مش فاهم حاجة فى منهج ابنك..اتفضل نساعدك

[قطرة ندى]

ان شاء الله هنا هنساعد بعض فى أى مشكلة فى المذاكرة لأبناءنا ابتدائى طبعاً

اى حد عنده معضلة فى درس يتفضل هنا...نتمنى من جميع السادة والسيدات اللى بيعانوا فى تدريس أولادهم فى البيت المشاركة

[aymaneng]

الفكرة دى حلوة موووت

مع ان معنديش ولاد فى ابتدائى هما لسه فى كى جى بس اكيد حشترك معاكم السنة الجاية ان شاء الله

[الباشمهندس ياسر]

انا ممكن اساعدكم ف الرياضيات لكل الفترات ....

[engmido]

وانا معاكم...............اسألوا واحنا نجاوب

(وتعاونوا على البر والتقوى ولا تعاونوا على الاثم والعدوان) .....................صدق الله العظيم

[قطرة ندى]

الفكرة دى حلوة موووت

مع ان معنديش ولاد فى ابتدائى هما لسه فى كى جى بس اكيد حشترك معاكم السنة الجاية ان شاء الله

أشكرك

وأتمنى انك تساعدينا لحد ماتيجى السنة الجاية نبقى احنا نساعدك

[قطرة ندى]

انا ممكن اساعدكم ف الرياضيات لكل الفترات ....

شكرا لحضرتك

الصراجة أنا تخيلت ان هيكون فيه عجز فى المدرسين وأسعدنى جدا جدا تلقى أول عرض بالمساعدة فى مادة الرياضيات

نشكرك بشدة

وفى انتظار الناس المزنوقة

[قطرة ندى]

وانا معاكم...............اسألوا واحنا نجاوب

(وتعاونوا على البر والتقوى ولا تعاونوا على الاثم والعدوان) .....................صدق الله العظيم

ألف شكر ..سلمت الأيادى...

و فى انتظار الأسئلة

[نور عيني]

السلام عليكم

انا هكون ان شاء الله اول المبتدئين بالاسئلة

السؤال هيكون في الحساب

دلوقت انا ابني في جراد 2 واخد جداول الضرب لغاية 7 المهم انه مش حفظها هو بس يمسكهم واحده واحده ويكتبهم وخلاص يعني مثلا يمسك جدول 5 5 1X

2x5=10

3x5=15

.

.

.

.وهكذا

وانا مش عارفه كده صح ولا لآ المهم انه في امتحانات نصف السنه هيجيله ضرب رقم احادي في مئوى

5x185 مثلا ومش عارفه ازاي اشرحله واخليه ازاي يستوعب ده

مع العلم ان المدرسة ابيض يعني مش بيفهم منها حاجه

تم تعديل 13 يناير 2010 بواسطة نور عيني

[قطرة ندى]

كلنا عندنا نفس المشكلة

ولو انى كنت اعتزلت المنتدى خلاص وهغيره بمنتدى تانى لكن ..

أرجو من المدرسين المتطوعين فى مادة الرياضيات الاجابة على السؤال المهم اللى تفضلت بيه نور عينى

[الباشمهندس ياسر]

السلام عليكم

انا هكون ان شاء الله اول المبتدئين بالاسئلة

السؤال هيكون في الحساب

دلوقت انا ابني في جراد 2 واخد جداول الضرب لغاية 7 المهم انه مش حفظها هو بس يمسكهم واحده واحده ويكتبهم وخلاص يعني مثلا يمسك جدول 5 5 1X

2x5=10

3x5=15

.

.

.

