أسئلة في الجون

[الباشمهندس ياسر]

هو احنا هنفتح الولايات المتحدة الامريكية امتى؟؟

ولا بلاش دى

خلونا ف دى

هو احنا هنعيد الاقصى و العراق ..امتى ؟؟

[تامر السعدني]

واتمنى ان تصل الى درجة الحب

أسأل الله ان يرزقك ويرزقنا حبه فحب الله نعمة من عند الله يؤتيها من يشاء من عباده

بالطبع سيكون للحبيب سيدنا محمد عليه الصلاة والسلام

اللهم صلي وسلم وبارك عليه

وجزاك الله خيرا

[تامر السعدني]

هو احنا هنفتح الولايات المتحدة الامريكية امتى؟؟

ولا بلاش دى

خلونا ف دى

هو احنا هنعيد الاقصى و العراق ..امتى ؟؟

هو السؤال خارج المنهج : )

بس أوعدك يكون فيه إجابة عليه قبل ما اسيب الميكروفون

[OReX]

فين السؤال الجديد يا استاذ تامر ؟؟

هو احنا هنفتح الولايات المتحدة الامريكية امتى؟؟

ولا بلاش دى

خلونا ف دى

هو احنا هنعيد الاقصى و العراق ..امتى ؟؟

كيف احوالك يا باشمهندس

اول سؤال هنفتح امريكا امتى مش هنفتحها

تانى سؤال هنحرر القدس امتى ؟

طبعا ارادة الله فوق كل شيئ

بس لو اخدنا بالاسباب والظروف يبقى مش فى جيلنا والجيل اللى طالع دلوقتى شكله هنيضملنا او اكتر مننا كان يبقى فاضل الجيل التالت الله اعلم بقى شكلة اية

[عبير يونس]

هل حب الله هو أهم وأعظم حب في حياتك؟؟

يعني هل حب الله مقدم عندك على أي حب آخر ؟؟

ننتظر إجاباتكم

عندما سلمت أبي الحبيب للقبر لم أبكي

و قتها فقط عرفت ان الله تعالى أحب إليّ من أبي

و أن أبي ذهب و لكن الله باقي

و أن أبي مات

و الله حي لا يموت

و كذلك أمي بعده بسنوات

غير أنني لم يقدر لي تغسيلها و تكفينها حيث ماتت و أنا خارج مصر

أهم حاجة في حياتي حاليا هم زوجي و أولادي

تعلقي بهم مرضي

و أسأل الله تعالى أن يسلموني هم للقبر

لا أجرؤ أن افكر أن حبهم أقوى من حبي لخالقي

و لكنني في حالة إدمان

أعلم جيدا أنه تعالى لو أرادهم عنده أنه سيشفيني و يصبرني

و لكن لا أحب التفكير بذلك

أعيش في عذاب حقيقي

لدرجة أنني أحيانا أتمنى أن أتركهم و أذهب بعيدا و لا أراهم ثانية

من شدة تعلقي بهم

وضع غير مفهوم طبعا

باستثناء حالة الادمان تلك

التي أعلم طبعا انها ليست حبا يضاهي حب الخالق

فنعم حبي لخالقي أعظم حب في حياتي

و أرجو أن أكون صادقة في هذا الشعور

لأنني أشعر أنني في منتهى السوء

و لا أعطي لربي حقه علي

و أشعر بتقصير كبير تجاهه

و لكني أخاف جدا جدا جدا من الابتلاء

لخوفي ألا أصبر

مشاعري متضاربة و غير مفهومة

و هذه الأسئلة تزيدني غما على غم

اللهم فرج همي

آمين

[الضوءالازرق]

بسم الله والحمد لله والصلاة والسلام على رسول الله

ما شاء الله موضوع جميل جدا ان نقرب من ربنا سبحانه وتعالى بمناقشة هاديه وجميله

قبل ما ابدا فى كلامى حبيت أرد على الأخ الباشمهندس ياسر

هو احنا هنفتح الولايات المتحدة الامريكية امتى؟؟

ولا بلاش دى

خلونا ف دى

هو احنا هنعيد الاقصى و العراق ..امتى ؟؟

اولا باشمهندس أقل من مهندس وكان زمان ايام الباشويه والباكوية يقولوا للدكتور (الحكيم ) وللتمرجى (الباش حكيم )

