnd:: :huh: rs: اهوا علشان الكلمة دي انا رافضة الجواز دا تمااااااااما احنا مش عبيد ولا خدم عشان يتضحى بينا بالسهولة دي؟؟! rs: يعني ايه ترميها وتاخد غيرها؟؟ معلوماتي ان ربنا اوصى بالوالدين احسانا بغييييييييير حاجا "تغضب" ربنا ومش معنى انها مش مرتاحا لمراتك يبقى انك تطلقها؟؟؟؟؟؟؟؟ حتى لو هيا مالهاش حق فيها؟؟؟ :) :o بعدين الرسول امر الزوجة بالطاعة للزوج ومش الزوج بالطاعة العمياء لآمه!!!!! :D :huh: لالالالالالالالالالالالالالا بجد بجد انا اتنرفزت :lol: وانا من البلد ديييييييييييي رابط هذا التعليق شارك المزيد من خيارات المشاركة
se_ Elsyed بتاريخ: 10 مارس 2004 تقديم بلاغ مشاركة بتاريخ: 10 مارس 2004 احنا مش عبيد ولا خدم عشان يتضحى بينا بالسهولة دي؟؟! :huh: يعني ايه ترميها وتاخد غيرها؟؟ معلوماتي ان ربنا اوصى بالوالدين احسانا بغييييييييير حاجا "تغضب" ربنا ومش معنى انها مش مرتاحا لمراتك يبقى انك تطلقها؟؟؟؟؟؟؟؟ عقل الباطل بيقولي : شعنونة من ساعة ما راحت السلوم وهي أتغيرت خالص .. اصبحت عصبية زيادة عن اللزوم وشعنونة زيادة عن اللزوم ... يا ترى يا هل ترى ما هي الأسباب التى أدت لذلك ؟ إذا عرفت السبب إتصل على زيرو 900 أربع ستات أو حاول زيارة موقعنا على الشبكة العنكبوتية www.sha3nona./Salooma.com الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
se_ Elsyed بتاريخ: 10 مارس 2004 تقديم بلاغ مشاركة بتاريخ: 10 مارس 2004 هـــا هديتي شوية يا شنشن ... عايز أسألك بقى .. مين الزوجة العاقلة التى تضع زوجها أما إختيارين لا ثالث لهما .. يا أنا يا والدتك ؟ وأعملي إحصائية كده وشوفي كام حالة طلاق بتحصل لأن الراجل بيفضل فيها أمه عن زوجته .. إنتي عامله زي اللي مش عايزه تتجوز ورافضة الفكرة تماماً .. ليه يا ستي ؟ علشان خايفة من الطلاق .. يا سلام ياختي يا سلام !!!! ده على ده كان كل البنات قعدوا عند اهاليهم ونروح نتجوز فليببينيات بقى حاولي أن تنظري للجانب المشرق يا شعنونة وتتخيلي اليوم اللي هايبقى عندك فيه أربع خمس شعانين صغيرين وعمالين يحدفوكي بالطوب ويقولوا ماما أهي ماما أهي شعنونة اهي شعنونة أهي ... فساعتها هاتعرفي قيمة الزواج وقيمة تكوين الأسرة وهاتنسي كل هذه المخاوف اللي في عقلك الباطن .. مانتي غصبٍ عنك لازم تنسي ، ده كفاية طوبة واحده من شعنون فيهم تجيبلك فقدان مؤقت في الذاكرة .. الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
نيرون بتاريخ: 10 مارس 2004 تقديم بلاغ مشاركة بتاريخ: 10 مارس 2004 يا معلمى الكلام ده طبعا غلط لا استطيع ان اقارن تفاح بمنجه واقول اهو كله فاكهه!!!!!! الله اهلك لا توهلك مش قالولنا كده والا ايه!!! :huh: وبعدين بالعقل كده امى اعرفها بقالى كتير ومراتى يعنى من كام سنه حتى العقل يقول الى اعرفه اكتر احن له اكتر!!!! :o حاجه غريبه قوى يعنى لما الست منهم تخلف واد ويجى يحب مراته ويفضلها عليها هاتقول ساعتها ايوه الواد ده جدع ونصر مراته عليا زى ما كنت نفسى ابوه يعمل... rs: اففففففففف حاجه تعل :) لا كده عاجب ولا كده عاجب صحيح مليتوا البلد rs: العبقريه تنتهى بعود كبريت رابط هذا التعليق شارك المزيد من خيارات المشاركة
