من موضوع ظهور السيدة العذراء بين الحقيقة و الخيال

[jessika]

أنا حبيت أرد مش عن موضوع الوراق فقط و لكن عن ظهورات السيدة العذراء :

أولا الظهور بتاع سنة 1968 ده من الظهورات المسجلة عالميا بمعنى تم التأكد منه تماما و مش من الكنيسة القبطية فقط

ثانيا أن ظهورات السيدة العذراء فى بلاد كتير غيرنا مش أحنا بس و ظهورات مسجلة (أنا شفت الفيلم اللى بيحكى على الظهورات المسجلة فى جميع أنحاء العالم مش مصر س) وعلى فكرة ده عشان الظهور يبقى من الظهورات المسجلة ده موضوع مش سهل.

ثالثا أنا أعتقد أن كل واحد حر يعتقد بما يريد و مش ممكن حقول لحد من المسيحين العدرا تظهر فى مكان و مش حيروح وده مش تبشير ولا حاجة يعنى لأن أنا عارفة أن فية حديث أو فى القرأن ما معناه أن الشياطين ممكن تتمثل صورة أى حد ألا الرسول على ما أعتقد و أعذرونى أنى طبعا مش حافظة النص فسهل أوى رد الأخوة المسلمين على ده موضوع التشكيك ده كل واحد و أعتقاده و أنا ورغم انى بعتبر نفسى علمانية لكن أنا مؤمنة بظهور العذراء و هى لها مكانه خاصة جدا عندى وزى ماقال أحد الزملاء نتيجة لتجارب شخصية ليا

يا سيدتى الفاضلة.. ايمانك بظهورها هذا امر يخصك, و نحن نحترمه بشده - بغض النظر عن مدى منطقيته.

حريتك فى اعتقاد ما تشائين هى حرية قد منحها الله لك.. و ليس لاحد فضل عليك فى هذا غير الله.

ربما وضع المسيحيين فى مصر يعطيهم بعض المميزات, لانهم اهل مصر.. و لكن تظل الحرية مقيدة بحرية الاخرين... و بحرية المجتمع أيضا و مبادئه. من حقك ان تعبدى من تشائين.. و لكن ليس من حقك ان تروجى لما تعبدين بصورة زائدة عن الحد! و ليس من حقك ان تشغلى بال المجتمع بما تفعلين!

اما عن موضوع التشكيك.. فصدقينى التشكيك يأتى من المنطق قبل ان يكون من الدين! لقد قرأت مقالة فى جريدة لوس أنجلوس تايمز.. و هى جريدة واسعة الانتشار فى كاليفورنيا و امريكا.. و كان المقال عن الظهور فى الوراق و عن "تخلف المصريين البؤساء" اللذين يبحثون عن اى متنفس لحل مشاكلهم.. و حزنت كثيرا لما قرأته.

و عموما.. لو تحول كل المسلمين الى المسيحية.. فان هذا لن يضر الله فى شىء, و لو تحول كل المسيحيين الى الاسلام, فإن هذا لن يغنى الله بشىء!

اتمنى الا تكون قد ضايقتك بعض التعليقات.. و اتمنى ان تظلى بخير و سعادة. و كل سنة و انتى طيبة.

هو مين اللى عمل بلبلة يا استاذ ولا شغل مجتمعك

انت اصلا كل ردودك كلها تعصب

ومش انت بس انت وناس كتير الواحد فعلا اتصدم من كتابتها ومكنش يتيل انها بالعقلية دى

سورى يعنى هو الموضوع شاغلكم فى اية؟

دة شىء خاص بعقيدتنا محدش طلب منكم تصدقوا او ترفضوا

ولو على الاعلام هو اللى مهتم وبيجرى ورا الحدث مش احنا اللى طلعنا نقول تعالوا يا ناس شوفوا

العدرة ظاهرة فى السما يعنى فى الجو قدام كل الناس مش هتحكمها ولا نقول محدش يبص ولا يفرح

ولا مطلوب مننا ناكد على ظهورها ولا نقنعكم بية

معرفش لية احنا شعب بالمنظر دة فعلا شعب بتاع كلام وبس

محبة وترابط واخوة ولا فى حب ولا فى اى شىء بصراحة دة اللى انا شيفاة

وحقيقى حزينة علية

عموما اى حد كتب اى كلمة فى حق الست العدرة غلط او شكك دة يتزعل علية ميتزعلش منة لانة فعلا لو عارف قيمة الكلام دة مكنش فكر يكتب اى كلمة وخلاص

وانا على فكرة شفت الظهور بنفسى ولكن عمرى مهقنع حد بدة

ربنا يهدى

[myusername]

هو مين اللى عمل بلبلة يا استاذ ولا شغل مجتمعك

انت اصلا كل ردودك كلها تعصب

ومش انت بس انت وناس كتير الواحد فعلا اتصدم من كتابتها ومكنش يتيل انها بالعقلية دى

سورى يعنى هو الموضوع شاغلكم فى اية؟

دة شىء خاص بعقيدتنا محدش طلب منكم تصدقوا او ترفضوا

ولو على الاعلام هو اللى مهتم وبيجرى ورا الحدث مش احنا اللى طلعنا نقول تعالوا يا ناس شوفوا

العدرة ظاهرة فى السما يعنى فى الجو قدام كل الناس مش هتحكمها ولا نقول محدش يبص ولا يفرح

ولا مطلوب مننا ناكد على ظهورها ولا نقنعكم بية

معرفش لية احنا شعب بالمنظر دة فعلا شعب بتاع كلام وبس

محبة وترابط واخوة ولا فى حب ولا فى اى شىء بصراحة دة اللى انا شيفاة

وحقيقى حزينة علية

عموما اى حد كتب اى كلمة فى حق الست العدرة غلط او شكك دة يتزعل علية ميتزعلش منة لانة فعلا لو عارف قيمة الكلام دة مكنش فكر يكتب اى كلمة وخلاص

وانا على فكرة شفت الظهور بنفسى ولكن عمرى مهقنع حد بدة

ربنا يهدى

السلام عليكم,

فعلا والله ربنا يهدى!!!!!!!!!!!!!!!

اولا مفيش حد يقدر يغلط فى السيدة مريم... و مفيش حد غلط فيها هنا.. و لن اخوض فى هذا, فالمسيحى قبل المسلم يعرف درجتها فى الاسلام.

و ممكن حضرتك تطلعيلى الجمل اللى انتى شايفانى غلطت فى السيدة مريم فيها؟!

بالنسبة للتعصب.. حضرتك لو بصيتى, هتلاقى ان تقريبا 99% من الردود بترد بشكل عقلى و منطقى بحت! بصراحة انا ملاحظ ان الناس كلها تقريبا بتقول دلائل و براهين عقلية.. و ليست دينية!

ده انا يمكن اكتر واحد بركز قوى على حرية الفكر و العقيدة.. و انها حق ربنا هو اللى اداه للانسان!

الاخوة و المحبة و الترابط موجودين بدون شك... و بصراحة انا مبشفش مسيحيين فى مصر خالص! عارفة ليه؟ لانى مببصش اصلا اذا كان اللى قدامى مسلم ولا مسيحى.

مسألة انك شفتى الظهور بنفسك لا يجبرنا ان نتعامل معه على انه من المسلمات.. او انه شىء بديهى و قانون!

زى ما انتى من حقك انك تختلفى معايه.. انا كمان من حقى انى اختلف معاكى.

و بصراحة انا مش عارف حضرتك ليه مستغربة ان فيه ناس مش مصدقة؟! و ليه ميكونش العكس؟!

ماذا تتوقعين من مسلم ان يقول؟ هل تتوقعين ان المسلمين يؤمنوا اصلا بالصليب؟ انا ماكنتش احب ادخل فى مسائل عقيدية بحتة.. و لكن انا كمسلم مش مستغرب لما المسيحي ميبقاش مؤمن بالقرآن.. ما هو ده شىء طبيعى!! يبقى ازاى حضرتك مستغربة اننا نكون مش مصدقين شىء يتعلق بعقيدتك انتى!!

لماذا نفترض دائما اننا الوحيدون اللذين نمتلك المعرفة؟

اتمنى ان نتعلم ثقافة التباين و الاختلاف.. فنحن فى اشد الحاجة اليها.

و على فكرة.. لو حضرتك قارنتى بين الحال المسحيين فى مصر.. و حال المسلمين فى اوروبا, فستدركى حتما ان المسيحين يتمتعون بحقوق لا تتمتع بها اى اقلية فى العالم!!!

بالنسبة للبلبلة و اثارة المشاعر.. فحدث و لا حرج.

احنا مش عايزين حد يقنعنا.. و مش عايزين نعرف اصلا ولا عايزين نسمع مبررات.. و لا نسمع عن الموضوع ده من اصله, و فى الحقيقة هو ده مربط الفرس! ان احنا مش عايزين نعرف... مش عايزين كل شوية نشغل بال برامج التليفزيون و الجرايد بالموضوع ده.

عندما يصل الامر الى ان تكتب عنه الجرائد الامريكية و الاوروبية, و يتهمونا بالجهل و التخلف.. و اننا ما زلنا نعيش فى تخاريف العصر الحجرى, فيجب ان تكون هناك وقفة! لانهم يتهمون المصريين.. و لا يتهموا المسيحيين وحدهم!!!

كل سنة و انتى طيبة. :sad:

تم تعديل 25 ديسمبر 2009 بواسطة myusername

[myusername]

وانا على فكرة شفت الظهور بنفسى ولكن عمرى مهقنع حد بدة

ربنا يهدى

الاخت الفاضلة جيسيكا .. تحية طيبه وكل عام وحضرتك بخير :blush2:

أقسم لك بالله .. أننى لم أطرح تساؤلى بدافع التهكم او السخرية .. وانما بدافع السعى وراء الحقيقه وراء هذا الظهور .. ومن هذا المنطلق .. وبناءا على تصريحك اعلاه برؤيتك للسيدة مريم العذراء .. وبما أنكى شاهدة عيان ..فأننى أطرح عليكى التساؤل ثانية الذى طرحته من قبل .

سؤال يعنى الى اللى شافوها او حتى سمعوا من اللى شافوها .. هل هى ظهرت بتتحرك .. والا ظهرت كصوره ثابته .. وهل الصوره اللى ظهرت بيها صوره مجسمه وواقعيه لها . ام هى الصوره المرسومه لها والمتعارف عليها ((والتى هى من وحى خيال الرسام التى رسمها ولا تعبر بالقطع عن شكلها الحقيقى منذ 2009 سنه ))

تساؤل يغذيه ويدعمه حب المعرفة والسعى وراء الحقيقه .. فلا تحرمينى وتحرمينا من الاجابه عليه بالله عليكى .. عسى ان تكونى رسول العذراء .. لتبلغى عنها بالمنتدى

هذا وأهيب بالاخوة والاخوات أن نتحاور بالتى هى أحسن .. وان يكون الحوار فى صلب الموضوع .. بعيدا عن الحوارات الجانبيه التى من شأنها ان تؤدى الى غلق الموضوع .. كما يحدث عادة فى مثل الموضوعات الشائكة والمشابهة لهذا الموضوع

وفى انتظار شهادتك اختى الفاضله

والله حضرتك راجل مية مية. أحب انا الناس اللى بتتكلم فى المفيد على طول.. احنا لسه هنحكى قصص.

حضرتك تذكرنى باسلوب الشافعى.. رضى الله عنه.

ملحوظة: اتمنى الا اكون المقصود, و حضرتك هتلاقى ان مفيش ولا كلمة عندى خارجة عن المنهج :sad:

تم تعديل 25 ديسمبر 2009 بواسطة myusername

[se_ Elsyed]

هو مين اللى عمل بلبلة يا استاذ ولا شغل مجتمعك

انت اصلا كل ردودك كلها تعصب

ومش انت بس انت وناس كتير الواحد فعلا اتصدم من كتابتها ومكنش يتيل انها بالعقلية دى

سورى يعنى هو الموضوع شاغلكم فى اية؟

دة شىء خاص بعقيدتنا محدش طلب منكم تصدقوا او ترفضوا

ولو على الاعلام هو اللى مهتم وبيجرى ورا الحدث مش احنا اللى طلعنا نقول تعالوا يا ناس شوفوا

العدرة ظاهرة فى السما يعنى فى الجو قدام كل الناس مش هتحكمها ولا نقول محدش يبص ولا يفرح

ولا مطلوب مننا ناكد على ظهورها ولا نقنعكم بية

معرفش لية احنا شعب بالمنظر دة فعلا شعب بتاع كلام وبس

محبة وترابط واخوة ولا فى حب ولا فى اى شىء بصراحة دة اللى انا شيفاة

وحقيقى حزينة علية

عموما اى حد كتب اى كلمة فى حق الست العدرة غلط او شكك دة يتزعل علية ميتزعلش منة لانة فعلا لو عارف قيمة الكلام دة مكنش فكر يكتب اى كلمة وخلاص

