وداعا -----قناة أنا

[SophiaAstrophy]

:happy: السلام عليكم ورحمه الله وبركاته يسعدنى انى اشارك مع حضرتك انا عن نفسى شغت القناه دى قبل ماتقفل بحاجات بسيطه هى فعلا جميله جدا وبرامجها شيقه وللاسف لسا شايفه انهارده انها قفلت لان التردد بتاعها كان اتغير عندى واستغربت ان قناه فى ثقافتها وفكرها تتقفل ومع الاسف قنوات تانى كتير فاتحه ومالهاش اى لازمه وهى دى مصر شكرا لحضرتك

[doha]

القناة محتاجه وديع :happy: .. والقناة اللى من غير وديع .. تضيع :lol:

نهارك ابيض .. .

تعليق ... في الجون ..

للاسف اول مرة اسمع عن القناه الي بتتكلموا عنها دي .. على العموم ربنا يعوض ..

تصدقى بالله يا مدام ضحي

هتصدقى ان شاء الله

حضرتك بالذات وأخونا س س كمان

كنت مستنى أفكاركم ازاى نساعد القناة دي بأفكار تجيب ليهم تمويل

مع خالص تحياتى :lol:

حد يخزن بودرة عشر تيام من غير اكياس ؟

اصل التخزين كان شغل الدفاس ..

عموما .. ربنا يعوض ..

وهكذا كل من يدخل مجال هو مش قده وميحسبهاش ومياخذش باصولها مينفعش يرجع بعد المصاريف دي كلها يقول اصل النية كانت حسنة ..

قناه بتدفع مليون جنيه كل شهر لمده سنة يعني 12 مليون جنيه اترمت في الهوا كده .. معقوله قناه زي دي محتاجه رأي يتاخذ من على النت عشان تستمر ؟؟

ده احنا الي مفروض نقولهم ياجماعه الخير قولوا لنا افكار واقتراحات ازاي نجيب 12 مليون وزايدين عندنا كمان عشان نرميهم كده في مشروع ياينفع يامينفعش .. )( مع الاعتذار بالتاكيد لاصحاب القناه قلبي عندكم والله على المبلغ )

صدقني يادكتور حسام . . تعاطفك لوحده مش كفايه ..

ان القناه تبقى فاسده وتلاقي تمويل مشابهة تماما لقناه محترمه وحيادية وترمي نفسها كده في المعمعه بدون دراسة للسوق وبدون خطه واضحه للتمويل .. وبالتاكيد بدون دعاية كافية فزي مايمكن وضح لحضرتك فئات كتير عمرها ماسمعت عن القناة دي ولاشافت للاسف برامجها ..

مرة زمان شفت اعلان صفحه كاملة او نصف صفحه مش فاكره على الجريده لقناه جديده اسمها الفجر .. بتذيع قرآن اربعه وعشرين ساعه.. استغربت ايه الحكمه من فتح قناه زي دي وقناه المجد موجوده والحمد لله تكاد تكون القناه الوحيده الي ممكن الواحد يشغلها اربعه وعشرين ساعه مفيش مشكلة .. عندنا قناة قرآن فعلا ومجانيه ليه مندعمهاش بدال مانفتح جديد ؟ ولا هي كتر فلوس ؟

بعد فترة لقيت اعلان ان القناه هتتوقف .

بعد فترة اقصر لقيت ايميل وصلني من وحده اعرفها بتقول ان في حملة تبرعات لقناه الفجر دي عشان الاعلام الهادف لازم يستمر . .

كنسلت الايميل ..

وعلى فكره القناه رجعت اشتغلت تاني على حد علمي ..

ملاحظة : بجد الله يعوض على اصحاب القناه المبلغ الي خسروه مش شويه ورسالتها على كلامكم كده تستحق فعلا انها تستمر .. بس عن نفسي ومقارنة بالكوادر والكفاءات الي اكيد عند القناه دي.. بالتاكيد .. معنديش اي اقتراحات ..

[حسام يوسف]

عارفة يا أختنا ضحي

أنا مع حضرتك تماما أنهم غلطوا أو واضح ان فيه أخطاء فى دراسة جدوى المشروع

لكن لو قلنا كدة وبس

نبقى زي مانكون شايفين واحد بيغرق

وواحد محترم جدا على فكرة

وقاعدين نقوله واحنا واقفين ع البر

طيب

ينفع اللى بتعمله ده؟

ينفع تنزل المية بدون تعليم السباحة؟

ولو هتنزل بدون تعليم مش يكون معاك عوامة أو مدرب؟

احنا عارفين طبعا أن اكييييييييييييد فيه غلط

لكن فلنتصرف على أساس ان فيه أزمة

ونشوف حل

جايز نوصل

كلمة أخيرة

قناة أنا احدي مشروعات اسلام أولاين على ما أعتقد

يعنى موقع اسلام أولاين

ومؤسسة تواصل للتدريب والاستشارة

وقناة أنا

كلهم تبع نفس المنظومة

ومستغرب قوي برة توبيك مستغرب ازاى توقفوا

مش فلوس قطر دي برضة ولا أنا غلطان؟

ودي لينك ليوتيوب لفقرات من قناة أنا

http://www.youtube.com/user/AnaTVchannel

تم تعديل 28 ديسمبر 2009 بواسطة حسام يوسف

[OReX]

السلام عليكم

دكتورنا العزيز كيفك وكيف شمس اسوان ؟ ماشية معاكوا اليومين دول :sad: من ساعة لما قولتلى رأيك بكل صراحة فى الجواز معتش بشوف حضرتك على الميل يارب يكون المانع خير :)

انا سأنضم الى المجموعة التى لم تكن تعرف حتى اسم القناه ولا الشعار الخاص بها الا من خلال ذلك الموضوع

حتى لو اعادت القناه بثها مرة اخرى فجيب ان تسبقها حملة دعاية لتعريف الناس بالقناه ونوعية البرامج التى تقدمها وهذا فى منتهى السهولة الان فالاعلام الجيد اصبح شيئ نادر

البرامج المشار اليها فى رابط اليوتيوب جميعها برامج حوارية عادية ليست بالشيئ الحصرى حتى يتمكنوا من بيع حقوق عرضه

زيادة اعلانات -هادفة طبعا- تحويل المشاركات التليفونيةالى ارقام تجارية 0900 سعر الدقيقة جنية ونص بس انت اتصل

واخيرا اعادة جدولة المصاريف مثال بسيط سمعت ان قنوات المجد وهيا من هى فى عالمنا العربى الان قطاعها الاخبارى نُقِل الى القاهرة منذ فترة

وربنا ييسر ان شاء الله عايزين نشوفك بقى يا دكتور خمسة بليل كدا :blush2:

[حسام يوسف]

هل يجوز أن يتم تكوين صندوق مالى للقناة يرسل فيه الناس صدقاتهم أو زكاتهم للقناة؟

هل تجوز الزكاة والصدقة فى هذا الموضوع؟