أسامي البنات

[Tarek Abdellatif]

الأخ الفاضل حسام،

ألف مبروك مقدماً،

أحب أقولك اني تقريباً واقع في نفس الحيرة بتاعتك ديه ، مراتي في أخر التامن دلوقتي و المولود بنت إن شاء الله و مش عارفين نسميها إيه.

بالنسبة لإسم خديجة أعتقد إن هو هيكون تقيل شوية عشان حرف الخاء لو حضرتك ناوي تسافر كندا.

أنا بنتي الكبيرة (٥ سنين) اسمها مريم. و أحب أقولك إن لو كان ينفع أسمي التانية مريم بردو كنت سمتها ............

عموماً أياً ما كان الإسم ربنا يجعلها الذرية الصالحة ......

تحياتي .... :h!!!h:

[مغتربة]

الأخ الفاضل حسام،

ألف مبروك مقدماً،

أحب أقولك اني تقريباً واقع في نفس الحيرة بتاعتك ديه ، مراتي في أخر التامن دلوقتي و المولود بنت إن شاء الله و مش عارفين نسميها إيه.

بالنسبة لإسم خديجة أعتقد إن هو هيكون تقيل شوية عشان حرف الخاء لو حضرتك ناوي تسافر كندا.

أنا بنتي الكبيرة (٥ سنين) اسمها مريم. و أحب أقولك إن لو كان ينفع أسمي التانية مريم بردو كنت سمتها ............

عموماً أياً ما كان الإسم ربنا يجعلها الذرية الصالحة ......

تحياتي .... :h!!!h:

اقولك و اجرى على الله سميها مارية

على اسم ستنا مارية القبطيه

و يبقى مريم و مارية

و على فكره اسم ماريه منتشر فى الخليج و بيحبوه قوى

ان شاء الله تكون قره عين ليك و لمامتها

[حسام يوسف]

الزملاء الافاضل المحترمين:

دياب ::

قلب ابيض :

عاشق الترحال ::

فتفوتة :

لماضة مصرية جدا ::

انجميدو ::

صوفيااستروفي ::

التونسي ::

ضحي ::

بريزيدنت ::

بنت الشاطئ ::

روشة ::

سهران ::

أوزوأوزو : :

مامانونا :

محمدالعنبى :

هبة فارم :

طارق عبد اللطيف :

الف الف شكر على اهتمامكم بالموضوع

وكل كلماتكم محل تقدير

دعواتكم بالصحة والسلامة للمولودة ومامتها

ويارب تبقي أيامنا كلها أفراح وأحداث جميلة

الف شكر لكم جميعا :h!!!h:

[مغتربة]

استاذ حسام اسم خديجه اسم جميل جدا

و على فكره الاسم قديم او جديد

كل فتره بيرجع موضه تانى

يعنى مثلا فى فتره انتشر اسم حبيبه قوى

رغم انه اسم قديم

و شويه ملك و نازلى و قسمت

و دلوقتى حمزه بالنسبه للولاد

توكل على الله

انا شايفه انه هيكون جميل

و ان شاء الله تقر بيها عينك انت ووالدتها و تكون نعم الابنه لكم

[Alrefaey]

بعض الاسماء اللى بحبها

مريم , ليلان , لينا , نوران , ليان ,راما ,مريان

[Fatma Salah Eldien]

هاجر - سارة - فاطمة - خديجة - زينب - عائشة - رتاج - آلاء - مروة - شيماء .

[حسام يوسف]

الأفاضل مغتربة

الرفاعي

فاطمة

كل الشكر لكم على آرائكم واهتمامكم :blink:

ودعواتكم

[الباشمهندس ياسر]

يعني ايه جوانا

[hebapharm]

بص يادكتور حسام ........

خديجه

يااما نوران(مش عشان اسم بنتي ولا حاجه)

باشمهندس ياسر.... جوانا ..يمكن مشتقه من جوان وش السلندر...سمعت الميكانيكي بتاعي بيقولهالي كتير

[engmido]

بص يادكتور حسام ........

