ماذا عن الحدود الجنوبية يا سادة؟

[Sherief AbdelWahab]

سيبكم دلوقت من قصة الجدار ، وشماعة الأمن القومي اللي ما ظهرتش إلا وقت الجدار.. واللي اتضح إن مفيش جدية في التعامل معاها من أصله..

محدش سأل نفسه عن الحدود الجنوبية ، اللي بيتهرب لنا منها سلاح ومخدرات بالجملة.. لا حس .. ولا خبر..

عندك عصابات بتتقاتل في السودان ، والصومال ، وتجارات غير مشروعة منها السلاح ، اللي داخل خارج في الوكالة اللي من غير بواب ، إشي صيني ، وإشي مش عارف إيه ..

وبعد كدة يحصل بقى الاذبهلال الكبيير قوي لما نلاقي أي "شنكوتي" هاوي إجرام معاه رشاش ، أو عشرة عزت حنفي طالعلين لنا من حيث لا نعلم ولا ندري..

فيه أخطاء سياسية في التعامل مع أزمات الصومال والسودان ، وفيه محاولات استدراج لينا في البلدين دول زي ما حصل على المسار الفلسطيني بل وأسوأ.. في المسألة الصومالية فيه ضغوط على مصر علشان تستضيف وتتوسط وتطبطب وتدلع وتستثمر ، وفيه مرتزقة بيأيدوا الكلام دة في الوقت الحالي عندنا في مصر .. ونبص نلاقي نفسنا هدف لعمليات إرهابية جديدة لصوماليين سواء قاعدة ولا أحباش..

شايفين اللي بيحصل إيه بعيننا كمصريين؟

خلص الكلام

[Sherief AbdelWahab]

"ماذا بعد" هو الثمن الفادح الذي ندفعه لتجاهل "ماذا إذا"..

وقد حدث..

وقد وقع المحذور..

الحدود الجنوبية السايبة.. لا تسمية لدي أدق..

وسيبكم بقا من اللي بيضحكوا على نفسهم ويقولولنا السلاح جاي من أنفاق غزة .. يعني أنهو اللي أقرب للصعيد الجواني: غزة ولا السودان؟

الناس دي ما قرتش قصة عزت حنفي؟

ما شافتش فيلم الجزيرة؟

ما نزلوش الشارع هناك وسمعوا قصص تهريب السلاح والحشيش من الجنوب؟

قعدنا سنين طويلة علاقاتنا بايظة مع السودان ، ولو كانت متصلحة كان زمان مصر عملت تنسيق مع السودان في مكافحة التهريب بكل أشكاله..

لكن اتحسنت العلاقات بعد اللي جرى ما كان ..

وبعد ما أصبح السودان غير مستقر..

وبعد ما دخل اللي دخل في الصومال ..

وبعد ما بقى فيه سوق للسلاح والمخدرات هناك وهنا كمان..

أكرر السؤال: شايفين الوضع إيه..

قبل ما المصيبة الجاية تحصل؟

أو قبل ما تيجي طوبة تانية في المعطوبة .. ونقول: مافيش فايدة.. و..

خلص الكلام

[عيون الصقر]

نظرية الامن القومي وتامين الحدود نظريه غائبه تماما عن مبارك واعوانه

واوعى تفتكر ان هم اصلا بيفكرو فى تامين مصر

هم بس عاملين تامين عن طريق علاقاتهم وتواطئهم مع امريكا واسرائيل

يعنى على مبدا طالما انت معانا مش هنقربلك

وواهم من يفكر مجرد التفكير ان هناك من يفكر فى مصلحة الشعب

يا جماعه احنا محتلين من مبارك وحكومته

وهو فيه محتل بيفكر فى مصلحه الارض اللى بيحتلها او شعبها !!!!!