عايزة موقع لنطق الانجليزى

[ذهبية]

السلام عليكم و رحمة الله و بركاتة

كنت محتاجة موقع لنطق اللغة الانجليزية يعنى الكلمات الجديدة عليا اعرف نطقها ازاى بطريقة صحيحة

لو اى احد يعرف اى موقع يكون فية طلبى يكون لة جزيل الشكر

و جزاكم الله كل خير

ذهيبة

[من أنا]

حاولى تدخلى على جوجل وتكتبى اللى انتى عايزاه وهيطلعلك مواقع كتيره اختارى اللى انتى عايزاه منها

[myusername]

السلام عليكم,

النطق له قواعد.. و قد يختلف من لكنة الى أخرى.. حتى إن اللكنات مختلفة بداخل الولايات المتحدة.

بالطبع انا اعرف الفارق بين تعلم اللكنة, و تعلم النطق الصحيح.. و لكن الفارق يكاد يكون غير موجود...

أنا ارشح لك ان تتعلمى كيف تنطقين اى كلمة, بدلا من ان تضطرى الى الاستعانة ببرنامج فى كل مرة تحتاجين فيها الى تعلم النطق..

على أية حال.. اذا أردتى ان تستمعى الى نطق اى كلمة, ما عليكى الا ان تقومى بالذهاب الى مترجم جووجل:

http://translate.google.com/?hl=en#

و تكتبى الكلمة.. و سيظهر بجانب الكلمة علامة سبيكر.. اضغطى عليها و ستستمعى الى الكلمة..

يوجد أيضا كورس لتعليم اللكنة الامريكية..

و هذه بعض الامثلة المجانية:

http://www.americanaccent.com/pronunciation.html

بالتوفيق باذن الله...

[Elgohary]

ممكن تستخدمى http://www.thefreedictionary.com هو بيكون فيه النطق British و American

ممكن كمان Cambridge advanced learner's dictionary ممكن تعمليلو download من هنا

http://www.BLOCKED1/?d=JR2GYRPY

هو كمان فيه حاجات تانيه كتير مفيده غير النطق

[عابر]

الموقع دا كويس جدا في نطق الانجليزي. هو طبعا للاطفال لكن ممكن الكبار يستفيدوا منه.

www.starfall.com

الموقع فيه كتب بالنسبة للمبتدئين في تعلم الانجليزية بتضغطي على علامة الاذن في الصفحة فبينطق لك الكلمة..

فيه موقع ثاني لكل مراحل التعليم من كي جي 1 لحد الجامعة وما بعدها وللثقافة العامة ايضا بس محتاجة تنزلي منه الكتب والاسطوانات

www.englishtips.org

[لماضة مصرية جدا]

السلام عليكم و رحمة الله و بركاته

يا جود مورننج يا جولدن

مبسوطة بجد انك بتطرحي السؤال ده......

لأني بصراحة لسه سامعة كده جملة ع الصبح... ع غيار الريق... مش عايزة اقولك عملتلي ارتجاع ازاي

الجملة ايه بقي

"ورور ييييييو؟؟؟""

هي كان قصدها

Where were you

بس متفهميش ازاي... طلعت منها "ورور" دي و حسستنا اني بكلم ربطة جرجير ورور كده ع الصبح

بصي يا جولدن.....النطق الصح بقي لازم تاخديه من اهل اللغة....اوعي تقعي في ايد حد من جنسية تانية.... بيعوج البوء خااااااااالص

المواقع اللي المحاوراتية اقترحوها و الله حلوة أوي....

حسب معلوماتي المتواضعة

هو الواحد لازم يعرف ينطق كلمات لوحدها.... و ده هتحتاج منك انك تعرفي الرموز اللي موجودة في القاموس....و دي بجد لو عرفتيها هتساعدك كتير انك تجيبي اي كلمة كده تثبيت اكتاف ع الارض... بمجرد ما تفتحي القاموس

و محتاجة انك تعرفي النطق بتاع الجمل كلها كده علي بعض لوكشة واحدة و ده بيحصل لو سمعتي كتير....

و برضه لازم تسمعي حاجات بتاعت اهل البلد نفسها و تكون مش مترجمة (عشان يبقي التركيز عااااااااالي)

عليكي بالسي ان ان......لو حادفة امريكاني

و البي بي سي ... لو حدفتي برتش....

سؤالك حلو

و يا رب تجربي و توافينا بالانباء يا جولدن

صبااااااااااااااااااااحك ورور

[نجماية]

السلام عليكم و رحمة الله و بركاتة

كنت محتاجة موقع لنطق اللغة الانجليزية يعنى الكلمات الجديدة عليا اعرف نطقها ازاى بطريقة صحيحة

لو اى احد يعرف اى موقع يكون فية طلبى يكون لة جزيل الشكر

و جزاكم الله كل خير

ذهيبة

السلام عليكم ورحمة الله وبركاته،،

كنت زيك في المشكلة دي ودلتني مدرسة الانجليزية عند بنتي انه في موقع بيضم تقريبا جميع اللغات مش بس الإنجليزية

وإن شاء الله يعجبك وتستفيدي منه