كوكو كو كوومبيوتر!

[Sherief AbdelWahab]

تعالوا نحكي عن وقائع تعاملنا فيها مع أجهزة كمبيوتر سيئة ..بطيييييييييييئة..مملللللة..جابت لنا الشللللللل!

خلص الكلام

[White heart]

تعالوا نحكي عن وقائع تعاملنا فيها مع أجهزة كمبيوتر سيئة ..

شوف يا عزيزى شريف .... انا حبيت أحكى عن احدى الوقائع اللى تعاملت فيها مع احدى أجهزتى .... بس الحمدلله الجهاز مش سئ بالمرة ... و الدليل اهه:

[ragab2]

على فكرة

انت فنان ياصاحب القلب الأبيض

كيف تستطيع كتابة الاسم وعمل هذه الأشكال

[White heart]

ragab2 كتب:

على فكرة

انت فنان ياصاحب القلب الأبيض

يا عزيزى العفو .... دى شهادة أعتز بيها قوى....

بس الفنان صحيح هو اللى كتب و بيكتب كلام جميل زى اللى موجود فى الكتاب دة:

كيف تستطيع كتابة الاسم وعمل هذه الأشكال

المسألة بسيطة خالص .... أنا ما بعملش حاجة، الكمبيوتر هو اللى بيعمل!

بينى و بينك أهم حاجة فى المسائل اللى زى دى هو الوقت و الصبر اللى ما لوش حدود!!

فى الحقيقه يا عزيزى شريف ... هو فيه بعض المرات الى صادفتنى فيها بعض المواقف المحبطه فى بدايه تعاملى مع بعض البرامج ... يعنى أذكر فى احدى المرات منذ عدة سنوات كنت قد قررت عمل تصميم للتعديلات المطلوب تنفيذها بمنزلى على احدى أجهزة الكمبيوتر و حفظه فى "هارد ديسك" ثانوى، و أستعنت فى سبيل تحقيق هذا الهدف ببرنامجين مختلفين أحدهم يدعى Intérieur 3D، و الأخر يدعى Arcon architecture visuelle ..... و كان بصراحه مشروع فى غاية الصعوبه، خاصه التعامل مع البرنامج الثانى حيث انه أكثر تخصصا عن الأول والذى قررت أن أنهى المشروع عليه أولا ومن ثم اعادة تنفيذه على البرنامج الأول، على أن افاضل فيما بينهم بعد انتهاء المشروع تماما!!، و قد بذلت مجهودا شاق ... حيث يتعين عليك أولا ادخال المقاسات كاملة للمنزل .... من مساحة كليه، أطوال، أرتفاعات، أبواب، نوافذ، أسقف، ..... كل شئ حتى تحصل فقط على نموذج مجسم ثلاثى الأبعاد، يمكن تحريكه بل و التجول داخلة من أى زاويه، و من ثم تبدأ بالأستعانه بمكتبه ضخمه من كل ما يخطر على البال كلوازم للمنزل ... دهانات بألوانها المختلفه، أرضيات، اضائة، موبيليا، مفروشات، عناصر ديكور، حمامات كاملة، مطابخ، أجهزة سمعيه و بصرية، ألعاب، الحديقه بلوازمها كاملة ..... الخ ... الخ ... الخ...... لقد كنت قد بدأت فى تنفيذ النموذج المجسم الأول فى اليوم الأول (حوالى 3 ساعات) ، ثم قمت بحفظ مشروعى على أن أستكمله فى اليوم التالى أو فى المرة القادمة، و بالفعل فى المرة التاليه كنت قد انتهيت من "القبو" و الحديقة والملحق (حوالى 5 ساعات) .... و فى المرة الثالثه كنت قد أنتهيت من بعض حجرات الدور الأرضى (حوالى 5 ساعات منصلة أيضا) و فى المرة الرابعة أنهيت الدور الأرضى تماما مع سلالم الدور الأول (حوالى ساعات 4)، و لما أردت فى المرة الخامسة تكملة هذا المشروع، اكتشفت المفاجئة السارة!! :blink: ، لقد توفى الهارد ديسك بكل ما عليه!! dct::

فعلا ... هذا هو ما حدث، بس عادى بدأت المشروع من جديد، و كانت لهذه الحادثه الفضل انى تعلمت أنى أحفظ كل شئ على اسطوانات RW ... بجانب حفظها على الهارد، و من ثم عمل أكثر من نسخة من المشروع النهائى!!! ....

[ragab2]

شكرا

ياعم هوايت على كلامك الرقيق

وهديتك الجميلة التى أعتز بها

وسأقوم بتصغيرها وأعمل منها ميدلية ووسام على صدرى

تحياتى

[Sherief AbdelWahab]

عشت لنا يا وايت..الواحد مش عارف يودي جمايلك دي فين :angry:

ح أحكيلكم شوية على أجهزة غريبة الشكل..

-في أحد السايبرات ابتليت بجهاز عجيب..الماوس فيه بيتحرك لوحده لحد ما فقعني..أحد أصدقائي الخبثاء خوفني و قال لي إن الجهاز فيه برنامج هاك!

-دة جهاز هايل مقارنة باللي جاي دة..في مكتب اشتغلت فيه لبعض الوقت البيك صاحب المكتب جايب جهاز بنتيوم 1 عشان أكتب عليه..ما جابوش ليه بنتيوم صفر ليه؟

تكتب الحرف من دول تستنى ربع ساعة لحد ما يظهر..و الجهاز الجميل لا سمح الله بياكل الحروف أكل!..يعني تكتب الكلمة من دول ناقصة حرف و لا اتنين و لا تلاتة..دة العادي بتاعه!

-من أسوأ مركبات الجهاز السيء هو الكيبورد..أذكر كيبورد مفاتيحه تقيلة الواحد بيجيب عصاية عشان يضغط زرار..انت طبعا و بختك!

لو شفت الأجهزة دي تاني ح أنسفها! :angry:

خلص الكلام

[فــيــروز]