مقتل 5 أقباط في إطلاق نار خارج كنيسة بالصعيد

[MaYousof]

احقاقا للحق بصفتي مسلم غيور على دينه وجدت أني لابد أن أعقب على مقال طارق حجي

لقد صام مصريون أقباط لمدة أربعين يوما ، وأمس (6 يناير/كانون الثاني 2010) توجهوا للكنيسة للصلاة الخاتمة والمتممة للصيام السابق لعيد ميلاد السيد المسيح بالتوقيت القبطي (7 يناير) . ذهب هؤلاء المصريون (إخواننا فى الوطن) للصلاة بكنيسة مطرانية نجع حمادي على بعد سبعمائة كيلومتر جنوب القاهرة ... وبعد الصلاة (القداس) شرعوا فى مغادرة الكنيسة عائدين لبيوتهم (ليتناولوا لأول مرة منذ ستة أسابيع ) طعاما فيه منتج حيواني ... وبدلا من أن يقف أخوة مسلمون لتهنئتهم بإنتهاء الصوم الطويل وبعيد الميلاد ، أطلق (مصريون آخرون) النار من أسلحة آلية على صدور ثمانية من إخوانهم وشركائهم فى الوطن ! بدلا من تهنئتهم ، قتلوا ! وبدلا من أن يصلوا بيوتهم ليتناولوا أول طعام "غير صيامي" ، تم إرسالهم للعالم الآخر مضرجين بدمائهم ... لا لسبب إلا أنهم "مسيحيون" . والحقيقة أن القاتل أو القتلة ليسوا هم فقط من ضغط على زناد الأسلحة النارية الآلية التى خطفت أرواح ثمانية من إخواننا الأقباط، وإنما هم كثر آخرون.

حتى الآن كلام جميل, فهو حق ضمنه الإسلام لكل إنسان خلقه الله تعالى أن يأمن نفسه وأهله وماله وعقيدته عندما يعيش معه المسلمون مادام هذا الإنسان أراد السلامة لبلده ولكل من يعيش فيها, بل وحق على المسلمين أن يحسنوا معاملته ويخبروه صراحة أنه آمن في نفسه وأهله وماله وعقيدته وأن له عليهم أن يعدلوا وينصفوا فلا يحكموا لمسلم بحق ليس له على حساب هذا الإنسان وإلا أثموا. ولأي من أهل الكتاب الذي أراد السلامة لبلده حق على المسلمين أن يحموه من أي عدوان على البلد وليس عليه هو أن يدافع مع المسلمين عن البلد, يعني المسلم يأثم لو تولىّ يوم الزحف, وبالمصري, المسلم يأثم لو هرب من الدفاع عن وطنه في حالة الحرب, وهي كبيرة من الكبائر, في حين ليس على المسيحي الذي يعيش في البلد إلزام أن يحارب مع المسلمين, وعليهم حمايته.

لقد شارك فى هذا الجرم الأبشع والأفظع كل رجل دين إسلامي خطب أو أذاع فى الناس أو كتب عن الأقباط ما درج الكثير من رجال الدين الإسلامي على تكراره

هنا بقى طارق حجي بدأ العك. مفيش حاجة في الإسلام اسمها رجل دين. فيه عالم دين (فقيه بأمور الدين), أو فرد عادي (غير فقيه بأمور الدين). كلمة رجل دين دي دخيلة ومش في القاموس الإسلامي. وكل الجهلاء من محبي المنابر من غير الفقهاء هم إفرازات مجتمع أعمى. لكن إطلاق الكلام إن كل من اعتلى المنبر كرّه في الاقباط فـده مغالطة كبيرة. أنا لم أرى عالم فقيه واحد مش عارف حق الأقباط علينا إيه ومش عارف يعني إيه عدل وإنصاف في الإسلام.

من كون الأقباط ذميين مكانتهم أدني من مكانة المسلمين فى الوطن

الاقباط أهل ذمة عند المسلمين ومغالطة أن تستخدم الكلمة على أن معنى أهل الذمة هو الناس اللي مكانتهم أدنى. أهل الذمة يعني الناس اللي في ذمتنا حمايتهم. اقرأوا ابوس رجليكم.

لو أخرست تلك الألسنة

أنا مع ثقافة التوعية وليس إخراس الألسنة حتى لو كانت ألسنة باطل, لأن لسان البطل عمر صوته ما هيعلى لما يكون لسان الوعي موجود لأن صوته هيكون أعلى.

رجال ينتمون للقرون الوسطي ولا علاقة لهم بالعلم والنهضة الفكرية والمعرفية التى أنجزتها البشرية منذ عصر النهضة.

واضح إن طارق حجي لاحس عقله غرب ملحد. لأنه يتحدث عن القرون الوسطي وعصر النهضة في الغرب, فعصر النهضة الفكرية والمعرفية في عهد الإسلام كانت في قرونه الوسطى عندما كان التسامح الديني في مجده, وراجعوا بأنفسكم علاقة المسلمين بالمسيحيين وكمان اليهود في العصور الوسطى بالأندلس ومصر وكافة البلاد اللي حكم فيها المسلمين. عصر النهضة اللي تشدق بيه سيد حجي ماكان لتقوم له قائمة لو ماكانش للإسلام قرون وسطى.

شرب بول الرسول

مافيش حاجة في الإسلام اسمها بول الرسول ولا شرب بول الرسول

لو قال أحد منذ سنوات أن المؤسسة الدينية لن تنظر فى قانون الإقراض العقاري ، ولن تنظر فى قانون التبرع بالأعضاء ، وأن الدولة سوف تفصل أي رجل من رجال المؤسسة الدينية سيتحدث خارج النطاق الضيق للمسائل الدينية

كلمة "النطاق الضيق للمسائل الدينية" دي ضد مبادئي وهاسمح لنفسي بنعتها بالهرقطه. الدين اسلوب حياة وليس مسائل, ويجب تحري النظرة الشرعية عن علماء دين فقهاء بأمور دينهم السليمة والسمحة عن وعي وعقل.

--------------------------------------

لازم أوضح وأكرر نقطه مهمة, المشكلة مش بين مسلمين ومسيحيين, المشكله بين جهلاء من النوع "مصري مدعي الإ سلام" وجهلاء من النوع "مصري مدعي المسيحية".

حق الاقباط معروف ومحفوظ في الإسلام الصحيح من أول يوم دخَل فيه مسلم أرض الوطن ده. المشكلة مش أكل حق اقباط. المشكلة تفشي الجهل بين اطراف مصريين. هنحارب أكل حق الاقباط العقلاء مش هنقضي على المشكلة. اللي يتحارب هو الجهل.

[myusername]

الاخوة و الاخوات الافاضل... لماذا لا نعيد سياق الحوار... او نغلقه من اساسه؟

الاخت الفاضلة Princesse

الغريبة ان حضرتك كلمتينى عن عنصرية الفرنسيين ضد المسلمين قبل كده؟ الا ترى ان هناك تناقض؟

اما عن الوزراء المسلمين فى فرنسا.. و ما الى ذلك.. فأنا لن اسالك ان تعطينى اسماء 3 وزراء مسلمين حاليين فى فرنسا... و لكن أقول لك.. لا يمكن مقارنة دولة تقوم على مبدأ العلمانية بدولة مسلمة بأى شكل من الاشكال.. و طبعا لا يمكن مقارنة مصر بفرنسا من حيث كل شىء.. ديموقراطية, حرية, تعليم, ثقافة, أمان, نظافة.. و الى آخره... مع العلم انى كنت فى فرنسا.

اما اذا تحدثنا من منطلق الاغلبية و الاقلية... و هو المنطلق اللذى تتحدث منه كل دول العالم!!! فربما سنصل الى بعض المعطيات المفيدة..

و من الاخر طبعا... حضرتك بتتكلمى عن وزرا مسيحيين.. و ناسية مين هو وزير المالية!!

