عيد ميلاد منمان ....

[Lancelot]

28 سنة للأخ منمان ....

كل سنة و إنت طيب و عقبال 100 سنة ...

:o :D

:D :P

tot:: tot:: tot:: tot:: tot:: tot::

[فــيــروز]

ايه ده

مدير ادارة مطبات و بلاليع مصر بيحتفل بعيد ميلاده !! :D

والله عال يا عبد العال :D

كل سنه و انت طيب يا مان و عقبال 47110 سنه "طبعا دى نمرة عربيه" tot::

وياسلام بقى لو توصف لنا شعورك بالمرور على حافة ال 28 ربيعا !! :P قول قول ماتتكسفش كلنا اخوات :o

[Mohammad Abouzied]

ايه ده

مدير ادارة مطبات و بلاليع مصر بيحتفل بعيد ميلاده !!  tot::

والله عال يا عبد العال  :D

كل سنه و انت طيب يا مان و عقبال 47110 سنه "طبعا دى نمرة عربيه" tot::

وياسلام بقى لو توصف لنا شعورك بالمرور على حافة ال 28 ربيعا !! :P  قول قول ماتتكسفش كلنا اخوات  tot::

معقولة كدا يا فيروز انتي منمان هو الخبير المسئول عن صحة اكثر من مليونين نسمة يقطنون في المنطقة الشرقية بالسعودية ومسئول عن درجة نقاوة مياه الشرب ايضا الي بيشربوها اهل الرياض ومن سي السيد واعوانه الاهلوية tot:: tot::

يعني من غيره نروح في الكزوزة ويمكن يجينا بلهارسيا :o

كل سنة وانت طيب يا منمان يا ترى ها تعمل حفلة عيد الميلاد فين

انا ممكن اعملها لك على حمام السباحة عندي في النادي وربنا يقدرك على عزومة اعضاء النادي كلهم (تقريبا 4000 عضو بس) :D

[DARWEEN]

كل سنه وأنت طيب يازعيم وعقبال مليون سنه

السنه الجايه نفرح فيك في بيت العدل

:D :P :o :D tot:: tot::

أوعى تخلص التورته أنا جايلك قريب

tot:: tot:: tot:: tot:: :D :D :D rs:

[KWA]

بسم الله الرحمن الرحيم

السلام عليكم ورحمة الله وبركاته

اخي الفاضل منمان....رغم معرفتنا عن طريق المنتدي منذ فتره و لكني اشعر بأنني اعرفك منذ فتره طويله و اعتزازي بهذه العلاقه تشرفني و انشاء الله نتقابل في يوم من الأيام....و الدنيا صغيره....و مش عارف ياراجل كل ما اقرأ اسمك في مشاركه افتكر البرازيل ...ايه رأيك تيجي اسبوع للبرازيل زياره و اقابلك هناك و نحتفل بعيد ميلادك....و هايبقي عيد ميلاد مايتنسيش....كل سنه و انت طيب ياراجل ياطيب...و السنه الجايه تبقي عريس و داخل القفص ...عيد ميلاد سعيد

:D :P :o

[disappointed]

كل عام و أنت طيّب :D

وخذ دى بقى علشان تفكّرك بفرفشة كرنفالات ريودى جانيرو :o

مع خالص التحيّة :P

[نيرون]

منمان يا ايها ال

ال

ال

كل سنه وانت طيب وسؤال؟

ايه علاقه حضريك بنقاوه مياه السعوديه؟

هو حضرتك مأجر لهم ترعه من مصر؟؟؟؟؟

وعموما عقبال 100000000000 سنه رطبه نقيه وسلسه وفى نقاء مياه صافيه

اخوك عدو المياه

نيرووون

[فــيــروز]

ايه بس يا استاذ محمد انا قلت حاجه غلط :blink:

باقول للجدع يوصف لنا شعوره لا عيب ولا حرام يعنى

يعني من غيره نروح في الكزوزة

والله الكزوزه مش بطاله بردو ما هى فى الآخر "مياه" غازيه يعنى :angry:

انا ممكن اعملها لك على حمام السباحة عندي في النادي

طيب ما تعزمونا احنا كمان و فرصه ندوق الميه عمايل ايدين منمان :angry:

[Sherief AbdelWahab]

كل سنة يا منمان و أنت بألف خير و سعادة..و عقبال المليوون!

خلص الكلام

[الأفوكاتو]

عزيزى منمان,

و حشتنا, كل سنة وأنت طيب,

حاول ان تطل علينا كل حين و مين, واللا إيه؟

تحياتى

[Salwa]

كل سنة وانت طيب يا منمان ...

والسنة الجاية تحتفل بيوم ميلادك وانت مع عروستك وفى انتظار ولى العهد ..

