أخيرا للمغتربين ، اقرارات الضرائب العقارية على الإنترنت

[eTiger]

أخيرا سيتمكن المغتربون من تجميل إقرارات الضريبة العقارية من على الإنترنت. لا حاجة الآن لعمل توكيلات لأحد.

قم بطباعة الإقرارات ثم أرسلها بالبريد المسجل بعلم الوصول.

الخبر من موقع مصراوي:

http://www.masrawy.com/News/Egypt/Politics...es.aspx?ref=rss

[محمد عبدالعزيز]

الحكومة دى حكومة فاشلة ومالهاش كلمة

للأسف أنا صدقت وطبعت الإقرار من على الموقع بتاعهم وأقنعت والدى إن الإقرار المطبوع مفيش فرق بينه وبين اللى بيوزعوه.

ولكن لأن الحكومة دى حكومة فوضى وعدم تخطيط وعدم دراسة وعدم كل حاجة, الموظف رفض يستلم الإقرار لأنه أبيض وأسود وهو عنده تعليمات إن الإقرار لازم يكون بالألوان!!!

ولما صممت أقابل المدير ولا الرئيس بتاعهم قال نفس الكلام برضه, قلت له طيب إزاى والوزير قايل الكلام ده بلسانه فى التليفزيون, هى مش دى تعليمات برضه ولا إيه؟

وكان رده الحكيم: خلاص اتفضل روح سلمه للوزير.

الخوف بقى لما نبعته بالبريد مفيش أى حاجة تثبت إننا بعتناه, والمشكلة الأكبر إن مفيش نماذج إقرارات كفاية والناس واقفة طوابير بالساعات وفى الآخر يقولوا بكره.

المشكلة كلها تتحل بصفحة على الإنترنت والناس تقدم من خلالها ونخلص, إنما إزاى بقى الحكومة الفاشلة ماتتفننش فى تعذيبنا وتضييع وقتنا ومجهودنا.

[عماد حمدي]

يا عم محمد واضح انك منفعل جدا اهدي بس كدة وصلي علي النبي هوه اية الغريب في كدة ما دي حكومتنا ونظامنا من 30 سنة

قول حسبي الله ونعم الوكيل

[herohero]

ياجماعة هو ايه الجديد قرار ظالم ومالوش مبرر لان طول عمرنا بندفع عوايد ولا ضرايب وماشوفناش فايدتها فاللي مزعلنا تطبيق او اليه تطبيق القانون حاجه غلط هتكون اليتها صح

وبعدين لو الحكومه عملت الشيئ المنطقي وريحت المواطن غلط ماتبقاش مصر ولا حكومة مصر العزيزة وانا فيه سؤال محيرني لو احنا فعلا شعب بجد اتفقنا اننا مش هنعمل الاقرار ده ايه اللي هيحصل كله مقدمش الاقرار ولا حاجه هيغرموا كل الناس هيسجنونا مشكلتنا اننا شعب سهل اننا نتركب والله العظيم يغلوا بنزين عادي يغلوا اسعار سلع بترخص ف العالم كله عادي مش بنعترض خالص طب بنشتكي ليه الحكومة بتجس نبض الشعب فبتلاقيه مسلم النمر خالص لا استبعد قريبا فرض ضرائب ع المرور ف الشارع القادم حاليا ان لو خلفت اكتر من عيلين هتعاقب وشويه وهيقولك هتدفع ضرايب ع عيالك

اللي مجنني عاوز اشوف اي شيئ له قيمة بتعمله حكومتنا الواحد معبي وهج من البلد لانه قرف ولكن طبعا لعنة انه مصري الجنسية بتطارده ف اي مكان انا قولت مالهاش الا حل واحد جواز ازرق ولا احمر بدل فرده الشبشب الخضراء معلش اصل انا معايا الجواز القديم هبقى اطلع الجديد المسمسم والله الواحد اتخنق مفيش شيئ بيعملوه منطقي

[محمد عبدالعزيز]

أكيد كلنا بنفكر فى الاعتراض والأغلبية رافضة تقدم الإقرار, بس أنا ولا غيرى لما بنفكر فى كده, بنفتكر إن معظمنا بيحب يتكلم وبس وساعة التنفيذ كله بيخاف ويعمل اللى الحكومة عاوزاه, وبفتكر بالظبط مشهد محمد صبحى فى رحلة المليون لما كان بيقول, خش برجالتك يا فرج, ويلاقى لا فرج دخل ولا أى واحد من رجالته, يبقى ساعتها إيه الحل؟

وعلى فكرة اللى يروح مأموريات الضرائب العقارية يتأكد من كلامى ده, كل الناس واقفة متضايقة ومخنوقة فى الطابور بتاع استلام النموذج, وكله بيقول هو يعنى إيه لازمته وليه وعشان إيه وكل الاعتراضات اللى بنقولها, وبعدين تسأل أمال الزحمة دى ليه يا جماعة وليه بقى فى سوق سوداء لشئ مجانى أصلاً والأسعار وصلت ل 50 جنيه فى بعض المناطق زى مابيقولوا؟!!!

طبعاً ساعتها مفيش حد يرد عليك, ولو حد رد يقولك حكم القوى.

أنا شخصياً حصل معايا وقدامى الموقف ده أكتر من مرة, واللى اتسلع من الشوربة بينفخ فى الزبادى يا جماعة.

[eTiger]

والله أنا خايف فعلا أبعت الإقرار بالبريد بعدين لما أراجعهم يقولولي مافيش حاجة وصلت ، وادفع الغرامة يا سيد!

والله العظيم الناس دي بتستهبل ، يعني لو عملو صفحة على موقعهم ندخل فيه البيانات ونرتاح ونوفر عليهم الورق اللي بيمنو علينا بيه وبيقولو انه مجاني. أنا عايش في الإمارات وكل النماذج الحكومية تقريبا باملأها عن طريق مواقع إلكترونية من البيت وأنا بشرب الشاي.

مش كفاية القرف والفقر اللي الناس فيه ، عايزين يخلو الناس نتنحر عشان ترتاح.

ربنا عالمفتري.