أصوات من السماء

[se_ Elsyed]

من أحب الأصوات القرآنية المحببة إلي قلبي .. صوت الشيخ عبد الباسط عبد الصمد ...

لكن وأنا بأعمل سيرش على قرآته النادرة ..

صادفني صوت ملائكي مشابه لصوت الشيخ عبد الباسط ..

لكن بصراحه هز أعماقي بقوة ...

وحبيت أشرككم مع في الأستماع لهذا الصوت العملاق المُعبر

معليش أنا لما بأكون متحمس لحاجه مش بأقدر أسيطر على مشاعري

إليكم تسجيل للقاريء/ جواد فروغي من إيران

بالمناسبة ... هناك صوت أخر إيراني أيضاً إسمه " كريم منصوري " أنصحكم بالأستماع إليه ..

شيء بديع للغاية

والأن مع تلاوة من تلاوات جواد فروغي وعايز أسمع أراءكم بصراحة

http://www.youtube.com/watch?v=4xwFAIsmbEw

وعاوز بالتحديد أسمع أراءكم عندما وصل للدقيقة 4:30 وسخن وأبدع

[Alrefaey]

سمعت صوته فى رمضان اللى فات وكنت ببحث ساعتها عن تلاوة للشيخ عبدالباسط وفعلا ذهلت من عذب وحلاوة صوته وايجادته لتلاوة القرآن بالعربية وكأنه عربى وتشابه صوته لصوت عبدالباسط .

سبحان الله لو سمعته من غير ما ارى صوته لأقسمت انه عبدالباسط

رحم الله شيخنا وبارك فى القارىء الجديد

[اميره]

ماشاء الله تبارك الرحمن فعلاً صوت من السماء وهو شخص يدخل القلب أول ماتراه .

بجد مش عارفه أشكرك إزاى يأ أستاذ سيد إنك عرفتنى على الصوت الرائع وشخصيته المحبوبه.

جعله الله فى ميزان حسناتك

[doha]

كانك بتوصف الموقف الي حصل لي من شهرين كده بالظبط كنت داخله ببحث عن تلاوات لعبد الباسط فسمعت المقريء الايراني ده وبقيت عامله كدهوه بالظبط :blink:

بس على فكره برضه مايزال عبد الباسط صوت مش من الارض سبحان الله هو ومحمد صديق المنشاوي لا امل الاستماع لهم ابدا خاصه المصحف المجود .. ربنا يرفع درجتهم و يجمعنا بيهم جميعا في جنته ..

[الباشمهندس ياسر]

ما شاء الله تبارك الله

صوته رائع

و برده ... نزل القرءان ليقرأه المصريون

[doha]

ما شاء الله تبارك الله

صوته رائع

و برده ... نزل القرءان ليقرأه المصريون

ليه بس العنصرية دي ..

سبحان الله لما بشوف امثال المقريء الايراني ده او اي حد من اصل غير عربي وبيجتهد في القراءة وتعلم القرآن بصراحة بنكسف من نفسي اوي .. يعني سبحان الله احنا اسهل امه تقدر تتعلم القرآن وتفسيره لانه نازل بلغتنا وفاهمينه ومع ذلك معظمنا الامر عنده عادي .. ويجي ناس تانيه مبتتكلمش عربي اساسا وتجتهد الاجتهاد ده ( وتحت ) فيه الحت ده .. ربنا يتولانا برحمته .. بجد خايفه اوي يحاسبنا ويكون الناس دي حجة علينا ..

ربنا يستر ..

[الباشمهندس ياسر]

الموضوع مش عنصرية خالص يا اختى

نزل القرءان فى جزيرة العرب ليبدع فى قراءته المصريون و يبدع فى كتابته الترك و يحفظه المغاربة 

قيلى بقى فين العنصرية هنا