آلا أونا آلا دوا ... الزمالك في المزاد حد يشتري

[DARWEEN]

تم الحجز على نادي الزمالك سداد لديون مستحقه لأحد المقاولين وتحدد يوم 28 فبراير موعد المزاد العلني لبيع النادي bt:) bt:) :P :P

الخبر في كل الجرايد حد ينقل الوصله الله يخليكم أحسن مش قادر أنقلها من كتر الضحك :P :P non:: non::

ياللا ياجماعه ..... حد يشتري ؟؟؟

non::

[CoDeR]

صديقي العزيز داروين ..

البينه علي من أدعي .. -_-

يلا درولينا علي اللينك .. gsm::

-------------------------------

ملحوظه :

يا ساتر يا رب علي قر الأهلويه .. هيفضلوا ورانا ورانا .. :wub:

[se_ Elsyed]

عليه بـ 15 الف جنية بس على شرط يكون ضمن البيعة دي حازم إمام ... ومكتب الخطوط السعودية اللي على شارع جامعة الدول ... علشان أخد منه تذاكر ببلاش gsm::

[afiona]

حازم إمام بعيد عن شنبكم...لما تعملوا إيه....

تاخدوا مرتضى منشور ؟ يا جماعة، هاتجنن، الراجل رفع قضية على مجلس إدارة النادى بتهمة التبديد، وهو عضو فى نفس مجلس الإدارة ؟ إزاى يعنى؟

[se_ Elsyed]

حازم إمام بعيد عن شنبكم...لما تعملوا إيه....

تاخدوا مرتضى منشور ؟ يا جماعة، هاتجنن، الراجل رفع قضية على مجلس إدارة النادى بتهمة التبديد، وهو عضو فى نفس مجلس الإدارة ؟ إزاى يعنى؟

الله الله ... ده أفيونة طلع عميل إمبريالي زملكاوي ...

إذاً محلات الكشري تعلن الحرب على أفيونة ... حتى يعود إلى الطريق السليم ويسيبوه من الفكر الشيوعي

داروين .. حلق من اليمين وانا هاكبس عليه من الشمال

[afiona]

زمن أغبر، زمان كان الأهلاوى يأخد إذن قبل لما يتكلم مع أرباب الكرة العتاولة وأساطين الساحرة المستديرة ، مع رواد مدرسة الفن والهندسة..

طبعا سيرة حازم إمام بتعمل أرتكاريا للأهلوية وتبدأ أعراض الإسهال عليهم.... فخدوا راحتكم خالص ....

[DARWEEN]

عليه بـ 15 الف جنية بس على شرط يكون ضمن البيعة دي حازم إمام ... ومكتب الخطوط السعودية اللي على شارع جامعة الدول ... علشان أخد منه تذاكر ببلاش  gsm::

تبقى واقفه عليك بخساره يابو السيد ... ولو عليا أنا هما خمسه شلن

:wub: -_- zr: :P f((: lo::

[Mohammad Abouzied]

الحقد الاهلاوي ظهر وبان

عموما فاكرين كارثة نادي الزمالك الى حصلت في نهاية الستينات ووقعت المدرجات على المشجعين gsm::

للأسف طلع المقاول الى عمل الدرجات اهلاوي trch:

وبعدها لم يصرف مستحقات اي مقاول الا لما نتأكد من سلامة عمله وعدم انتمائه للنادي الاهلي

[se_ Elsyed]

زمن أغبر، زمان كان الأهلاوى يأخد إذن قبل لما يتكلم مع أرباب الكرة العتاولة وأساطين الساحرة المستديرة ، مع رواد مدرسة الفن والهندسة..

طبعا سيرة حازم إمام بتعمل أرتكاريا للأهلوية وتبدأ أعراض الإسهال عليهم.... فخدوا راحتكم خالص ....

لا تكن متسرعاً يا أخي ... فكنت سأشتري حازم إمام لكي اعالجه من أنيميا البحر المتوسط الموجوده عنده من زمان ....

أظن ده من حقي انا رجال داخل المزاد بفلوسي ....

وقرب قرب قرب قبل ما يعقل يا جدعان

[afiona]

طالما إنت حا تاخد كل لعيب وتعالجه، إفتح مصحة لمعالجة الإدمان بكافة أنواعه...

[DARWEEN]

الحقد الاهلاوي ظهر وبان

عموما فاكرين كارثة نادي الزمالك الى حصلت في نهاية الستينات ووقعت المدرجات على المشجعين  cr((:

للأسف طلع المقاول الى عمل الدرجات اهلاوي  trch:

وبعدها لم يصرف مستحقات اي مقاول الا لما نتأكد من سلامة عمله وعدم انتمائه للنادي الاهلي

يامحمد باشا ...

