سؤال: كيف نحمي انفسنا من الصنايعية

[مهندس تحكم]

السلام عليكم جميعا.....

يا جماعه انا عايز اعرف ....هل لو حبيت اعمل عقد بيني وبين اي صنايعي او ورشة بيعملي شغلانة او بيقدملي خدمة معينة .....هايوافق ....وهل دة متعارف علية عندنا...

سؤالي لاني عن تجارب كتير .....مجرد ما تدفع مقدم شغلانة .....خلاص انتهي....والباشوات بيركنوك علي الرف....وكل ما تروح وتسأل يقولك شغال يابية ...والخامات غليت ....ويطلب فلوس تاني......وطبعا لو ما وفقتش ....يبقي مش هاتشوف الشغلانة ولا بعد سنين....ويمكن تبقي خناقة .....وتروح عليك كل المقدمات ايلي دفعتها ....

وفي نفس الوقت ما تعرفش تشتكية .....مافيش اي دليل علي انك دفعتلة مليم ......حاجة تجنن وتقرف...

ياريت لو حد يعرف اية احسن تصرف مع الفئة دي من الناس الي ما عندهاش ضمير ......

[المخنوق دائما]

بصراحه اوحش صنايعية ممكن تجيبهم هما المصريين"على الرغم من كفائتهم بشهادة المصريين وغير المصريين"

بس عن تجربة فى السعودية أصحاب الورش والمصانع أصبحوا يتجنبوا العمال المصريين الا اذا كان محتاج للمهارة غير كده الهنود والبنجالا والفلبينين أكثر التزاما من المصرى

طبعا ده مش تعميم ولكن دة الغالبية العظمى

[Simba]

أنا ياما شفت الويل من الصنايعية لما تتعامل معاه تحس انك بتتعامل مع مافيا مش علشان هينصب عليك هو كده كده هينصب عليك رضيت ام لم ترضي بس لما يبدا الشغل خلاص تبقي تحت رحمته والصنايعي عندنا في مصر محترف يفتح كام شغلانة في يوم واحد عند كام زبون ويدوخهم وراه .. انا بصراحة مش بحبهم من اللي شفته منهم