المهم يا مهندس ياسر

أنا كنت هكتب كلام كتير لكن لقيت ان انا هضيع هدوء وجمال الموضوع فى مناقشه تانيه

لكن الخلاصة

لم يكن الصحابة رضوان الله عليهم فرسانا بالنهار إلا بعد أن كانو رهبانا بالليل

وإذا كنت عايز تكون من رهبان الليل

لازم يكون قلبك ذائب فى حب الله

دائم لذكره وتبحث على اللى بيذكروا الله

زي ما صلاح الدين الأيوبي كان يمشى بين جنوده فسمع خيمة يذكرون الله فقال من هنا يأتى النصر

ومر على خيمة فوجدهم يلهون ويمزحون فقال من هنا تأتى الهزيمة

وأنا بقولك من هنا يأتى النصر إن شاء الله على من ظلم

من مواضيع مثل هذه

من هنا حيث نتحدث عن الله

عن علاقتنا بربنا

عن خالقنا

عن الذى تدعوه عندما تكون أمام عدوك وتقول يا رب نصرك الذى وعدت

كيف ستدعو وتكون موقنا اذا لم يكن قلبك معلقا به موقنا بالإجابه

لو تفتكر لما سيدنا عمر رضوان الله عليه قال-- لا أحمل هم الإجابة ولكن أحمل هم الدعاء فإن صدق الدعاء أتت الإجابة معه--

وأمتى هيكون الدعاء صادق اذا مكنش من القلب

من فلب بيحب اللى بيدعوه

و متأكد انه لن يخذله أبدا

أيوه يا مهندس ياسر من هنا بيجى النصر لما تكون قلوبنا مليانه بحب ربنا

هتلاقى الجندي المخلص والعامل المخلص والطالب المخلص والطبيب والمهندس ووو ......

اللى بيكونو مخلصين لله مش لحد تانى

ساعتها هتلاقى تكنولوجيا احنا اللى بننتجها مش بناخدها من أعدائنا

وهتلاقى علم وتقدم واقتصاد يخللى كلمتك مسموعه فى العالم كله

يا ريت السؤال اللى انت سألته تسأله فى مواضيع بالآلاف على المنتديات متستاهلش الوقت اللى بتتقرأ فيه

خلينا نعرف ربنا ونتناقش كلنا ازاى نحبه

ايوه ازاي نحب ربنا

مشاعرنا ايه ؟

وأفعالنا أيه؟

وحياتنا ايه؟؟

خلينا نذكر الله

معلش أنا طولت مع أني مكنتش عايز أطول أعذروني

تم تعديل 2 نوفمبر 2009 بواسطة الضوءالازرق

[الضوءالازرق]

نرجع لموضعنا

أنت بتحب ربنا ؟

أيوه طبعا بحب ربنا

انت بتتكلم في ايه أيوه طبعا

لكن طيب الذنوب اللى عملتها دى كلها ايه؟؟؟؟؟؟

أكيد حبى مش كامل

أمال أيه اللى انا حاسه فى قلبي ده ؟؟؟؟

حتى لما كتبت حبي مش كامل قلبى وجعنى لما كتبتها

طيب أسمي ده أيه

حب ؟؟

ايوه طبعا حب ......أنا حاسس بيه

ييجى فى دماغي أبيات الامام الشافعي

تعصي الإله وأنت تظهر حبه ... هذا محال في القياس بديـع

لو كان حبك صادقا لأطعتـه ... إن المحب لمن يحب مطيـع

فكرت كتير لحد ما افتكرت كلام الامام ابن القيم (صاحب كتاب المنازل) و (روضة المحبين)

(المؤمن كالطائر رأسه الحب ، وجناحاه الخوف والرجاء، فإذا سقط الرأس هلك الطائر، وإذا فقد أحد جناحيه كان عرضة للصيد).