بقى أبو تلاتين دوري يحقد على أبو تسعه ؟؟؟

بطل القرن في أفريقيا يحقد على ميت عقبه ؟؟؟

صالح سليم وحسن حمدي والخطيب يحقدوا على درويش ومرتضى والأشكال دي برضه ؟؟؟

الأهلي أبو الأنديه والوطنيه في مصر يحقد على اللي حيتابعوا في المزاد العلني وفضايحهم مالهاش وصف ولا نهايه

[Lancelot]

يسلم فمك يا عم داروين ... أهو ده الكلام اللي يفحم .....

و بيب بيب أهلييييييييييييييي أهلييييييييييييييييييي .... يا نادي القرن يا حبيبنا ....

[CoDeR]

ايه يا أخوانا ..

هو أنتو عشان ربنا كرمكم و كسبتوا ماتش في الدوري بعد طول غياب cr((:

هترجعوا تعملوا الهيصه بتاعتكم ديه تاني ..

ما كنا أستريحنا من الهيصه ديه gra:- gra:-

[afiona]

بقى أبو تلاتين دوري يحقد على أبو تسعه

ياعم الدورى موجود والدرع طول عمره سهل المنال بس فين النفس اللى تاخده؟

صالح سليم وحسن حمدي والخطيب يحقدوا على درويش ومرتضى والأشكال دي برضه

عقلى الباطن : بلاش مكابرة فى موضوع الفضائح والإداريات لأن أى رد غير الموافقة على هدا الكلام يندرج تحت طائلة المرض العقلى والشيزوفرينيا .... طنش وإكتفى بالدعاء على الظلمة أحفاد هولانكو.

الأهلي أبو الأنديه والوطنيه في مصر

سؤال بجد : أبو الأندية على أساس بطولاته وإدارة صالح سليم فى 20 سنة الأخيرة مفهومة، بس ليه أبو الوطنية ؟أنا بأسأل عايز أعرف كيف نشأت هده المقولة .

[se_ Elsyed]

سؤال بجد : بس ليه أبو الوطنية ؟أنا بأسأل عايز أعرف كيف نشأت هده المقولة .

تعالى يا أفيونة يابني ...

سبب تأسيس النادي الاهلي أساساً هو لتكوين نادي يمثل الشعب المصري بدلاً من الأندية التى كانت منتشرة أيامها وقاصرة على الاجانب ...

ومن هنا جاءت التسمية " الاهلي ... يعني الوطني "

أفيونة كده بدأ طريق التوبة ... الذي غالباً ما يبدا بالسؤال

[biso80]

عم افيونة

اقرا كتاب" النادي الاهلي بطولة في الرياضة و الوطنية" لعمنا الكبير حسن المستكاوي الله يرحمه و انت تعرف ليه هو ابو الوطنية كلها :angry:

انا هخش المزاد بتاع نادي الزمالك بس النادي ده ميجيش في زمتي ب 2 تعريفة

دانا حتى هطلع خسران لو دفعت فيه المبلغ ده :unsure:

[Mohammad Abouzied]

يسلم فمك يا عم داروين ... أهو ده الكلام اللي يفحم .....

و بيب بيب أهلييييييييييييييي أهلييييييييييييييييييي .... يا نادي القرن يا حبيبنا ....

تموت في الشماتة يا لانس

عموما الزمالك مدرسة ومن غيرة ها تصبحوا اميين في الكورة والرياضة كلها

والدولة ها تفتح لكم فصول محو امية رياضية بعدها

ونشوفكم مع ابو العراف وفهيمة

[biso80]

على رايي الواد بلية بتاع الكورة الشراب

اذا كان الزمالك مدرسة فالاهلي كلية :angry:

هي دي الحكم و لا بلاش :unsure:

و بيب بيب اهلي

يا اهلي يا حبي يا حتة من قلبي

[Lancelot]

أعمل لك إيه يا أستاذ محمد .... مش إنت اللي أخدت كوودر علي جنب و عايزه يحط التليفزيون اللي هيذيعه فيه كأس الأمم في أوضتك .....

لامؤاخذة إحنا عايزين نتفرج برضه .....

داروين ... سي السيد ..... إيديكوا معايا نكسر باب الأوضة و نأخد التليفزيون ....

[Mohammad Abouzied]

أعمل لك إيه يا أستاذ محمد .... مش إنت اللي أخدت كوودر علي جنب و عايزه يحط التليفزيون اللي هيذيعه فيه كأس الأمم في أوضتك .....

لامؤاخذة إحنا عايزين نتفرج برضه .....

داروين ... سي السيد ..... إيديكوا معايا نكسر باب الأوضة و نأخد التليفزيون ....

خلاص ادخل انت لوحدك بس لكن سي السيد دا اهلاوي متعصب بلاش النه طردنا قبل كدا هو مجرمون من توبيك اخبار الاهلي وخلانا انا ومحبط اخر احباط