se_ Elsyed بتاريخ: 10 مارس 2004 تقديم بلاغ مشاركة بتاريخ: 10 مارس 2004 اهلك لا توهلك مش قالولنا كده والا ايه!!! stnd:: طب انا أعمل أيه دلوقت يا عم حسن أرابيسك ؟ أنا مافمهتش موقفك ( أحمد حلمي ولا عــبود ؟) حدد لو سمحت. يعني إنت معانا ولا مع الناس التانيين ، والشعنونة المسكينة دي نجوزوها ولا نسيبوها كده لمخاوفها الهستيرية ؟ الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
بنت شعنونة بتاريخ: 11 مارس 2004 تقديم بلاغ مشاركة بتاريخ: 11 مارس 2004 لالالالالالالالا انا شكلي ها ادب خناقة بجد في التوبيك دا عاوزة اصحح نقطة بس يا سي السيد اولا انا لما قلت ان الميزان اتنصب مش انا اللي نصبته " انا لسا عندي شوية ذكاء باقيين من ايام الحياة في المدينة قبل ما اروح المنفى " اهله هما اللي نصبوه ليه وقالوله يالله اختار يا احنا يا هيا! <_< وطبعا كان طبيعي لما اسمع منه ان الميزان دا اتنصب اني انسحب من المتش كلللللللللله عشان اطلع بكامتي لآنه النتيجة محسومة مسبقا لكن....... cr((: كلامكم كله اهانة لكرامة الزوجة وبرضة ماحدش رد على كلامي دلوقتي معانا كلامكم انه لو امك قالتلك طل مراتك عشان انا قرفانا منها حتى لو مراتك ما بتعملهاش حاجا ها تطلقها!!!!!!!! تصدق بالله؟ يااااااااااااااارب اشوفكم كلكم تتحولوا لمدة يوووووووم واحد وتبقوا زوجات عشان اشوف القهههههههههههههههرررررررر اللي ها تحسوا بيه واشوف رايكم بعد كدا ايه بقى B) stnd:: bxg:: fty:: fty:: :huh: non:: وانا من البلد ديييييييييييي رابط هذا التعليق شارك المزيد من خيارات المشاركة
Scorpion بتاريخ: 11 مارس 2004 تقديم بلاغ مشاركة بتاريخ: 11 مارس 2004 شانا.. ليه الأم الحنون ممكن تتحول لحماة كريهة... ببساطة لأنها جواها حاسة بأن أبنها هو ملكها.. هي اللي عملته (بمعني الكلمة) .. هي اللي ربيته و أستحملت عياه و غلاسته ... ذاكرتله و ووديته و جابته من المدرسه.. أشتغلتله خدامة من ساعة ما تولد... حموم و تغيير...سهر و رضاعة.. عيا و أدوية... و دلوقتي لما كبر و حيتجوز.. تيجي واحدة غريبة و تاخده مني كده بكل بساطة و بجاحة.... في اللحظة دي تبان حكمة المرأة... لأن الموضوع ببساطة الراجل ليه فيه دوره ثانوي... الموضوع موضوع مرأة ضد مرأة.. موضوع حكمة و فطنة و ذكاء بين أتنين... حكمة الأم و عدم أنانيتها في التمسك بأبنها حتي آخر لحظة مقتنعة بأن دورها قد أنتهي كأم مسيطرة .. و أبتدأ دور أمرأة أخري في حياة أبنها بدون أن تحاول السيطرة علي هذه الحياة... و ذكاء الزوجة و فطنتها في عدم إشعار حماتها بعدم أهميتها في حياتهما معآ... الزواج الناجح هو حين تكسب الأم زوجة أبنها كأبنة لها.. و ليس من تخسر أبنها بالفعل حين تضعه في وضع المقارنة لأنه حتي و لو أختار أمه فالجرح سيكون من نصيبه أيضآ... فالخاسر أو الفائز من نتيجة هذا الصراع سيكون هو الرجل فقط... و قديما كتبوا في الكتب المقدسه هذه العبارة : "لذلك يترك الرجل اباه وأمه ويلتصق بإمرأته ويكونا جسدا واحدا". و التي أؤمن بها أيمانآ كاملآ و وجودي هنا بأيطاليا هو الدليل الحي علي ذلك... حمدلله عالسلامة كل اللي حيلتي زمزمية أمل... و إزاي تكفيني لباب القبر "صلاح جاهين" رابط هذا التعليق شارك المزيد من خيارات المشاركة
بنت شعنونة بتاريخ: 11 مارس 2004 تقديم بلاغ مشاركة بتاريخ: 11 مارس 2004 اهو انا بقى ناوية اطلع العقد بتاعتي على اول زوجة لآخواتي لالالالالالالالالالالالالالالالالازززززززززززززم ابقى حماة مفترية وقوييييييييييية fty:: امال اطلع عقدي على مييييييييييييييييين B) stnd:: حمدلله عالسلامة قصدك مع السلامة الأجاااااااااااازة خلالالالالالالالالالالالاص فنيتو bxg:: fty:: وراجعين للهم تاني <_< وانا من البلد ديييييييييييي رابط هذا التعليق شارك المزيد من خيارات المشاركة