يبقى الذنوب دى قلة خوف

يعنى الحب موجود وكمان الرجاء موجود

لكن ناقص الخوف

وكمان الأيه اللى بتصف المؤمنين "الذين يدعون ربهم خوفا وطمعا"

يعني المفروض فيه توازن

فسألت نفسي هل انت فعلا عندك التوازن ده ؟؟؟

كانت الإجابه واضحه

لا

حسيت أن الطائر بتاعي اللى قال عليه الإمام ابن القيم عامل زى العصفورة اللى لسه طالعه من العش وعماله تطير شويه وتقع شويه

أنا جاوبت على السؤال الاول

والسؤال التانى بيتهيألى واضح إن أنا فكرت

لكن

أنا جاوبت فى الأول علطول :lol:

[الضوءالازرق]

السؤال التالت:

هل حب الله هو أهم وأعظم حب في حياتك؟؟

يعني هل حب الله مقدم عندك على أي حب آخر ؟؟

بعد السؤال الأولاني مش هقدر أجاوب علطول زى المره اللى فاتت....

الأول هحدد ايه اللى ممكن الواحد يحبه

النفس - الاهل - المال - الولد

الولد ........ لسه

المال = وظيفة = تجارة = مشروع = ممتلكات

نعم وبفضل الله لا أقدم المال على حب الله

الأهل = الأب- الأم - الإخوة ...............

بإذن الله مهما كانت القرابة لو عارض أحد منهم أوامر الله فأمر الله هو الأولى

النفس = النوم - الراحة - المتعة - الهوي- الكسل

هنا تكمن المشكلة !!!!!!!!

فصلاة الفجر تضيع أحيانا لأجل النوم

والجماعة فى المسجد لا يضيعها إلا الكسل

والسنن تضيع للراحة والعجلة

قراءة القرآن تقل لكثرة الأهواء

وقيام الليل تضيعة متعة الأكل والنوم

اللهم سترك وعفوك وغفرانك

لا أستطيع الإجابة أخى تامر

فأنا لست إلا عبد مذنب ذليل

لرب عظيم جليل

أسأله سبحانه المغفرة

و أسأله سبحانه أن يعيننى على نفسى وعلى الشيطان

وأسأله سبحانه أن يقسم لى من خشيته ما يحول بينى وبين معصيته

ومن طاعته ما يبلغنى به جنته

فلا حول لى ولا قوة إلا به

سبحانه وبحمده

تم تعديل 3 نوفمبر 2009 بواسطة الضوءالازرق

[الضوءالازرق]

وردا سريعا على الأخت الكريمة

لا أجرؤ أن افكر أن حبهم أقوى من حبي لخالقي

و لكنني في حالة إدمان

أعلم جيدا أنه تعالى لو أرادهم عنده أنه سيشفيني و يصبرني

انما حب الزوج والأولاد هو طاعة لله وانما فصل الخطاب هو سؤال واحد

هل معاذ الله ان دعاك الزوج الى معصية الله أو الشرك به سبحانه هل تقبلين؟؟؟

ستكون اجابتك بالطبع لا

ومعاذ الله ان ترك أحد أبناؤك الصلاة هل تتركينه لحبك له أم تضربيه عليها حتى يرجع ؟؟؟؟

ستكون اجابتك بإذن الله نعم سأأدبه حتى يصلى

فإن كانت إجابتك هكذا فأبشرى

تم تعديل 3 نوفمبر 2009 بواسطة الضوءالازرق

[عبير يونس]

وردا سريعا على الأخت الكريمة

لا أجرؤ أن افكر أن حبهم أقوى من حبي لخالقي

و لكنني في حالة إدمان

أعلم جيدا أنه تعالى لو أرادهم عنده أنه سيشفيني و يصبرني

انما حب الزوج والأولاد هو طاعة لله وانما فصل الخطاب هو سؤال واحد

هل معاذ الله ان دعاك الزوج الى معصية الله أو الشرك به سبحانه هل تقبلين؟؟؟

ستكون اجابتك بالطبع لا

ومعاذ الله ان ترك أحد أبناؤك الصلاة هل تتركينه لحبك له أم تضربيه عليها حتى يرجع ؟؟؟؟