و من الاخر برضه... اذا كنا احنا الشعب مش عارفين نوصل للحكم ولا الوزارة ولا لاى منصب... يبقى ازاى عايزة المسيحيين يوصلوا؟

و عموما... انا من رأيى ان احنا لو بصينا للموضوع من نظرة "الاسلام" اللى هو دين الدولة طبقا للدستور.. و دين الاغلبية... و الله كله هيرتاح و هينام مبسوط.

و فى النهاية... اتمنى ترك السب و الجدل اللذى لا طائل له الا زيادة البغضاء... و يا ريت نبدأ نعرض الموضوع فى نقاط محددة.. و نبدأ نشوف علاج ليها.

ملحوظة أخيرة: انتوا مش واخدين بالكم انكم نسيتوا الواد العسكرى الغلبان... اللى مات ولا ليه فى الطور ولا الطحين؟ و يا رب محدش يفهم كلامى غلط... لان برضه ال5 اللى ماتوا لا ليهم فى الطور ولا الطحين.. و ملهمش ذنب. (اصل فيه ناس تحب تمسك عالكلمة و تشعلل)

تم تعديل 8 يناير 2010 بواسطة myusername

[عنبو]

بس يأخى لكل مقام مقال يعنى ينفع لما واحد جارى بيته فيه حريقه بدل لما اروح اطفى اقعد اقوله انت معرفش ايه وتلاقى فلانى الفلانى ده هو الى عمل كده وانت لو سمعت كلامى من الاول كان هيحصل ............الخ

المفروض نهدى الاول ونطفى النار وبعدين نقعد نتكلم ونتناقش ويكون كل الاطراف موجودين

يا عنبي أنا مقدرش اطبطب على ظهر الغلطان ..

أهلي ربوني غلط يا اخي .. معلش استحملني .. أنا كده حالي مايل ..

يا عنبي أنا لو جيت أتكلم بعدين هيتقاللي إنت بتفتح السيرة دي دلوقتي ليه .. متخليّك ساكت ..

ياعنبي أنا بتكلم عشان أنا بحب كل أهل بلدي .. العاقل والجاهل .. أنا خايف على بلدي يا عنبي من أخويا ولازم يعرف الصح من الغلط ..

ياعنبي أنا مش من كوكب تاني .. أنا عارف احنا بنبص لبعض ازاي ..

يا عنابي أنا لو عايز أسخن كنت شفت كلام تاني .. والله يا عنبي ربنا عالم بنيتي

معلش يا عنابي .. استحملني

وبعدين يا عنبي أنا كل اللي قلته ده عشان أهدي الأقباط مش اسخّنهم .. لما أقول إن الاسلام بيحفظلهم حقهم يبقى ده تسخين فيهم؟

إنت عارف يا عنبي مين اللي سخن ..

ياعم محمود يوسف اسمك على اسم اعز صاحب عندى على فكره

بص ياباشا انا فاهم قصدك ايه بالظبط وعارف انك بتتكلم علشان غيور على وطنك وغيور على دينك وخايف على الناس كلها

بس ياسيدى الفاضل الان الناس مجروحه والناس بجد خايفه حط نفسك مكان واحد مسيحى دلوقتى وشوف هتفكر ازاى فى جارك المسلم هتلاقى نفسك بقى فيه حاجز بينك وبينه بدون ما تشعر

لما فى ظل الظروف دى بدل لما كلنا نروح نطبطب على الناس جيرانا دول ونخدهم فى حضننا ونقولهم احنا ابرياء من ده كله وان الاسلام مفيهوش ارهاب

وانا احنا وانتوا واحد وكلنا اخوه سيبنا الموضوع ده وقعدنا نتهم بعض بانه هو السبب وراء المشكله

ياجماعه الكلام ده مش وقته خالص

انا كان نفسى يبقى جنبى الان جار ليا مسيحى وانا كنت رحت له على البيت وقعدت معاه واخدت عياله فى حضنى وعرفته فعلاً ان احنا اخوات

وان الى حصل ده حادث ارهاب وان شاء الله نقتص من الى عمله اشد القصاص

لكن منقعدش بقى نرمى الاتهامات لبعض ونتهم بعض ونسيب الراجل الى قاعد حزين وخايف من بكره ومافيش حد يواسيه بكلمه

ده الى انا قصدته ياعم محمود يوسف

[MaYousof]

ياعم محمود يوسف اسمك على اسم اعز صاحب عندى على فكره

بص ياباشا انا فاهم قصدك ايه بالظبط وعارف انك بتتكلم علشان غيور على وطنك وغيور على دينك وخايف على الناس كلها

بس ياسيدى الفاضل الان الناس مجروحه والناس بجد خايفه حط نفسك مكان واحد مسيحى دلوقتى وشوف هتفكر ازاى فى جارك المسلم هتلاقى نفسك بقى فيه حاجز بينك وبينه بدون ما تشعر

عنبي يا عزيزي لك كل التحية

محمود ده أخويا, أنا محمد بس مجاليش اكتيفيشن كود لما عملت اسم هنا فستعملت MaYousof بتاع أخويا

عنبي أنا قلت كل اللي قلته عشان حطيت نفسي مكان واحد مسيحي, واحد مسيحي محترم عاقل واع, والمنتدى فيه منهم عشرات بل مئات. أنا خفت من ربنا إني ما أنتصرش لديني يا عنبي. أشوف أبناء ديني أصابهم العمى وأسكت, ابناء ديني اللي فالحين يحرقوا سفارة الجزاير ويكسروا أقسام شرطة ومش هاين عليهم يقولوا كلمة حق في حق دينهم. أنا هاتسأل عملت إيه لما دينك بان إنه دين ظلم وجحود, مش عملت إيه لما اكتشفت إن الجزايرين فيهم برابره, الله يرحم المسلمين.

يا مسيحيين يا من احترمتم انفسكم ولم تظلمو أحدا, وأنا هنا أخاطب منكم الفئة المحترمة العاقلة التي لم تظلم أحدا, أنا حطيت نفسي مكانكم ولقيت اسئلة في راسي وانا مكانكم بتقول: إده! هو الإسلام وحش قوي كده!. أنا حاولت أجاوبكم واقوللكم إيه هو الإسلام.

شوف مغتربة في أول الموضوع كتبت إيه يا عنبي:

حقيقى لا استطيع ان اتفهم كيف يمكن سياقه مبررات لهذا العمل الاجرامى البغيض

اى ثار هذا

و ما ذنب الناس التى قتلت يوم عيدها

اهم شاركوا الجانى فعلته

للاسف هذه اسمها نذاله

لو من قام بهذا الفعل يطلب الثار فعل

و كان فعلا راجل

كان اخذه من الجانى الحقيقى

بدل التشطر على ناس امنين مسالمين خارجين من صلواتهم و امام كنائسهم

منتهى الخسه و النذاله

و هنيئا لهم وعد رسول الله صلى الله عليه و سلم لهم

روى البخاري في صحيحه عن عبد الله بن عمرو رضي الله عنهما، عن النَّبيِّ صلى الله عليه وسلم قال: (مَن قتل نفساً معاهداً لم يرح رائحة الجنة، وإنَّ ريحها توجد من مسيرة أربعين عاماً)، أورده البخاري هكذا في كتاب الجزية، (باب إثم مَن قتل معاهداً بغير جُرم).

وأورده في كتاب الديات في (باب إثم من قتل ذمِّيًّا بغير جُرم)، ولفظه: (مَن قتل نفساً معاهداً لم يرح رائحة الجنة، وإنَّ ريحها ليوجد من مسيرة أربعين عاماً)، قال الحافظ في الفتح: (كذا ترجم بالذمِّيِّ، وأورد الخبر في المعاهد، وترجم في الجزية بلفظ: (مَن قتل معاهداً)، كما هو ظاهر الخبر، والمراد به مَن له عهدٌ مع المسلمين سواء كان بعقد جزية أو هُدنة من سلطان أو أمان من مسلم).

