ايميلات هل هى للثواب فقط ؟

[om marawan]

الحقيقة انا مش عارفة ممكن يكون الموضوع طرح فعلا فى المحاورات

فسامحونى لو كنت ماشفتوش

الموضوع عن الايميلات الكتير جدااا اللى المفروض لها طابع دينى او تحتوى احيانا على دعاء او ذكر او خبر

والحقيقة انا مش هاناقش عدم صحة العديد منها زى احاديث غير مؤكدة او دعاء صالح بالفعل لكن يذكر له من افضال لا اعلم ان كانت مذكورة فى الاحاديث

ومش هناقش كمان الاضافة اللى بتذكر فى بعض الميلات عن " ستسمع خبر او لو لم ترسلها فتحمل نتيجة مايحدث لك "

او فى افضل الاحوال عبارة " انشرها ولن تخسر شىء وستجدها فى ميزانك جبال من الحسنات لانك ارسلت الذكر لكل من فى صندوق بريدك

الحقيقة انا عاوزة بس اوضح حاجة فهمتها ولو انا غلطانة حد ينبهنى

معظم ايميلاتنا على شبكات الياهو او غيره ومن المعروف ان ارسال الايملات او فتح اى صفحات على الموقع هى اللى بتزود قيمة الموقع وسعر الاعلانات او غيره

طيب دى كده مش استفادة للمواقع اللى عليها علامات استفهام اصلا

و السؤال ليه زادت الايميلات دى فى الفترة الاخيرة جدااااا

انا لا امانع ابدا فى ارسال اى ايميل دينى اتاكد من صحته وفيه من الافادة ما يشجعك اكتر على ارسالها

طبعا مش معناه ان اقلل من الميل اللى يحتوى فقط على ذكر الصلاة على رسول الله صلى الله عليه وسلم فقيمته عظيمة ولا تقارن باى ميل تانى

لكن هل الهدف فعلا هو التشجيع على الذكر

تم تعديل 24 أكتوبر 2009 بواسطة om marawan

[Abu Reem]

معظم ايميلاتنا على شبكات الياهو او غيره ومن المعروف ان ارسال الايملات او فتح اى صفحات على الموقع هى اللى بتزود قيمة الموقع وسعر الاعلانات او غيره

طيب دى كده مش استفادة للمواقع اللى عليها علامات استفهام اصلا

أنت جاوبتي ياام مروان ،

بالإضافة إلى أسباب أخرى عديدة ، وقد يكون معظمها لمصالح أخرى

ولكن من يقومون بإعادة ارسالها غالبا بتبقى نيتهم كويسة على اساس أنه سيأخذ ثواب ،،،

ولكن أنا دائما لا أمرر أيا من هذه الرسائل ، وأظن أن النت متاح لجميع من لديهم ايميلات ومن يريد معلومة أو حديث أو اي مقولة فسيستطيع الحصول عليها ,,,, وللعلم كثير من هذه الإيميلات بها خزعبلات ، ويبدوا أنهم يريدون شعوب تقضي كل وقتها في إعادة ارسال الايميلات وترديد الذكر والأدعية لمئات المرات والبحث عن صحتها ، والبعد عن العمل والعلم ....

[الباشمهندس ياسر]

اظن ان هذا الموضوع http://www.egyptiantalks.org/invb/?showtopic=82440

ممكن يضيف معلومة

[om marawan]

فعلا اهم مافى الموضوع هو مصالح الاخرين الى مالهاش دعوة لا بالثواب ولا بالدين الاسلامى والحقيقة انا هاخد برأى حضرتك وهامتنع عن تمريرها وخاصة بعد ما ذكر فى موضوع الباشمهندس ياسر الملحق بمداخلته

وان كنت من رأى newcomer انى برضه مش واثقة اذا كانت الاحاديث صحيحة او لأ غير انى سمعت ان كون الحديث ضعيف لا ينفيه الا اذا عارض حديث صحيح اما الاحاديث الموضوعة او المكذوبة فأمر اخر فى فى النهاية لست عالمة حتى أقر بصحة الحديث فامرره او امنعه

عموما ... الموضوع مش بس موضوع حديث صحيح او دعاء او كما ياتى فى بعض الايميلات مررها فقط لان بها الصلاة على الرسول صلى الله عليه وسلم

ولكن موضوع استفادة مشبوهة لمواقع الايملات من هذا التمرير المكثف

الفاضل ابو ريم و باشمهنس ياسر أشكر مروركم الكريم أفدتونا افادكم الله

[OReX]

السلام عليكم

اولا بارك الله فى الاخت الكريمة صاحبة الموضوع

ثانيا بصراحة انا معترض على فكرة ان الموضوع للربح فقط انا شايف ان الموضوع بدأ من عندنا احنا يعنى لو خدمات البريد اللى بتقدمها ميكروسوفت اقول ممكن تعملها انما فى شركات تانية منتشر فيها برضة موضوع الميلات الاسلامية ومش هتخاطر بسمعتها عشان كام الف ميل زيادة فى اليوم

الافضل كما اشار الباشمهندس ياسر فى موضوعة لا ننشرها لما تحتويها من احاديث ضعيفة وفيها من وصل الى درجة الاحاديث الكاذبه

دمتم بكل خير

[doha]

النوع ده من الايميلات بتجاهله تماما ولا اعيد ارساله والناس نفسها الي بتكرر ارسال هذا النوع من الايميلات لي مع الوقت بتجاهل رسائلها مبفتحهاش اصلا ..

بقول ان وقت ( المسلم ) اولى عندي من اضاعته بسيل من الايميلات ولو بحجة انفعه بحديث او قصة مهولة مبالغ فيها ..

لو هنحسبها بالدين يبقى ارسالها مش من الدين فعلى اي اساس بنعتبرها ثواب ومصلحة وحاجه نلاقيها في ميزان الحسنات ؟

بكنسل الايميلات واملي في الله الاقي كنسلتها دي في ميزان حسناتي برضه .. والمهم هي النية ..

وبالمناسبة دائما بتوصلني رسائل عن تصويت مرة لمنع مسجد من الاغلاق ومرة لنصرة النبي ومرة لكذا وكذا وكذا .. الغريب ان التصويتات دي بتكون على مواقع احيانا انجليزية واحيانا فرنسية ويمكن ساعات المانية كمان .. كلها مكتوبه بلغات اجنبية وفيها مالااتقنه .. وعشان الي بعت الايميل بيكون عارف كده بيبقى محدد لنا ياجماعه خش يمين اول حوداية دوس شمال .. مينفعش كده .. افرض التصويت ده اساسا مش على الي مفهمينا اننا بنصوت عليه .. وافرض اني عماله ادعم قضية بتصويتي ده مليش فيها اساسا وربما هي ضد قضية تانية اهم بكتير وانا مؤمنه بيها .. الي اعرفه ان الي فاهم حاجة يعملها والي بس داخل يبصم ويدوس يبقى يخليه في مكانه ميورطش نفسه في حاجه مش فاهم فيها ..

اعتقد موضوع التصويتات ده زيه بالظبط زي الايميلات الدينية بتاعت اكسب مليون حسنة وانت قاعد وريح بالك وانت في مكانك دي الاثنين لايستحقوا اكتر من كبسة على زر الحذف ..

[هيبو]

الكذبة الأولى: قصة الفتاة العمانية التي تحولت لعنزة مشوهة لانها استهترت بقراءة القرآن

الحقيقة : الصورة هي صورة عمل فني تخيلي بالشمع لاناس مستنسخين

[newcomer]

انا طبعا مش واثقة من مدى استفادة هوت ميل او ياهو من اعادة الأرسال

لكن لو اتكلمنا على المستوى الشخصى......

كتير بتجيلى اميلات ذات صبغة دينية من ناس ليهم اتجاهات مختلفه

و بالتالى باعتقد ان غرضهم من اعادة ارسالها....برضه مختلف

فى ناس - ظاهريا- ابعد ما تكون عن التدين....يمكن حتى ما بيصلوش

و دول باعتقد انهم جواهم خير و نفسهم يقربوا من ربنا

بس يمكن مكسليين او عزيمتهم مش قويه....

المهم باحس انهم لقوا مخرج و طريقة-سهلة- يعوضوا تقصيرهم و ياخدوا ثواب

فى ناس تانيين بيبقوا عايزين يقولوا و يبينوا انهم متدينين وملتزمين

( غالبا هتكون عربياتهم و اسانسيراتهم و.....و.... مليانه استيكرز

و لما يتسأل اسم حضرتك ايه...يرد : فلان ان شاء الله !!)

و دول الله اعلم بنياتهم ... بس حضرتك بتحس انه اقرب للأعلان

فى ناس تالتيين :blush2: بيبقى اعادة الارسال هوه السيستم بتاعهم

يعنى مش بيفكروا كتيير فى مضمون الايميل

و غالبا بيبقى تفكيرهم مبنى على انه لو فيه ثواب.....يبقى خير

و لو مفيش.....اهو مخسرش حاجة...