ستكون اجابتك بإذن الله نعم سأأدبه حتى يصلى

فإن كانت إجابتك هكذا فأبشرى

كلام حضرتك مريح

ربنا يكرمك

أكيد طبعا حبي لهم في الله و لله

و أكيد مش حأسمح لنفسي أعصي ربنا عشان أي مخلوق

أنا بس خايفة اوي من الابتلاء فيهم

و زي ما ناس زمان كانوا بيدعوا

بأدعي ربنا يجعل يومي قبل يومهم

فقدان الولد صعب اوي ربنا ما يكتبه على حد يا رب

و يصبر اللي ابتلاهم ربنا بيه

حبهم أغلى حب بشري

و على نفس الدرجة حب أبوهم

ربنا يبارك في أعمارهم

اللهم عافنا و لا تبتلينا

آمين آمين آمين

[تامر السعدني]

فين السؤال الجديد يا استاذ تامر ؟؟

قريبا جدا أخي الفاضل

مش عارف ليه حاسس ان احنا هنتقابل قريب

[تامر السعدني]

و لكني أخاف جدا جدا جدا من الابتلاء

لخوفي ألا أصبر

مشاعري متضاربة و غير مفهومة

و هذه الأسئلة تزيدني غما على غم

اللهم فرج همي

آمين

اللهم آمين

الأخت الفاضلة ما ذكرتيه هو أمر مفهوم

وفعلا يخشى المرء على نفسه الجزع عند الابتلاء

وللأسف فالكلام بأن الانسان سيصبر وما إلى ذلك هو مجرد كلام

ولكن المحك الحقيقي هو وقت وقوع البلاء -لا قدر الله- فلا يعرف أحد ماذا سيفعل

أسأل الله أن يثبتك على الحق

ولعلي أطيل بحكاية قصة إحدى قريباتي -إن رغبتم في ذلك- مرت بتجربة مريرة وللأسف لم تصبر

لعل أروي بعضا من خبرها إن شئتم

[تامر السعدني]

زي ما صلاح الدين الأيوبي كان يمشى بين جنوده فسمع خيمة يذكرون الله فقال من هنا يأتى النصر

ومر على خيمة فوجدهم يلهون ويمزحون فقال من هنا تأتى الهزيمة

بارك الله فيك

وأنا بقولك من هنا يأتى النصر إن شاء الله على من ظلم

من مواضيع مثل هذه

من هنا حيث نتحدث عن الله

عن علاقتنا بربنا

عن خالقنا

عن الذى تدعوه عندما تكون أمام عدوك وتقول يا رب نصرك الذى وعدت

كيف ستدعو وتكون موقنا اذا لم يكن قلبك معلقا به موقنا بالإجابه

بارك الله فيك

لو تفتكر لما سيدنا عمر رضوان الله عليه قال-- لا أحمل هم الإجابة ولكن أحمل هم الدعاء فإن صدق الدعاء أتت الإجابة معه--

وأمتى هيكون الدعاء صادق اذا مكنش من القلب

من فلب بيحب اللى بيدعوه

و متأكد انه لن يخذله أبدا

بارك الله فيك

أيوه يا مهندس ياسر من هنا بيجى النصر لما تكون قلوبنا مليانه بحب ربنا

هتلاقى الجندي المخلص والعامل المخلص والطالب المخلص والطبيب والمهندس ووو ......

اللى بيكونو مخلصين لله مش لحد تانى

صراحة كلام رائق ونفيس

جزاكم الله كل الخير

[تامر السعدني]

حسيت أن الطائر بتاعي اللى قال عليه الإمام ابن القيم عامل زى العصفورة اللى لسه طالعه من العش وعماله تطير شويه وتقع شويه

ربنا يكرمك ويبارك فيك

صراحة مداخلة جميلة جدا

وأسأله سبحانه أن يقسم لى من خشيته ما يحول بينى وبين معصيته

ومن طاعته ما يبلغنى به جنته

فلا حول لى ولا قوة إلا به

سبحانه وبحمده

مداخلة جميلة جدا

سعدت جدا بمشاركتك أخي الفاضل في هذا الموضوع وأضفت كثيرا فعلا فبارك الله فيك

[تامر السعدني]