Scorpion بتاريخ: 12 مارس 2004 تقديم بلاغ مشاركة بتاريخ: 12 مارس 2004 (معدل) هي لحقت تبتدي يا شانا.. ده ايه الهم ده... قلبي معاكي بجد... معلهش... ما هي بلد مافيهاش حاجة صح ... :) ترجعيلنا بالسلامة..... تم تعديل 12 مارس 2004 بواسطة Scorpion كل اللي حيلتي زمزمية أمل... و إزاي تكفيني لباب القبر "صلاح جاهين" رابط هذا التعليق شارك المزيد من خيارات المشاركة
White heart بتاريخ: 16 مارس 2004 كاتب الموضوع تقديم بلاغ مشاركة بتاريخ: 16 مارس 2004 ragab2 كتب: شاهدت أيضا زوج ابن زوجته فى شخصية الزوج الامعة وكتبت عنها وفيها الزوج الذى يستشير زوجته أمام الناس ويتلقى منها الأوامر علنى مع احترامى لحريم المحاورات فعلا و كان فى هذا الموضوع: الزوجة المكافحة والزوج الاتكالى على اننى أعتقد ان مشكلة موضوعنا هذا تكمن فى اسلوب تنشئه الأم لابنها، بصراحه اذا وجد هذا النوع من الرجال، فهو نتيجه مباشرة "لخلل" فى اسلوب التنشئة الذى اتبعته الأم منذ طفوله ابنها، و كبر على هذا الخلل، حتى استفحل، و يتسبب فى كل هذه المشاكل فى حياته الأسريه، و أعتقد انه الوحيد الخاسر فى النهاية..... ... أن واحدة من آساليب النُظم الديكتاتورية هى : وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء ! رابط هذا التعليق شارك المزيد من خيارات المشاركة
Lighthouse بتاريخ: 15 أبريل 2004 تقديم بلاغ مشاركة بتاريخ: 15 أبريل 2004 المشكلة تكمن في اعتقاد البعض من قليلات الوعي انها على شفا معركة ويجب ان تكسب فيها ... وتنسي ان هناك فرق شاسع بين علاقتها بزوجها وعلاقة أمه وإخوته به ... العلاقة الزوجية مختلفة تماما ولاسبيل للمقارنة بينها وبين نوعيات اخري من العلاقات الانسانية كعلاقة الزوج بوالدية وعلاقته بإخوته أو حتى بأصدقاءه ... ومن يحب شخص ويحترمه يحب كل من له صلة به وغلطة الكثيرات تكمن في انها تريد الاستئثار بقلب زوجها ومحو الجميع منه حتى امه واهله كلهم وهذا خطأ جسيم تقع فيه الكثيرات فالزوجة الذكية هي من تدخل لقلب زوجها عن طريق علاقتها الرشيقة بأهله فتكسب حبهم لها وبالتالي ينعكس حبهم هذا على علاقتها بزوجها حيث يشكر فيها الجميع امامه فينفتح قلبه أكثر لحبها اما من تقارن علاقتها بزوجها وتضعها على المحك بعلاقته بأمه وإخوته فهي بلا شك ستكون الخاسرة لانه لو لاسمح الله كان عاقا لوالديه وقطع رحمه من اجلها فلاتفرح لان من لاخير فيه لاهله لن يكون فيه الخير لها بل سيظلمها إن عاجلا أو آجلا وإن كان بارا بوالديه وباقي اسرته فسيقف كلامها في حلقه وستدق هي بنفسها اول مسمار في نعش علاقتها به والكثيرات ايضا ينسين انهن سيصبحن حموات يوما ما فلا تقدم كل زوجة لحماتها ( أمها الثانية ) مايعينها هي في المستقبل عندما تكون حماة ... والمؤلم ان بعض الامهات لايقمن بتوعية بناتهن لمعاملة الحماة معاملة عطوفة بل يعتبرنها معركة يجب ان يكسبن فيها الزوج لجانب اسرة الزوجة مٌر الكلام زي الحسام يقطع مكان ما يمر اما المديح سهل ومريح يخدع صحيح ويغٌر والكلمة دين من غير إيدين بس الوفا ع الحر رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان