بقرار بوتفليقه

[ozoozo]

تخيلو المهانه اللي كنا فيها المشجعين بتوعنا رجعو مصر لابسين اعلام الجزاير

انا رايي نبعت شويه رجاله (انشالله نلم الصعايده بتوع المعمار اللي في الشوارع)

وندي كل واحد الف جنيه

والله كسبنا نروح ضربين المشجعين الجزائريين ونرجعهم لابسين اعلام مصر

اما بقي لو خسرنا فبرضوا نضربهم بس -عشان العدل من غير مانموتهم يعني-ونرجعهم لابسين علم مصر

بعد كده تطلع الحكومه المصريه وتتنصل من اعمال القله المندسه من المشحعين المصريين ونطالب بعوده العلاقات لما كانت عليه ونبوس علي راسهم ويادار مادخلك شر

[عاشق الترحال]

أنا في رأيي أن وراء ما حدث في أم درمان أيادي خبيثه وها هي الآن تحاول النفخ في النار مره أخرى .

وسمعت شوبير من يومين بيقول في برنامج الكوره مع شوبير لو كانت فيه خلافات بين سمير زاهر و روراوة فيحلوها بعيد عننا ويسيبوا الجماهير المصريه والجزائريه بعيد عن الخلافات دي .

ومن رأيي أن الفيفا و اتحاد الكوره الأفريقي لو عاوزين الموضوع يعدي على خير

يبقى المباره تتلعب بدون جمهور حقناَ للدماء . أما لو كانوا عاوزينها جنازه ويشبعوا فيها لطم فهما عارفين هيعملوا أيه كويس .

الموضوع لو تكرر هتبقى مصيبه النار اللي مصدقنا انها بدأت تهدي هتشتعل من جديد والمره دي مش هتعدي على خير وربنا يستر .

يعني الموضوع عاوز حكمه وتعقل من الطرفين ومنع المشاغبين والمتعصبين من التواجد في هذه ااجواء المشتعله من تلقاء نفسها .

احنا ممكن نبعت ناس تاكل الزلط وعندنا رجاله تخلص الحوارات دي بس وبعدين مش يبقى أحسن لنا ولهم أن الموضوع ميخرجش عن

كونه مباراة كرة قدم . مش حرب !!

صدقوني مهما تواجد الأمن الأنجولي فلن يستطيع أن يمنع المهازل والشغب وإفتكروا أن السودان كانت مجهزه 15000 فرد أمن

للحراسه وبالرغم من ده حصل اللي حصل !!

ومتنسوش اللي حصل لمنتخب توجو في بداية المنافسات , هل ممكن يتكرر مثل هذا لأحد من الجمهور أو اللاعبين ؟؟؟.

الموضوع المره دي أكبر من ام درمان .

مجرد وجهة نظر وأتمنى أن تكون خاطئه .

و يارب مصر تفوز بالمباراه والموضوع يعدي على خير وسلام للمصريين والجزائريين ونتفرج على كوره مش على حرب .

تحياتي :closedeyes:

[السويفي]

السلام عليكم:

من الواضح ان حكومه البلدين تعلموا من الدرس السابق ......ولن تقوم اي دوله بأرسال اي مشجعين

كما ان الاتحاد الافريقي وانجولا سيمنعون حدوث ذلك حتي لا تتكرر افلام المباراه السابقه

دعونا نستمتع بمباراه بين شقيقين عربيين اسلاميين

[mamdowh]

روراوه مختفى كالعاده علشان ما يقولوش عليه هو السبب لكن هو مختفى عشان بيدبر لمكيده اخرى وسوف تثبت الايام صدق كلامى

[engmido]

يقول الله تعالى

وخذوا حذركم

بس ...يبقى ناخد حذرنا ونيعت شوية رجال امن فى زى مدنى وبفلنات واعلام مصر....وعااااااادى

والله كسبنا وعدت على خير شكرا او حتى لا قدر الله اتغلبنا

قلوا ادبهم ...يبقى الرجالة تدخل...ويربوهم

**************

واعتقد ان المقال ده هجص لان الشروق دى اكبر هجاصة ......والسلطات الانجولية ما اعتقدش هتدى كل التاشيرات دى

خاصة انها شافت اللى حصل فى السودان ..ده غير البلطجية اللى عندها.......قوم تجيب لنفسها بلا ازرق من بره

[Amr Radwan]

كعادة جريدة الشروق الجزائرية .. جريدة غير محترمة بالمرة .. قرأت الخبر و اسعدني جدا ان اكبر نسبة من الردود كانت من المصريين و ان معظم الردود المصريه ردود موزونة و عاقلة و تدعوا الي التسامح و تحكيم العقل .. و لكن للاسف تبقي هذه الجريدة هي المحرك الاساسي للفتنة بين الشعبين المصري و الجزائري ..

انا لا اخفي عليكم اني في قمة الغضب من الجماهير و الساسة الجزائريين و ايضا من الساسة المصريين علي سوء تصرفهم مع هذه الازمة و التي تفاقمت بدون اي داعي و بتحريض من اعلاميين مصريين "مهوسين و متهورين" و كذالك من جريدة صفراااااااااااااااء جزائرية .

المهم ما نعملش نفس اخطاء المرتين اللي فاتم و يطلعوا ناصحين شوية في التعامل مع الازمة اللي بدأت شرارتها تكبر .. ربنا يستر

[جبار سينج]

انا من راى ان مصر ترسل كوماندذ حوالى 100 وتلبسهم مشجعيين فقط

علشان تدافع عن المشجعيين المصريين اللى هناك

وسواء فزنا او انهزمنا لازم نرد اعتبارنا وحيكون احنا اقل منهم عدد بس احنا عندنا كوماندذ

[جبار سينج]

عززت السلطات الأنجولية تدابيرها الأمنية في مدينة بنجيلا عقب فوز المنتخب المصري على نظيره الكاميروني 3/1 مساء أمس الاثنين في دور الثمانية من بطولة كأس الأمم الأفريقية بأنجولا وتأهله إلى المربع الذهبي حيث سيلتقي مع نظيره الجزائري بعد غد الخميس.

وعقد مسئولو الأمن الأنجولي اجتماعا مع مسئولي بعثة المنتخب المصري في بنجيلا وفي مقدمتهم السفير أحمد طه نائب مساعد وزير الخارجية المصري وأوضح الجانب الأنجولي خلاله أن حكومة بلاده حريصة على أن يخرج اللقاء المصري ­ الجزائري في إطار آمن مؤكدين أن السلطات الأمنية الأنجولية ستبذل قصارى جهدها لتأمين البعثة المصرية .

كما وعد مسئولو الأمن في بنجيلا بزيادة التواجد الأمني حول الفندق الذي يقيم فيه المنتخب المصري حتى يمر اللقاء المرتقب بسلام.

[msayed]

انا من راى ان مصر ترسل كوماندذ حوالى 100 وتلبسهم مشجعيين فقط

علشان تدافع عن المشجعيين المصريين اللى هناك

وسواء فزنا او انهزمنا لازم نرد اعتبارنا وحيكون احنا اقل منهم عدد بس احنا عندنا كوماندذ

كفاية إن يكون فيه ناس تقدر تدافع عن جمهور مصر وتحسس اللاعبين بالأمان فى الملعب ويستحسن إن الناس دى تبقى معروف وجودها من قبل الماتش ولو بطريقة مش رسمية علشان يبقى لوجودها فايدة.

[om marawan]

لا يا فندم احنا مش هنبعت المية لا احنا هنحاول نبعتهم

إلا أنه لفت إلى أن هذا الأمر قد يكون صعبا في ظل ضيق الوقت وصعوبة استخراج التأشيرات لدخول أنجولا.

والله ما يروحوا احسن بدل ما يرجعوا يعيطوا وخلاص

وده يدينا فكرة ان خبر نقل ال 5000 مشجع الجزائرى هو مجرد فرقعة وتلفيق اعلامي ماهو مش معقول انجولا فاتحاها تكية هم أصلا لسه مافاقوش من الناس اللى اتقتلت عندهم

[tantrum]

انا مش مصدق اللى شفته و سمعته فى برنامج خالد الغندور مع حسام حسن

مدح فى فريق الجزائر و لاعبيه !! :blink:

و أغنية الحلم العربى على خلفية مقاطع وصور جزائرية مصرية !! :)

و كلام سمير زاهر أن لقاء الخميس لقاء بين أشقاء !! :lol:

الحمد لله الناس ربنا هداها !!

[skyed]

كوت ديفوار: نريد لقاء مصر لرد اعتبارنا .. الكاميرون: نريد الثأر من مصر .. الجزائر: سنرسل الطائرات بالمشجعين في مباراة مصر .. ايه يا جدعان هو مفيش غيرنا في القارة ولا ايه؟

ههههههههه

مسمار جحا ..مصراوي

[مصري أصيل]

انا مش مصدق اللى شفته و سمعته فى برنامج خالد الغندور مع حسام حسن

مدح فى فريق الجزائر و لاعبيه !! :)

و أغنية الحلم العربى على خلفية مقاطع وصور جزائرية مصرية !! :lol:

و كلام سمير زاهر أن لقاء الخميس لقاء بين أشقاء !!

الحمد لله الناس ربنا هداها !!

طيب الناس في مصر الحمد لله ربنا هداها و عقبال ما يهدي الناس اللي في الجزائر

أقرء حضرتك المقال ده عشان تعرف تعليقهم ايه علي تهاني الإعلام المصري و فرحته بأداء الجزائر الرائع

ده بس عشان تعرف السواد اللي في قلوب الناس دي و للأسف سواد من نحية مصر بس .... يعني الجزائر إتأهلت للدور قبل النهائي و لو كانت الكاميرون فازت ما كانوش فكروا يبعتوا مشجع واحد بس لأن مصر و اللي هيه الكلكيعه اللي واقفه في زورهم هي اللي وصلت يبقي لازم نبدء نشحن الناس و نعيد مأساة السودان مره تانيه . بس علي الله المره دي يبقي فيه تسجيل للي هيحصل عشان الناس اللي لسه مش مصدقه تصدق المره دي لأن لو كل الناس رجعت تقول إنهم ضربونا و أهانونا الناس برضه مش هتصدق .

صدقني الجزائر ما يهمهاش كاس أفريقيا و لا حتي كاس العالم و لا يهمها المكسب بأي حال من الأحوال المهم إن مصر ما تكسبش بجد سوااااااااااااااااااااااااااااااااااد

[ozoozo]

الكلام ده من احد اصدقائي بالحزب الوطني

الى الجماهير المصرية التى تريد الذهاب لمساندة منتخبنا فى انجولا يوم الخميس فى مبارتنا مع الجزائر : كل اللي معاه باسبور يروح بكرة الصبح علي مقر أمانة الحزب الوطنى فى ميدان عابدين يديهولهم و يسجل أسمه , الباب مفتوح و بالمجان امام كل شباب مصر , وليس اعضاء الحزب فقط الكلام خلاص اصبح اكيد وبالمجان يعني مفيش حد له حجة و ال...لى محتاج تصريح سفر من الجيش, ممكنن بعد كدة يروح التجنيد يجيبه بالبطاقة الشخصية , مش لازم الجواز

لكني لا اعرف تحديدا مدي صحته

[Simba]

انا فعلا فعلا

مش بحب الكورة

[جبار سينج]

مش حطول عليكم خالص بس حقول اللى سمعته

قالك فى قناة الحياة فى برنامج " الحياة اليوم " من واحد اسمه ايهاب موافى صحفى من المصرى اليوم من انجولا

بيقول ان البعثة الجزائرية أكبر من البعثة المصرية وانها وصلت اليوم لمدينة بنجيلا لكن بعد طلب وزارة الداخلية الانجولية منهم

الاقامة بعيد عن البعثة المصرية منعاً لحدوث اى مشاكل بين البعثة المصرية والبعثة الجزائرية سواء صحفيين او جماهير او لاعيبة

وانوا متوقع وصول 5000 مشجع جزائرى يوم الخميس وسوف يحضرون المباراة

عاوز اعرف فين بهاواتنا اصحاب المبادرات والبتنجانات

اجدع حاجة نعملها اننا نقعد نرغى من غير ما نعمل اى حاجة

[جبار سينج]

[mamdowh]

يا جماعة حد يشوف روراوه فين وايه اخباره هو ده راس الأفعى شوفوه بيدبر ايه

[se_ Elsyed]

يا جماعة العملية مش ناقصة تسخين

فرق كبير قوي بين

1- ما يحدث خارج المستطيل الأخضر ... فهو حديث الرجال ... والراجل هو اللي يعرف ياخد حقه بإيده ... إنما لما يعيط ويقول ضربوني ويعيش في دور توتو نواعم ... يبقى يروح يلبس طرحه ويقعد في الفسحه أحسن له ...

فإذا كنت عارف إن اللي رايحين يشجعوا مجرمين ومانتاش قدهم يبقى ما تروحش وأقعد شجع مع اللي مالهمش فيها

2- ما يحدث داخل المستطيل الأخضر ... و أقولها بأمانة إننا في مباراة أم درمان كنا في منتهى السوء ولا أتذكر هجمة واحده منظمة لنا ... وهم كذلك بالمناسبة ... يبقى خلاص اللي يكسب هو اللي استغل الفرصة ... ستروبيا بقى ولا مش ستروبيا هي كرة القدم كده .. كرة تصطدم في العارضة فتُدخل المرمى ويفوز الفريق ... ونفس الكرة تصطدم في العارضة فتخرج اوت وينهزم الفريق الأفضل حتى لو كان كذلك

فريقنا مازال أفضل بكثير تكتيكياً وخبرة .. وإذا تم أعداده نفسياً جيداً ... يبقى هانكسب بمنتهى السهولة ...

هانقعد بقى نتكلم عن طائرات حربية وسنج ومطاوي ... الكلام ده لا يودي ولا يجيب ولا يؤثر على نتيجة المباراة

حتى لو مشجعيهم وصلوا مليون مش 5000 .. أمام 5 مشجعين منا

والدليل على كلامي

هل لو كنا لاقينا أنجولا صاحبة الأرض ... هل كنا هانقول مشجعيهم 40 الف واحنا 150 ؟

وبعدين ما هو في 98 لعبنا امام بروكينا فاسو وهزمناهم وسط جماهيرهم ...... ثم في النهائي امام جنوب أقريقيا وفزنا بالكأس

هانروح بعيد ليه

الاهلي والأسماعيلي بالذات طايحين في الفرق التونسية والجزائرية وبيهزموهم في معاقلهم وبسكور عالي كمان ...

مرة أخرى نقولها ... الكبير ما بيخافش واللي بيخاف يروح

[se_ Elsyed]

الكلام ده من احد اصدقائي بالحزب الوطني

الى الجماهير المصرية التى تريد الذهاب لمساندة منتخبنا فى انجولا يوم الخميس فى مبارتنا مع الجزائر : كل اللي معاه باسبور يروح بكرة الصبح علي مقر أمانة الحزب الوطنى فى ميدان عابدين يديهولهم و يسجل أسمه , الباب مفتوح و بالمجان امام كل شباب مصر , وليس اعضاء الحزب فقط الكلام خلاص اصبح اكيد وبالمجان يعني مفيش حد له حجة و ال...لى محتاج تصريح سفر من الجيش, ممكنن بعد كدة يروح التجنيد يجيبه بالبطاقة الشخصية , مش لازم الجواز

لكني لا اعرف تحديدا مدي صحته

كل ده في الكليتشه

انجولا من أصعب الدول الأفريقية في منح التأشيرات للأجانب والعملية مش سهلة بالمنظر ده

وأشك حتى أن الجزائر أتوافق لها على 5000 مشجع