خديجه

يااما نوران(مش عشان اسم بنتي ولا حاجه)

باشمهندس ياسر.... جوانا ..يمكن مشتقه من جوان وش السلندر...سمعت الميكانيكي بتاعي بيقولهالي كتير

يا اخواننا باينة خااااااااااااالص

جوانا دى لفظة عامية يعنى ( داخلنا ) بس باللغة العربية :lol:

[الباشمهندس ياسر]

باشمهندس ياسر.... جوانا ..يمكن مشتقه من جوان وش السلندر...سمعت الميكانيكي بتاعي بيقولهالي كتير

اهلا يا دوك

الميكانيكي بيقولك ايه عن جوان وش السلندر....؟؟؟

جوانا ... بتشديد النون يا عرب

انا شاكك انه هيطلع اسم زهرة او حاجة من هذا القبيل...؟

[حسام يوسف]

بعد مفاوضات طويلة لمدة أسبوع

بين العبد لله من جهة

وبين أمى وأختى وزوجتى فى المعسكر الآخر

وصلنا لاتفاق

همة طلبهم اى اسم غير خديجة لصعوبة الاسم من وجهة نظرهم

وانا طلبى ان أنا اللى أسميها

والحمدلله أخترت النهاردة اسمه وكتبتها فى شهادة ميلادها

الآنسة

هيا حسام الدين

وعقبال عندكم جميعا

[MZohairy]

والله انا عندي اقتراح

ايه رأيك في اسم خديجه يا حسام؟

[لماضة مصرية جدا]

السلام عليكم و رحمة الله و بركاته

دكتور حسام

ألف مليون مبروووووووووووك..... حمد لله علي سلامة

هيا حسام يوسف

و يا رب تكون حلوة كده و مبقلظة..... و ماماتها بصحة و عافية

يا رب يخليها قرة عين ليك في الدنيا و الآخرة

الله

حضرتك فرحتني أوي يا دكتور

يا رب دايما فرحة.......من القلب من جوه

طب ليه منعملش البوم صور كده لكل لحظاتنا الحلوة اللي بنعيشها مع بعض في المنتدي؟؟؟؟

[حسام يوسف]

والله انا عندي اقتراح

ايه رأيك في اسم خديجه يا حسام؟

يا مظهيري

ارحمنى أنا مش قدك يا عم

انا مريض ضغط والله العظيم

[محمد عبدالعزيز]

ماشى ياعم حسام, يعنى كده تخلى شكلى وحش قدام الناس وبطلع إشاعات؟!!!

أنا ماليش دعوة بقى ومش متنازل عن اسم خديجة عشان هو ده الاسم اللى مكتوب فى الموضوع, وإلا يبقى فيها حق عرب.

بهزر طبعاً

بيقولوا كل واحد بيبقى له نصيب من اسمه, والخيرة فيما اختاره الله.

أهم حاجة تحرص على التربية السليمة وربنا يبارك لكم فيها وفى محمد.

[سهران]

ألف مبروك يا دكتور .... عقبال ما تجوزها أن شاء الله .

تحياتي

[حسام يوسف]

السلام عليكم و رحمة الله و بركاته

دكتور حسام

ألف مليون مبروووووووووووك..... حمد لله علي سلامة

هيا حسام يوسف

و يا رب تكون حلوة كده و مبقلظة..... و ماماتها بصحة و عافية

يا رب يخليها قرة عين ليك في الدنيا و الآخرة

الله

حضرتك فرحتني أوي يا دكتور

يا رب دايما فرحة.......من القلب من جوه

طب ليه منعملش البوم صور كده لكل لحظاتنا الحلوة اللي بنعيشها مع بعض في المنتدي؟؟؟؟

الله يبارك فيكي يا أختنا العزيزة

ويارب دايما نجاملك فى الأفراح

وانا مع فكرتك والله جدا جدا جدا

[حسام يوسف]

ماشى ياعم حسام, يعنى كده تخلى شكلى وحش قدام الناس وبطلع إشاعات؟!!!

أنا ماليش دعوة بقى ومش متنازل عن اسم خديجة عشان هو ده الاسم اللى مكتوب فى الموضوع, وإلا يبقى فيها حق عرب.

بهزر طبعاً

بيقولوا كل واحد بيبقى له نصيب من اسمه, والخيرة فيما اختاره الله.

أهم حاجة تحرص على التربية السليمة وربنا يبارك لكم فيها وفى محمد.

ماعاش ولا كان اللى يزعلك ياصديقي العزيز

وصدقنى كانت نيتي ساعتها فعلا أسميها خديجة

لكن واضح بقى ان قدرها ان اسمها هيا

وزي ما تفضلت

كلها أسامي

والمهم التربية

وربنا يقدرنا على تربيتهم يارب

عقبال ما نفرح بأولادك يا عمنا

[حسام يوسف]

ألف مبروك يا دكتور .... عقبال ما تجوزها أن شاء الله .

تحياتي

الله يبارك فيك يا عم سهران

ونباركلك فى الأفراح دايما يا بو الذوق والواجب كله