أصبحت من أرباب المعاشات

[abofasad]

أبنائي وزملائي أعضاء منتدانا المحترم

الشهر الماضي أتممت ستون عاما بالتمام والكمال واصبحت استحق لقب "ع المعاش"

يعني انزل الصبح اقعد على القهوة واتصفح الجرائد والعب الطاولة مع رواد المقهى .. والظهر اذهب الى البيت ومعي بطيخة .. اتغدى وانام واصحى اتفرج على التليفزيون وفي المساء انزل تاني على القهوة مع الاصدقاء اللي في سني ثم الى البيت للنوم.

هل هذه عيشة اصحاب المعاشات الان

اعتقد انه لا والف لا.. خصوصا المغتربين في اوروبا .. مثلي..

"الحياة تبدأ بعد الستين"

هذه العبارة جديدة علينا

هل صحيح ان الحياة تبدأ بعد الستين

ما رأي الأبناء والزملاء (أصحاب المعاشات)

نسيت اقولكم حاجة مهمة : البلد اللي انا مهاجر اليها الاحالة الى المعاش فيها يكون بعد الخمسة وستين.

وهذا هو سؤالي الثاني

هل تفضلون العمل حتى سنة 65 والا احسن تبطلوا شغل عند الستين

الشباب يمتنعون عن الإجابة

وارجو الا تمتنعون جميعا بحجة ؟؟

[se_ Elsyed]

الشباب يمتنعون عن الإجابة

طب انا موقفي أيه من التجنيد دلوقت ؟

يعني انا اتكلم ولا ما اتكلمش ؟.... الموضوع ده لذيذ ياعم أبوفصاد ونفسي أشارك فيه قبل ما أقابل الريس واعرف انطباعة وشعورة بعد ما بلغ سن الـ 76 سنة ، ولو طلعت بإذن الله من لاظوغلي وكان لي عمر هاقول لحضرتك عن اللي قالهولي الريس بكل صراحة ...

س س مشرف بابين ورايح أقابل الريس بعدين

[فــيــروز]

ردى ان شاء الله هيكون بعد 32 سنه من اليوم .. الى الملتقى بقى ;)

[Lighthouse]

خلاص

ح اجي اقول ردي بعد مااطلع معاش

عن اشنكم بقى اروح اكل شبادي ;)

[الأفوكاتو]

مرحبا بأبى الفصاد فى نادى " النشاط"

فى الماضى, كانت كلمة " قهوة النشاط " تطلق على المقهى الذى كان مشهورا بهذا الإسم, و كان يؤمه دووا المعاشات, يلعبون الطاولة, و يقرءون الصحف, و أحيانا ينعسون, و يرتفع صوت شخيرهم, و الجميع يضحكون.

و الآن , بعد أن إنضممت الى قهوة نشاط أخرى فى إنجلترا, اود أن أؤكد لأبى الفصاد أن الحياة فعلا تبدأ بعد الستين.

فمنذ إعتزالى العمل, مارست رياضة " الجرى" بمعدل 6 ميل يوميا فى الصباح الباكر

( حوالى 10 كيلومتر).

كما ألفت كتابين فى القانون, و تعلمت الطبخ, و أدمنت الكمبيوتر و الإنترنت, و تعلمت إصلاح الأدوات الكهربائية, و السباكة المنزلية, ووو

فتوكل على الله, و ابدأ الإستمتاع بالحياة الحقيقية,

و لكن ليس على طريقة قهوة نشاط مصر.

تم تعديل 5 يناير 2004 بواسطة الأفوكاتو

[حشيش]

الأخ الأكبر العزيز/ أبو فصاد

لقد أحسنت صنعاً بفتح هذا الموضوع حتى أدلى بدلوى فى مجال تخصصى حيث أننى خبيراً فى الصحة النفسية لذوى الإحتياجات الخاصة (المعاشات سابقاً) mfb: mfb: mfb:...إليك بعض النصائح التى دائماً ما أوصى بها المترددين على مكتبى بمصحة بهمان للأمراض النفسية:

1- أكثر من أكل الجزر حيث أنه يقوى النظر ;) ;) :blink:

2- حاول أن تتزوج مرة أخرى لأن ذلك سيعيد إليك إحساسك بأنك ما زلت شباب (ممكن الإستعانة بالفياجرا إذا لزم الأمر mfb: mfb: mfb: )

3- أكثر من الرياضة العنيفة مثل إختراق الضاحية أو الملاكمة لتنشيط الدورة الدموية mfb: mfb: mfb:

إذا أردت الإستزادة من خبراتى برجاء إرسال شيك بمبلغ 100 دولار على حسابى الجارى:

Mr. Hashish

Bank of Behman

Egypt

ملحوظة: والنبى ما تزعل منى...أنا بهزر معاك وعندى إنذار قبل كده mfb: mfb: mfb:

[Hassan]

طب ما هى الوظيفة اللى ملهاش طلوع على المعاش؟

الحل

وظيفة رئيس الجمهورية

[جـورج]

ابو فصاد باشا

اولا تمنياتى لك بالصحه و السعاده و العمر المديد

ثانيا ارجو ان تستمتع بحياتك و ان تعتبرها تجربه جديده تضاف الى تجاربك العديده

و نصيحه منى ما تسمعش كلام حشيش

بـلاهــا حشيش

اسمع كلام عمنا الكبير الافوكاتو العظيم

[Salwa]

صباح الخير ....

معاش ؟؟؟

معاش اللى يزعلكم .....

اولا انا فعلا لسة بدرى قوى علشان اطلع معاش..

ثانيا بما انى ...اعمل لحسابى ..وتابعة للحكومة الخاصة ..فممكن احدد وقت احالتى على المعاش حسب رغبتى .

ثالثا ايه اللى بتقوله ده ياسيدى الفاضل ؟؟ دى البلد اللى سيادتك فيها بتهتم بأصحاب المعاشات

اكثر من الشباب ...والا ايه رأى سيادتك ؟؟؟

عندك رحلات داخل البلد ...ممكن زيارة كل المدن والقرى بأسعار رمزية وتخفيضات تصل لأكثر من 60 %.......والصراحة انا سمعت انها روعة ...

ممكن الانضمام لنادى ...وهناك سوف تجد كل انواع النشاط ...ابتداء من جمنزيزم ..وانتهاء بألعاب الدومينو ...

وعلى فكرة عواجيز زمانننننن هنا كانوا يتجمعوا فى الشوارع زمان وياخدوا لنفسهم مكان واسع

ويلعبوا ..لعبة زى /البولو //بس ببلى كبير صلب........معرفش بقى سيادتك حضرت الحاجات دى هنا والا لأ ...........اعتقد اسمها بيتانكا ....مش فاكرة الصراحة ..

بس لحد دلوقت بيلعبوها ..فى مساحات من الحدائق .....

ولو عندك هواية ...هى دى بقى العظمة كلها ........زى ما قال اخونا الافوكاتو ..

يعنى لو غاوى الصيد .........دى بقى متاهات لوحدها ..//وعالم تانى خالص //

اصل انا عايشة الموضوع ده ...ده من جنون الهواية دى ...بيضطروا للسفر لاستراليا ..

المجموعة كلها لممارسة الصيد فى مياه خاصة هناك ...

ممكن النجارة ....ممكن الرسم ..

نعرف واحد هنا ......راح عاش فى الريف ويهتم الآن بالزراعة ....ويصنع كل انواع المربات ....والجبن .......وعندما تراه لاتصدق ان هذا الرجل كان مهندس معمارى .....

اهم حاجة .........الأمل والرغبة والثقة ...ان مفيش حاجة اسمها ...عجز../بفتح العين والجيم /.............الكلمة دى وحشة قوى ....ومعناها كبير وابسطه عدم استطاعة فعل شئ ....

دى اسمها الفترة الذهبية من حياة الانسان .........

كفاية انك تذهب لتناول القهوة فى اى كافيتريا وتقرأ الجريدة بهدوء وتستمع لموسيقى هادئة ..

هو فيه احسن من كدة ؟؟؟

ثم ان هنا توجد مكتبات ...رائعة .....فيها درر....حقيقة ..

مرة انا مثلا جربت أقرأ كتاب يتحدث عن أصل الموبيليا .....والفرق بين الاستايل الانجليزى والفرنسى ...وفعلا ......كنت اظن انى // بفهم فى كل حاجة // واكتشفت انى ..لسة لم اصل الى // حرف الجيم // فى الحروف الابجدية ...فى مجال المعرفة .....فى اى شئ .

......جيد جدا ان تعلم وتتعلم ....مش مهم ايه ؟؟ مش مهم السن ؟؟

حظ سعيد ...

سلامى .

[abofasad]

سي السيد..

اطلع من دول .. سن تجنيد ايه اللي بتضحك بيه علينا .. انا عاوز اعرف .. منين بتجيب صبغة شعرك اللي مخلياك حلو كده.

الابنة فيروز..

بقى حتردي عليا بعد 32 سنة .. افهم من كده ان عمرك 82 اقصد 28 سنة

لايت هاوس..

اعرف طبيب مشهور لتركيب طقم اسنان .. حبعتلك عنوانه

زميلي الأفوكاتو

معاك حق هو نادي النشاط.. فقد بدأت فعلا في الاهتمام بحديقتي الصغيرة وزرعت فيها الملوخية والبامية (بالمناسبة الغدا امبارح كان ملوخية بالأرانب بمناسبة تجمع الأولاد كلهم للاحتفال بالأعياد)..

اعرف كثيرا في المطبخ .. واحسن من يعطي وصفات الاكلات - نظريا - ولكن لا اجربها .. الكولسترول بقى.

اما الكومبيوتر والانترنت .. فأنا فعلا مدمن -حسب كلام زوجتي العزيزة - التي دائما تقول ان الكومبيوتر هو ضرتها.

تعالى بقى يا حشيش على حجر عمو

لقد حاولت ان ارسل لك المائة دولار الخشب اللي طلبتها ولكن البنك رفض تحويلها.

أما نصيحتك لي بالزواج مرة أخرى .. فقد قرأت زوجتي كل المداخلات وتوقفت فقط عند هذا الرد .. وهي بتقولك بالصوت العالي "نهايتك حتكون على ايديها"

أيها العزيز جورج

كل سنة وانت طيب .. وفعلا هي التجربة الاولى لي .. لأن هذه اول وآخر مرة ابلغ فيها الستين

وطبعا حسيبني من حشيش .. وحتتسلمه مراتي .. واتلقى وعدك يا حشيش.

اما مسك الختام " بلدياتي" مدام سلوى..

قرأت ردك اربع مرات .. كل كلمة فيه صادقة... سأتفرغ للرد عليه على مهل.. لأن كل كلامه حلو وتشاركني زوجتي في هذا الرأي

أرجو ان تشرحي لنا طريقة عمل الـ PAELLA التي احبها جدا

متشوق جدا لقرءاة رد من البنت الشعنونة التي اكن لها كل احترام.

[بنت شعنونة]

عمي العزييييز ابو فصااااد

اولا حمدالله على السلالالالالالامة

ولو اني زعلانة منك جدااااا على الغيبة بتاعتك عننا دي ;)

بعد كدا لما تغيب عنا تبقى تطمنا عننننننك fsh::

اما موضوع سن المعاش

ف انا لا اوؤمن بموضوع السن دا

والا كنت عشت سني mfb: mfb:

بدل ما انا عاملة زي الطفلة الكبرة حجماااا بسسسسس mfb: mfb:

خال والدي ماشاء الله عمره معدي ال 80

وبيركب عجلة!!!!! mfb:

وبينزل البحر بيعوووووم وانا مش بعرف اعوووووم

هوا ومراته مشاء الله عليهم يعني mfb: mfb: ;)

وبعد المعاش فتح سوبر ماركت لنفسه عشان هوا بحب التجارة

وماشااااااء الله علييييييه

ملياردر

بجد فعلا :blink:

وعاش حياته ز ما هوا يحب

بابا كمان استقال من شغله الشهر اللي فات

بيني وبينكم كنت قلقانا من موضوع المعاش بتاعه دا

بس الواد كلابالا

مشاكلنا انا واخواتي

شغله الخاص

خد كل وقته الحمدلله

وخلاه مشغول ومش مشغول

يعن وقت ما يحب يشتغل ووقت ما حب يرتاح

ولا ملزومين باجازة ولا استنوا وراا شغل

بقينا مبسوووووطن جدا

دلوقتي هوا الي يجي يقولنا نسافر

نقوله احنا ورانا شغغغغغل mfb: mfb: mfb: mfb: mfb: mfb: ax:

[se_ Elsyed]

انا عاوز اعرف .. منين بتجيب صبغة شعرك اللي مخلياك حلو كده.

مع صبغة شعر أم عبده .. وداعاً للشيخوخة ومرحباً بالشباب

إستخدموا ورنيش شعر أم عبده وهاتشوف الفرق ..

ورنيش ام عبده .. ينصح به خبراء التجميل وخبراء الترميم ......

لا تقولي لاكتويل ولا ويلى ستريت .. ورنيش أم عبده ورنيش زييوا مافيش ...

تعالى بقى يا حشيش على حجر عمو

وهي بتقولك بالصوت العالي "نهايتك حتكون على ايديها"

الحمد لله .. كده أقدر أقول إني خلصت من حشيش بعملية نضيفة 100 % وانا بعيد تماماً عن الموضوع

[zamalkawy]

الأستاذ ابوفصاد

اولا كل سنة و انت طيب

ثانيا اياك و اللي المصريين بيعملوه معاش بقى يقعدو في البيت بتجلهم كل الأمراض لان قعدة البيت تعيي

و بما انك مدمن نت و كمبيوتر ممكن تتعلم حاجات جميلة عن طريق النت و ممكن اقولك على حاجات ممتعة جدا نفسي استقيل من شغلي علشان احترافه لاني مش لاقي وقت اقراء و اذاكر

خد عندك موضوع streaming vedio and audio over the net

ده موضوع لوحده حكاية يعني تخيل عندك محطة راديو من البيت و تعمل برامج بتاعتك المشروع ده انا ناوي عليه و بدء براديو ديمو كدة هيكون كورة بس

بس نفسي اعمل محطة راديو مفهاش اغاني يعني توك شو مثلا و تعليم و برامج تشد الناس لان الناس زهقت من محطات الأغاني

ممكن كمان لو معجبش الفيديو و الراديو خصوصا خلال 5 سنين كل التلفزيونات هتكون على النت بصورة افضل من الوضع الحالى

ممكن تدوس في موضوع الويب ديفلوبر و ده مجال مية مية و تدرس فيه

طيب لو بعدنا على النت و الكمبيوتر نخش على الرياضة اهم حاجة الرياضة ممكن تمشيلك كل يوم ساعة الصبح مية مية

و ممكن طبعا تعمل مشاريع لو عايز يعني فيه مليون حاجة الأنسان نفسة يكون فاضي علشان يعملهم :rolleyes:

[se_ Elsyed]

و ممكن طبعا تعمل مشاريع

طب أيه رأيك يا عم أبو فصاد في مشروع حواوشي أسباني بلحم الثيران الوقيع اللي بتموت في حلبة المصارعة ...

ده احنا نكسب دهب :

أولاً : اللحمة هاتبقى واقفه علينا بسعر رخيص

ثانياً : الجماعة الأسبان مش هايعرفوا حاجة وهانقولهم ده بيف وووشي ..

ونقيلنا ميدان حلو كده وابعتلي التأشيرة وأجي أقف انا بالعربية ورديتين وانت تبقى المعلم الكبير وليك أخر النهار تيجي تلم الأيراد ..

وممكن في الشتاء أقف بنفس العربية بس هاعمل حمص شام ....

ده احنا هانلم لم

[abofasad]

عزيزي زملكاوي

يعني بقولك ان مراتي بتقول ان "الكومبيوتر والانترنت هما ضرتها" تقوم انت تقترح محطة اذاعة على النت" .. بتقولك متشكرين وخللي اقتراحاتك لنفسك .. الا ان اقتراحك بالرياضة عجبها جدا .. علشان اخرج من البيت وما اعكننش عليها.

على العموم شكرا على اقتراحاتك فمعظمها جيد وقابل للتنفيذ.

اما انت يا سي السيد

نئبك جاء على شونة

لأن اغلى اللحوم هنا هي الثيران التي تموت في الحلبة، وذلك لعدة أسباب:

- الثور اللي بيروح الحلبة من يوم ما يتولد وهو متربي على الغالي

- كما انه لم يقابل اي بقرة في حياته

- انه لم يمت وقيع بل يذبح ويصفى دمه تماما

- هناك مطاعم مشهورة لشراء هذه الثيران وتقدم لحمها في نفس اليوم والزبون يفتخر انه اكل لحم الثور اللي غلبه المصارع فلان

وعجبي

سي السيد شفلنا عندك اقتراح تاني وثالث

[فــيــروز]

ويا ترى طعم لحم الثور ده حلو !!! :rolleyes:

الابنة فيروز..

بقى حتردي عليا بعد 32 سنة .. افهم من كده ان عمرك 82 اقصد 28 سنة

اينعت

ys): ys): ys):

[zamalkawy]

ما هو لو عملتو محطة اذاعة ممكن تشتغلو فيها سوا انا بتكلم بجد الموضوع لزيز

على فكرة انا خايف اتجوز لا مراتي تقولي مفيش كمبيوتر انا تقريبا برجع من الشغل الساعة 3.5 افضل عليه لحد 11 مبقومش الا انزل اصلي المغرب و العشا و 11 انام اصحى 4 و لا 5 اصلي الفجر و لحد الساعة 7.50 البس اروح الشغل افضل على الكمبيوتر من 8.30 لحد 3

و ده غير الأجازات بقى

و الأهم من كدة اني مش بقفل الجهاز الا لو بعم سيت اب لبرنامج و لاز ارسترتو

غير كدة سيبة شغال لو مش بعمل حاجة بسيبه يدون لود او مشغل قرأن المهم ميتقفلش

[abofasad]

ابنتي فيروز (طبعا لأن عندك 28 ربيعا بس)

طبعا لحم الثور لذيذ جدا

وهناك طبق مشهور في المطاعم الكبيرة اسمه (RABO DE TORO) يعني "ذيل الثور" وتتفنن المطاعم في تقديمه .. اسألوا الخبيرة مدام سلوى

[abofasad]

على فكرة انا هواياتي كثيرة جدا .. منها على سبيل المثال لا الحصر (التصوير) وهذه الهواية انصح بها الأصدقاء بالمنتدى ..

وهذه بعض اعمالي التصويرية من حديقتي الصغيرة

[abofasad]

لم تظهر الصورة في المداخلة السابقة

وها هي