طيب يا جماعة كده خلصنا النظري ندخل بأه على الأسئلة العملي وهما 7 أسئلة

السؤال الأول:

هل صليت الفجر اليوم في وقته؟

طيب الاسبوع ده صليت كم مرة الفجر في وقته

طيب الشهر ده فاتك الفجر كام مرة

بدأنا في الجد والأسئلة الصعبة

: )

[عبير يونس]

طيب يا جماعة كده خلصنا النظري ندخل بأه على الأسئلة العملي وهما 7 أسئلة

السؤال الأول:

هل صليت الفجر اليوم في وقته؟

طيب الاسبوع ده صليت كم مرة الفجر في وقته

طيب الشهر ده فاتك الفجر كام مرة

بدأنا في الجد والأسئلة الصعبة

: )

بفضل الله تعالى أحرص على صلاة الفجر و حتى في نهاية الأسبوع اضبط المنبه عشان أصلي أنا و زوجي و لو مفيش شغل لزوجي

بننام تاني و لو مش تعبانين بنقعد لحد الشروق

و لو حصل و فاتتني الصلاة زي راحت عليا نومة أو ما سمعتش المنبه باتنكد طول اليوم

و بأحس انه عقاب من ربنا

اللي مضايقني اني كنت بأحافظ على السنن و النوافل و خصوصا صلاة الوتر و قراءة ورد

و دلوقتي مش محافظة على الحاجات دي و يدوب الفروض

مش حأقول الحمل هو السبب

لكن أكيد كسل و تقصير

صحيح هي سنن

بس بتكمل الفروض

بأعتبرها حاجات بتزود المجموع و التقدير ومن غيرها بيبقى النجاح على الحركرك

:lol:

[الضوءالازرق]

جزاك الله خيرا أخى تامر على تعليقك

وأسأل الله أن يهدينا إلى معرفته

ويعيننا على طاعته

هل صليت الفجر اليوم في وقته؟

طيب الاسبوع ده صليت كم مرة الفجر في وقته

طيب الشهر ده فاتك الفجر كام مرة

الفترة اللى فاتت ممكن أخد 60%

أسأل الله العون

والمغفرة

[تامر السعدني]

و لو حصل و فاتتني الصلاة زي راحت عليا نومة أو ما سمعتش المنبه باتنكد طول اليوم

و بأحس انه عقاب من ربنا

شكرا على اللفتة الجميلة دي

فعلا من نعم الله على العبد أن يهديه الله للخير ويوفقه للطاعة

ويحرم المرء من هذه النعمة بذنوبه

اللهم اغفر لنا اجمعين وادخلنا الجنة برحمتك

والله إني استشعر خير من هذا الموضوع (أسئلة في الجون) فأسأل الله أن يجعله في موازيننا جميعا

وأن يجمعنا في الفردوس ونتذكر حينها هذه المداخلات

اللهم آمين

[تامر السعدني]

الفترة اللى فاتت ممكن أخد 60%

أسأل الله العون

والمغفرة

اللهم آمين لنا ولك

وإن شاء الله ربنا ينعم عليك بال 100 %

وتوصلها بإذن الله بحبك لله وبقوة يقينك

زادك الله فضلا ورفعة

[OReX]

هل صليت الفجر اليوم في وقته؟

طيب الاسبوع ده صليت كم مرة الفجر في وقته

طيب الشهر ده فاتك الفجر كام مرة

الفجر فى وقتة قليل لو فاتنى وخصوصا فى مصر لانى لسا واخد على وقت الصلاه فى السعودية

انما المشكلة بقى فى صلاة الفجر جماعة مش راضية تيجيى معايا ابدا مش عارف لية :rolleyes:

مش عارف ليه حاسس ان احنا هنتقابل قريب

يشرفنى يا اخى لو بتنزل الرياض يوم الجمعة هتلاقى واحد بيكلم نفسة من الزهق يبقى انا على طول :wub: