اه يانى هنلاعب الجزائر تانى ( الدور قبل النهائى )

[fatfouta]

النهائي امتي ياجماعه

النهائى بكرة مع تونس

دعواتكم

[ozoozo]

تخيلوا ياجماعه ان اللي فاز بالبطوله من 1974 لغايه دلوقتي هي مصر وتونس والجزاير

تاريخ اليطوله من ويكيبديا

http://ar.wikipedia.org/wiki/%D9%83%D8%A3%...%AC%D8%A7%D9%84

[qenawy]

كل الشكر لكوفي كودجا

الحمد لله

كانوا هيشمتوا جامد جدا لو اتغلبنا

[engmido]

ماهو برده اتحاد الافريقى لكرة اليد غلطان

عين كوى كودجا فى مباراة يد...ههههههههههههه

[se_ Elsyed]

الف مبروك لمصر

المباراة كانت في منتهى القوة

والجزائر أدوا مباراة محترمة

وعلى فكره

شكلهم من طينة تانيه غير طينة حليش وشاوشي ونذير بلحاج

فبكل روح رياضية تبادلوا التهنئة مع لاعبي مصر بعض المباراة وكانت تسود روح الود والمرح بالرغم من هزيمتهم

الجمهور المصري شيء خيالي

بالمناسبة

نحن اصحاب الرقم القياسي العالمي في حضور الجمهور وننافس انفسنا فقط

فكون مباراة لكرة اليد يحضرها 40 الف .. فهذا لا يحدث حتى في الدول المجنونة بهذه اللعبه زي فرنسا والمانيا واسبانيا

وبجد كان حرام يرجعوا زعلانين

من الان أقول الف مبروك صعود مصر وتونس لبطولة العالم لكرة اليد .. حيث ان الاول والثاني يتأهلان تلقائياً ويظل هناك مكان لصاح المركز الثالث

ومتأكد من أن الجزائر هاتحسق الكونغو بكره عشان يبقى في 3 فرق عربية في بطولة العالم

الفوز حلو والفرحه احلى

مبروك مره أخرى لمصر

ووشك حلو يا برادعي :rolleyes:

[elrasy]

الف مبروك لمصر

كان ماتش عصيب اوى والجزائريين ادوا مبارة عالية اوى

وفعلا الجماهير كانت رائعة

بس انا كان مضايقنى اوى تطبيل مذيع نايل سبورت لعلاء مبارك وطبعا تطبيل كل الاخوة اللى حوالين علاء ( كل جول يجى يباركولة اكنة هوة اللى جابة)

[ايهاب سالم]

الجمهور المصري شيء خيالي

فعلا الجمهور المصري شئ خيالي

الجمهور الوحيد اللي مبيشجعش فرقته و هي متأخره

صوت الجمهور مكانش بيطلع غير لما نتعادل و بعد ما إتقدمنا

[سهران]

اسمعوا نسمه تي في

برضوا احنا رشينا الحكم

أيوة .... جريدة الشروق بتلمح أن الحكم ظلمهم في تعليقهم على نتيجة الماتش .....

حاجة غريبة فعلا الواحد مش قادر يفهمها ..

المهم مبروك لمصر و ليلة سعيدة أن شاء الله .

[ramyfathalla]

مبروك لمصر و عقبال الكاس للمرة الثالثة ان شاء الله

[fatfouta]

حد يعرف المباراة الساعة كام؟؟؟

[عاشق الترحال]

مبروك لمصر

بس الحق يتقال برضه الجزائر لعبت ماتش كويس

[Simba]

الحكم يمنح تأشيرة النهائي للمصريين

انهزم المنتخب الوطني لكرة اليد ذكور أمام نظيره المصري بنتيجة (26/24) في المباراة التي جمعتهما، أمس، بالقاعة الكبرى للقاهرة، برسم الدور نصف النهائي لبطولة أمم إفريقيا المقامة حاليا بمصر، لينشط اليوم المنتخب المصري المباراة النهائية لهذه الدورة أمام تونس، في حين يلعب ''الخضر'' المباراة الترتيبية أمام منتخب الكونغو الديمقراطية من أجل المرتبة الثالثة المؤهلة للمونديال.

أسال المنتخب الجزائري العرق البارد للمنتخب المصري الذي كان مدعما أمس بأكثر من 30 ألف متفرج قدموا إلى القاعة الكبرى للقاهرة من أجل رؤية منتخب بلادهم يتأهل بسهولة أمام الغريم الجزائر، لكن رفاق الحارس مالك قلبوا كل التوقعات، حيث لعبوا أحسن مباراة لهم منذ انطلاق الدورة، ولعبوا 57 دقيقة بطريقة أدخلت الشك في نفوس المصريين الذين انقطعت أهازيجهم لاسيما في المرحلة الأولى التي أنهاها أشبال المدرب بوشكريو لصالحهم بنتيجة (13/11).

المرحلة الثانية من المباراة وبالرغم من البداية الحسنة للجزائريين، إلا أن التحكيم الروماني الذي أدار المقابلة أراد غير ذلك، بقراراته غير الصائبة التي سمحت للمنتخب المصري من العودة في النتيجة وإنهاء المقابلة لفائدته بفارق هدفين فقط.

ومهما قيل عن هذه المقابلة، فإن الأكيد أن المنتخب الجزائري لقن أمس درسا للمنتخب المصري في الرجولة لن ينساه، لاسيما وأن رفاق سلاحجي لعبوا دون عقدة رغم أن القاعة كانت مكتظة عن آخرها من المناصرين المصريين وفي مقدمتهم ابن الرئيس المصري، علاء مبارك الذي كاد أن يخرج من القاعة في فترات عديدة من المباراة بسبب قوة المنتخب الجزائري الذي يكفيه فخرا الصمود طيلة الـ57 دقيقة التي أدارها الحكم بنوع من النزاهة

جريدة الخبر

[msayed]

والله الحكم يشكر إنه أدار المباراة 57 دقيقة بنزاهة وإنهارت مقاومته وضميره مات آخر ثلاث دقائق، ده راجل ماعدش موجود زيه فى الزمن ده، ده أتخنها حكم بيقع أول دقيقتين :).

الناس دى أحياناً لما أقرأ صحفهم أو أشوف تعليقهم على المباريات بأبقى متأكد إنهم بيتفرجوا على ماتشات غير إللى إحنا بنشوفها.

[fatfouta]

والله الحكم يشكر إنه أدار المباراة 57 دقيقة بنزاهة وإنهارت مقاومته وضميره مات آخر ثلاث دقائق، ده راجل ماعدش موجود زيه فى الزمن ده، ده أتخنها حكم بيقع أول دقيقتين :lol:.

الناس دى أحياناً لما أقرأ صحفهم أو أشوف تعليقهم على المباريات بأبقى متأكد إنهم بيتفرجوا على ماتشات غير إللى إحنا بنشوفها.

ولا يهمكوا منهم هما هيتجننوا عشان فعلا لعبوا كويس لكن ماكسبوش......فى الاخر كله توفيق من عند ربنا

وبالعكس بقى من خبرتى القليلة بكرة اليد كنت بقول ان الحكم مش عادل فى بعض الاحيان ومكانش بيحسب عليهم ايقافات كتير

المهم بقى فى مباراة النهاردة .........تونس فريق مش سهل وبرررررررضو عنده حساسية ضد مصر........ لان مصر دايما هى المنافس ليهم فى كرة اليد بالذات

ربنا معانا ياااارب .....بس لو لعبنا بمستوى ماتش امبارح يبقى مش هنعرف نعمل حاجة

الله الموفق......ودعواتكم بقى

[engmido]

والله ماانا عرف الحكم كان متحامل على مين؟؟؟

ده يكفيه فقط اسبعاد حسين زكى اخر دقيقتين ظلم كانت كفيلة بانهاء المباراة

[miramikhail]

الف مبروك لمنتخبنا و يارب يغلبوا تونس كمان و أن كان فريق توس قوى على حسب ما سمعت لأنى بتبع مباريات منتخابنا بس

[MZohairy]

اللي بيعرف فرنساوي و يتفرج على قناة نسمه يجيله شلل

الأربيتر كان كاتاستروفيييك

يعني الحكم كان كارثي

شوفتوا العرب لما يتغلبوا بيلاقوا شماعات بسرعه ازاي؟؟؟؟؟؟؟

[شرف الدين]

مبروك للأشقاء في تونس

[engmido]

طبعا الف مبروك لتونس

كانت تستحق الفوز

لما فريق يلاعب فريق نصه مطرود ومرتين وميعرفش يجيب فيه اجوان وايه يخش فيه اجوان

يبقى اكيد ما يستحقش الفوز

[Simba]

اللي بيعرف فرنساوي و يتفرج على قناة نسمه يجيله شلل

الأربيتر كان كاتاستروفيييك

يعني الحكم كان كارثي

شوفتوا العرب لما يتغلبوا بيلاقوا شماعات بسرعه ازاي؟؟؟؟؟؟؟

الشوط الاول شوفته علي مودرن

وعلشان اخلي الماتش بالبهارات بتاعته شفت الشوط التاني علي نسمة

اللي يسمع الملعقين الاتنين كانهم كانوا بيعلبوا مع اسرائيل