بالنسبة لى ....كنت فى الاول لو حسيت ان الايميل مش مريحنى

يعنى مضمونه فى حاجات غريبه او حاجات شبه الاساطير

كنت بامسحه.....

بس بعد شويه ...فكرت طب ليه مبقاش ايجابيه اكتر!!

بقيت ادور على الاحاديث و الادعيه و اشوف مدى صحتها

لما كنت بلاقى موقع مضمون شويه زىIslam on line , Islamweb

كنت باعمل copy & paste للرد ( علشان الكسلانين اللى مش هايفتحوا الموقع)

و كمان احط الرابط للمواقع اللى جبت منها الردود

و بنصح اللى بعتلى انه يبعت التصحيح لكل اللى بعتوله من قبل

صحيح بتاخد شوية وقت .....بس باحس انى باعمل حاجة كويسه

طولت شويه؟؟؟ معلش ....بس حبيت اشارك بتجربتى

[om marawan]

ثانيا بصراحة انا معترض على فكرة ان الموضوع للربح فقط انا شايف ان الموضوع بدأ من عندنا احنا يعنى لو خدمات البريد اللى بتقدمها ميكروسوفت اقول ممكن تعملها انما فى شركات تانية منتشر فيها برضة موضوع الميلات الاسلامية ومش هتخاطر بسمعتها عشان كام الف ميل زيادة فى اليوم

الفاضل OReX

الفكرة انه حضرتك ده قطاع كامل من الناس بدأ يستخدم الايميل بشكل مختلف ودى شريحة مش قليلة او بمعنى ادق ماكنتش موجودة اصلا وده فى مجال التسويق نجاح

طبعا انا ماقصدش ابدا انه ميكروسوفت هى اللى ورا الموضوع او لأ لكن اقصد انها مازالت لها فائدة للموقع

وبارك الله فيكم

[om marawan]

لو هنحسبها بالدين يبقى ارسالها مش من الدين فعلى اي اساس بنعتبرها ثواب ومصلحة وحاجه نلاقيها في ميزان الحسنات ؟

بكنسل الايميلات واملي في الله الاقي كنسلتها دي في ميزان حسناتي برضه .. والمهم هي النية ..

الفاضلة العزيزة DOHA

أحيى فيكى انك اخدتى موقف حاسم لانى كنت باتردد فى موقفى من الايملات دى وكان بيضايقنى جدا انه صاحب الميل يضيف اذا لم ترسلها فانت لا تستحق ثوابها !!!!

الحقيقة كمان موضوع التصويتات اللى ذكرتيها اوقات يجيلى ويقول تصويت لاغلاق موقع يسب الاسلام ولازم لو جمعنا عدد معين من الاعتراضات هيغلق الموقع او شخص بيجمع توقيعات عدد من الموحدين بالله

سبحان الله ولا اله الا الله زى مايكون هو التجميع ده هو اللى هيعرف الناس بالاسلام

طبعا لابد من المشاركة فى امور نصرة الدين والاسلام ولكن بشكل ايجابى ومثمر مش زى ماتفضلتى وقلتى انه يكون فيه تضييع لوقت المسلم بدون فائدة

اسعدنى مرورك الكريم

[om marawan]

الفاضل هيبو

فعلا الاكذوبة دى وغيرها وغيرها هى خير دليل على ان اللى بدأ الميلات دى مش شخص مسلم بل على العكس ناس عاوزة تسخر من المسلمين وهم بيتابدلوا ايميلات واحاديث مكذوبة

ممكن تكون مش ميكروسوفت او اى شركة ولكنه بالتاكيد مش شخص عاوز ثواب للمسلمين

خاصة زى ماقلت قبل كده ان صيغ الايميلات دى مش مستحسنة على افضل تقدير

شكرا لمرورك الكريم

بقيت ادور على الاحاديث و الادعيه و اشوف مدى صحتها

لما كنت بلاقى موقع مضمون شويه زىIslam on line , Islamweb

كنت باعمل copy & paste للرد ( علشان الكسلانين اللى مش هايفتحوا الموقع)

و كمان احط الرابط للمواقع اللى جبت منها الردود

و بنصح اللى بعتلى انه يبعت التصحيح لكل اللى بعتوله من قبل

صحيح بتاخد شوية وقت .....بس باحس انى باعمل حاجة كويسه

طولت شويه؟؟؟ معلش ....بس حبيت اشارك بتجربتى

بالعكس ماطولتيش دى تجربة هاااااايلة جدا

كده فعلا احسنتى استخدام الميل فى الثواب حتى وان كانت الشركة هتستفيد :blush2:

طبعا انا أؤكد لحضرتك ان الهوت ميل او غيرها مستفيدة فى كل مرة بنفتح صفحة او بنبعت ميل لانه مؤشر على زيادة عدد المستخدمين وده يتبعه حاجات كتير منها الاعلانات مثلا ومنها سعر اسهم الشركة فى الموقع

لكن بما انه صعب الاستغناء عن ايميلاتنا على الشبكات المختلفة لذلك يبقا حسن استخدامها بديل رائع للارسال السلبى

العزيزة NEWCOMER

أشكرك على مشاركتك الجميلة

الحقيقة ان كل المشاركات على اختلاف اسبابها ايدت عدم ارسال الايميلات فيمكن يكون الموضوع اصبح فقط تنويه لعدم الارسال وده يضمه الى موضوع الباشمهنس السابق واللى اعتذر انى مانتبهتش له

اعتقد ان ادارة المحاورات لن تمانع ضمه للموضوع المقصود

تحياتى

[OReX]

ثانيا بصراحة انا معترض على فكرة ان الموضوع للربح فقط انا شايف ان الموضوع بدأ من عندنا احنا يعنى لو خدمات البريد اللى بتقدمها ميكروسوفت اقول ممكن تعملها انما فى شركات تانية منتشر فيها برضة موضوع الميلات الاسلامية ومش هتخاطر بسمعتها عشان كام الف ميل زيادة فى اليوم

الفاضل OReX

الفكرة انه حضرتك ده قطاع كامل من الناس بدأ يستخدم الايميل بشكل مختلف ودى شريحة مش قليلة او بمعنى ادق ماكنتش موجودة اصلا وده فى مجال التسويق نجاح

طبعا انا ماقصدش ابدا انه ميكروسوفت هى اللى ورا الموضوع او لأ لكن اقصد انها مازالت لها فائدة للموقع

وبارك الله فيكم

السلام عليكم

عزرا على المداخلة مرة اخرى

لا حضرتك فهمتنى غلط انا اللى اقصد ان رأيي انا ان فية شركات اصدق ممكن تعملها ومنها الشركة اللى انا ذكرتها لا يهمها الا الربح فقط بس معظم الشركات ما تعملهاش وخصوصا جانب الربح قليل جدا

وللاسف لسا شايف موضوع الله اعلم صحتة هوا كمان كان بيوضح ان الميلات اللى فيها معجزات وصور ناس متحولة زى ما الصورة اللى حطها هيبو اللى عملها ناس بتعادى الاسلام

[om marawan]

السلام عليكم

عزرا على المداخلة مرة اخرى

لا حضرتك فهمتنى غلط انا اللى اقصد ان رأيي انا ان فية شركات اصدق ممكن تعملها ومنها الشركة اللى انا ذكرتها لا يهمها الا الربح فقط بس معظم الشركات ما تعملهاش وخصوصا جانب الربح قليل جدا

وللاسف لسا شايف موضوع الله اعلم صحتة هوا كمان كان بيوضح ان الميلات اللى فيها معجزات وصور ناس متحولة زى ما الصورة اللى حطها هيبو اللى عملها ناس بتعادى الاسلام

wst::عذرا على ايه حضرتك الموضوع مفتوح عشان ناخد رأى بعض :)

انا كده فهمت معلش العتب على النظر

طيب يعنى نغير ايميلاتنا ولا نبعت ولا مانبعتش ولا نتاكد الاول ونبعت الصح زى newcomer ??? wst::

ولو ان حتى الصح ده صعب الواحد يحكم عليه وهو مطمن

[OReX]

اذا كنتى تمتلكين الوقت فى البحث عن صحة كل حديث اتى اليك عبر البريد وتحزرين من انه حديث ضعيف اعتقد انه الافضل

اذا كان الامر صعب وهوا بالفعل صعب علينا لاننا لسنا متخصصون فى علم الحديث الشريف سيكون الحل اما بتجاهل هذا البريد او اعادة ارسال رسالة وبها لينك لموضوع الباشمهندس ياسر او موضوع اخر ابحث عنه الان فية كل التفاصيل عن الاحاديث الكازبة والصور المفبركة المنتشرة حاليا

وان شاء الله عندما اجدة سأضع الرابط

دمتى بكل خير