400 عاملة مصرية للكويت

[عطر الجنة]

يا جماعة الاخوة الكويتيين او الكويتيات بيحكموا على الشعب مما يقابلوه فى حياتهم

فقد عملت فى التدريس فى مدرسة ثانوى من قبل ووجدت مهازل مصرية تحدث كثيرا

و ساسرد بعضها

تخيلوا مدرسة عربى تذهب مساءا الى بيت مديرة المدرسة طواعية لخدمتها فى المنزل مع ان عقود العمل تنص على ان رواتبنا مقطوعة اى مديرة المدرسة لا تملك لنا شيئا سوى محاسبتنا على عملنا

بعض المدرسات يتكسبن من مرافقة الشباب

اى كويتى يحضر واحد عامل لاى شئ يدعى العامل بقدرته على فعل كل شئ " مبدأ سبع صنايع و البخت ضايع " و تكون النتيجة خراب الشئ

ناهيك عن صاحب اى مؤسسة بيجيب مصرى يديرها فما يجد بعد فترة غير سرقة المصرى و استغلاله و هربه خارج البلاد

و المصرى بيتحجج وقتها ان ده تعبه و شقاه وانه كان بيدير الشغل لوحده وده حقه متناسى ان اشتغل بفلوس الكويتى

نماذج كتير تساهم فى تكوين الفهم الخاطئ

اصحاب البلاد هناك مش هبل كما نعتقد فهم يفهمون الشخصية التى امامهم و يعاملونها على هذا الاساس عدا قلة منهم تاخذهم العزة بالاثم

و لقد رايتهم معى فى المدرسة يعاملون كل مدرسة بطريقة حسب فهمهم لها و اعتزازها بنفسها و بلدها

و بالنسبة لموضوع سفر العاملات لابد ان تكون للحكومة تحفظات عليه لان الفقر بيضعف نفوس الناس كتير و ايضا سيتعرضون لاغراءات كثيرة

الفكرة ان هذه العمالة ستحظى بوقت فراغ بعد العمل الصباحى و اكيد ستحاول العمل بعد الضهر و هنا تكمن المشكلة

تم تعديل 18 أكتوبر 2009 بواسطة عطر الجنة

[herohero]

ياجماعة العيب زي ما بقول مش ف المهنه خالص العيب في نظرة الاخوة ف الكويت او لاسعودية يا جماعة دول عندهم عقدة نقص واللكام ده من زمان بقولك من واحنا ف ابتدائي بيقولوا لنا انتوا جايين تاخدوا فلوسنا عيالهم متربيين ع كده كلامهم صح او غلط ده قصة تانيه انا جاي بادي شغلي انت مش بتديني مرتبي شفقه ولا صدقة وده وانا مهندس بقوله وبقول لاي حد مشيني مادام مش محتاجني ومشي كل الاجانب اللي تاعبينك لان انت لسه مش مستوعب ان الانسان قيمته بعمله

هل يا اخواني مع مثل هذه النوعيه من البشر ينفع مصرية تشتغل ف هذه المهنة الشريفه انا معاها في اي بلد لكن الكويت والسعودية لا يا جماعة دول ناس مش بيقيموا قيمة العمل لسه

هتقولي الهندي والفلبيني عادي جدا عندهم ويحترموه انما مع المصري او المصرية عاوزين يطلعوا عقد النقص صدقوني انا هتجنن معرفش احنا عملنا لهم ايه لكن عقده ان ماعندهومش تاريخ وان مازلنا رغم ظروفنا ف مصر اللي لا تؤهل لتخريج ناس كفاءات بيطلع وسط ده ناس تنور بره ، يا جماعة والله كانوا بيقولوا ازاي زويل ده يطلع ده عشان عاش ف امريكا ومراته مش مصرية انما غير كده كان عمره ماخد نوبل يعني اللي اقصده ماتعرفش ليه مستكترين ع مصر اي نجاح وما بيصدقوا يشمتوا

الهندي او الفلبيني يقدر يبقى ريس عليه ويعيش الدور لان الفلبيني فاكر ان السعودية طول عمرها كده وما يعرفش تاريخهم

يا افاضل انا بقولك روحوا مثلا دبي وروحوا ابوظبي والله بتفرق دبي مكان معروف ان قيمتك بعملك وباستثماراتك انما ابوظبي هتلاقي لغة فلوس البترول وفلوسنا ظهرت برده ف الكلام

اللي اقصده انا مع اي عمل مادام شريف لكن المجتمع

احنا كلنا عادي اننا نبقى مهندس او طبيب او اي مؤهل جامعي وتعمل ف محطة بنزين وصحابي عملوا كده لما هاجرو لكن ف مصر مش هنعرف ليه لان نظرة المجتمع بتختلف

المهنة بيحددها المجتمع ماهو متاح ف مجتماعت الغرب بينظر له نظرة اخرى ف الشرق

انما انا بقول فيه مصريين وحشيين ومسئولين عن الصورة السيئة وفيه مصريين كويسين وحلمي انهم يكتروا ولما اي جنسية هتشوف المصري محترم نفسه ومش بيعمل اي تصرف غلط الكل مش هيذكر سلبياته لكن ليس من الجميل ان يكون صفة من صفات المصري الفوضى ويتقال ده شعب مش متعود ع النظام

مختصر القول الشغل الشريف كلنا معاه لكن انا بقول تقييم المجتمع هو ده المهم

واي بلد فيها اللي بيشتغل عامل والي مدير لا اجد عيبا ف ذلك انما المهنة تغيير نظرة المجتمع