البرادعي وفرص الترشح رئيسا لمصر

[اغابي]

ياريت ال يمسك الحكم هيفاء وهبى او نانسي عجرم على الاقل نضمن دلع الشارع المصري كله يدلع

هو ميزه مبارك او ابنه حاجة واحدة اعتقد مش بيحبو يورطو مصر فى حروب علشان خاطر الدول العربية بمعنى فيه مواقف عدت على مبارك مواقف كتير كان ممكن يتخرب بيت مصر فى الحروب لو هو بتاع مشاكل كلن حارب العراق علشان خاطر عيون الكويت وكان حارب اسرئيل علشان خاطر عيون فلسطين وكان حارب ايران علشان خاطر العراق وكان حارب السودان والجزاير وسوريا .... الخ ودوامة مش حتخلص لن كل الدول العربية عارفة ان جيشنا قوي عاوزة تحارب اسما واحنا ندفع الثمن وما كناش خلصنا وكان زمانا منتهين من زمان وكلنا عارفين ان الحرب ليها ميزانيه ضخمة وتاثيرها على الشعوب مش بس ماديا بتجيب الفقر .....لا .... ..... لا وكمان معنويا نبقي شعب نفسيته مدمرة واطفالنا فى هلع وكل يوم فى الشوارع ارهاب وتفجيرات واحزاب ووباء منتشر وكلام من داه ... داه لو راجل بتاع حروب لكن مبارك متاني ومبياخدش خطوة المشاكل الا بعد تفكير انا بعتير دي الميزة الحلوة اليتيمة وبكررها اليتيمة اللى عنده

والباقي طبعا كلنا عارفينه مساؤه كتير واهمها انه ما اضافش جديد فى مصر ورجعنا ورا ورا وكفايه انا بعتبره السبب الاول للفتنة الطائفية بين المسلمين والمسيحيين هو السبب الاول فيها مبارك والحكومة - بدايه من ان قراره من ساعة ما مسك الحكم انه استحالة فى يوم يمد ايديه ويسلم على البابا شنودة واكيد كلنا عارفين القصة القديمة اللى حصلت بينهم فى السبعينات قبل ما يبقي رئيس

هل عمركم شوفتوه مرة سلام جمع بينه وبين البابا شنوده - استحالة - هو حالف انه مش ممكن يمد ايديه ويسلم على البابا شنوده فى يوم من الايام - مش ممكن يمد ايديه فى ايد البابا - حتى فى الاعياد الرسمية استحالة هو يحضر يبعت مندوب بديل عنه مش علشان حاجة كل الموضوع مش عاوز يسلم على البابا وداه من شجع المشاحنات الطائفيه انا بعتبر - عمر علاقة المسلمين والمسيحين ما اتاثرت واتوترت فى مصر فى عهد اي رئيس زي اللى وصلتله دلوقتى فى عهد مبارك طبعا اللى الكل ما يعرفهوش ان زمان لما المسيحين والمسلمين ايد واحدة وجيران واخوات وبياكلوا سوا دي كانت الحقيقة مش قصص اساطير وخيال - ايه حتستفيده الحكومة من الفتنة الطائفيه - مبارك لما بدات الناس تفهم وضع البلد اللى هو طبعا محزن للغايه ولا يسر عدو ولا حبيب فحاول يوجه انظار الناس الى قصة تانية تبقي مستمرة بين حين وحين يعنى ما نلحقش نسمع مشاحنات وضرب بين مسلمين ومسيحين ونيجي نفوق للحكومة نلاقى حاجة تانية تشغلنا عن السرقة والنهب اللى شغالين فى البلد عيني عينك كده فالحكومة اول المستفيدين من الفتنة الطائفية اللى زادت اوى اليومين دول اوعى تقولوا من بره مصر الفتنة لا يا حبايبي من جوه مصر ومن الحكومة متدبره بخطة محكمة بره مالهمش علاقة بالموضوع .

اما البرادعي انا خايفة من دماغه لحسن تطير المنطقة كلها مشاكل البرادعى كتير مع اسرائيل فاخاف اول ما يمسك الحكم يضرب النووي بقي وفعلا لو ضربنا النووى يبقي ضرب في ضرب و قولو على المنطقة العربية ومصر اولا يالله السلامة ويارحمن يارحيم - وما اعرفش مدي تهور البرادعي اد ايه - ربنا يستر بس هو ناوى ناوى - اوعو تصدقوا ان البرادعي حيعمر مصر - وحيشيل ويحط - لا - اول حاجة حيضرب اسرائيل ويشجع النووى بتاع ايران ويقف معاهم ويمدوه بالنووي ويضر هنا وهنا زي ما هو واقف معاهم من زمان طبعا ويغيظ فى امريكا ويحرق فى اسرائيل والنتيجة بدل ما احنا حاليا شايفين فى عهد مبارك رجل الشارع المصري فقير وواقف فى طابور العيش ودخله ضعيف وعنده كوم عيال لا فى ايام البرادعي اعتقد حيبقي رجل الشارع المصر هو واولاده اشلاء اشلاء فى كل شارع دا اذا كان حيتبقي فيه اشلاء اصلا .

انا مش متفاءلة - ربنا يستر -

يا ريت يخلو هيفا او نانسي عجرم واحدة منهم تمسك الحكم علشان تدلع رجل الشارع المصري

وتبوسله الواوا - او تغنيله - يا اطبطب يا ادلع يا يقول انا اتغيرت عليه او تقوله مفيش حاجة تيجي كده اهدا حبيبي كده وارجه زي زمان - ههههههه * ويبقي يا بخت رجل الشارع المصري .

اسفة لحديثي المطول ------ وتحياتي للجميع

تقبلوا مروري

[محمد عبدالعزيز]

ياريت ال يمسك الحكم هيفاء وهبى او نانسي عجرم على الاقل نضمن دلع الشارع المصري كله يدلع

هو ميزه مبارك او ابنه حاجة واحدة اعتقد مش بيحبو يورطو مصر فى حروب علشان خاطر الدول العربية بمعنى فيه مواقف عدت على مبارك مواقف كتير كان ممكن يتخرب بيت مصر فى الحروب لو هو بتاع مشاكل كلن حارب العراق علشان خاطر عيون الكويت وكان حارب اسرئيل علشان خاطر عيون فلسطين وكان حارب ايران علشان خاطر العراق وكان حارب السودان والجزاير وسوريا .... الخ ودوامة مش حتخلص لن كل الدول العربية عارفة ان جيشنا قوي عاوزة تحارب اسما واحنا ندفع الثمن وما كناش خلصنا وكان زمانا منتهين من زمان وكلنا عارفين ان الحرب ليها ميزانيه ضخمة وتاثيرها على الشعوب مش بس ماديا بتجيب الفقر .....لا .... ..... لا وكمان معنويا نبقي شعب نفسيته مدمرة واطفالنا فى هلع وكل يوم فى الشوارع ارهاب وتفجيرات واحزاب ووباء منتشر وكلام من داه ... داه لو راجل بتاع حروب لكن مبارك متاني ومبياخدش خطوة المشاكل الا بعد تفكير انا بعتير دي الميزة الحلوة اليتيمة وبكررها اليتيمة اللى عنده

والباقي طبعا كلنا عارفينه مساؤه كتير واهمها انه ما اضافش جديد فى مصر ورجعنا ورا ورا وكفايه انا بعتبره السبب الاول للفتنة الطائفية بين المسلمين والمسيحيين هو السبب الاول فيها مبارك والحكومة - بدايه من ان قراره من ساعة ما مسك الحكم انه استحالة فى يوم يمد ايديه ويسلم على البابا شنودة واكيد كلنا عارفين القصة القديمة اللى حصلت بينهم فى السبعينات قبل ما يبقي رئيس

هل عمركم شوفتوه مرة سلام جمع بينه وبين البابا شنوده - استحالة - هو حالف انه مش ممكن يمد ايديه ويسلم على البابا شنوده فى يوم من الايام - مش ممكن يمد ايديه فى ايد البابا - حتى فى الاعياد الرسمية استحالة هو يحضر يبعت مندوب بديل عنه مش علشان حاجة كل الموضوع مش عاوز يسلم على البابا وداه من شجع المشاحنات الطائفيه انا بعتبر - عمر علاقة المسلمين والمسيحين ما اتاثرت واتوترت فى مصر فى عهد اي رئيس زي اللى وصلتله دلوقتى فى عهد مبارك طبعا اللى الكل ما يعرفهوش ان زمان لما المسيحين والمسلمين ايد واحدة وجيران واخوات وبياكلوا سوا دي كانت الحقيقة مش قصص اساطير وخيال - ايه حتستفيده الحكومة من الفتنة الطائفيه - مبارك لما بدات الناس تفهم وضع البلد اللى هو طبعا محزن للغايه ولا يسر عدو ولا حبيب فحاول يوجه انظار الناس الى قصة تانية تبقي مستمرة بين حين وحين يعنى ما نلحقش نسمع مشاحنات وضرب بين مسلمين ومسيحين ونيجي نفوق للحكومة نلاقى حاجة تانية تشغلنا عن السرقة والنهب اللى شغالين فى البلد عيني عينك كده فالحكومة اول المستفيدين من الفتنة الطائفية اللى زادت اوى اليومين دول اوعى تقولوا من بره مصر الفتنة لا يا حبايبي من جوه مصر ومن الحكومة متدبره بخطة محكمة بره مالهمش علاقة بالموضوع .

اما البرادعي انا خايفة من دماغه لحسن تطير المنطقة كلها مشاكل البرادعى كتير مع اسرائيل فاخاف اول ما يمسك الحكم يضرب النووي بقي وفعلا لو ضربنا النووى يبقي ضرب في ضرب و قولو على المنطقة العربية ومصر اولا يالله السلامة ويارحمن يارحيم - وما اعرفش مدي تهور البرادعي اد ايه - ربنا يستر بس هو ناوى ناوى - اوعو تصدقوا ان البرادعي حيعمر مصر - وحيشيل ويحط - لا - اول حاجة حيضرب اسرائيل ويشجع النووى بتاع ايران ويقف معاهم ويمدوه بالنووي ويضر هنا وهنا زي ما هو واقف معاهم من زمان طبعا ويغيظ فى امريكا ويحرق فى اسرائيل والنتيجة بدل ما احنا حاليا شايفين فى عهد مبارك رجل الشارع المصري فقير وواقف فى طابور العيش ودخله ضعيف وعنده كوم عيال لا فى ايام البرادعي اعتقد حيبقي رجل الشارع المصر هو واولاده اشلاء اشلاء فى كل شارع دا اذا كان حيتبقي فيه اشلاء اصلا .

انا مش متفاءلة - ربنا يستر -

يا ريت يخلو هيفا او نانسي عجرم واحدة منهم تمسك الحكم علشان تدلع رجل الشارع المصري

وتبوسله الواوا - او تغنيله - يا اطبطب يا ادلع يا يقول انا اتغيرت عليه او تقوله مفيش حاجة تيجي كده اهدا حبيبي كده وارجه زي زمان - ههههههه * ويبقي يا بخت رجل الشارع المصري .

اسفة لحديثي المطول ------ وتحياتي للجميع

تقبلوا مروري

أنا ممكن أقبل مرورك على أساس إن المداخلة دى هزار لتلطيف الأجواء ليس إلا.

خلاص هزرنا شوية ياريت بقى نرجع للجد تانى ونشارك فى الحملة الشعبية لترشيح البرادعى رئيساً لمصر 2011:

http://www.egyptiantalks.org/invb/?showtopic=91132

[اغابي]

أنا ممكن أقبل مرورك على أساس إن المداخلة دى هزار لتلطيف الأجواء ليس إلا.

خلاص هزرنا شوية ياريت بقى نرجع للجد تانى ونشارك فى الحملة الشعبية لترشيح البرادعى رئيساً لمصر 2011:

http://www.egyptiantalks.org/invb/?showtopic=91132

شكرا ا/ محمد عبد العزيز

بس انا مش بهذر حضرتك قريت العنوان بس ما قرتش مضمون مداخلتى

المداخلة بتاعتى بقول ان مبارك لم يضف جديد لمصر طوال ال29 سنة ولا ال30 سنة لم يضف غير الفقر والجوع

والبرادعي برضوه مش حيضيف حاجة غير الحرووب والنووي وفى النهاية الضحية هو المواطن الغلبان اللى عايش الوهم ومستني يدعك الفانوس السحري يطلعلوه العفريت ويقول شوبيك لوبيك رئيس الدولة بين ايديك تطلب ايه ؟؟؟؟؟؟؟؟؟؟؟؟

انا مش مع البرادعي

انا خايفة منه جدا ومتاكده انه لو مسك الحكم الشعوب العربية حتبقي فى مقتل

ولا مبارك عاجبنى لانه فى عصره عشنا الفتن الطائفية والاحزاب والهجمات الارهابية والفقر والجوع والمرتبات المتدنية والدخل المحدود والعنصرية والظلم وكفاية قانون الطوارئ داه مصيبة وحده .

انا زي اى مصري ومصرية بحلم برئيس يغير بلدنا انا بتكسف لما ازور دولة جديدة ما لهاش حضارة ومالهاش تاريخ وشواريعها نظيفة ونظام ومرور وقانون محترم - تقدر توصف مصر - دانا سمعت مخرج قال مرة تعبنا علشان نصور بعض مشاهد الفلم فى الشارع المصري من كتر كميه الزبالة وهو كمخرج مصري والفلم حيتعرض فى دول كتير مش عاوز مصر تظهر بالمظهر الغير حضاري داه بشوارعها

اما ********* اما

البرادعي مش حيضيف علينا غير المشاكل والحرووب والنووي - احنا عاوزين واحد حاسس بينا وما يدخلناش فى مشاكل وحروب واوهام وبعدين مع احترامي للجميع بتقولو كلام جامد اوى عن البرادعي جبتوه منين الكلام داه دانا اصلا ما سمعتش بالراجل داه غير من كام يوم لما رشح نفسه يقوم فجاه الاقيه رئيس مصر

عرفت يا استاذى انى ما كنتش بهذر بس حضرتك قريت العنوان وسبت المضمون

تقبلوا مرورى

تحياتي

[Alshiekh]

البرادعي مش حيضيف علينا غير المشاكل والحرووب والنووي - احنا عاوزين واحد حاسس بينا وما يدخلناش فى مشاكل وحروب واوهام وبعدين مع احترامي للجميع بتقولو كلام جامد اوى عن البرادعي جبتوه منين الكلام داه دانا اصلا ما سمعتش بالراجل داه غير من كام يوم لما رشح نفسه يقوم فجاه الاقيه رئيس مصر

جبتى منين الكلام ده؟ امتى البرادعى قال انه مشغول بالنووى وبالحروب والكلام ده؟

ياترى سمعتيه فى العاشرة مساءا من حوالى سنة تقريبا كان ايه اهتماماته بالنسبة لمصر؟ ياريت تسمعيه وتعرفى الراجل عايز ايه حتى تصبح الصورة واضحة لان واضح ان هناك تشويش.

ثانيا ياستى مين قال ان علشان انتى ماسمعتيش عنه قبل كده يبقى الناس ماسمعتش عنه او عرفته قبل كده؟

ثالثا والاهم ، كان مين سمع عن باراك حسين اوباما قبل مايترشح فى الانتخابات؟

احنا مش عايزين رئيس له ثلاثين سنة خبرة

وعلى فكرة انا كلامى مش لتأييد البرادعى انا فقط اريد ان نفكر فى كلام وافكار المرشح قبل مهاجمته

وحاليا لم اجد شخصا آخر ظهر على السطح سوى البرادعى ، وربما لو ظهرت شخصية جديدة بنفس الافكار مع ميزة صغر السن فبلا شك سيكون افضل.

[عندى أمل]

البرادعي مش حيضيف علينا غير المشاكل والحرووب والنووي - احنا عاوزين واحد حاسس بينا وما يدخلناش فى مشاكل وحروب واوهام وبعدين مع احترامي للجميع بتقولو كلام جامد اوى عن البرادعي جبتوه منين الكلام داه دانا اصلا ما سمعتش بالراجل داه غير من كام يوم لما رشح نفسه يقوم فجاه الاقيه رئيس مصر

أولا أحب أرد على كل الناس الذين ذكروا ان دكتور محمد البرادعى لا يشعر بمشاكل و هموم المصريين و للأسف فقد سمعت و قرات هذه الإدعاءات فى أكثر من مكان و أحب أن أدلى برأى فيها

فى حلقة برنامج العاشرة مساء تحدث الدكتور محمد البرادعى عن زيارته لإحدى المناطق العشوائية و قال إن هذه المناطق هى بمثابة غصة فى حلق كل مصرى و كان يتحدث بنبرة صوت تحمل الكثير من الأسى و الحزن

هذا فقط مثال واحد بسيط أسوقه لمن يدعون عدم معرفة الرجل بالواقع المصرى

و فى هذا السيق أحب أن أذكركم بان الرجل الأخر الذى يجثم فوق صدورنا منذ 28 عاما لم يقم بزيارة أى منطقة عشوائية و لا حتى زيارة الدويقة بعد سقوط صخور الجبل على سكانها و لا حتى مواساة أهالى ضحايا العبارة المنكوبة لكن بدلا من ذلك فهو حريص كل الحرص على حضور مباريات الكرة و زيارة كارفور المعادى للاطمئنان على حال المصريين الغلابة اللى رايحين يشتروا الفراخ البانيه و اللحم المفروم و التفاح الأمريكانى

شكرا

[osaimi]

النهاردة فيه لقاء مهم عامله أحمد المسلماني مع الدكتور البرادعي علي قناة دريم يستحق المتابعة الساعة التاسعة والنصف بتوقيت السعودية ويعاد الساعة الثانية والنصف صباحا

نحن فى حاجة لسماع الكثير عن هذا الرجل المحترم الذى اتمني شخصيا ان يقوم بترشيح نفسة فى الإنتخابات

[الباشمهندس ياسر]

اتفضلوا شاهدوا جزء من اللقاء مع الدكتور

و اتعرفوا ع السيرة الذاتية

و سيرة العائلة الكريمة

[osaimi]

شكرا ياباشمهندس ياسر ، مجهود رائع و تسلم ايدك

[osaimi]

معلش انا اعتذر . لقاء أحمد المسلماني مع الدتور البرادعى يوم الخميس الساعة الثامنة مساءا

[لماضة مصرية جدا]

السلام عليكم و رحمة الله و بركاته

معلش سؤال محيرني

هو ليه يبقي عندنا اختيار واحد.... يا مبارك... يا البرادعي..... و عادة الناس هتنحاز للبرادعي نكاية في الاول مع احترامنا الشديد جدا جدا للدكتور البرادعي.....

ليه ميبقاش عندنا اختيارات اكثر؟؟؟؟

طب من وجهة نظرنا مين يصلح رئيس مصر؟؟؟؟

[se_ Elsyed]

هو ليه يبقي عندنا اختيار واحد.... يا مبارك... يا البرادعي..... و عادة الناس هتنحاز للبرادعي نكاية في الاول مع احترامنا الشديد جدا جدا للدكتور البرادعي.....

ليه ميبقاش عندنا اختيارات اكثر؟؟؟؟

تحياتي

نقطه مهمه جداً ليه ما يكونش عندنا عدة مرشحين وكل واحد لديه برنامج خاص به

إن شالله يارب يكون برنامج مايكروسوفت أوفيس 2010

السؤال التاني

طب من وجهة نظرنا مين يصلح رئيس مصر؟؟؟؟

أي إنسان محترم وامين وقوي ويؤمن بالديمقراطية والتعددية ....

ويكون تيفال

يعني ما بيلزقش

يعني فترتين وإقلب

[Alshiekh]

طب من وجهة نظرنا مين يصلح رئيس مصر؟؟؟؟

لن أطيل فى ردى

ولكن فى مسألة تولى العمل العام ، رئاسة ، عضوية مجلس ، او حتى " الفة على الفصل "

المنطق يقول كما قيل فى اوبريت الليلة الكبيرة " ورينا القوة ، يابنى انت وهوه ، مين عنده مروة ، وعامل لى فتوة ، يقدر بقدارة على زق الطارة ويفرقع بمبة " مع استبدال كلمات الفتونة والقوة البمبة

باختصار ، من يرى فى نفسه القدرة على تحمل المسئولية فليتقدم ويقدم نفسه وبرنامجه ووجهة نظره فى القضايا المختلفة ، والحكم فى النهاية يكون هو الصندوق الزجاجى .

[osaimi]

خبراء وسياسيون: ترشح البرادعى «مستقلاً» لانتخابات الرئاسة يغير الحياة السياسية فى مصر

من جريدة المصريون

١١/ ١٢/ ٢٠٠٩

[ محمد البرادعى]

محمد البرادعى

أثارت تصريحات الدكتور محمد البرادعى، المدير العام السابق للوكالة الدولية للطاقة الذرية، التى أدلى بها لـ«المصرى اليوم» ونشرت أمس، حول نيته الترشح لرئاسة الجمهورية بعيداً عن مظلة أى حزب، ردود فعل متباينة بين مختلف القوى السياسية،

وفيما اعتبرها البعض خطوة إيجابية على الطريق الصحيح، مؤكدين أن ترشحه مستقلاً يغير الحياة السياسية فى مصر، قال البعض الآخر إن فى تصريحاته تسفيهاً لجهود الأحزاب القائمة والمعارك الشرسة التى خاضتها طوال السنوات الماضية من أجل الحصول على مكاسب ديمقراطية، فيما طالبه طرف ثالث بفتح قنوات اتصال مع الحكومة والرأى العام، واصفين تصريحاته بـ«النخبوية»، وطالب القراء بمساندته من أجل التغيير.

قال الدكتور جمال حشمت، القيادى الإخوانى، إن مبادرة البرادعى بمثابة فضح للحزب الوطنى بصورة عملية وعلنية، مؤكداً أن جماعة الإخوان لن تخوض الانتخابات الرئاسية بأى مرشح، وأنها حتى الآن على الحياد.

ورحب الدكتور عصام العريان، عضو مجلس شورى الإخوان، بتصريحات البرادعى، داعياً إياه إلى دراسة الأوضاع فى مصر بدقة بمجرد عودته إلى القاهرة، وأن يتحمل التضحيات المطلوبة من أجل الإصلاح.

وقال الدكتور أيمن نور، مؤسس حزب الغد، إن البرادعى اختار أن يعزف النغمة الصحيحة على الوتر الحقيقى فى مصر، وهو الإصلاح السلمى من خلال صاحب الحق وهو الشعب، مشيراً إلى أنه قد يضطر إلى عقد التحالفات من أجل التغلب على عقبات الترشح كمستقل.

واتفق الدكتور حسن نافعة، أستاذ العلوم السياسية، مع البرادعى فى حقه فى الترشح كمستقل، مؤكداً أنه لا يسعى وراء الشهرة والأضواء كما يتهمه البعض.

من جانبه، طالب الدكتور عمرو الشوبكى، الخبير بمركز الدراسات السياسية والاستراتيجية، «البرادعى» بفتح قنوات اتصال مع الحكومة والشعب، وألا يدخل فى خصومات أو نزاعات غير مبررة حتى لا يتم استنزافه فى معارك جانبية، مؤكداً أنه يمتلك مقومات الرئيس.

[osaimi]

رابط برنامج الطبعة الأولى- السبت 5/12/2009 - الأستاذ احمد المسلمانى متحدثاً عن حملة الصحف القومية على الدكتور محمد البرادعى

http://www.youtube.com/watch?v=9Su2s4XeUWU

[جبار سينج]

د. محمد البرادعي مع المسلماني - الطبعة الأولى p1 1/5

http://www.youtube.com/watch?v=xA16ffd5oGE...feature=related

د. محمد البرادعي مع المسلماني - الطبعة الأولى p1 2/5

http://www.youtube.com/watch?v=6L633_2-CPw...feature=related

[om marawan]

السلام عليكم و رحمة الله و بركاته

معلش سؤال محيرني

هو ليه يبقي عندنا اختيار واحد.... يا مبارك... يا البرادعي..... و عادة الناس هتنحاز للبرادعي نكاية في الاول مع احترامنا الشديد جدا جدا للدكتور البرادعي.....

ليه ميبقاش عندنا اختيارات اكثر؟؟؟؟

ازيك يالماضة انتى بجد عاملة بصمة جميلة فى المحاورات وبحب اقرا ردودك اللى بجد كلها خفة دم وذكاء وجدعنة البنوتة المصرية

انا بأه مبسوطة جدا انك سألتى السؤال ده

لانه واقف فى زورى من اول مابدأ الموضوع

وسألت فى بدية التوبيك هنا ليه انتخب الدكتور البرادعى

و ردود انى انتخبه للاطاحة بس بالنظام الحاكم ماأقنعتنيش

أنا مش عارفة ليه احنا كمصريين مبالغين دايما فى ردود أفعالنا او بمعنى اصح متطرفين

يعنى الكلام عن دكتور البرادعى وكانه المخلص ( بالشدة على اللام )