وانا على فكرة شفت الظهور بنفسى ولكن عمرى مهقنع حد بدة

ربنا يهدى

بالراحه بس يا جيسيكا وما فيش داعي لنغمة إحنا وأنتو .. لأن السيدة مريم تهم المسلمين أيضاً

وأنا مش فاهم حضرتك جبتي منين إن في حد هنا قال عليها كلام وحش ... أو شكك في العقيدة المسيحية ؟

مره أخرى ... هل الظهور والتجلي من صلب العقيدة المسيحية ؟

لا أعتقد بل أؤكد إنه ليس كذلك

يا جيسكيا الموضوع ثقافي بحت ...

وخلي بالك ... الجهل والانسياق وراء الخرافات هو المسبب الرئيسي لأي فتنه

والدليل عل ذلك

شوفي أي إشاعة بتطلع على مسلمين أو مسيحيين .... بتلاقي الدنيا هاجت والناس أنساقت وراءها بدون عقل لتدمر وتأكل الأخضر واليابس ...

إذاً فالعقل هو الحل

وأقول كما قولتي ... ربنا يهدي

[se_ Elsyed]

و على فكرة.. لو حضرتك قارنتى بين الحال المسحيين فى مصر.. و حال المسلمين فى اوروبا, فستدركى حتما ان المسيحين يتمتعون بحقوق لا تتمتع بها اى اقلية فى العالم!!!

لأ حاسب يا ريس والله يخليك دون الخروج عن صلب الموضوع الثقافي البحت

لم ولن يكون المسيحيون في مصر أقلية ...

بل هم أصحاب بلد مثلنا تماماً .. وشركاء في الوطن بلا جدال

أقلية دي كلمة بشعه فعلاً وتحس إن الأقلية دول قاعدين ضيوف عند الاكثرية مثلاً

[التونسى]

والله حضرتك راجل مية مية. أحب انا الناس اللى بتتكلم فى المفيد على طول.. احنا لسه هنحكى قصص.

حضرتك تذكرنى باسلوب الشافعى.. رضى الله عنه.

ملحوظة: اتمنى الا اكون المقصود, و حضرتك هتلاقى ان مفيش ولا كلمة عندى خارجة عن المنهج :sad:

لا أقصد ..أو أختص أحد ..بكلامى أعلاه اخى العزيز :blush2: .. بل هو كلام اوجهه... وأذكر به نفسى قبل أى محاور أخر .. فديننا قد أمرنا أن نجادل أهل الكتاب بالتى هى أحسن .. وهم ليسوا اهل كتاب فقط .. بل هم الجيران وزملاء العمل وأصدقاء الدراسه ..وقبل كل ذلك مصريون مثلا تماما ... لذا وجب الحرص على مشاعرهم .. خاصة أننا نتناقش فى شئ يعتقدون أنه يمس صلب عقيدتهم ..

وأشكرك على كلامك الطيب جزاك الله خيرا

تم تعديل 25 ديسمبر 2009 بواسطة التونسى

[myusername]

و على فكرة.. لو حضرتك قارنتى بين الحال المسحيين فى مصر.. و حال المسلمين فى اوروبا, فستدركى حتما ان المسيحين يتمتعون بحقوق لا تتمتع بها اى اقلية فى العالم!!!

لأ حاسب يا ريس والله يخليك دون الخروج عن صلب الموضوع الثقافي البحت

لم ولن يكون المسيحيون في مصر أقلية ...

بل هم أصحاب بلد مثلنا تماماً .. وشركاء في الوطن بلا جدال

أقلية دي كلمة بشعه فعلاً وتحس إن الأقلية دول قاعدين ضيوف عند الاكثرية مثلاً

طبعا.. و لو حضرتك قريت كلامى, هتفهم ده كويس. و لكن انا بتكلم من وجهة نظر حيادية.. يعنى حضرتك لو بصيت لها كإنك راجل اجنبى بتعمل احصائية, فستجد انهم أقلية.. و كلمة أقلية ليست بشعة اطلاقا.. فالمسلمون أقلية فى اوروبا و امريكا و كندا.. هل تشعر بأى بشاعة؟!!