.وهكذا

وانا مش عارفه كده صح ولا لآ المهم انه في امتحانات نصف السنه هيجيله ضرب رقم احادي في مئوى

5x185 مثلا ومش عارفه ازاي اشرحله واخليه ازاي يستوعب ده

مع العلم ان المدرسة ابيض يعني مش بيفهم منها حاجه

المدرسة الابيض خالص دي ... ليه

لو هو ده سيستم المدرسة كلها يبقي بالسلامة منها خالص و لو العيب ف المدرسين يبقي غيري الفصل

المهم دوري علي حل للنقطة دي لانها مهمة جدا

نيجي بقي للسؤال بتاع حضرتك

الولد لو فضل يكتب جدول الضرب فالطبيعي انه هيحفظه

انما المطلوب مش انه يحفظ قد ما المطلوب انه يفهم و يستوعب ازاي يعرف يجيب حاصل ضرب اي رقمين

لما يبقيسن الولد صغير كده ... فمفيش افض من الطريقة التقليدية

انه هيمسك ورقة و قلم و هيكتب

185

5

ـــــــــــــــــــ

و تبدأي تشرحيها معاه ببساطة ووضوح

و بعد كذا مثال هتلاقيه فهم الطريقة و بدأ يطبقها لوحده قدامك

************************************************************

قطر الندي

عسي ما شر

[نور عيني]

شكرا على الرد وربنا يساعدني على ادخال المعلومة

سؤال تاني لاني من الواضح اننا الوحيدة الى همشي الموضوع

دلوقت ابني حبيبي اللى في تانيه ابتدائي جاهل

يعني مش بيعرف يقرا عربي او انجليزي

ومش عارفه هو كده ليه مع انه بيعرف الحروف كويس

فمثلا كلمة جديدة يقرأها جميلة

عامل يقولها عمل

مزرعة يقولها مزارع

وهكذا يلغي حروف من الكلمة او يزود عليها ماعندوش مشكلة

مع اني بخليه يقرأ كتير

ده حتى في الامتحانات مش بيحب يقرا وبياخد الاسئلة بالشبه

انا عارفه انه موضوع صعب ومافيش حد يعرف يساعدني

بس اديني بفضفض بدل ما اتجنن

[الباشمهندس ياسر]

وهكذا يلغي حروف من الكلمة او يزود عليها ماعندوش مشكلة

مع اني بخليه يقرأ كتير

ده حتى في الامتحانات مش بيحب يقرا وبياخد الاسئلة بالشبه

انا عارفه انه موضوع صعب ومافيش حد يعرف يساعدني

بس اديني بفضفض بدل ما اتجنن

رغم اني انا اخر واحد ممكن يساعدك ف العلم ده

الا ان المسألة ببساطة كالتالي

الولد محتاج انه يفهم ازاي يعرف تركيب الكلمات

ازاي يقدر يجمع الحروف مع بعض عشان تبقي كلمة و بعد كده يتعلم ازاي يجمع الكلمات عشان تبقي جملة مفيدة

ببساطة الموضوع بمرحلة ما قبل تعليم النطق

يعني يعرف يركب الحروف فتبقي كلمة و بعدين يتعلم ينطق الحروف صح .. سواء ضم او فتح او كسر و الحوار ده

اعتقد ان ابن حضرتك عنده مشكلة رئيسية و هي انه حافظ مش فاهم

حاولي تحلي المشكلة دي

[قطرة ندى]

شكرا على الرد وربنا يساعدني على ادخال المعلومة

سؤال تاني لاني من الواضح اننا الوحيدة الى همشي الموضوع

دلوقت ابني حبيبي اللى في تانيه ابتدائي جاهل

يعني مش بيعرف يقرا عربي او انجليزي

ومش عارفه هو كده ليه مع انه بيعرف الحروف كويس

فمثلا كلمة جديدة يقرأها جميلة

عامل يقولها عمل

مزرعة يقولها مزارع

وهكذا يلغي حروف من الكلمة او يزود عليها ماعندوش مشكلة

مع اني بخليه يقرأ كتير

ده حتى في الامتحانات مش بيحب يقرا وبياخد الاسئلة بالشبه

انا عارفه انه موضوع صعب ومافيش حد يعرف يساعدني

بس اديني بفضفض بدل ما اتجنن

الكلام اللى انتى بتقوليه عادى خالص

الأغلاط دى بتتكرر مع كل الاطفال اللى فى سنه

انتى لما يقرا مثلا مزرعة يقراها مزارع قوليله شاطر بس فين الالف ..هيقولك يعنى ايه؟