والنداء باستقباله استقبال الفاتحين

والهجوم على كل مايمت للنظام الحالى بصلة

وكان الدكتور البرادعى كله مميزات والنظام الحالى كله مساوىء هو احنا يانكره اوى يانحب بدون قيود

ليه ياجماعة مع احترامى

ده انا حتى ماشفتش منه برنامج انتخابى

وبعدين انا سألت سؤال ماحدش جاوبنى عليه

هل يعتبر رئاستة لوكالة الطاقة و جهوده فى نزع السلاح النووى ناجحة فى ظل انه البلد الوحيد اللى تمتلك اكبر ترسانة سلاح نووى

هى اسرائيل العدو الأول والوحيد لمصر

وبعدين مع احترامى لاراء المثقفين والصحفيين والكتاب المحترمين الى وقفوا وراء نداء " البرادعى لها والا فلا "

عاوزة اقولهم اعتبرونى واحدة عادية جدااااا من الشعب ويمكن مخى على قدى مع انى والحمد لله متعلمة ودودة كتب

لكن انا مخى مش هيضطرنى انى امشى وراهم بدون تفكير على اساس انهم فكروا بدالنا

معلش انا هافكر على مهلى شوية قبل ماطلع انادى بالدكتور البرادعى رئيسا لمصر

واذا كان عاوز يكون رئيس لاكبر دولة فى الشرق الأوسط فاعتقد انه هو اللى محتاج يبذل مجهود لاقناعنا

احنا ممكن نقف وراء ترشيحه للرئاسة

لكن الاهم اننا لاااااازم نقف وراء تغيير الدستور ووراء النداء بالديمقراطية ايا كان المرشح او الرئيس القادم لمصر

[محمد عبدالعزيز]

السلام عليكم و رحمة الله و بركاته

معلش سؤال محيرني

هو ليه يبقي عندنا اختيار واحد.... يا مبارك... يا البرادعي..... و عادة الناس هتنحاز للبرادعي نكاية في الاول مع احترامنا الشديد جدا جدا للدكتور البرادعي.....

ليه ميبقاش عندنا اختيارات اكثر؟؟؟؟

ازيك يالماضة انتى بجد عاملة بصمة جميلة فى المحاورات وبحب اقرا ردودك اللى بجد كلها خفة دم وذكاء وجدعنة البنوتة المصرية

انا بأه مبسوطة جدا انك سألتى السؤال ده

لانه واقف فى زورى من اول مابدأ الموضوع

وسألت فى بدية التوبيك هنا ليه انتخب الدكتور البرادعى

و ردود انى انتخبه للاطاحة بس بالنظام الحاكم ماأقنعتنيش

أنا مش عارفة ليه احنا كمصريين مبالغين دايما فى ردود أفعالنا او بمعنى اصح متطرفين

يعنى الكلام عن دكتور البرادعى وكانه المخلص ( بالشدة على اللام )

والنداء باستقباله استقبال الفاتحين

والهجوم على كل مايمت للنظام الحالى بصلة

وكان الدكتور البرادعى كله مميزات والنظام الحالى كله مساوىء هو احنا يانكره اوى يانحب بدون قيود

ليه ياجماعة مع احترامى

ده انا حتى ماشفتش منه برنامج انتخابى

وبعدين انا سألت سؤال ماحدش جاوبنى عليه

هل يعتبر رئاستة لوكالة الطاقة و جهوده فى نزع السلاح النووى ناجحة فى ظل انه البلد الوحيد اللى تمتلك اكبر ترسانة سلاح نووى

هى اسرائيل العدو الأول والوحيد لمصر

وبعدين مع احترامى لاراء المثقفين والصحفيين والكتاب المحترمين الى وقفوا وراء نداء " البرادعى لها والا فلا "

عاوزة اقولهم اعتبرونى واحدة عادية جدااااا من الشعب ويمكن مخى على قدى مع انى والحمد لله متعلمة ودودة كتب

لكن انا مخى مش هيضطرنى انى امشى وراهم بدون تفكير على اساس انهم فكروا بدالنا

معلش انا هافكر على مهلى شوية قبل ماطلع انادى بالدكتور البرادعى رئيسا لمصر

واذا كان عاوز يكون رئيس لاكبر دولة فى الشرق الأوسط فاعتقد انه هو اللى محتاج يبذل مجهود لاقناعنا

احنا ممكن نقف وراء ترشيحه للرئاسة

لكن الاهم اننا لاااااازم نقف وراء تغيير الدستور ووراء النداء بالديمقراطية ايا كان المرشح او الرئيس القادم لمصر

نفسى أشوف المعارضة القوية دى - من المندهشين من تأييد المؤيدين للدكتور البرادعى- ضد التوريث, ياريت نعرف رأيهم إيه كمان فى التوريث بالمرة.

