قصة حياة اسرة حول العالم

[Damo]

اولا نوت صغير للمشرفين: انا مش حاطه الموضوع ده في الهجره لكندا او المغتربين عشان حسيت اني هحكي حكايه شخصيه و مش هفيد غيري اوي. بس عموما لو مختلفين معايا اهو انتو ادري (انا flexible جدااااا :lol: )

Epilogue :

اللي هو بيجيبوه قبل اول تشابتر في الروايات ده :lol:

( منذ ٦ اعوام فاتو)

بعد تعدد الوفايات اللي ورا بعض في الاسره دخلت ام دامو في اكتئاب مدقع و سابت الشغل و قعدت في البيت بعد ما حرص ابو دامو انو يساعدها بقدر الامكان انها تحصل على المجستير و الدكتوراه و تكون الاولى في عائلتها اللي تحصل على ما هو اعلى من دبلوم

-تيجي يا ام دامو نقدم على اي بلد تانيه و نشوف حظنا ادينا مش خسرنين حاجه

-طيب يا ابو دامو ادينا نضمن مستقبل اولادنا

~ ماشي . انا هقدم في السعوديه و دبي و الامارات و كندا و امريكا و استراليا

~ معنديش مانع. بس هو ممكن نقدم في نيو زيلانده كمان؟ احسن دي هتبقى حلوه قوي لو رحنا عشنا جنب اخويا.

~ اوي اوي مافيش مانع...

تشابتر وان (chapter 1):

( بعد مرور سنة على الEpilogue )

-ام دامو: يلا يا بنات هنسافر لبابا في السعودية.

-دامو(اللي هو انا...عارفه عارفه الزهايمر ساعات بينقح): اده!!!!!..يعني (نهنهه)....يعني. (نهنهه تاني)...هسيب مي و سارة و امنية و ميس نهلة... (نهنهه)....(عيااااااااط) انا مش عايزه ارووووووح روحو انتو انا هفضل هنا pps:

to be continued لو لاقيت في جمهور bnd5::

برعاية شراب الفقاقيع ( على رأي أنيس عبيد) pps:

قررررب قرررررررب قرررررررب pps: :lol:

[OReX]

حجز مكان

وتسجيل متابعة ان شاء الله

bnd5:: :lol: :lol:

[DIA ELDIN]

bnd5:: Waiting for the second chapter

[Damo]

لسه لسه تشابتر وان مش خلص

انا لسة بشاوقكوا bnd5::

اتسلوا في الفشار ده :lol:

لحد ما باقي الناس تيجي :lol:

[Mercedes]

السلام عليكم و رحمة الله و بركاته

و كل عام و أنتى طيبة يا آنسه دامو

أنا كنت عاوز أحجز كرسيين فى أول صف مهما كان التمن , كرسى عشان أقعد عليه و التانى عشان أمد رجلى عليه لو نملت لأن الحكاية كدة شكلها هتحلو و تطول .

و ربما يقدرك على فعل الخير و المعروف

أخوكى فى الله

Mercedes S430

[Damo]

السلام عليكم و رحمة الله و بركاته

و كل عام و أنتى طيبة يا آنسه دامو

أنا كنت عاوز أحجز كرسيين فى أول صف مهما كان التمن , كرسى عشان أقعد عليه و التانى عشان أمد رجلى عليه لو نملت لأن الحكاية كدة شكلها هتحلو و تطول .

و ربما يقدرك على فعل الخير و المعروف

أخوكى فى الله

Mercedes S430

اهلا اهلا يا مرسيدس... اولا و حضرتك طيب :lol:

ثانيا انا هحط قعده مهمه جدااا لاستمرار الموضوع bnd5:: . قاعدة:

انتخ براحتك !

مش محتاجه شرح :lol:

[Damo]

انا عملت reconstruction للقصة ده اللي اخد مني وقت سهويه سوري يا جماعه. يا ريت حد يقولي ازاي اقدر اغير عنوان الموضوع.

تشابتر وان جاي حالااا يدوب مسافة ال copy paste bnd5::

يعني الصاله ضلمت و الاعلانات بدئت :lol:

[Damo]

تشابتر وان:

كااان يا مكاااااان يا سعد يا اكراااااام و ما يحلى الا الكلاااااام الا بذكر ميييين؟ النبي طبعا (عليه الصلاة و السلام) bnd5::

كان في اسره بسيطه جدا تتكون من سبع افراد..اب و ام و خمس عيال مقيمين في الشرقية,

. حيث كان الاب يعمل مدير مدرسة صغنونه و الام ربة بيت امية لا تجيد القراءة او الكتابة. كان هدف الاب ان يكمل ابناءه الطريق من حيث توقف هو.

كان الاب يحث ابناءه على الاصرار و الرغبة الدائمة في التفوق. حتى انهوا حرص انضمام كلاً منهم الى نشاطات خارج المدرسه منها الموسيقى و الرياضة و القراءة. (عشان يعني يبقوا مقفلين كل المجالات :lol: )

باع الاب كل نصيبه من ورث اباسه في سبيل تعليم اولاده رغم الهجوم الشديد من اخوانه

مرت الايام و تخرج الابن الاكبر من كلية الطب بينما انضم الاخر اليها. من الاخر طلع عندك ٣ دكاتره واحد مهندس و واحده مدرسه ثم مديرة مدرسة.

مرت السنين و تخرج الابن الاصغر ليصبح جراح عيون و كان يجيد العزف على العود و الكمان و البيانو ( و شوية صغنتتييين جيتار)

و كان يحلم بان يجد بنت الحلال اللتي باستطاعتها مجاراة طموحاته و تذوق و احترام الموسيقى كما كان يفعل هو...

اللي حته اللي جايه دي بقى ملخبطه مني شوية لاني شخصيا متلخبطه في ترتيب الاحداث:

في اخر سنة في كليه الطب الامتياز اتصاحب (اللي كان ولد زمان بس دلوقتي بقى راجل) على زميل اخر و مع الوقت تبين ان هذا الزميل غني جدااااااااا ...اللله اكبرررر

هذا الزميل الجديد احب الراجل ( اوعوا تطلخبطوا مني) جدا و اشدت صداقتهم مع الوقت. و في يوم من الايام الزميل الغني عزم الراجل اللي مش غني على الغداء. و فعلا..جاء اليوم الموعود و ذهب للعنوان اللي اداهولو..

to be continued

تم تعديل 7 ديسمبر 2009 بواسطة Damo

[عنبو]

تسجيل متابعه

مستنين وياااااااااريت متتأخريش علينا يعنى لو كل يوم تلات او اربع فصول كده

[Mercedes]

السلام عليكم و رحمة الله و بركاته

أنا هموت و أعرف أنتى جبتى كلمة ( أنتخ براحتك ) دى منين بالظبط و لنتى فى نيوزيلنده؟؟؟؟ bnd5::

المهم

لازم تعرفى أننا جميعا معك قلبا و قالبا و الى الأمام يا آنسه دامو :lol:

أنا و أعود نالله من كلمة أنا / MERCEDES S430

[OReX]

انا عندى فكرة ترمزى للاشخاص بحروف احسن عشان فية ناس بتوة بسرعة bnd5::

وياسلام بقى لو مداخلة لزيزة كدا عن المسلميين واطفالهم فى المهجر يبقى انتخة صح :lol:

[Damo]

تسجيل متابعه

مستنين وياااااااااريت متتأخريش علينا يعنى لو كل يوم تلات او اربع فصول كده

حاضر حاضر يا عم محمد معلش صبرك عليا انا لسه جديده في حكاية كتابة القصص دي (ولو انها تروو ستووري ). دانا حتى معملتهاش اينجلش اقوم اعملها عربي!!!!!!!!!!! ايه الانا بعمله ده :waf: ؟؟؟!!! دي عملية انتحراية!!!! :lol:

[Damo]

السلام عليكم و رحمة الله و بركاته

أنا هموت و أعرف أنتى جبتى كلمة ( أنتخ براحتك ) دى منين بالظبط و لنتى فى نيوزيلنده؟؟؟؟

المهم

لازم تعرفى أننا جميعا معك قلبا و قالبا و الى الأمام يا آنسه دامو :lol:

أنا و أعود نالله من كلمة أنا / MERCEDES S430

و عليكم السلام يا استاذ MERCEDES S430

لا ميهمكش احنا فين في العالم مامتي ما شاء الله قايمه بالواجب طول عمراها في اي مكان :waf:

[Damo]

انا عندى فكرة ترمزى للاشخاص بحروف احسن عشان فية ناس بتوة بسرعة :waf:

وياسلام بقى لو مداخلة لزيزة كدا عن المسلميين واطفالهم فى المهجر يبقى انتخة صح :lol:

فكره بردو ليه لا :lol:

.

.

.

جاري بحث الاقتراح

[الباشمهندس ياسر]

واو

حول العالم مرة واحدة

ماشاء الله

اديني متابع اهو

[moheltohamy]

تسجيل متابعة ومخمخة كمان wst::

بس بالمنظر ده ، ومع حجم الحلقات المايكرو ده أنا هتجيني النقطة بدري! :happy:

أمال أنا حلقاتي بتتقاس بالشبر... أكونش رغاي أنا ومش واخد بالي؟! :lol:

متابعييين يا فندم wst::

بالمناسبة... لو لسّه محتاجة تغيري العنوان ، اتفضلي اختاري الإسم واحنا نغيّروه يا فندم :closedeyes:

[Damo]

تسجيل متابعة ومخمخة كمان wst::

بس بالمنظر ده ، ومع حجم الحلقات المايكرو ده أنا هتجيني النقطة بدري!

أمال أنا حلقاتي بتتقاس بالشبر... أكونش رغاي أنا ومش واخد بالي؟! :blink:

متابعييين يا فندم wst::

بالمناسبة... لو لسّه محتاجة تغيري العنوان ، اتفضلي اختاري الإسم واحنا نغيّروه يا فندم :closedeyes:

اهلا استاذ Moheltohamy

شكرا على المخمخة wst::

معلش والله انا منمتش امبارح :sad: عشان خاطر اظبط الحلقات و الموضوع فيص مني خالص. انا حطيط نفسي في موقف محرج قوي :happy:

المهم المحاولات جارية

و اكيد طبعا انا مش قد العظماء ولا اجي اي حاجه جمبهم wst::

ايوه لو سمحت ممكن اسم الموضوع يبقى ' قصة حياة اسرة حول العالم'

merci in advance :happy: :lol:

تم تعديل 7 ديسمبر 2009 بواسطة Damo

[Damo]

تشابتر توو

جاء اليوم الموعود و زهب للعنوان اللي اداهولو... ابها ايييه! فله و كلب و عربياااااات. المهم .. اتعرفت الاسره على صديق ابنهم الجديد و استاضافوه احسن استضافه

طبعا طقم الشغالات نزل بالغداء و توجهت العائلة الى السُفرة. الراجل الضيف قعد يتفرج كده بس و كان اساسا مش عايز ياكل كفاية بس عليه يتفرج على الاكل.

.

خلال هذه الاستضافه تعرف الراجل على اخت صديقة و اخدهم الكلام و هاتيااااا رغي

و اعجب بها و قرر يتقدملها. لكن حب يستشير اسرته الاول.

و هذا ما قد كااااان. نزل الشرقيه يزور اسرته و حكالهم كل حاجه. ردت الفعل كانت الاتي:

-يابني دول ناس فوق اوي و احنا منقدرش عليهم... شفلك وحده من مستوانا ترضى بمستوى معيشه مش هتقدر انتا توفر اكتر منو.

~ يا ماما بس دول ناس طيبين جدا و رغم انهم اغنياء متحسيش اي تسلط اي تكبر في طبعهم و دي البنت اللي انا بحلم بيها.

~طيب يابني... اهو جرب مش هنخسر حاجه. فين ابوك الله يرحمو كان زمانو قال لنا نعمل ايه...

و فعلا مكدبش خبر اول ما رجع فاتح صديقه بالموضوع و صديقه رحب جدا بالفكره و قاله لازم ناخد رايها الاول طبعا !

روح الصديق و ناده الاسره كلاها و قلهم ان اختنا الحلوة جايلها عريس ..ناويين تعملوا ايه المرادي؟؟؟ و بعد ما نكشوها شويه اكتشفوا ان هي كمان معجبة من ساعة الغدوه اياها لكن طبعا هتقول ايه بقى...حياء و كهن بنات :closedeyes:

فرحت الام و قالت: على خيرة الله حدد معاه معاد ييجي يقابلنا

مرت الايام (اللي كل شوية تمر دي) و اتخطبوا و خدو على بعض بسرعة فظيعهههههه لدرجه ان الخطوبة مكملتش شهر و عملو كتب الكتاب و الفرح بعديها علطوووول.

و نظرا لامكانيات العريس المحدوده اقترحت الام ان يخصصوا شقة المذاكره ليهم ( ايواا كان عندهم شقة مخصوصة للمذاكرة :happy: ) و المهر و الشبكه و باقي القصص دي كانت حاجات بسيطه و ميسره جدا

to be continued..

تم تعديل 7 ديسمبر 2009 بواسطة Damo

[Mercedes]

تسجيل متابعة ومخمخة كمان wst::

بس بالمنظر ده ، ومع حجم الحلقات المايكرو ده أنا هتجيني النقطة بدري!

أمال أنا حلقاتي بتتقاس بالشبر... أكونش رغاي أنا ومش واخد بالي؟! :blink:

متابعييين يا فندم wst::

بالمناسبة... لو لسّه محتاجة تغيري العنوان ، اتفضلي اختاري الإسم واحنا نغيّروه يا فندم :closedeyes:

اهلا استاذ Moheltohamy

شكرا على المخمخة wst::

معلش والله انا منمتش امبارح :sad: عشان خاطر اظبط الحلقات و الموضوع فيص مني خالص. انا حطيط نفسي في موقف محرج قوي :happy:

المهم المحاولات جارية

و اكيد طبعا انا مش قد العظماء ولا اجي اي حاجه جمبهم wst::

ايوه لو سمحت ممكن اسم الموضوع يبقى ' قصة حياة اسرة حول العالم'

merci in advance :happy: :lol:

السلام عليكم و رحمة الله و بركاته

أنا متابع جدا - أنا متابع خالص -أنا متابع مالص

( بقى الموضوع فيص منك )

بس نفسى أعرف أنتى جبتى الكلمة دى منين !!!!!!!!!!!!!!!!!!!!

يالله , ربنا يقدم ما فيه الخيييييييييييييييييير

أما نشوف آخرتها

[Damo]

تسجيل متابعة ومخمخة كمان wst::

بس بالمنظر ده ، ومع حجم الحلقات المايكرو ده أنا هتجيني النقطة بدري!

أمال أنا حلقاتي بتتقاس بالشبر... أكونش رغاي أنا ومش واخد بالي؟! :sad:

متابعييين يا فندم wst::

بالمناسبة... لو لسّه محتاجة تغيري العنوان ، اتفضلي اختاري الإسم واحنا نغيّروه يا فندم :closedeyes:

اهلا استاذ Moheltohamy

شكرا على المخمخة wst::

معلش والله انا منمتش امبارح عشان خاطر اظبط الحلقات و الموضوع فيص مني خالص. انا حطيط نفسي في موقف محرج قوي :lol:

المهم المحاولات جارية

و اكيد طبعا انا مش قد العظماء ولا اجي اي حاجه جمبهم :happy:

ايوه لو سمحت ممكن اسم الموضوع يبقى ' قصة حياة اسرة حول العالم'

merci in advance :blink: wst::

السلام عليكم و رحمة الله و بركاته

أنا متابع جدا - أنا متابع خالص -أنا متابع مالص

( بقى الموضوع فيص منك )

بس نفسى أعرف أنتى جبتى الكلمة دى منين !!!!!!!!!!!!!!!!!!!!

يالله , ربنا يقدم ما فيه الخيييييييييييييييييير

أما نشوف آخرتها

لعلمك يا استاذ Mercedes انا محصلتي اللغوية عاليه جداااااااا :happy:

هي بس عاوزة اللي ينكشها