ورواه النسائي بلفظ: (مَن قتل قتيلاً من أهل الذِّمَّة لم يجد ريح الجنَّة، وإنَّ ريحها ليوجد من مسيرة أربعين عاماً)، ورواه أيضاً بإسناد صحيح عن رجل من أصحاب النَّبيِّ صلى الله عليه وسلم: أنَّ رسول الله صلى الله عليه وسلم قال: (مَن قتل رجلاً من أهل الذِّمَّة لم يجد ريح الجنَّة، وإنَّ ريحها ليوجد من مسيرة سبعين عاماً). وعن أبي بكرة رضي الله عنه قال: قال رسول الله صلى الله عليه وسلم: (مَن قتل معاهداً في غير كُنهه حرَّم الله عليه الجنَّة) رواه أبو داود، والنسائي بإسناد صحيح، وزاد النسائي: (أن يشمَّ ريحها).

اللهم اعوذ بك مما فعل السفهاء منا

اللي فكره إني داخل أسخن يشوف بعينه, ماكتبتش كلمة في الحوارات التافهة اللي كانت موجودة أيام ماتش الجزاير مع إن أحسن شغل تسخين في الشعب كان مالي المنتدى ساعتها. أنا كنت شايفه موضوع تافه لا يستحق همسة مني مش كلمة.

الله أعلم بالنية يا عنبي .. الله بس أعلم بالنية ..

[من بعيد]

الساده الافاضل دمتم بخير جميعا

اولا اود ان انوه الى ان هذه اول مداخله لى فى منتداكم الكريم واتعشم من الله ان يتسع صدركم لكلامى

ماذا لو فرضنا جدلا ان من اغتصب الفتاه مسلم الديانه وانه من عائله او قبيله فى مكان اخر غير الذى وقعت فيه الجريمه.

الامر ببساطه ان عائله المجنى عليها ستقتص من المجرم او من احد افراد اسرته على النحو الذى شاهدناه وقرأنا عنه

الامر وما فيه وللاسف الشديد ان مرتكب الجريمه يدين بديانه

غير ديانه عائله المجنى عليها وهنا سبب المشكله دخلنا فى غياهب الارهاب والفتنه الطائفيه وما الى اخره من مصطلحات تثير الفزع والرعب بين ابناء الوطن الواحد

ربما يكون هناك

فى مبالغه فى الثأر وطريقه التنفيذ الا انه وفى رأيى الشخصى ان الامر لا يتعدى كونه جريمه وقعت ومن وجهه نظر تتسم بالضيق تم اتخاذ القرار بالثأر على نحو ما رأيناه

اعود واكرر ان ماحدث لو كان وقع بين مسيحين ومسيحين او بين مسلمين ومسلمين لكان حدث ما حدث بدون اى اختلاف

تم تعديل 8 يناير 2010 بواسطة من بعيد

[msayed]

الساده الافاضل دمتم بخير جميعا

اولا اود ان انوه الى ان هذه اول مداخله لى فى منتداكم الكريم واتعشم من الله ان يتسع صدركم لكلامى

ماذا لو فرضنا جدلا ان من اغتصب الفتاه مسلم الديانه وانه من عائله او قبيله فى مكان اخر غير الذى وقعت فيه الجريمه.

الامر ببساطه ان عائله المجنى عليها ستقتص من المجرم او من احد افراد اسرته على النحو الذى شاهدناه وقرأنا عنه

الامر وما فيه وللاسف الشديد ان مرتكب الجريمه يدين بديانه

غير ديانه عائله المجنى عليها وهنا سبب المشكله دخلنا فى غياهب الارهاب والفتنه الطائفيه وما الى اخره من مصطلحات تثير الفزع والرعب بين ابناء الوطن الواحد

ربما يكون هناك

فى مبالغه فى الثأر وطريقه التنفيذ الا انه وفى رأيى الشخصى ان الامر لا يتعدى كونه جريمه وقعت ومن وجهه نظر تتسم بالضيق تم اتخاذ القرار بالثأر على نحو ما رأيناه

اعود واكرر ان ماحدث لو كان وقع بين مسيحين ومسيحين او بين مسلمين ومسلمين لكان حدث ما حدث بدون اى اختلاف

بداية محترمة ومنطقية ومركزة لصديق محترم

أتمنى لك التوفيق وأن تشرف منتدانا باستمرار

[أحمد سيف]

كنت أتمنى أن أجد من إخواننا الإسلاميين إدانة واضحة دون لبس للجريمة وليس تهوينا من شأنها ومحاولة على استحياء لإيجاد مبررات لها ... ولكن يبدو بما أن المجني عليهم من الأقباط فالمسألة لديهم فيها نظر.

الساده الافاضل دمتم بخير جميعا

اولا اود ان انوه الى ان هذه اول مداخله لى فى منتداكم الكريم واتعشم من الله ان يتسع صدركم لكلامى

ماذا لو فرضنا جدلا ان من اغتصب الفتاه مسلم الديانه وانه من عائله او قبيله فى مكان اخر غير الذى وقعت فيه الجريمه.

الامر ببساطه ان عائله المجنى عليها ستقتص من المجرم او من احد افراد اسرته على النحو الذى شاهدناه وقرأنا عنه

الامر وما فيه وللاسف الشديد ان مرتكب الجريمه يدين بديانه

غير ديانه عائله المجنى عليها وهنا سبب المشكله دخلنا فى غياهب الارهاب والفتنه الطائفيه وما الى اخره من مصطلحات تثير الفزع والرعب بين ابناء الوطن الواحد

ربما يكون هناك

فى مبالغه فى الثأر وطريقه التنفيذ الا انه وفى رأيى الشخصى ان الامر لا يتعدى كونه جريمه وقعت ومن وجهه نظر تتسم بالضيق تم اتخاذ القرار بالثأر على نحو ما رأيناه

اعود واكرر ان ماحدث لو كان وقع بين مسيحين ومسيحين او بين مسلمين ومسلمين لكان حدث ما حدث بدون اى اختلاف

حتى لو أن الحادث هو ثأر (وليس قصاص لأن القصاص له أصول وضوابط شرعية وليس فوضى) فمن من كان الجاني ينتقم بالتحديد؟ هل من الشخص الذي اعتدى على عرضه أو على أتباع ديانة بأكملها ينتسب اليهم هذا الشخص؟ أعتقد أن ما قام به هذا المجرم يتعدى القتل العادي الى الإرهاب والإفساد في الأرض لأنه كان يقصد ترويع طائفة بأكملها وليس استهدافا لشخص بعينه.

الحل الذي أراه للمسألة باختصار هو تطبيق القوانين بكل صرامة على الجميع دون اعتبار للدين أو الأصل أو المكانة الاجتماعية ... إذا كانت الجريمة ارتكبت في الصعيد تحت مسمى الثأر فهذا لا يعطي مرتكبها حصانة ولا يمنحة امتياز الحصول على معاملة - أو حتى نظرة - خاصة ... مع كامل احترامي لاخوانا الصعايدة فقانون الدولة يعلو على جميع أعرفهم القبلية وعاداتهم الاجتماعية ... هناك سلطة واحدة هي سلطة الدولة وقانون واحد هو قانونها والجميع يخضع له ... صعايدة وبحاروه وفلاحين وعرب ونوبيين وكل من يعيش على أرض مصر. استمرار عادة الثأر البدائية من وجهة نظري سببه نظامنا الفاشل الذي تعامل معها باعتبارها أمرا واقعا وعاديا ... حين أجد محافظ ينظّم جلسات صلح بين عائلات بينها ثأر ويصافح القتلة والمجرمين بدل أن يقبض عليهم ويطبق عليهم القانون فهذا أمر يدعو للرثاء ويظهر الخيبة التي جرتنا اليها الحكومة بتصرفاتها السفيهة.

[ابو محمود]

كنت أتمنى أن أجد من إخواننا الإسلاميين إدانة واضحة دون لبس للجريمة وليس تهوينا من شأنها ومحاولة على استحياء لإيجاد مبررات لها ... ولكن يبدو بما أن المجني عليهم من الأقباط فالمسألة لديهم فيها نظر.

عزيزى المشرف

اعتقد ان الاستحياء ليس من شيم الاسلاميين فهم عودونا على الرد بقوة لكنك تسابق المحققين واهل الخبرة فى كشف المجرم وهذا سرة لا يعلمة الا انت لو سمحت ممكن تقول للجميع الرجاء الهدوء حتى تنجلى الحقيقة ونعرف من الجانى واذا كان الاسلاميين اخذو بمبدأ السكوت حتى تنجلى الحقيقة فلماذا نجد كل هذة الهمة فى تلفيق التهم بهم وكل من ينتمى الى تيار اسلامى اليس من حقهم ان ينتظرو

اما موضوع الادانة فكلهم ادانو العملية العبيطة والمجرمة وجميع طوائف الشعب المصرى تدين القتل كما تدين ايضآ التسرع فى تلفيق التهم وايجاد مبرر للهجوم على الاسلاميين وهذا لانى اشاهد مداخلات عبارة عن اتهامات جاهزة لهم فلنصبر وننتظر ربما نجد مفاجئة تخرس من يريد ان ينتهك عرض مصر

[ابو محمود]

اسمح لي سيدي ان ارد على تعليقك

ارجو من الجميع ان يكون عندهم سعة صدر لتقبل كلماتي

اى كذب يا سيدتى استسمحك ان كنتى فى القاهرة ان تنزلى الى الصاغة بمصر وتشاهديها مقفلة تمامآ لانها اصبحت ملك للأخوة المسيحيين فلا يوجد الا 2%من محلات الصاغة لمسلمين اهناك تربص بهم لامتلاك مثل تلك المهنة واحتكارها وللعلم هى مقفلة بمناسبة عيد الميلاد الى يوم الاثنين القادم ومحدش بيقول حاجة دة حق مكفول لكل من هو مصرى ناهيكى عن بعض الأنشطة الاخرى يحتكرها اخوة لنا وشركاء بالوطن ولم نسمع اعتراض اى مسلم احقاقآ للحق ....

انا من سكان القاهرة، ومعاك حق فعلا ان الصاغة معظمهم مسيحيين و كمان وكالة البلح و تجار الاقمشة معظمهم مسيحيين...لكن سيدي لا يوجد قانون في مصر يمنع المسلم من ممارسة التجارة سواء في الصاغة او في وكالة البلح...

الاخوة المسيحين ختاروا بعض المجالات الاقتصادية و نبغوا فيها فلماذا نلومهم على نجاحهم؟ هل هي غيرة؟

طيب لو بنغير منهم نعمل زيهم المجال مفتوح للمنافسة

وبعدين م حقهم يأخدوا اجازة يوم عيدهم...طيب ما احنا في عيد الفطر و عيد الاضحي بنقفل المحالات التجارية و الحكومية دا حتى الاطباء بيأخدوا اجازة 4 ايام العيد و ساعات بياخدوا اسبوع العيد كله اجازة...يعني جت على اعياد الاقباط و الموضوع ضايقنا؟

طيب المسلمين الي مهاجرين لدول فيها يهود ليه مش بيضايقوا لما اليهود بيقفلوا المحلات يوم السبت؟

ليه احنا نفسنا في مصر زمان مكناش بنتكلم لما اليهود يقفلوا يوم السبت من كل اسبوع؟

اى اضهاد تقصدين؟؟ يهاجم النقاب واللحية وبعضآ من رموز الاسلام فى شتى وسائل الاعلام المصرى وفى الجامعات والمحاورات ولم نسمع يومآ عن منع اى مسيحى من اظهار الصليب من فوق صدرة يتدلى اليس هذة حرية ومساواة وتكريم لشركائنا هل فرضنا عليهم اغلاق الكنائس وعمل وتحديد وقت لقداس كما تم تحجيم وقت الخطبة يوم الجمعة او قفل الجوامع بعد الصلاة الى الصلاة التالية فهل سمعتى عن كنائس تفتح بميعاد ولا يتم التجمع بها !!

النقاب دا حكايته حكاية و موضوع كبير ليس هنا المجال لمناقشته..و من وجهة نظري الي عاوزة تتنقب تتفضل تقعد في بيتها معززة مكرمة و تسيب لغيرها فرصة التعليم و المشاركة في الحياة الاجتماعية و السياسة

ارتداء الحجاب الشرعي الذي فرضه الله على كل سيدة مسلمة و اظهار الصليب و وشم الصليب على اليد هو حرية شخصية...كل واحد حر يلبس الي هو عاوزه

من حق المسلم الاعتزاز بدينه طالما انه لا يؤذي احد...و من حق القبطي ايضا الاعتزاز بدينه طالما لا يضر احد...

وبعدين السلسلة الي فيها صليب مضايقة حضرتك في ايه؟

بالنسبة للكنائس فهي مش مفتوحة 24 ساعة ، هي ليها مواعيد للقداس و مواعيد للانشطة ....

و لو احنا كمسلمين عاوزين تفتح المساجد بين الصلوات طيب ما نطلب من الحكومة تغير القانون...هي الحكومة دي مش 99% منهم مسلمين زينا ؟

اى مناصب تقصدين سيدتى هل بأم الديمقراطية فرنسا وانجلترا تشاهدى وزير اورئيس حكومة مسلم او وزير مخابرات فى دين غير دين الدولة الرسمى الم يكفيكى ان 90% من شعب مصر مسلم وبها وزيرين من المسيحيين ناهيك عن مستشارى البلاط الحاكم

في فرنسا هناك وزراء مسلمين، و في انجلترى...هناك يا سيدي لما بيرشحوا حد لمنصب مهم بيكون هدفهم شئ واحد: هل الانسان دا هيفيد البلد ولا لأ، بصرف النظر عن دينه...و دا سر تقدم الغرب و نجاحه...و في ظل هذا النجاح و هذه الحرية عرف المسلمين انفسهم النجاح...بدليل ان رئيس امريكا نفسها من اصل مسلم و مع ذلك لم يلتفت احد في مريكا لذلك لان اوباما هيفيد البلد بجد..

زمان يا سيدي الفاضل في مصر كان في رئيس وزراء قبطي زي : مكرم عبيد و عدلي يكن باشا، و نوبار باشا و بطرس غالي باشا

دا غير الوزارات الثانية الي كان فيها يهود ايضا...كان حال البلد احسن من دلوقتي...الناس دي كانت بتحب تراب البلد دي ...بصرف النظر عن الدين...

انا عن نفسي افضل ان الوظائف و المناصب السياسية تكون في يد قبطي امين يحب البلد احسن ما تكون في يد مسلم حرامي او مرتشي

اى بنات تخطف اتسمعين عن ذلك وتصدقين ؟؟ انها اشاعات واما ان هناك قصص حب وهروب من اجل عاطفة اما من يدخل الاسلام فيعرف جيدآ ويعرف المسلمون ان الدين لا يباع او يتم زرعة عنوة فى القلوب ودة كلام ما يدخلش عقل حتى البوذيين عذرآ انها اتهامات ملفقة ولا اساس لها فأتى ببرهان

موضوع الخطف دا موضوع غامض...الكل بينكره ..و المسيحيين بيأكدوا الموضوع...عاوزين حد من الحكومة الفاضلة يطلع يقول لينا الحقيقة ..ليه سيبين الموضوع عايم كدة و الكل يخبط في بعضه..و ويكون دا سبب لاشعال نار الفتنة...عاوزين الحقيقة..و كل طرف يتحمل مسؤلية الحقيقة دي مهما كانت قاسية عليه

اى حرية يا سيدتى اكثر من ذلك بلاد 90% من اهلها مسلمين وبها حملات تبشير اوجعت قلب المسيحيين الشرقيين قبل المسلمين وتقولى ليس هناك حرية دين طب دة ممكن تعلقى صليب وتمشى بية وسط الامن ولا يتم النظر اليكى واما ان تضربى على وجهك خمار او نقاب ستجدين من يبحلق فى وجهك ودى برضو حرية دينية وياسلام لوملتحى يبقى نهارة ملون

سيدي العزيز حضرتك عارف ان مصر كان بتواجه خطر الارهاب على يد جماعات متطرفة للاسف هم يعتبرون نفسهم بيدافعوا عن الاسلام بتفجير نفسهم في الشوارع و مهاجمة السائحين..علشان كدة الامن بيأخذ احتياطات الامنية لما يجد امامه واحد ملتحي..الامن معذور ...احنا للاسف كمسلمين شوهنا صورة الاسلام ...و خلينا العالم كله ينظر بنظرة شك للملتحي و للسيدة المحجبة...احنا الي خلينا في ذهن الغرب ان كلمة مسلم = ارهابي...

اما النقاب فوراء النقاب تحدث جرائم كثيرة و كلنا عارفين..

بعد نكسة يونيو الكبرى 67 تم هروب كثير من شبابنا الى الخارج وكان يسهل عليهم مغادرة مصر والعيش فى كنف اوروبا والنسبة الكبرى للهجرة كانت للأخوة المسيحيون اما لليأس او التهرب من الجيش وماحدش يزعل ودى الحقيقة ومن الممكن سيدتى ان تراجعى احصائيات الهجرة فى ذلك الوقت

وما ان استقر الاخوة فى الغرب حتى ارسلو لزويهم بأن يعيشو فى بلاد الغرب وبدأت عملية الخروج من مصر تارة لاسباب الحرب وبعدها لاسباب ضيق العيش هنا وحرية اوربا وديمقراطيتها وقليل منهم من يكون فى مناصب مرموقة الا من اجتهد منهم ودة حق مكفول للجميع .. سؤال لئيم ؟؟؟

لماذا خرج المسيحيون ناحية الغرب وتركو البلاد العربية ذات الخيرات والاموال واتجهو ناحية اوروبا ؟؟ اتم منعهم ام هذة ايضآ تحسب الى الحرية والمساواة

بالعقل كدة يا سيدي الفاضل ...ازاي واحد قبطي يسيب بلده و يروح للبلاد العربية الي هي اساسا اصل التيار الديني المتطرف...يعني يسيب مصر الي فيها الاخوان المسلمين علشان يروح بلد التيار الوهابي..يروح بلد ليس فيها كنسية او قسيس؟ يروح لبلد شايفة انه كافر ليه ؟

عزيزتى الكل هنا غير امن تتساوى المخاطر لاننا لا نعرف من الذى اقدم على تلك الفعلة كلها اجتهادات لا يصح لنا ان نلصق التهمة بأى طرف قبل انتهاء التحقيق واظهار من قام بتلك الوقاحة فأن كان من اهلنا حق علية العقاب منا قبلهم وان كان مأجورآ عرفنا اننا بخير وكفانا خداع لانفسنا

اى عرض ومال لا يأمن علية اهلة الكل هنا فى مصر متساو لا فرق بين مسلم ومسيحى الكل فى الظلم واحد وان كانت رأس الدولة تمنح المسيحى اليوم حق اكثر من المسلم لاسباب الكل يعرفها لانها غير خافية (مصلحة النظام )

عزيزتى لابدلكل منا ان يحاول التفكير اولآ لمصلحة من تقام تلك الحماقات ولما الان ولماذا لانفكر فى كل المواد الاعلامية التى تنشر علينا ونأخذها كما هى ولا نكلف انفسنا مجرد التفكير فى سردها بهكذا طريقة تقود عقولنا الى الخنوع والامر الواقع ؟؟؟؟

اتقف مع حضرتك تماما في هذه النقطة ...و كل المصريين و مسلمين و مسيحيين امام خطر واحد ...عدونا على الحدود ينتظر ان يرى لبنان اخر على ارض مصر..فلبلاش نديهم الفرصة دي...

من الواضح ان سيادتك لا تعيشين فى مصر او عابرى سبيل بها صدقينى احنا كلنا مسلمين ومسيحيين سنكون خاسرين لو تركنا انفسنا للأنا لن ينفعنا غير انفسنا فلن يمنحنا الغرب شيئآ من الامن ان استقوى ايآ من بة انتى تعيشى الان فى وقت ضعف الدول الاسلامية ولم نعاصر او تعاصرى ايام كانت لهم الريادة ... لكن تأكدى ان مصر لا يمكن ان تكون لالبنان المسيحية التى تستقوى بالغرب ولا الاسلامية التى تقف تحت ارجل بلاد النفط سيدتى من العبط بل من السذاجة ان نصدق ان هناك من يهبا الطعام والملبس لوجة الله فهذا خداع ما يحدث لنا هنا فى مصر مدبر ولة تبعات والدولة تعرف جيدآ ويوم يحدث ما يدبر لنا صدقينى سنندم جميعآ ولكن هناك مثل لو رجل يملك عشرة اولاد واخر يملك ثلاثة وتم الصراع بينهم على الحياة من يعيش لة ويبقى من ابناءة الغدر والحرب القذرة القادمة بأيدى من يدبرون استغلال وتقسيم وطننا لن تفرق مدافعهم بين مسلم ومسيحى وسيدفع الثمن من يأتى بهم او يحتضنهم والشواهد على الابواب وعند الجيران

[أحمد سيف]

عزيزى المشرف

اعتقد ان الاستحياء ليس من شيم الاسلاميين فهم عودونا على الرد بقوة لكنك تسابق المحققين واهل الخبرة فى كشف المجرم وهذا سرة لا يعلمة الا انت لو سمحت ممكن تقول للجميع الرجاء الهدوء حتى تنجلى الحقيقة ونعرف من الجانى واذا كان الاسلاميين اخذو بمبدأ السكوت حتى تنجلى الحقيقة فلماذا نجد كل هذة الهمة فى تلفيق التهم بهم وكل من ينتمى الى تيار اسلامى اليس من حقهم ان ينتظرو

اما موضوع الادانة فكلهم ادانو العملية العبيطة والمجرمة وجميع طوائف الشعب المصرى تدين القتل كما تدين ايضآ التسرع فى تلفيق التهم وايجاد مبرر للهجوم على الاسلاميين وهذا لانى اشاهد مداخلات عبارة عن اتهامات جاهزة لهم فلنصبر وننتظر ربما نجد مفاجئة تخرس من يريد ان ينتهك عرض مصر

كنت حاسس إن أول ردّ على اللي كتبته هييجي منك يا أخ محمود ... والحمد لله لم تخيب ظني

بس يا ريتك تقولي استنتجت الكلام اللي بالأحمر ده من فين بالظبط ... أفي أي جزء من مداخلتي بالضبط أنا اتهمت الإسلاميين بارتكاب الجريمة أو حتى ادعيت معرفتي بهوية من ارتكبوها

[skyed]

تعازينا لضحايا هذا الحادث ......في عام 2002 في شهر أغسطس خلاف و تار بين عائلة (عائلة الحشاشبة)و بين ( عائلة عبد الحليم ) ....المكان : قرية بيت علاّم التابعة لمركز جرجا محافظة سوهاج ..... افراد من عائلة الحشاشبة كانوا يستقلون باصين صغيرين عائدين من مكانا ما ......و يعترض طريقها 7 اشخاص من عائلة عبد الحليم مسلحين بمدافع رشاشة و يمطرون السيارات و من بداخلها ..الحصيلة 23 قتيل ...ديانتهم ليس مسيحية ...أنهم مسلمين .

عام 1995 قتل 24 شخصا في تبادل اطلاق نار ومواجهة بالسكاكين بين عائلتين متنافستين لدى الخروج من احد الجوامع في محافظة المنيا (جنوب) كلهم مسلمين .

عام 1998 قتل رجل متورط في عملية ثار في 1995 سبعة اشخاص وجرح تسعة آخرين عندما فتح النار على جيرانه، في المنطقة نفسها.

موضوع 2010 له ابعاد ثأرية اكثر منها طائفيه بسبب حادثتين و قعه في فترة زمنية قصيرة و تمس اخطر شيء يمكن ان تعبث به في الصعيد و هو الشرف ....و هما اغتصاب فتاة مسلمة من مسيحي و هتك عرض و تصوير فتاة مسلمة اخري و من مسيحي ايضا ....... لهذا حدث ما كان متوقع و و قع هذا الحادث الرهيب و طبعا هناك البعض من الطرف المسيحي الذي لا يهمه الضحايا اكثر ما يهمه استخدام الحادث كورقة ضغط لمزيد من الحقوق التي لا اعرف لها نهاية ...

و طبعا هناك عوامل اخري تساعد في شحن المشاعر ضد الاقباط في مصر .......اكثرهم خطورة و بشاعة و سفالة هذا زكريا بطرس علي قناته الحياه ..لا شيء لها هذه القناة المتحدثة بالعامية المصرية بنسبة 95% الا سب رسولنا الكريم و التشكيك في القراءن و شتم المسلمين و سب الله سبحانه و تعالي (استغفر الله العظيم)

و من يفعل هذا مصري قبطي و في زي قسيس !!!!

و الاعجب و الاخطر ان يظهر منذ ايام البابا شنودة في تصريح خطير جدا في القاهرة اليوم عندما اجاب علي سؤال عن زكريا بطرس اجابة صادمة ...وقال :

((ْْXXXXXXXXXXXXXXXXXXXXXXXXXXXXXXXXXXXXXXX)

لا تعليق !

الاقباط لا يريدون ان يقتنعوا بأنهم اقل من 10% من نسبة هذه البلد !!! واذا كانوا يرديون ان يعاملو كما يعامل المسلمون في اوربا و امريكا فسوف يترحمون علي الجنة التي يعشون فيها الان 1000 مره في اليوم ...!

علي العموم انا لا اقول هذا لفتنة او طغينة ...ولكن اخاطب العقلاء من الاقباط بأن يعلموا بأن ليس هناك وطن لهم غير مصر ولا اخوة غير المصريين وان اي نار فتنة سوف يكون هم اول الخاسرين .....لا تعتمدوا علي امريكا و اوربا .....هؤلاء لا يبحثون الا عن مصلحتهم فقط و خططهم .......

ونحن المسلمين اخوة في الوطن لكم فلا تقولوا اننا نقتل و نحرق في مصر و انتم تنعمون بأمان و الشاهد علي ذلك نبوغكم في مجال التجارة و العلم و الذهب و العقارات

تحياتي الي الجميع .

تم تعديل 14 يناير 2010 بواسطة Scorpion
ادراج حديث كاذب علي لسان الباب شنودة

[aymaneng]

الاخوة المسحيين واخدين حقهم وزيادة فى مصر زيهم زى اى مصرى شوفوا المسلمين بتعاملوا ازاى فى فرنسا والمانيا وامريكا وتعرفوا ان هما هنا فى نعمة... واللاخت princess بقولها متنسيش ان مصر بلد اسلامية (المفروض يعنى)

ودى حادثة فردية من واحد متهور او متعصب لا تعبر عن حال المسحيين فى مصر... كفاية انهم اغنى ناس فى مصر واكتر ناس معاهم فلوس يعنى مفتوحة ليهم التجارة وكمان الوزارة منهم وزراء ودكاترة جامعة يبقى كلام انهم مظلومين ليس لهم اساس من الصحة تماما

وعلى فكرة يا جماعة انا مش متعصب ولا متدين اناانسان عادى بصلى وصوم مش اكتر لتاخدوا كلامى على اساس انى شيخ

[حسام يوسف]

يعنى بدل ما نعزي أخواننا المسيحيين ونعزي نفسنا

نفاجأ بمثل هذة الكلمات التى تضع الملح فى الجرح

ولا حول ولا قوة الا بالله

تم تعديل 9 يناير 2010 بواسطة حسام يوسف

[إبن مصر]

العدل اساس الملك..........

هذه هى القضيه الاساسيه.... العدل.. اذا شعر اى من اخوتنا الاقباط بالعدل فى التعامل فى وطننا لكان التفكير فى اى من الجرائم يوضع فى حجمه الطبيعى بعيدا عن اى تفسير مؤلم للتمييز او الاضطهاد..

اذا شعروا ان مراكز الدوله القياديه سواء الجامعيه او التنفيذيه ليست حكرا على اخوانهم المسلميين وليس هناك تمييزا فى هذه المناصب لما شعروا بمراره الاضطهاد و تعمد اقصائهم.

اذا شعروا بان الامن يعامل قضاياهم بدون تمييز وان عجله العداله تسرى بنفس السرعه على الجميع لما شعروا بالاضطهاد.

اذا كان هناك شفافيه فى عرض كل تفاصيل الجرائم ولا تقتصر فى 90% منها على المسجلين خطر و المرضى النفسيين والاستماته فى حجب حقيقه الجريمه الحقيقيه سواء بتنظيمات متطرفه او ايدى خارجيه لما شعروا بالاضهاد ولقبلوا التفسيرات الحقيقيه للجرائم.

تقصيرنا فى التعامل الحقيقى بقواعد الاسلام الحقيقيه وان الدين المعامله وان الحقوق لا تفر ق وتمييز بين الملل هو الذى جعل اى شراره قادره على اشعال حريق.

وبالطبع هناك من يهمه تأصيل هذه الصوره لاظهار الصوره كاضطهاد منظم لما يحققه من مكاسب خاصه ونحن كلنا.. كلنا.. اقباط مسلمين واقباط مسيحيين اعطيناهم جميعا الفرصه لذلك.

لابد ان نواجه الحقيقه بدون وضع رؤسنا فى الرمال ..الجريمه قد واقول قد تكون جريمه جهل وليس تجميلا للحقيقه ولكن لجهلنا فى معامله الجرائم السابقه اصبح كل تفسير غير مقبول .

وليس منطقيا حين اسأل عن العدل ان تذكر لى ظلمى فى امور أخرى وكانها بمبدأ ( انظر لنفسك قبل ان تحاسبنى ) ليس هذا محكا للعدل او الحقيقه ان تقارن بين افعالى وافعالك فى معرض دفاعك عن نفسك فليس العبره بمن اكثرنا خطأ ولكن العبره بمن منا يحافظ على الصواب.

الاسلام برىء مما يفعله المسلمون باسمه......

الجهل هنا ليس جهل عادات ولكنه جهل عقيده وتصرفات .

وفى النهايه.. العدل اساس الملك.... اذا وجد العدل ذهبت الفتنه .

وهذا راى الشخصى.

[abaomar]

العدل اساس الملك..........

هذه هى القضيه الاساسيه.... العدل.. اذا شعر اى من اخوتنا الاقباط بالعدل فى التعامل فى وطننا لكان التفكير فى اى من الجرائم يوضع فى حجمه الطبيعى بعيدا عن اى تفسير مؤلم للتمييز او الاضطهاد..

اذا شعروا ان مراكز الدوله القياديه سواء الجامعيه او التنفيذيه ليست حكرا على اخوانهم المسلميين وليس هناك تمييزا فى هذه المناصب لما شعروا بمراره الاضطهاد و تعمد اقصائهم.

اذا شعروا بان الامن يعامل قضاياهم بدون تمييز وان عجله العداله تسرى بنفس السرعه على الجميع لما شعروا بالاضطهاد.

اذا كان هناك شفافيه فى عرض كل تفاصيل الجرائم ولا تقتصر فى 90% منها على المسجلين خطر و المرضى النفسيين والاستماته فى حجب حقيقه الجريمه الحقيقيه سواء بتنظيمات متطرفه او ايدى خارجيه لما شعروا بالاضهاد ولقبلوا التفسيرات الحقيقيه للجرائم.

تقصيرنا فى التعامل الحقيقى بقواعد الاسلام الحقيقيه وان الدين المعامله وان الحقوق لا تفر ق وتمييز بين الملل هو الذى جعل اى شراره قادره على اشعال حريق.

وبالطبع هناك من يهمه تأصيل هذه الصوره لاظهار الصوره كاضطهاد منظم لما يحققه من مكاسب خاصه ونحن كلنا.. كلنا.. اقباط مسلمين واقباط مسيحيين اعطيناهم جميعا الفرصه لذلك.

لابد ان نواجه الحقيقه بدون وضع رؤسنا فى الرمال ..الجريمه قد واقول قد تكون جريمه جهل وليس تجميلا للحقيقه ولكن لجهلنا فى معامله الجرائم السابقه اصبح كل تفسير غير مقبول .

وليس منطقيا حين اسأل عن العدل ان تذكر لى ظلمى فى امور أخرى وكانها بمبدأ ( انظر لنفسك قبل ان تحاسبنى ) ليس هذا محكا للعدل او الحقيقه ان تقارن بين افعالى وافعالك فى معرض دفاعك عن نفسك فليس العبره بمن اكثرنا خطأ ولكن العبره بمن منا يحافظ على الصواب.

الاسلام برىء مما يفعله المسلمون باسمه......

الجهل هنا ليس جهل عادات ولكنه جهل عقيده وتصرفات .

وفى النهايه.. العدل اساس الملك.... اذا وجد العدل ذهبت الفتنه .

وهذا راى الشخصى.

السلام عليكم

اخى الكريم احمد جزاك الله خيرا

اخى الحبيب تتحدث و كأننا يحكمنا نظام ذو مرجعيه اسلاميه حقيقيه .

النظام العلمانى ( بلسان نظيف نفسه ) يظلم الكل مسلمين قبل مسيحيين لذلك لا يجب الاسقاط على الاسلام و منتسبيه

من الشعب المصرى المسلم و الذى و لقرووووون طويله احتوى جيران الوطن مختلفى العقيده دون اى مشكله .

اخى الكريم الاضطهاد المزعوم و الذى ذكرته هو بالونه اختبار يتم نفخها امام العالم لتحقيق مكاسب على طول الخط

و إلا يا اخى اى اضطهاد و قائمه اغنى اغنياء العالم فيها ثلاثه من مسيحيي مصر دون مسلميها .

.

اخى الكريم من الظلم بمكان الاصرار على الباس القضيه مرجعيه دينيه لتظهر فى النهايه انها اضطهاد دينى

رغم ان الكل يري و يسمع عن الخلفيه الجنائيه و عادات الثأر المرفوضه قطعا بكل اشكالها و لكنها

للاسف واقع ... واقع .. يجب علينا الاعتراف بوجوده و يطال الجميع مسلمين قبل غيرهم

فلماذا هذا التعنت و الاصرار منذ البدايه على جعل القضيه بهذا الشكل ..من اكثر المستفيدين ..اجزم بالطبع انه

الكنيسه المصريه فبالاضافه لاجندتها المدعومه خارجيا و تطلعاتها الانعزاليه و استقلال الجنوب جاءت لها تلك الحادثه على طبق

من ذهب لتشغل الانظار عن فضيحه الظهور التى اثارت الانشقاق الشديد و البلبله داخل الشعب المسيحى و لتجمع حولها

اتباعها الواقعين تحت ضغط الرغبه بالتوجه الى كنائس اخرى فرارا من ما يلاقوه من تعنت فى قضايا كثيره مثل الطلاق مثلا.

.

تذكرت نكته قديمه قيلت عن مسابقه لاصطياد ثعلب بين ثلاث جنسيات منهم المصرى بالطبع و الذى تأخر

فى الحضور و عندما بحثوا عنه وجدوه فى كهف ممسكا بارنب و يقوم بتعذيبه قائلا له ...قول انا تعلب ..

..هى اضطهاد دينى ضد النصارى ...هى اضطهاد دينى ضد النصارى .. :lol:

تم تعديل 9 يناير 2010 بواسطة abaomar

[skyed]

لو اراد الاقباط ان يعيشوا كاعدادهم من المسلمين و ليس 8% من تعداد السكان فأن اتفق و معهم في هذا لهم ما لهم من حقوق و عليهم ما عليهم من واجبات ....اما ان يحاولوا فرض وصايتهم علي المسلمين اكثر من 90% من السكان و جعل أزمة الحياة السياسية و الاقتصادية في ايديهم فلا اعتقد انها فكره جيده ...

واذا اردوا ان يبنوا كنائس تسع اعدادهم و تجمعتهم و صلاتهم فأن من المؤيدين الي هذا طبعا .......ولكن محاولة صبغ التراب المصري بالطبع المسيحي و ابراز المسيحيه و كأنها هي الدين المهيمن علي البلد ..فلا هذا غير مقبول تماما .

و غير مقبول طلبهم بتحويل مصر الي دولة علمانية و فصل الدين عن الدستور ...... فهذا يعتبر طلب استفزازي من اقليه 8% علي الاغلبية من المسلمين !!

في سويسرا تم منع المأذن في خطوة اولي في حربهم علي الاسلام .......و لهم حقهم في أدارة بلدهم .....و معظم الميسحيون قالوا نعم الي هذا القرار و ان هذه هي الديموقراطية و رأي الشعب !!! تري ...لو تم عمل استفتاء علي بناء الكنائس في مصر ....ماذا سوف تكون النتيجه ؟؟؟؟؟؟؟؟؟؟؟؟؟؟

نحن متسامحون اكثر من الغرب الميسيحي ......لم نمنع اجراس الكنائس كما يتم منع الاذان في اوربا و امريكا بحجة ان المسلمين هناك اقلية ....وانا اتحدث عن سكان البلد من المسلمين و ليس المهاجرين !!

فيجب علي الاخوة الاقباط رؤية موقفهم بوضوح و موضعيه و صراحه ....ونحن لهم أخوة طالما هم يرون الوضع علي حقيقته ...اما بالنسبة الكلام الذي يردده الكثير من الاقباط بأن مصر احتلت من المسلمين من 1400سنة فهذه الحماقه بعينها ..

معظم سكان مصر الآن هم السكان الاصليون الذين اسلموا عن قناعه و حب الي الدين الاسلامي !!

لقد كانت مصر وثنية قبل المسيحيه ثم تنصر اغلب سكان مصر فهل يقول الوثنيون المصريون بأن المسيحيون احتلوا راضهم و غيروا دينهم ؟؟؟؟؟؟؟؟؟؟؟؟؟؟؟؟؟

[MaYousof]

تعازينا لضحايا هذا الحادث

و طبعا هناك عوامل اخري تساعد في شحن المشاعر ضد الاقباط في مصر .......اكثرهم خطورة و بشاعة و سفالة هذا زكريا بطرس علي قناته الحياه ..لا شيء لها هذه القناة المتحدثة بالعامية المصرية بنسبة 95% الا سب رسولنا الكريم و التشكيك في القراءن و شتم المسلمين و سب الله سبحانه و تعالي (استغفر الله العظيم)

و من يفعل هذا مصري قبطي و في زي قسيس !!!!

و الاعجب و الاخطر ان يظهر منذ ايام البابا شنودة في تصريح خطير جدا في القاهرة اليوم عندما اجاب علي سؤال عن زكريا بطرس اجابة صادمة ...وقال :

((xxxxxxxxxxxxxxxxxxxxxxxxxxxxxxxxxxxxxxxxxxxxxx)

لا تعليق !

الاقباط لا يريدون ان يقتنعوا بأنهم اقل من 10% من نسبة هذه البلد !!! واذا كانوا يرديون ان يعاملو كما يعامل المسلمون في اوربا و امريكا فسوف يترحمون علي الجنة التي يعشون فيها الان 1000 مره في اليوم ...!

علي العموم انا لا اقول هذا لفتنة او طغينة ...ولكن اخاطب العقلاء من الاقباط بأن يعلموا بأن ليس هناك وطن لهم غير مصر ولا اخوة غير المصريين وان اي نار فتنة سوف يكون هم اول الخاسرين .....لا تعتمدوا علي امريكا و اوربا .....هؤلاء لا يبحثون الا عن مصلحتهم فقط و خططهم .......

يا أخ skyed, هو يعني حضرتك لو الأقباط كانو 70% مثلا من نسبة سكان هذا البلد ساعتها يبقى من حقهم سب الرسول والتشكيك في القرآن وشتم المسلمين؟ أنا مش عارف اش دخل سب الرسول في نسبة الأقباط؟ ولا هو الهدف بس إن احنا نذل أهاليهم إنهم 10%؟ يا سيدي سواء 10 أو إنشاالله 1% ده مالهوش دعوة بوجوب العدل وتحري الحق سواء علينا ليهم أو عليهم لينا!

وحضرتك لما جيت تخاطب خاطبت عقلاء الأقباط! أنا افتكرت إن المشكلة في حمقاءهم. ماهم طبعا عندهم حمقاء مثل ما عندنا مليااااان حمقاء. عقلاء الأقباط يا سيدي عارفين إن مصر هي وطنهم وبيحبوا مصر أكتر من حب حمقاء المسلمين لمصر. رجاء تحرى الجهة اللي إنت محتاج تخاطبها أولا.

المسلمين اللي متضايقين إني عمال انصر في حق الاقباط رجاء أنا أولا مش خايف منكم عشان اجاملكم أنا خوفي من ربنا وعشان خاطر ربنا لازم أقول اللي لي واللي علي .. ثقافة إني اخد أكتر من اللي لي عشان أنا وضعي أقوى ثقافة حمقاء غبية يبغضها الله الحكم العدل الحق لأنها ضد أسمائه وصفاته جل وعلى وتنزه سبحانه عن الحماقة والظلم

لنقرأ سويا:

الحق هو الاسم الذي تفرد به الحق سبحانه وخص به نفسه ، وجعله أول أسمائه فكل ما يرد بعده يكون نعتا له وصفة ، وهو أعظم الأسماء لأنه دال على الذات الجامعة لصفات الإلهية إذ لا يطلق على غيره لا حقيقة ولا مجازا أسماء الله الحسنى الله

[MaYousof]

الاخوة المسحيين واخدين حقهم وزيادة فى مصر زيهم زى اى مصرى شوفوا المسلمين بتعاملوا ازاى فى فرنسا والمانيا وامريكا وتعرفوا ان هما هنا فى نعمة... واللاخت princess بقولها متنسيش ان مصر بلد اسلامية (المفروض يعنى)

ودى حادثة فردية من واحد متهور او متعصب لا تعبر عن حال المسحيين فى مصر... كفاية انهم اغنى ناس فى مصر واكتر ناس معاهم فلوس يعنى مفتوحة ليهم التجارة وكمان الوزارة منهم وزراء ودكاترة جامعة يبقى كلام انهم مظلومين ليس لهم اساس من الصحة تماما

وعلى فكرة يا جماعة انا مش متعصب ولا متدين اناانسان عادى بصلى وصوم مش اكتر لتاخدوا كلامى على اساس انى شيخ

يا باشمهندس أيمن المسيحيين مش مظلومين وماحدش قال إنهم مظلومين. المسيحيين (عقلاء وجهلاء على السوء) محقود عليهم من جهلاء المسلمين, تماما زي ما المسلمين (عقلاء وجهلاء على السوء) محقود عليهم من جهلاء المسيحيين.

مشاكل جهلاء وحمقاء المسيحيين مش من أولوياتي في الوقت الحالي. أنا اللي هاممني في الوقت الحالي هو جهلاء وحمقاء المسلمين اللي بيصروا إن العدل إن المسيحيين (عقلاء وجهلاء على السوء) يشكرونا صبح وليل إن احنا بنمن عليهم بحسنة إننا سايبينهم يبقوا تجار ووزراء ودكاترة

طب أنا عندي اقتراح

المسحيين يلموا من بعضيهم ويعملوا إعلان شكر في الجرنال للمسلمين على كل الحسانات إللي منينا عليهم بيها ونتفك بقى من الموضوع ده ..

[MaYousof]

و الاعجب و الاخطر ان يظهر منذ ايام البابا شنودة في تصريح خطير جدا في القاهرة اليوم عندما اجاب علي سؤال عن زكريا بطرس اجابة صادمة ...وقال :

(XXXXXXXXXXXXXXXXXXXXXXXXXXXXXXXX)

أنا من النوع اللي لازم يتأكد من مصدر المعلومة قبل ما يهيّصلها ويطبلهّا ..

أنا معرفش إذا كان قداسة البابا قال الكلام ده ولا لأ وماعتقدش إن البابا إنسان غير حكيم ..

الكلام مش عادل ولا منطقي يا زهيري .. الحكمة تدّعي إن رد الفعل يكون لصالح كلا الطرفين .. مثلا (أطالب زكريا بطرس بالكف عن الإساءة للإسلام بنفس القدر إللي أطلب بيه الحمقاء من المسلمين بالكف عن الإساءة للمسيحية)

ده إللي أنا أعتقد إنه كلام ممكن يطلع من افواه الحكماء .. وأحسب البابا حكيما ..

تحروا المصادر رجاء ..

[MaYousof]

العدل اساس الملك..........

هذه هى القضيه الاساسيه.... العدل.. اذا شعر اى من اخوتنا الاقباط بالعدل فى التعامل فى وطننا لكان التفكير فى اى من الجرائم يوضع فى حجمه الطبيعى بعيدا عن اى تفسير مؤلم للتمييز او الاضطهاد..

اذا شعروا ان مراكز الدوله القياديه سواء الجامعيه او التنفيذيه ليست حكرا على اخوانهم المسلميين وليس هناك تمييزا فى هذه المناصب لما شعروا بمراره الاضطهاد و تعمد اقصائهم.

اذا شعروا بان الامن يعامل قضاياهم بدون تمييز وان عجله العداله تسرى بنفس السرعه على الجميع لما شعروا بالاضطهاد.

اذا كان هناك شفافيه فى عرض كل تفاصيل الجرائم ولا تقتصر فى 90% منها على المسجلين خطر و المرضى النفسيين والاستماته فى حجب حقيقه الجريمه الحقيقيه سواء بتنظيمات متطرفه او ايدى خارجيه لما شعروا بالاضهاد ولقبلوا التفسيرات الحقيقيه للجرائم.

تقصيرنا فى التعامل الحقيقى بقواعد الاسلام الحقيقيه وان الدين المعامله وان الحقوق لا تفر ق وتمييز بين الملل هو الذى جعل اى شراره قادره على اشعال حريق.

وبالطبع هناك من يهمه تأصيل هذه الصوره لاظهار الصوره كاضطهاد منظم لما يحققه من مكاسب خاصه ونحن كلنا.. كلنا.. اقباط مسلمين واقباط مسيحيين اعطيناهم جميعا الفرصه لذلك.

لابد ان نواجه الحقيقه بدون وضع رؤسنا فى الرمال ..الجريمه قد واقول قد تكون جريمه جهل وليس تجميلا للحقيقه ولكن لجهلنا فى معامله الجرائم السابقه اصبح كل تفسير غير مقبول .

وليس منطقيا حين اسأل عن العدل ان تذكر لى ظلمى فى امور أخرى وكانها بمبدأ ( انظر لنفسك قبل ان تحاسبنى ) ليس هذا محكا للعدل او الحقيقه ان تقارن بين افعالى وافعالك فى معرض دفاعك عن نفسك فليس العبره بمن اكثرنا خطأ ولكن العبره بمن منا يحافظ على الصواب.

الاسلام برىء مما يفعله المسلمون باسمه......

الجهل هنا ليس جهل عادات ولكنه جهل عقيده وتصرفات .

وفى النهايه.. العدل اساس الملك.... اذا وجد العدل ذهبت الفتنه .

وهذا راى الشخصى.

عم أحمد, أخيرا قرأت لحضرتك مداخلة في الموضوع ده .. الحمدلله :closedeyes:

والله هو ده اللي بتكلم فيه لحد ما صوتي اتنبح .. العدل الحق .. العدل الحق .. العدل .. الحق