الحياة فى كندا

[أسد]

أنا لم أتكلم عن الطبقة المتوسطة أو غيره .. ولم أتكلم عن أزمة الإسكان ...

أنا كنت بارد على ماقلته سعادتك بأن الحياة فى بلدنا- مصر يعنى - كانت فى يوم من الايام اكثر رفاهية وجمالا ؟

وأنه كان معظم المصريين عندهم بيوت، وكان السكن فى الشقق عيب!

وللأسف .. لا توجد إحصائيات في مصر تذكر عدد السيارات علشان نتأكد أن الطبقة الوسطى كلها كان عندها عربيات ... ومنها نعرف عدد المصريين في الطبقة المتوسطة ...

الأكيد أن مصر طول عمرها شعبها فقير ... وأغلبه دون مستوى الفقر ...

يمكنك مراجعة الكتب التي كانت توثق الأوضاع في مصر

[Byte]

أنا لم أتكلم عن الطبقة المتوسطة أو غيره .. ولم أتكلم عن أزمة الإسكان

اما بالنسبة لأن مصر طول عمرها شعبها فقير ، فده حقيقي، ومن زمان وصعب تغييره، انا كنت اتحدث عن الطبقة المتوسطة، هذه الطبقة هى المقياس بالنسبة للمجتمع!

فى الستينيات و السبعينات كانت تمثل حوالى 20 فى المائة من المجتمع ، الآن لا اظنها تمثل 10 % !

الطبقة الفقيرة فقيرة كما هى، ولكن الطبقة المتوسطة تتآكل!

وفى الحقبة التى اتكلم عنها كان الخريج الحديث من احدى الجامعات يعتبر من الطبقة المتوسطة، ويستطيع الحياة حياة كريمة معتمدا على نفسه مع مساعدة اهله ليبدأ فقط!

الآن ، الخريج الحديث، شحات، عالة على أهله!

[Red Horse]

هاللوووووووووو ايفرى بودى !!

اعذرونى ياحبايب ..مرتين .. مرة عشان الغيبة الطويلة والتانية عشان لسانى اللى اتعوج شوية من بعد ماجيت كندا !!!

من 20 سنةوانا بحلم ابقى خواجة .. ولما لقيت اللى افتكرت انه هوه فرصتى الكبيرة .. اتصدمت من تانى .. بعد ماقابل كل واحد يسألنى ..هوير ار يو فروم ؟

يعنى ايه يسألونى السؤال ده .. ما انا خواجه زيكم ياولاد الخواجات!!

ومن اسبوع قابلتنى واحدة عند الأسانسير .. عايزة تكلمنى فى موضوع .. أول سؤال تقوله ليا .. ار يو سبيك انجليش ؟

ايوه ياطنط باتكلم زفت !!.. احكى ولخصى وحياة والدك !

وبنت العفريتة دى كمان فهمت ازاى ان انا ممكن ماكونش كندى ابا عن جد!!

مش هاقدر احقق حلمى ؟.. ولا اغير جلدى ..ولا اهرب من الجنسية اللى مسكت فيا زى الخفاش ..!!

ممكن اكمل معاكم بعدين .. ثانكيو لوط !!.... معلهش العربى بتاعى مكسر .. مش عارف مين اللى كسره !!

[Red Horse]

انا جيت دخلت زى الغشيم بمقدمة كنت فاكر انها من نوع الكوميديا السوداء علشان اطرح بيها مشكلة لسمة موجودة فى أغلب اخوانا المهاجرين هنا وكنت فاكر ان فيه حوار فى الباب ده .. وبعدين انتبهت ان مفيش لاحوار ولا محاورين من فترة طويلة

الناس مشغولة فى العراق وفلسطين ومشاكل تانية متلتلة

ليهم حق .. حيث كده خلينا نأجل الموضوع الى اجل غير مسمى !!

[Horus]

Sorry for the english

If you know some one needs apartment in Toronto for sept/2004 - maybe a new commer - please send me a message.

[haivi]

يا أيها الحصان الأحمر

دمك زي العسل مش ممكن وتعليقاتق تفطس م الضحك ...

بس تلاقي الناس فعلاً مشغوله بمشاكل العصر والمغرب والعشا وهي العراق وفلسطين وبلاوي متلتله تشيب الشاب وتموت الكاهل

بس مش عارف ليه أنا حتى لما كنت عايش ف القاهره ولسه تلموز وحتى بعد الدراسه وأنا واد شغال ومنيش عاطل

كنت دايماً ألاقي الناس ف الشارع بتكلمني بالإنجليزي مع إني لا بلوند ولا أبيض زي التلج !!

وهنا ف مونتريال بكلم الكنديين بقرف وكأني أنا الكندي وهما اللي مش

ياللا

كل واحد وعلامه بقه

خليك ماسك في عراقة عروبتنا وسيبك من حكاية الخواجات دي

صدقني لا بتزودك كيلو ولا بتملى معده .

وتلاقيك زيي مليان وطنيه وولاء بس بتهزر

تحياتي

[memokokoo]

:) معلهش بجرب مستجد

[memokokoo]

التجربه نجحت والحمد لله

انا لسه فى مرحله جمع الاوراق و المعلومات بتاعتكم حقيقى مفيده .

شكراااااااااااااااااااااااااا

[starwars]

:wub: :sad: wst:: wst:: :D شكرا على المجهود الرائع