بس انا حبيت اوضحلها الفرق.. لا اكثر او اقل, لانها بصراحة حسستنى و كأننا فى حرب!

[myusername]

منذ ان بدء الموضوع وانا اتابعه وارفض استدراجنا الى مناقشات عقيمة لا تودى ولا تجيب

لان الظهور حقيقة واقعة يشهد عليه الاف اراد البعض ام لم يريد

واللى مش مصدق يخطف رجليه لغاية هناك ويشوف زى االلاف اللى شافوا

وياريت يطلعلنا او يظبطلنا المصباح الهالوجينى ولا ايه اللى بتقولوا عليه يبقى كتر خيره

وياريت يقولنا لما ظهرت فوق امتر من 10 كنائس فى القاهرة يوم الثلاثاء الماضى

كان المصباح فوق انهى واحدة بالضبط؟؟؟؟

تم حذف المداخلة

فلانة

تم تعديل 26 ديسمبر 2009 بواسطة Folana

[arora]

نغمة الاستهزاء اللى حضرتك بتتكلم بيها لا ترضى احد

واظن الادارة لازم يكون لها موقف من الكلاااااااام اللى يحمل اهانات كتيييييرة

ونحن لا نريد ان نعلق لان الموضوع بالنسبة لنا منتهى

لكن انتظرنا من الادارة الكريمة ان تتخذ موقف ضد الناس اللى بتتدخل فى امور لاتعنيها

وتغلق الموضوع لان كده كتير

[myusername]

نغمة الاستهزاء اللى حضرتك بتتكلم بيها لا ترضى احد

واظن الادارة لازم يكون لها موقف من الكلاااااااام اللى يحمل اهانات كتيييييرة

ونحن لا نريد ان نعلق لان الموضوع بالنسبة لنا منتهى

لكن انتظرنا من الادارة الكريمة ان تتخذ موقف ضد الناس اللى بتتدخل فى امور لاتعنيها

وتغلق الموضوع لان كده كتير

انا اعتذر لسيادتك.. اذا شعرتى بوجود نغمة استهزاء.

أعيد أسئلتى بجدية أكبر:

هل حضرتك شفتى الظهور؟ هل كانت مجسمة؟ هل كانت واضحة المعالم؟ و ماذا عن ملابسها... و ملامح وجهها؟

هل يمكن للسيدة مريم ان تظهر فى 10 اماكن فى نفس الوقت؟

شكرا على رحابة صدرك.

تم تعديل 26 ديسمبر 2009 بواسطة myusername

[arora]

اشكرك يا جيسيكا لان دى الحقيقة فعلا

من اول عنوان الموضوع الى محاولات الناس لاستدراجنا الى مناقشات لاطائل منها

مستخدمين اساليب انا أأسف لها من اول الفيل ل.....مش عارفة ايه

دى اساليب أربا بالمنتدى المحترم انها تدرج فيه

لكن اللى عاوز يعرف بصحيح النت مليانة مواضيع عن حقيقة الظهور

شكرا لكم

تم تعديل 26 ديسمبر 2009 بواسطة arora

[myusername]

ادارة اية اللى تاخد موقف يا ارورا قلبك كبير

اذا كان واحد من الادارة هو اللى فاتح االموضوع واثار كل الجدل دة

عموما طول عمرنا عارفين مكانتنا وسطيكم حتى فى المنتديات كمان !!!!!!!!!

متزعلوش نفسكم نسبلكم المنتدى باكملة .........واحنا فى غاية السعادة

وياريت تزودوا وتضايقونا اكتر اصل ياريت تعرفوا كل ما زاد ضيقنا هايكون لينا ازاى فرح عظيم بعدة

وعموما مش هاقول غير ........زيا ابتا اغفر لهم لانهم لا يعلمون ماذا يفعلون

خلص الكلام

سلام

انا فعلا زعلان قوى... خصوصا على الكلام اللى انا عامله بالاحمر ده.

ماكنتش اتوقع انها توصل للدرجة دى.. و ماكنتش عارف انك حاسة قوى بالضغوط دى كلها عليكى.

و عموما.. مكانة المسيحيين فى مصر معروفة, بغض النظر اذا حاول البعض تشويه و تقويض الحقائق.

مش عارف اقولك ايه.. بس اتمنى ان تتسامحى قليلا.. و التسامح هو النسيان, و ليس مجرد الاحتفاظ بالالام و الضغط و الكبت!