قوليله انت بتقول مزارع ومدى صوتك بالاف خالص وقوليله حاسس بالالف هنا ..هيقولك اه

قوليله هيا فين على الورق شاور عليها... طبعا مش هيلاقى الف...حطى على الراء فتحة وقوليله ر فتحة ر مش راااااء

نيجى للهاء فى اخر الكلمة ...قولى مزرعه وخليه يحط ايده قدام بقك وانتى بتقولى ههه ..قوليله حاسس بايه؟

هيقولك ..هوا...قوليله هى دى الهاء ....ولو الهوا دامش موجود يبقى لازم تتنطق مزرع لكن انا قلت مزرعة

وكل مرة يغلط بنفس الشكل تفهميه وبصبر....امال انا اعمل ايه ..ألطم؟ دا ابنى رابعة ابتدائى وبيكره يقرا فى ميكى وبطوط وبيكسل يقرا الكلمات على اليفط... واخوه تانية ابتدائى لما اقوله زرع يقراها كتب مش عايز يتعب نفسه ويفكر فى الحرف الاول ايه اصلا

الله يكون فى عون الجميع

[نور عيني]

[quote name'شكرا على الرد وربنا

وكل مرة يغلط بنفس الشكل تفهميه وبصبر....امال انا اعمل ايه ..ألطم؟ دا ابنى رابعة ابتدائى وبيكره يقرا فى ميكى وبطوط وبيكسل يقرا الكلمات على اليفط... واخوه تانية ابتدائى لما اقوله زرع يقراها كتب مش عايز يتعب نفسه ويفكر فى الحرف الاول ايه اصلا

الله يكون فى عون الجميع

والله ضحكتيني بالرغم من اني متضايقة وماليش نفس لحاجة طيب كويس ان مش انا لوحدي في الهم ده

الهم طايلني وطايلك

اصل اللى هيجنني اني بشوف الى في سنه ما شاء الله بيعرفوا يقرو كويس

وللاسف انا مش باعرف اقوله كلام حلو وانا بذاكرله لانه صيبني بالاحباط الشديد

ده الناس بتستغرب من المجهود اللى ببذله معاه

انا من الاخر مسخره كل وقتي ليه مش بيذاكر كلمة طالما انا مش جانبه حتى لو صليت يجري يلعب او يسرح بالرغم من التحذيرات الرهيبه اللى بديهاله قبل ما اتنقل من جانبه والضرب اللى بضربهوله في كل مره بقوم من جانبه وارجه الاقيه ماعملش حاجه

[نور عيني]

[quote name'

وكل مرة يغلط بنفس الشكل تفهميه وبصبر....امال انا اعمل ايه ..ألطم؟ دا ابنى رابعة ابتدائى وبيكره يقرا فى ميكى وبطوط وبيكسل يقرا الكلمات على اليفط... واخوه تانية ابتدائى لما اقوله زرع يقراها كتب مش عايز يتعب نفسه ويفكر فى الحرف الاول ايه اصلا

الله يكون فى عون الجميع

والله ضحكتيني بالرغم من اني متضايقة وماليش نفس لحاجة طيب كويس ان مش انا لوحدي في الهم ده

الهم طايلني وطايلك

اصل اللى هيجنني اني بشوف الى في سنه ما شاء الله بيعرفوا يقرو كويس

وللاسف انا مش باعرف اقوله كلام حلو وانا بذاكرله لانه صيبني بالاحباط الشديد

ده الناس بتستغرب من المجهود اللى ببذله معاه

انا من الاخر مسخره كل وقتي ليه مش بيذاكر كلمة طالما انا مش جانبه حتى لو صليت يجري يلعب او يسرح بالرغم من التحذيرات الرهيبه اللى بديهاله قبل ما اتنقل من جانبه والضرب اللى بضربهوله في كل مره بقوم من جانبه وارجه الاقيه ماعملش حاجه

[ابو حودة]

انا كنت فاكر اني ابني بس هو اللي عنده المشكلة دي

لكن كده انا اطمنت والحمد لله

بس انا عاوز اقول على حاجة

في الاول انا كنت مفكر ان ابني عنده مرض اسمه صعوبات القراءة

لكن الحقيقة لما قعدت معاه كام مرة وبدأت اقسم الكلمات الى حروف وكل حرف له طريقة نطق معينة

