محتاج لكام ساعة فى اليوم ؟؟؟

[Salwa]

اكتشفت ليه دائما اكثر الناس ..اعصابها تعبانة وقلقانة على طول ...وسألت نفسى هل هذا شئ غريب !

وفى نفس الوقت اعترفت بينى وبين نفسى ....انى اعرف السبب ...

لو كان اليوم 24 ساعة ....مفروض ننام 8...مفروض نشتغل 8 ...صح ؟؟

وحقول لكم تقسيمة الباقى ..

ايه المطلوب مننا نعمله كل يوم ؟؟

لو قلنا ان الصبح مطلوب مننا ناكل تفاحة او موزة ...لزوم البوتاسيوم .

نشرب لترين مياه على الاقل .فى اليوم ...

ناخد اسبرينا واحدة احتياطى علشان نضمن عدم الاصابة بالجلطات .

ولاتنسى يجب تناول ثلاث وجبات يوميا ...

ومضغ الطعام جيدا ..............ولاتنسوا غسيل الاسنان بعد كل وجبة ..

كل ده بيروح له فى 5 ساعات .....الوجبات وغسيل الاسنان ...

يجب السير ..المشى ..ساعة يوميا .........كدة بقوا 22

علاقاتك مع اهلك زى الزرع لازم ترويه كل يوم ...على الأقل نفضل معاهم ساعة ..كدة 23

لاتنسوا ضرورة قراءة الجرائد اليومية ...نصف ساعة مثلا ..كدة 23.5.

طبعا التلفزيون ..على الاقل ساعتين ..متفرقة او مستمرة ..وتغير فى القنوات ...كدة 25.5

ساعة وربع مواعيد الصلاة ..نقول كل فرض ربع ساعة ...كدة 26.45.

لاننسى ..الطبيخ والغسيل والمكوة ....والحمام ...وشراء المستلزمات وممارسة هواياتك المفضلة ..

ايه كمان ؟؟.........اهم حاجة ممكن نشرب المياه واحنا بناخد دش..

ممكن نقرأ الجرائد واحنا بنفطر ونسأل على اهالينا بالتليفون ...

ايه كمان ؟؟

آه..ولاتنسوا ضرورة ..التسجيل فى جمنزيوم ....

او جمعية خيرية لمساعدة الناس بأى طريقة ...او الذهاب للمرضى فى المستشفيات للتخفيف عنهم ........

محتاج لكام ساعة فى اليوم ؟؟؟

والمحاوراتتتتتتتتتتتتتت..............دى لوحدها ....

اما زوجى العزيز .....فهو يريد زوجة متفرغة له فى الوقت الذى يقضيه فى المنزل ..

3 ساعات ...

مفيش حل ...........

سلامى.

[ragab2]

لو قلنا ان الصبح مطلوب مننا ناكل تفاحة او موزة ...لزوم البوتاسيوم .

نشرب لترين مياه على الاقل .فى اليوم ...

ناخد اسبرينا واحدة احتياطى علشان نضمن عدم الاصابة بالجلطات .

ولاتنسى يجب تناول ثلاث وجبات يوميا ...

ومضغ الطعام جيدا ..............ولاتنسوا غسيل الاسنان بعد كل وجبة ..

كل ده بيروح له فى 5 ساعات .....الوجبات وغسيل الاسنان ...

يجب السير ..المشى ..ساعة يوميا .........كدة بقوا 22

وياحبذا

لو تناولنا ملعقة زيت زيتون يوميا مع الأكل أو حتى منفردة

أو شرب شاى ورق الزيتون لتقليل الكوليسترول الضار منخفض الكثافة LDL

والبرتقال يحتوى أيضا بوتاسيوم الذى يقى من هبوط القلب الفجائى والضغط العالى

والرياضة فعلا مهمة وعلاج لجميع الأمراض

شكرا

لهذه النصائح الغالية

[maksoof]

ناخد اسبرينا واحدة احتياطى علشان نضمن عدم الاصابة بالجلطات .

الدكتور(أخصائى القلب) قال لى آخد Baby Aspirin كل يوم مش أسبرين عادى.

تم تعديل 25 يناير 2004 بواسطة maksoof

[Salwa]

اخى الفاضل رجب...

ايه هو شاى ورق الزيتون ؟؟

هل هو غلى اوراق الزيتون ؟...ام انه مثل باقى انواع الشاى ..مثلا بطعم الفواكه ..وهذا بطعم الزيتون ...

انا اعلم ان زيت الزيتون مهم جدا ...لكن نئ...اى من الخطر استخدامه فى القلى مثلا ..

وهو فعلا غنى بفيتامين E.

اخى الفاضل مكسوف ..انا كنت اقصد اسبيرين اطفال ...كلامك صح ..

عموما مشكلة تقسيم اليوم ..مشكلة كبيرة فعلا ...ولو عاوزين ننجز كل اللى مطلوب مننا يبقى

محتاجين ليوم ونصف كل يوم ...مظبوط؟؟

سلامى.

[ragab2]

الأخت الفاضلة سلوى

شاى ورق الزيتون استعمل قديما فى علاج كثير من الأمراض وكان يعتبر كشكولا فى علاج الأمراض

ومنها الحمى والبرد والانفلونزا والالتهاب السحائى والملاريا ومقوى لعضلات القلب وموسع للشريان التاجى المغذى للقلب وفى علاج بعض الأمراض الجلدية

وقد احريت الأبحاث الحديثة عليه ووجد أنه يحتوى على مادة أوليوروبين oleuropein

وكالسيوم الينوليت calcium elenolate

من مشتقات حمض الايلينوليك elenolic acid المضادة للبكتريا والفيروسات والفطريات ومنها فطر الأظافر والمطهرة عامة للجسم وخاصة الجهاز الهضمى

كما تستعمل أوراق الزيتون لخفض ضغط الدم العالى وتخفيض السكر بالدم وعلاج التهاب المفاصل وهو عامل مضاد للأكسدة antioxidant

وتوجد فى أمريكا وبريطانيا أقراص من مستخلص أوراق الزيتون عبوات 500 مليجرام للقرص الواحد تستعمل فى علاج كثير من الأمراض الفسيولوجية والميكروبية على النحو الذى ذكرناه آنفا

ويمكن ..

تناول شاى ورق الزيتون بصب الماء المغلى عليه وتحاشى غليه مثل الشاى تماما

ويمكن تناوله طازجا أو جافا

وزيت الزيتون أو ورق الزيتون يستعمل نيئ بتناول ملعقة من الزجاجة أو خلطه مع الفول والجبن والأكل مع تحاشى غليه بعد الخلط

وشجرة الزيتون عامة شجرة مباركة وذكرت فى القرآن الكريم ولا تقربها الحشرات وتقاوم أمراض النبات

أما ..

اسبرين الأطفال فلا يختلف عن اسبرين الكبار الا أنه خفيف على المعدة للذين يعانون من مشاكل بها

والبوتاسيوم ..

متوفر أكثر فى الموز كما تفضلتى وذكرتى ويحتوى حوالى أكثر من 450 وحدة بالنسبة لعنصر الصوديوم

ويليه مباشرة البرتقال يحتوى على حوالى 250 وحدة بوتاسيوم ثم يأتى التفاح الذى يحتوى على 100 وحدة

وشرب كوب حليب يوميا لمد الجسم بالكالسيوم اللازم للعظام وتقليل تقلص العضلات

وغسل الأسنان وخاصة ليلا قبل النوم لسكون الفم ونشاط البكتريا أثناء النوم

والله أعلم