و اتمنى الا تكونى هكذا مع كل من يختلف معاكى.. و الا هتتعبى قوى فى كندا.

اتمنى حقا الا تكون هذه طريقتك المثلى فى حل مشاكلك! بانك تكبتى فى نفسك.. تحاولى الاختباء.. تبتعدى و تنفصلى عن الواقع.. كلام كتير قوى عايز اقوله.

اعتذر لكى, و اتمنى قبول الاعتذار. :lol:

شكرا جزيلا.

تم تعديل 26 ديسمبر 2009 بواسطة myusername

[joo]

يا ريت يا استاذ سى السيد الموضوع دة يتلغى لان مش من المفروض حضرتك تتدخل فى شؤون لا تخصك فى شيء

والا الموضوع سوف يأخذ ابعاد مش هتعجبك

[se_ Elsyed]

يا ريت يا استاذ سى السيد الموضوع دة يتلغى لان مش من المفروض حضرتك تتدخل فى شؤون لا تخصك فى شيء

والا الموضوع سوف يأخذ ابعاد مش هتعجبك

شئون ايه اللي ما تخصنيش ؟

شئون خزعبلات ؟؟؟ .. وأُصر أنها خزعبلات ليس لها علاقة بدين مسيحي أو مسلم ونشوفها بعنينا ونقول : خلي الناس تتبسط ..

وإذا كنت مسيحي .. يبقى هات لي دليل من الأنجيل على الظهور والتجلي .. طالما مثل تلك الشئون تخصك وانت متبحر بها

اما تهديدك المُبطن بإن الابعاد مش هاتعجبني .... فياريت تورينا بُعد من دول بس يكون بُعد ثلاثي الله يخليك ... طالما تُريد لموضوع حواري عادي ليس لها علاقه بالعقيدة تريد تحويله إلى خناقه فأهلاً ومرحباً ...

منطق غريب وأسلوب أغرب في الحوار ...

-----------

كلامي موجه للأخوه المسحيين العقلاء .. وهاحط خط تحت كلمة عقلاء دي ... لو إنتو متابعين المنتدى كويس .. إرجعوا كده لأي موضوع يتحدث عن الموالد او بعض الطرق الصوفية المسلمة .. وشوفوا بنتكلم بمنتهى الحرية إزاي لأن دي موضوعات ثقافية .. وإذا ما كانش دورنا إننا نوعي الناس ونقول لهم كده غلط وإنتو ماشيين في سكة الخزعبلات ... او السكة الوجودية وعشان تؤمنا بحاجه يبقى لازم تشوفوها متجسدة .. فلو ما كانش ده دورنا .. يبقى يالا بينا نقلب الموضوعات كلها نكت وموضوعات خفيفة ..

بالمناسبة ... الزملاء المسحيين اللي أخدوا الموضوع بحساسية وكما قلت من قبل أرجعوا لأول مداخلات كده .. كنت حاسس إن الموضوع سيتحول إلى " العيب في بطيخ مولانا "

إيه ده .. إنت بتقول العدرا ما ظهرتش .. يبقى انت اللي قتلت بابايا وإنت ضد الديانة المسيحية ...

ما هذا أيها السادة ؟؟؟؟؟

وما هذه الحساسية اللي بيتكلم بها الزملاء هنا وخصوصاً جيسيكا وأرورا واللي معبيينه في نفسهم ده ....؟؟؟؟؟؟؟؟؟؟؟

[حسام يوسف]

يا ريت يا استاذ سى السيد الموضوع دة يتلغى لان مش من المفروض حضرتك تتدخل فى شؤون لا تخصك فى شيء

والا الموضوع سوف يأخذ ابعاد مش هتعجبك

ايه الارهاب ده؟

أمر واضح

وأسلوب خشن

ثم تهديد واضح

ايه الحلاوة دي؟

ومع عضو-مشرف فى المنتدي؟

الحقيقة مش عارف أقول ايه

وبطلب من ادارة المكان النظر فى لهجة المشاركة دي

وتحياتي ليك يا أخى سي السيد أكثر من مرة

مرة على فتح هذا الموضوع الذي هوة حلقة فى سلسلة تغييب العقل المصري

وتحية أخرى على عدم استخدامك حقوقك ك(مشرف-عضو )فى ألا يتجاوز أحد حدوده معك

لكن بجد يا ادارة المحاورات

لو صارت الامور هكذا

فهتبقى ارهاب فكرى رسمي

صبرني يارب

تم تعديل 27 ديسمبر 2009 بواسطة حسام يوسف

[se_ Elsyed]