فؤجئت بانه عرف يقرأ الكلمة يعني المشكلة مش من الولاد لا من الطريقة تعليمهم

يعني ممكن نجيب كلمة ماما

بابا

ونقوله شيل الباء وحط بدالها ميم

او العكس

في الانجليزي مثلا

CAR

BAR

NAR

SAR

يعني التغيير هنا في الحرف الاول فقط

ومش مهم معنى الكلمة خالص في المرحلة

والحمد لله الطريقة دي نجحت مع ابني في جريد وان

بس المشكلة انا مفيش عندي مرارة للكلام ده الله يكون في عون والدته

[قطرة ندى]

[quote name'شكرا على الرد وربنا

وكل مرة يغلط بنفس الشكل تفهميه وبصبر....امال انا اعمل ايه ..ألطم؟ دا ابنى رابعة ابتدائى وبيكره يقرا فى ميكى وبطوط وبيكسل يقرا الكلمات على اليفط... واخوه تانية ابتدائى لما اقوله زرع يقراها كتب مش عايز يتعب نفسه ويفكر فى الحرف الاول ايه اصلا

الله يكون فى عون الجميع

والله ضحكتيني بالرغم من اني متضايقة وماليش نفس لحاجة طيب كويس ان مش انا لوحدي في الهم ده

الهم طايلني وطايلك

اصل اللى هيجنني اني بشوف الى في سنه ما شاء الله بيعرفوا يقرو كويس

وللاسف انا مش باعرف اقوله كلام حلو وانا بذاكرله لانه صيبني بالاحباط الشديد

ده الناس بتستغرب من المجهود اللى ببذله معاه

انا من الاخر مسخره كل وقتي ليه مش بيذاكر كلمة طالما انا مش جانبه حتى لو صليت يجري يلعب او يسرح بالرغم من التحذيرات الرهيبه اللى بديهاله قبل ما اتنقل من جانبه والضرب اللى بضربهوله في كل مره بقوم من جانبه وارجه الاقيه ماعملش حاجه

بصى ..خلى اللى يقرا الأول يقرا....العبرة بالنهاية ....وفى النهاية الكل بيقرا...المشكلة فى السنين اللى بعد كده

وهو على العموم البنات بتسبق فى القراية عشان تركيب الدماغ بالنسبة للبنت بيكون متطور عن الولد من ناحية اللغة

وأكيد انتى بتلاحظى ده فى الستات...المهم ما علينا ... بتقولى ابنك بيجرى ومش عايز يدرس ... اللى بيجرى بيكون أذكى عموما

لان بيبقى عنده مقدرة انه يستوعب فى خمس دقايق اللى غيره مايقدرش يستوعبه فى ايام والعبرة بالذكاء يعنى دلوقتى المناهج

غبية عشان صغيرين بكرة هتلاقى العقد فى المناهج والعبرة بالأذكى واللى خرج من مرحلة ابتدائى بدون تعقيد وتكريه فى الدراسة

باختصار اللى شاطر لغويا عن علميا غالبا بيكون مآله للأدبى وانتى عارفة ان محدش بيقيم بتوع الأدبى صح عندنا

يعنى دايما الدكتور والصيدلى والمهندس فى أول الطابور وكلهم علمى

[قطرة ندى]

انا كنت فاكر اني ابني بس هو اللي عنده المشكلة دي

لكن كده انا اطمنت والحمد لله

بس انا عاوز اقول على حاجة

في الاول انا كنت مفكر ان ابني عنده مرض اسمه صعوبات القراءة

لكن الحقيقة لما قعدت معاه كام مرة وبدأت اقسم الكلمات الى حروف وكل حرف له طريقة نطق معينة

فؤجئت بانه عرف يقرأ الكلمة يعني المشكلة مش من الولاد لا من الطريقة تعليمهم

يعني ممكن نجيب كلمة ماما

بابا

ونقوله شيل الباء وحط بدالها ميم

او العكس

في الانجليزي مثلا

CAR

BAR

NAR

SAR

يعني التغيير هنا في الحرف الاول فقط

ومش مهم معنى الكلمة خالص في المرحلة

والحمد لله الطريقة دي نجحت مع ابني في جريد وان

بس المشكلة انا مفيش عندي مرارة للكلام ده الله يكون في عون والدته

فكرة حلوة فعلا....جزاك الله خيرا...أنا هجرب مع ابنى الطريقة دى...والله يخليك لو فيه حاجة تانية قول..ومنكم نستفيد

[نجماية]

انا ممكن اساعدكم ف الرياضيات لكل الفترات ....

الحقيقة انت مشكووووووووور ورطت نفسك ورطة كبيرة تستحق عليها جزيل الشكر

ليا سؤال بخصوص بنتي هي في جرايد وان

مسألة صغيرة عاوزة فكرة بسيطة افهمها بيها

لأني كل ما باحاول اشرحها لها بأحس اني باشرح لها معادلة من طرفين وبيزيد الأمر صعوبة

8 - ............ > 3

5 + ............ > 8 - 1

........... - 3 < 2

يعني المسائل اللي من النوع ده بتكون الفكرة فيها تجربة الأرقام إلى أن نصل إلى الرقم الصحيح

يا ترى مفيش طريقة غير انها تحل كل جزء على حدا لأنها بتوووووووووووووه

وشكرا جزيلا لك يا باشمهندس ياسر

[الباشمهندس ياسر]

انا ممكن اساعدكم ف الرياضيات لكل الفترات ....

الحقيقة انت مشكووووووووور ورطت نفسك ورطة كبيرة تستحق عليها جزيل الشكر

ليا سؤال بخصوص بنتي هي في جرايد وان

مسألة صغيرة عاوزة فكرة بسيطة افهمها بيها

لأني كل ما باحاول اشرحها لها بأحس اني باشرح لها معادلة من طرفين وبيزيد الأمر صعوبة

8 - ............ > 3

5 + ............ > 8 - 1

........... - 3 < 2

يعني المسائل اللي من النوع ده بتكون الفكرة فيها تجربة الأرقام إلى أن نصل إلى الرقم الصحيح

يا ترى مفيش طريقة غير انها تحل كل جزء على حدا لأنها بتوووووووووووووه

وشكرا جزيلا لك يا باشمهندس ياسر

بصي يا اختي

اولا لازم البنت تعرف تحس بمدلول الرقم

يعني ايه 1

و يعني ايه 5

و مين اكبر

و ليه اكبر

و افتكر ان طريقة ضرب الامثلة هتبقي احسن طريقة عشان تتعلم ده منك

الاول عرفيها الاعداد علي صوابعها و بعد كده هاتيلها اجسام ملموسة ... ز ي اقلام او اي حاجة حسية يعني...

لما تتاكدي تماما انها بقت تعرف مدلول الرقم و بقت تقدر ترسم حاجة ف خيالها

ساعتها بس ابدأي معاها ف تعليمها العلاقة بين الاجسام المحسوسة دي

ازاي

يعني مثلا ... ادي 10 ورقات .. و لما ناخد منهم 5 و نحطهم ف الدولاب ... هيفضل معانا كام

و اخترعي اكتر من مثال طبعا عشان تتضمني وصول الفكرة تماما لدماغها

بعد ما ده يحصل

ابدأي بقي ف انك تشرحيلها المعادلة الجبارة بتاعت جريد وان دي

و تشرحيها بطريقة خفيفة...

ازاي

لو كلنا قسمنا اي حاجة ف الدنيا الي مراحل .. طبيعي اننا ننهي اللي مطلوب

المعادلة دي زي كده برده

لازم البنت تعرف الاول مدلول رقم 3 و تحسه

و تبدأ تعمل افتراضات ( هي هتوصل اسرع من كده ع فكرة) ايه الرقم اللي ناخده من 8 يدينا رقم اكبر من 3

يارب مكونش توهتك معايا

انا م النوع اللي بيعشق اننا نفهم مش نحفظ