فوازير فنيه

[DARWEEN]

انا قلت اجيبلكم باقى المجموعه والفنان معاهم بالمرة.

لا ياملك مششششكرين خالص ...لسه طافيها حالا

:lol: ngh: ngh:

والله لاأنت مخليهم ياشيخ

خلاص خلاص ماتحلفش والله ماأنا واخدهم :D :lol: :lol:

وبعد كده ياتجيب حاجه عدله ياكتر ألف خيرك وكفايه علينا تشريفك بالزياره

تشرب سخن ... :lol: :D ولا ساقع ... :lol: :lol:

[DARWEEN]

طيب بس بس ... بما أنكم أثبتم بالبرهان الساطع والدليل القاطع أنكم ناس مش متسأفين وعمالين تهرجوا على الراجل بتاع التسأيف في بر مصر كله :lol: :lol: :lol:

سيبولي أنا بقى موضوع الشرح

طبعا الصوره الأولى يتضح لنا فيها أن الوزير واقف وراكن على واحده من أعظم الأعمال الفنيه الفلسفيه في القرن الخامس والعشرين ...

هذه الصوره أسمها ... مجاري في شارع الحبيب

ويظهر في الصوره نهر الطريق (على رأي بتوع المرور) وماسورة المجاري ضاربه ومغرقه الدنيا

طبعا حييجي واحد يسألني ... طيب وفين الحبيب .... آه ... هنا بقى أرد عليه وأقوله

وأنت مالك ياحشري :lol: :D :D

[DARWEEN]

نيجي بقى للأعجوبه التانيه

ياجماعه أنا شخصيا من ساعة ماشفت الصوره دي وأنا مش قادر أبطل عياط من كتر ماتحوي من أحاسيس وشاعر وشعريه ومكرونه ورز وكل حاجه

طبعا تلاقيكم مش فاهمينها كالعاده ... أيييييه حظك يابو الدراوين وقعت مع ناس مالهاش في التفانين خالص (فينك ياشيشو يافنان يامعبر sdm: sdm: )

طبعا كلكم ملاحظين البتاع السودا اللي على اليمين اللي شبه شطاف الحمام دي ... دي بقى البايب بتاع سعادة الوزير ... ودي بتمثل طبقة البروجوا .. الأرستقراطيه يعني :lol: :D :D ... فهمتم

البتاع التانيه بقى اللي على اليمين دي عباره عن كوز المحبه اللي أتخرم ... ودي بتمثل طبقة البلوريتاريا ... أمثالكم كده يافلاحين :lol: :lol: ngh:

البتاع اللي في النص دي بقى مرايه ( أظن واضحه ) ودي بتمثل أنعاكاست المجتمع الطبقية في البؤره اللافلزيه للمنحنى الديموغرافي المعبر عن تطلعات المذاهب اللونيه لمشاعر الفنان

ياساتر الواحد حيقطع نفسه علشان يعلمكم

_______________________________________

:lol: :lol: :lol:

داروين وشركاه ... فنان وأديب وشاعر وباصلح بوبير الجاز

[عادل أبوزيد]

هذه الأشياء تباع لمن يفهمها بعشرات أو مئات الألوف

فعلا لا كرامة "لفنان" فى وطنه

أو ربما زامر الحى لا يطرب

سؤال برئ ترى كم لوحة بيعت و بكم ؟ مجرد سؤال

[se_ Elsyed]

فعلاً شر البلية ما يضحك .... بالله عليكم لو أي حد فينا عمره حتى ما مسك فرشة دهان هل مش ممكن يعمل أعمال سفلية زي اللي عاملها معالي الوزير دي ؟

طبعاً الذين يشترون لوحاته بالألوف والملايين هم من المستفيدين من الأشياء الآخرى يعني بالبلدي بيعملوا مصالح ويقعدوا ينفخوا فيه .. الله يا معالي الباشا أيه الفن ده يا راجل ... ده انت ولا فان جوخ في زمانه .. يخرب بيتك ده انت ضربت بيكاسو على عينه ...

وكله بيشتغل على كله .....

على فكره سامحني يا مجرمون أنا هأفشي السر .. في أحدى جلساتنا لمناقشة مشاكل الشرق الأوسط مجرمون قال لي إن فيلم معالي الوزير المقصود بيه فاروق حسني وأنه جه الوزارة بتشابه الأسماء ..

حد عنده معلومات عن الموضوع ده ؟...

ماتحضرنا يا عم هشام انت مش بتاع فنون جميلة ...