وهو المُشرف مش من حقه يفتح موضوع مثير للجدل ونتحاور فيه بإحترام .. بل ويُحذف له موضوعات ؟

أعتقد إن الزميل joo منفعل شويه ولو هدأ وقرا الموضوع بأعصاب هاديه هايشوف إن ما فيش حد غلط في العقيدة المسيحية أو في السيدة العذراء وحاشا لله أن يحدث ذلك بالمنتدى ...

وبرضوا مليون تحيه لكل من شارك في الموضوع مهما اختلفنا سوياً فالإختلاف الحترم إثراء لأي موضوع

[myusername]

أستاذ نصار.. لن نناقش ما يقوله البابا شنودة (ليس لانه فوق مستوى الشبهات, و لكن حتى لا نزيد الحساسية).. و لن نناقش ما قاله فى الفيديو ان الانجيل لم يتحدث عن الظهور لان هذه الامور جائت بعد كتابة الانجيل, و كأن الانجيل لم يكتبه الله اللذى يعلم الامر كله!

و لن نتحدث عن "معجزة نقل جبل المقطم" اللتى ذكرها, و اللتى لا نعلم من اين اتوا بهذا الامر.

و عموما هو سأل سؤال منطقى... امال كانوا مزدحمين عشان ايه؟

و عموما.. هو نفسه قال : سوف ندرس, و علينا الانتظار.

يا ريت يا جماعة ننتظر حتى قرار البابا شنودة لما يطلع, و لما حد يعرف القرار يا ريت يقولنا.

ملحوظة و تعديل: بعد تفكير فى ما قاله الاستاذ نصار, بأن بعد ما قاله الاب شنودة المفروض انه ميخصناش .. و بعد التفكير فيما قاله البابا شنودة....وجدت نفسى تقول لى و كأن استاذ نصار يقول: اذا كان هذا هو كلام الاب شنودة, فماذا تريدهم يقولون؟!

و طبعا هذا على حسب فهمى, و لا يعنى ان هذا ما يعنيه الاستاذ نصار.

تم تعديل 27 ديسمبر 2009 بواسطة Mohammad
التصحيح !!!

[حسام يوسف]

أعضاء أفاضل وأصدقاء مسيحيون-ومش هقول أقباط لان قبطي يعنى مصري-زعلوا من العبد لله

وبسم الله ماشاء الله وأنا أتشرف ان ليه كام سنة فى محاورات المصريين ورأيي واضح فى باب هدي الاسلام وموضوعات جادة انى ضد التطرف

وضد الجهل

وضد تغييب العقل

لكن واضح ان البعض عايزني ضد التعصب من الجانب الاسلامي بس

وضد الجهل من الجانب الاسلامي بس

وضد تغييب العقل من الجانب الاسلامي بس

وواضح ان التيارات المتطرفة على جانب المسلمين فاتحة فروع على الجانب المسيحي برضة

الف الف الف مبرووووووووووووووووك للتطرف فرع التطرف المسيحي بعد افتتاح فرع جديد ليه بعد التطرف الاسلامي

وفى كل لحظة بفتكر الرئيس المؤمن على هداياه العظيمة لمصر فى ال11سنة اللى حكم فيهم مصر

يارب كندا

[أم مروان]

يا جماعة عشان خاطر ربنا مش عاوزين فتنة طائفية

هوه دا اللى عاوزه الغرب عشان البلد تخرب اكتر ماهى خربانة

لو قامت فتنة قول على البلد يا رحمان يا رحيم

ارجوكم كفاية كده

[قطرة ندى]

صديقي العزيز نصار باشا

اسمحلى اختلف معاك

احنا فى وطن واحد

مسلم بقى مسيحي

مش مهم

لكننا مصريون

الموضوع مش جزر منعزلة

واللى بيحصل هنا

مش بيأثر هناك

ولو سيبنا كل واحد يعمل ويقول اللى هوة عايزة بدون عقل أو تفكير أو مصداقية

تبقى سويقة

مش وطن

ليه ؟

انت أول مرة تعرف انها سويقة؟