ويارب تكون حياتك كلها سعيدة ...رائقة ..مفيهاش شوائب..

وعلى فكرة انا برضه كل ما اشوف اسمك افتكر البرازيل......

اوبريجادو..على سعة صدرك.

سلامى.

[Lighthouse]

كل سنة وانت طيب يامنمان وعقبال مليون سنة وتحقق كل احلامك يارب

[se_ Elsyed]

معقولة كدا يا فيروز انتي منمان هو الخبير المسئول عن صحة اكثر من مليونين نسمة يقطنون في المنطقة الشرقية بالسعودية ومسئول عن درجة نقاوة مياه الشرب ايضا الي بيشربوها اهل الرياض ومن سي السيد واعوانه الاهلوية  :angry:  :angry:

أهو إتكلمتش أنا ... أستاذ محمد أبو زيد هايشيلنا جميله بالعافية ...

هو أحنا بنشرب من الحنفيات يا عم محمد ؟... ما انت عارف قوارير وأديلوا ...

مية الحنفيات هنا ياخواننا للإستعمال الشخصي فقط .. أما الشرب فبنشتري قوارير حاجة كده زي الميه المعدنية ....

بس برضوا باهني اخويا مانمان .. ومانمان يعني الميه الحلوه ... يعني الأبار الجوفية يعني محطات التحلية يعني الناس اللي بتشربنا .. اللي بتعطشنا لأ ... يعني الفلاتر كلها .. وسمعني يا عم أغنية

"بالراحه وبهداوه ده رش الميه عداوه "

و بالمناسبة السعيده دي انا ألفت اغنية مدتها 3 ساعات ومطلعها بيقول :

يالا حالاً بالاً بالاً نهني منمان واك واك

اللي هيجبيلنا شكولاته وفزدق وملبس ولبان واك واك

واك واك دي الموسيقى التصويرية خلوا بالكم

[mnman]

اخواني وحبيبي و عنيا من جوة........

شكرا ليكم كلكم علي الامنيات الجميلة ويارب يخليكم يارب....

Lancelot: عقبالك لما توصل ال 28... واية اخر اخبار غزواتك.... انشاء الله في الاجازة الجاية اشوفك في مصر..

فــيــروز : بلاليع و مجاري... اية البرفانات دي...شكرا.. وبكرة تسلك...انا شاعر اني جعان.. بس... ممكن علشان عيد ميلادي اصلي عادة بتعشي خفيف بس النهاردة شكلها كبسة... رز و لحمة يعني مش كبسة بوليس :P :P

الاستاذ محمد ابوزيد: شكرا علي المكالمة الظريفة وربنا يخليك يارب.

DARWEEN: حبيبي و صديقي واحد ظرفاء المنتدي ابودم خفيف في سني دة ممكن تقول ان الانسان اصلة bt:) bt:) .. بيني وبينك متقولش لحد... لسة عامل نظارة نظر من اسبوع....السن لة حكم...

KWA: والله انا لما مبشوفش اسمك في المنتدي بحس ان احنا ناقصنا حاجة.. واقعد افكر افكر و في الاخر افتكر البسطرمة... شكرا علي التمنيات الرقيقة ليك وحشة والله....

disappointed: شكرا علي التمنيات الرقيقة... واتمني ان اراك شخصيا انت وباقي الاعضاء...

نيرون: اولا شكرا علي التمنيات.. بس شكلك حتولعها... ماشي ياعم... الموضوع لا ترعة ولا حاجة كل ماهنالك ان انا بعالج المية اصلها مصدعة شوية...

Sherief AbdelWahab: عزيزي شريف الف الف شكر...

الأفوكاتو: بجد بجد شكرا جزيلا.. انتي احد الاعضاء الي بتمني اشوفهم واقعد معاهم ويارب يحقق ليا الحلم دة..

مدام سلوي: شكرا جزيلا و شكلي حنسي البرتغالي... بس والله بحاول اقرا كتير... شكرا مرة تانية....و دينادا...

Lighthouse: وانا عمال اقول اية النور دة... اتاري الفنار بنفسة بيهني,, تصدقي كلمة فنار دي جت علي بالي دلوقتي بس... بس لايتهاوس احلي... شكرا و يارب تحققي كل احلامك ....

se_ Elsyed: س س.... ازيك يا س س .... شكرا علي الاغنية والتهاني... بس لوكنت اديتني واحد الو كنا قلنا فيك قصيدة شعر... مستخصر فيا ريالين يا س س ... ماشي.... :P :P

اما بخصوص موضوع المية ... انا تخصصي معالجة مياة الصرف (الصحي و الصناعي) و اعادة استخدامها في الري... و ساعات بنحولها لمياة شرب و لكن للاستخدام الخارجي فقط زي المشروع الي انا بشتغل علية هنا في السعودية.... وبنصلح سعات و منبهات .. المقر الدائم الخبر شارع الملك عبدالعزيز.... نروي العطشان و نبل الريق النشفان....

[فــيــروز]

و ساعات بنحولها لمياة شرب و لكن للاستخدام الخارجي فقط

ازاى مياه شرب وازاى للاستخدام الخارجى bt:) فزوره دى ولا حظوره :P بتسأسئوا بيها يعنى ولا ايه bt:)

[ragab2]

كل سنة وانت طيب

الحقيقة زميلنا منمن يستاهل كل خير

وهو من الشخصيات الهادية والمحترمة فى المنتدى

[se_ Elsyed]

و ساعات بنحولها لمياة شرب و لكن للاستخدام الخارجي فقط

ازاى مياه شرب وازاى للاستخدام الخارجى :wub: فزوره دى ولا حظوره -_- بتسأسئوا بيها يعنى ولا ايه gsm::

أيه يا فيروز ..... هات يابني جردل ميه نفوقها بيه

إستعمال خارجي يعني غسيل مواعين غسيل هدوم تسقي الملوخية اللي زرعاها في الجنينة ... كده يعني ... يعني إعملي كل حاجة إلا أنك تشربي منها .... ويجعله عامر

بس لوكنت اديتني واحد الو كنا قلنا فيك قصيدة شعر

معليش يا مانمان ياخويا أصل أنا بري بييد كارد مش خط lol

لأ بيني وبينك انا مشغول .. وقولت ياواد يا س س ماتخليهم 1X2 يعني العيد بعد كام يوم .. يبقى اتصل بك ساعتها ومنها أهنئك بعيد الأضحى وعيد ميلادك في نفس واحد ....أو إذا زنقت قوي اديلك ميسد كول ....هههههههه

ده الفكر الطليعي يابني في الأيام اللي مايعلم بها إلا ربنا دي ...

[CoDeR]

كل سنه وانت بالف صحه و سلام يا أستاذ مانمان ..

gsm::

:wub:

و تقبل تحياتي ..

[فــيــروز]

يا س.س. :P صدقنى انت اللى محتاج طشت ميه gsm:: .. هاتوا لنا جردل الافاقه f((:

مش منمان قال بنعمل مياه شرب للاستخدام الخارجى فقط !! zr: منين شرب ومنين خارجى يا جدعان !! :wub: بياخدوا الميه حقن يعنى ولا ايه !! -_-

[mnman]

ألاستاذ الفاضل: دكتور رجب شكرا جزيلا دي شهادة اعتز بيها.. وانا حالفني الحظ وسمعت صوت حضرتك ان شاء الله الاجازة الجاية اشوفك شخصيا...

س س : خلاص تنزل المرة دي... ومستني المكالمة.. بقي ياراجل انت معاك بري بيد كارد.. دة خط ونصف و فاتورتك بتطلع في الجرايد... gsm:: :wub: -_- zr:

فيروز: منظمة الصحة العالمية وضعت معاير لمواصفات مياة الشرب والري.. وكمان الري بينقسم لو نباتات زينة او اشجار او خضروات وفواكة... وكل ماكانت نسبة نقاوة المياة اعلي كانت تكلفتها اغلي .. بمعني ان مياة الشرب انقي من مياة الري و ري النباتات انقي من الاشجار و الخضروات انقي وهكذا ودة بالنسبة لسعر معالجة المتر المكعب و مصدرة أي مدي تلوثة... ولكن لان في احترام لادامية الناس فحتي مياة الصرف و التي تعالج لتصل درجة نقاوتها الي درجة مياة الشرب (يعني ممكن تتشرب من غير مشاكل أطلاقا) بيفضل استخدمها في الاغراض الخارجية فقط لمجرد احترام ادمية الناس مش اكتر ولا اقل....

طبعا في مصر حدث ولا حرج.. ففي عام 1997 وبعد التحاقي بالعمل رحت تدريب لمدة شهرين في الصعيد و بالتحديد جرجا و نجع حمادي... و كان الاوبيراتور او المسؤل بيشغل المحطة الي بتشرب ملايين بنظام اللون .. يعني لما اللمبة تنور احمر يضغط الزر الاصفر و لما تنور اصفر يضغط الزر الاخضر و هكذا بدون اي دراية او معرفة هو بيهبب اية... ولكي ان تتخيلي لما فتحت الكنترول بانل لمراجعة الاسلاك لقيت يمامة بيضة جوة و فاقس البيض.. وشكلة الجيل الحادي عشر ...

ألاخ كودر... شكرا لك الف شكر.. واهلا بك في المحاورات زميل لنا... ولونها متأخرة شوية.....