أعتقد السؤال ليه ماعندناش أكتر من خيارين موجه للجهة الخطأ يا اخواننا, شوية موضوعية أرجوكم.

[om marawan]

حضرتك فهمت قصدى -مع احترامى غلط- انا مش معارضة قوية للدكتور البرادعى

انا باحترمه واحترم سيرته الذاتية وتاريخه جداا

انا معارضة بس لردود افعالنا

ليه بنبالغ فى المعارضة

ونبالغ فى التأييد

ونبالغ حتى فى الاستسلام

وعلى فكرة انا لا انفى عن نفسى فعل المبالغة لانى جزء من نفس طين مصر وعاطفية شعبها

انا عاوزة اعرف ازاى نحكم عقلنا ونتروى ....

ولماضة قالتها ببساطة ان كتير هيرشح الدكتور البرادعى نكاية فى النظام الحالى

زى ما كان الكلام عن ايمن نور انه أمل مصر لانه معارض للنظام

يا سيدى الفاضل انا باقرا تأييد للدكتور البرادعى من مصريين كتير

على اعتبار انهم فخورين بيه كعالم فى الذرة !!!!!

تفتكر انه لو غيرنا الرئيس وفضلنا بنفس عقلنا وتفكيرنا وعاطفيتنا - وانا منكم - هنكون فعلا اتغيرنا

انا مشكلتى كلها انى شايفة ان تغيير مصر مش تغيير حكومة مهما كانت مسئوليات الحكومة وفسادها

تقبل تحياتى

[محمد عبدالعزيز]

أنا آسف إنى فهمتك غلط يا مدام أم مروان.

بس أتمنى تقرأى تعليقات القراء على المواضيع الخاصة بترشيح البرادعى للرئاسة, فى المصرى اليوم ومصراوى وجريدة الشروق وعلى اليوتيوب حتى.

أعتقد إنك ممكن تغيرى وجهة نظرك بعد قراءة التعليقات دى.

وعلى فكرة, بعض من مروجى شائعة أن الدكتور البرادعى عالم فى الذرة هم من صحفيى الجرائد القومية, بجهل أم بسوء نية لا أعرف بالضبط.

لما تقرأى إن واحد بيعلن توبته على الملأ فى تعليق فى جريدة المصرى اليوم, وبيطلب من ربنا الغفران لأنه شارك فى تزوير نتيجة استفتاء التعديلات الدستورية وإنه ندمان عشان ساهم فى حرمان شخصية زى البرادعى من الترشح للرئاسة, أعتقد يبقى فى أمل إننا نتغير بتغيير الحكومة.

أنا عن نفسى مش بأيد البرادعى بعاطفية أبداً, زى ما حضرتك قلتى سيرته الذاتية عامرة, وكتير مننا ممكن يعدد مؤهلات البرادعى للمنصب المهم ده, وأنا شخصياً أعجبت بنقطة قد يمر عليها البعض مرور الكرام, النقطة دى هى رفض البرادعى للترشح بدون إصلاح الدستور أو بتمثيلية الانضمام لأحد الأحزاب والترشح عن طريقها, رغم إن ممكن كتير مننا قد يقبل بمثل هذا بدون اعتراض.

أنا شايف فى الرفض ده قدوة لنا جميعاً, لأن الراجل بيصلح الخطأ برفضه ومقاومته ومحاولة إصلاحه, قيمة عظيمة غايبة عننا من زمان, معظمنا إن لم يكن كلنا تعودنا نتأقلم مع الأوضاع الخاطئة الاستثنائية حتى تصبح سائدة ويكون الصح هو النادر والاستثنائى.

لو كلنا واجهنا الخطأ ولم نتعايش معه, كنا حلينا مشاكل كتير من زمان.

[zika]

النهاردة الساعة السابعة مساءا بتوقيت مصر في قناة دريم هييجي الجزء التاني من الحوار مع الدكتور البرادعي

في برنامج الطبعة الاولى