رواتب المصريين فى الخليج

[عماد حمدي]

مرتبات المحاسبين انا سمعت رواتب من 800 ريال وناس سافرت فعلا ً

معلش انا بقالي زمان بعيد عن مصر وعن الخليج استحملوني شوية

٨٠٠ ريال يعني ١٢٠٠ جنيه

في حد يتغرب عشان ١٢٠٠ جنيه !!!

ما يسرح ببطاطا احسن له من السفر

دي حتي البطاطا غالية يا راجل !!!

ياعمي انا اتقابلت مع واحد هناك راتبة 800 ريال قولتلة 800 اية ياعم اكيد نسيت صفر ولا حاجة قالي انا كنت جاي من مصر علي 1200 ولما جيت قالي 800 ولو مش عجبني الطيارة اللي جبتني لسة مستنياني هعمل اية وانا عليا إلتزامات ؟؟؟؟

دافع بقا كام علشان يجي ياخد 800 ريال ؟؟؟؟؟؟

8000 جنية !!!!

بصيت لنفسي ساعتها وقولت الحمد لله الحمد لله الحمد لله انا في نعمة والله

بس استفدت حاجة مهمة أوي وهيا انه اللي يقبل انه يطلع برة مصر بمرتب قليل ويقول اهم حاجة اوصل هناك والأمر بعد كدة هيتعدل هيروح هنا فعلا ً الوضع هيتعدل للنازل لانة هوه أصلا ً طالع من مصر متنازل ودافع فبكل بساطة هيبقي ضحية سهلة أوي للكفيل هنا يطلع عينه وعين اللي جابوه ومش عاجبك روّح !!!!

واحد مصري تاني برده حلم عمرة يبعت مصر 500 ريال كل اول شهر وبيشتغل زي ال..... ؟؟ بصراحة حاجة تجيب إكتئاب !!!

مع السلامة بقا أقوم أكمل نوووووم وأحلم بالكفيل بتاعي القديم لعنه الله دنيا وأخره

قولوا آمين

[Deathangel]

شكرا على ردودكم يا جماعة :flr1:

[الباحث عن الرزق]

الاخ الى بيقول ان والده موصيه يعيش بره مصر ويستقر يعنى على اساس حضرتك ممثل دبلوماسى ؟؟؟؟؟؟؟؟ يا اخى ومين قلك ان بره بلدك حيبقى ليك كرامه انت ومراتك وولادك من بعدك انت فى الغربه مواطن درجه ثانيه وعلى ما اظن بالنسبه لناس كتير مواطن درجه عشره

واتحدى اى انسان فى دول الخليج العربى مش ماشى جنب الحيط مهما كان درجته العلميه ولو مش ذكى ودخلت نفسك فى حوار مع اى حد حتتشتم وبلدك كمان

فيا اخى مفيش كرامه ليك غير فى بلدك لان اى بلد عربيه حتروحها انت مش ابن بلد يعنى بجد مصر افضل بكتير واى بلد خليجيه ممكن تروحها هى محطه تعدى عليها بس

[herohero]

تقبل مروري rs:

الممثل الدبلوماسي

عمدة

تحياتي للاخ عماد سيدي دي وجهات نظر ووجهة نظر الاخ الباحث عن الرزق نختلف او نتفق معها ولكن عن تجربة شخصية للاسف الواحد بيمشي ف مصر جوا الحيط وندي مثال هل حضرتك لو سيارتك اتخبطت ف مصر ممكن تقولي ايه اللي هيحصل

انا هحكي لك كنت راكن العربية ف شارع واسع جدا والحمد لله توكتوك محترم خبطها كسر الفانوس وانا ببص لقيته زعلان وبيقولي حرام عليك وطبعا العربية كانت مركونة جوا الرصيف والله واللي قبله تاكسي برده هو اللي غلطان ومش عاجبه

ف الكويت ومن طفولتي كنت بلاقي اللي يخبط عربية وصاحبها مش موجود بيحط ورقه بياناته وف السعودية لما بتحصل حاجه بتتصل بشركة نجم تيجي تحل الموضوع اليس هذا نوع من انواع صون الكرامة

سيدي لما بتتعب ف اي وقت بتلاقي مكان تامن فيه ع صحتك اليس هذا نووع من انواع الكرامة

سؤال صغير هل تعرضت او معظم اللي ف الخليج لاي اهانه من حد من بتوعم الشرطة ع العكس ف مصر اشي امين شرطةيتسنكح عليك يا جماعه انتوا بتحسسوني ان انتوا عايشين ف جمهورية شومبونجو

ياريت حد يقولي وهو ماشي ف شارع شبرا وطالع كوبري اكتوبر ايه شعوره ف رمضان وازاي السكة بتكون رايقه وازاي بنبقى محافظين ع كرامتنا للاسف الشديد كرامتنا بتضيع جوا بلدنا اكتر بكتير من بره وبصراحه اكتر انا شايف ان بره مش بضيع\

الا لو احنا بنحب نكون متناقدين ونقول بلدي والكلام ده وانا سمعت الكلام ده كتير لما كنت عايش مع اهلي 30 سنه وهم بيشتموا ف الكويت وممشيوش الا لما جابوا عيالهم هناك

بلدي بحبها ولكن غير راضي عن مافيها من ظلم

سيدي اي كرامة تخلي ابو 50% يحترم اكثر من الطبيب والمهندس والمحاسب

اي منطق يقول اننا نجري ورا الميكروباص ويركب ادام بنتين جنبه ويضحك ويقولك محجوز

ياريت لما نتكلم نتكلم عن واقع

اي كرامة اللي بتخلينا ندفع فلوس للزبالة ومش عارفين نرميها فين بنفسنا والله

اي كرامة واصبح المصري يجد ازمة ف الانبوبة والخبز

للاسف حتى نكون واقعيين كرمتنا لازم ناخدها ف بلدنا وبرده بكرر كرامتنا مش بتضيع بره والاساس انت والدليل مش بنشوف اللبناني ولا الاردني بيتعب زي المصري لان بلده عملت له قيمة وهو كمان

ياجماعه المصري اللي بيتملق للخليجي وبينافقه وبيتفنن ف انه يقرف المصري اللي زيه يبقى ده عنده كرامة وبيضيع كرامات المصريين اللي زيه

وانا اتمنى ان كل واحد يعمل اللي نفسه فيه اعيش بره مصر مش مشكلة المهم انجح انما اتشدق بحب الوطن وانا من بعيد ما اظنش ان الزمن ولا البلد عاوزة كده المهم افيد بلدي وانجح هو ده الاساس

[أبو العز]

السلام عليكم

انا قرأت الموضوع وصراحة استفزتنى بعض الردود التى تدل على عدم وعى

اولا : بالنسبة لموضوع الراتب : كل واحد ادرى بظروفه وله الحق يقبل يشتغل بالف أو بمئة الف هو حر

ثانيا : بالنسبة لموضوع ان المواطن بره بلده من الدرجة الثانية ده كلام فارغ وعندك على سبيل المثال الدكتور احمد زويل ولا الدكتور البرادعى العالم كله بيحترمه

بالنسبة لى انا اعمل كمستشار اقتصادى بالامارات ويعمل تحت ادارتى العشرات من مختلف الجنسيات بمن فيهم اهل البلد وهم يحترمونى ويقدرونى جدا لشخصى اولا ولاننى اتعامل مع الجميع بالاسلوب الذى احب ان يعاملونى به .

هذا لايمنع ان هناك بعض النماذج السيئة بل القذره من المصريين الذين يسيئون لانفسهم اولا ثم للمصريين جميعا والحمد لله هم قلة كما ان الانسان المثقف يعلم ان تلك الفئة لاتمثل الا نفسها ولايمكن ان يعمم ويقول هؤلاء هم المصريين ولو انى سمعتها باذنى فى احدى المحلات الكبرى بسبب واحد مصرى اقل مايقال عنه انه حيوان فى اسلوب تعامله مع البائع والذى جعلنا جميعا نشمئز منه ونخجل ان نقول باننا مصريين

الانسان المحترم بيفرض على الجميع احترامه سواء فى بلده او فى اى مكان

تحياتى

[عماد حمدي]

السلام عليكم

انا قرأت الموضوع وصراحة استفزتنى بعض الردود التى تدل على عدم وعى

اولا : بالنسبة لموضوع الراتب : كل واحد ادرى بظروفه وله الحق يقبل يشتغل بالف أو بمئة الف هو حر

ثانيا : بالنسبة لموضوع ان المواطن بره بلده من الدرجة الثانية ده كلام فارغ وعندك على سبيل المثال الدكتور احمد زويل ولا الدكتور البرادعى العالم كله بيحترمه

بالنسبة لى انا اعمل كمستشار اقتصادى بالامارات ويعمل تحت ادارتى العشرات من مختلف الجنسيات بمن فيهم اهل البلد وهم يحترمونى ويقدرونى جدا لشخصى اولا ولاننى اتعامل مع الجميع بالاسلوب الذى احب ان يعاملونى به .

هذا لايمنع ان هناك بعض النماذج السيئة بل القذره من المصريين الذين يسيئون لانفسهم اولا ثم للمصريين جميعا والحمد لله هم قلة كما ان الانسان المثقف يعلم ان تلك الفئة لاتمثل الا نفسها ولايمكن ان يعمم ويقول هؤلاء هم المصريين ولو انى سمعتها باذنى فى احدى المحلات الكبرى بسبب واحد مصرى اقل مايقال عنه انه حيوان فى اسلوب تعامله مع البائع والذى جعلنا جميعا نشمئز منه ونخجل ان نقول باننا مصريين

الانسان المحترم بيفرض على الجميع احترامه سواء فى بلده او فى اى مكان

تحياتى

الله يفتح عليك والله نفس الكلام اللي أنا قلتة وعجبني اوي الجملة الأخيرة دي حاسس أنك واخدها كوبي باست من تعليقي ..

بجد أحييك ع وجهة نظرك دي وأتفق معك 100000 %

تقبل مروري ,,

عماد

[سكر]

الهدف من الموضوع تغير خالص

انا كاتب الموضوع مش علشان نقول راتب كبير او صغير

مفيش اصلا حاجة اسمعا راتب كبير او صغير ولكن فى حاجة اسمها سعر سوق

يعنى انت سعرك فى السوق كام وانت موافق ولا

ومن هنا لما اكون محاسب وباخد 8000 جنيه وبعد واقول لاناس انا باخد 8000 وبعدين يجى واحد ياخد 800

مقولش بقى انا غلطان وانا اضحك عليا والبلد دى وحشه وانا كنت بس عايز اهرب من بلدنا

اعرف سعرك فى السوق وشوف انت هترضى بكام قبل ما تسافر

[وطني حر]

صباح الخير والله الموضوع فعلا يسيل له اللعاب

طب ايه رايكم يا جماعه نستعرض مرتبات المصريين في مصر في القطاعات الخاصه . اضن هناك ما هو اكبر من مرتبات المصريين في الخليج

هل يعقل مرتب مدير شركه مليون جنيه مش فارقه شهري ولا سنوي ؟؟؟

[herohero]

صباح الخير والله الموضوع فعلا يسيل له اللعاب

طب ايه رايكم يا جماعه نستعرض مرتبات المصريين في مصر في القطاعات الخاصه . اضن هناك ما هو اكبر من مرتبات المصريين في الخليج

هل يعقل مرتب مدير شركه مليون جنيه مش فارقه شهري ولا سنوي ؟؟؟

في حاجات فعلا مرتباتها ف مصر عاليه مقارنة بالخليج وبالمجهود المبذول ولا تنسوا ان ف مصر مفيش منافسه هندية اوفلبينيه تحرق السعر وبالتالي ف مجالات التكنولوجيا والهندسة ممكن تلاقيها مش فارقه ف الاماكن المحترمة ف مصر لان سعرك مش بيتحرق بالهندي والفلبيني

[عماد حمدي]

وزير الإسكان السابق تم تعينه من فترة رئيس مجلس إدارة شركة البترول البحرية وراتبة الشهري

مليون و 300 ألف جنية شهريا ً

يبقي وزير البترول بياخد كام ؟؟؟

تم تعديل 27 فبراير 2010 بواسطة EMAD HAMDY

[MZohairy]

فيه محاسبين مصريين بالسعوديه و الخليج فعلا ما يستحقوش اكتر من الف ريال في الشهر

تلاقي معلوماته المحاسبيه متواضعه جدا

و الانجليزي معدوم

و امكانياته على الإكسيل و البرامج المحاسبيه سيئه

و مظهره و ملابسه .........

ده يستاهل اكتر من الف ريال على ايه؟

و العكس صحيح ايضا

[student]

مرتبات المحاسبين انا سمعت رواتب من 800 ريال وناس سافرت فعلا ً

معلش انا بقالي زمان بعيد عن مصر وعن الخليج استحملوني شوية

٨٠٠ ريال يعني ١٢٠٠ جنيه

في حد يتغرب عشان ١٢٠٠ جنيه !!!

ما يسرح ببطاطا احسن له من السفر

دي حتي البطاطا غالية يا راجل !!!

ياعمي انا اتقابلت مع واحد هناك راتبة 800 ريال قولتلة 800 اية ياعم اكيد نسيت صفر ولا حاجة قالي انا كنت جاي من مصر علي 1200 ولما جيت قالي 800 ولو مش عجبني الطيارة اللي جبتني لسة مستنياني هعمل اية وانا عليا إلتزامات ؟؟؟؟

دافع بقا كام علشان يجي ياخد 800 ريال ؟؟؟؟؟؟

8000 جنية !!!!

بصيت لنفسي ساعتها وقولت الحمد لله الحمد لله الحمد لله انا في نعمة والله

بس استفدت حاجة مهمة أوي وهيا انه اللي يقبل انه يطلع برة مصر بمرتب قليل ويقول اهم حاجة اوصل هناك والأمر بعد كدة هيتعدل هيروح هنا فعلا ً الوضع هيتعدل للنازل لانة هوه أصلا ً طالع من مصر متنازل ودافع فبكل بساطة هيبقي ضحية سهلة أوي للكفيل هنا يطلع عينه وعين اللي جابوه ومش عاجبك روّح !!!!

واحد مصري تاني برده حلم عمرة يبعت مصر 500 ريال كل اول شهر وبيشتغل زي ال..... ؟؟ بصراحة حاجة تجيب إكتئاب !!!

مع السلامة بقا أقوم أكمل نوووووم وأحلم بالكفيل بتاعي القديم لعنه الله دنيا وأخره

قولوا آمين

نصيحه لله

فتوى

عبدالله بن عبد الرحمن بن جبرين

على المسلم أن يحفظ لسانه, فاللعن حرام؛ رجلا كان أو امرأة. لا يجوز حتى لعن الحيوانات وحتى لعن الجمادات, ربما أنه إذا لعن عاد إليه لعنه, وعاد إليه دعاؤه فيقول في الحديث: ليس المؤمن بالطعان ولا اللعان ولا الفاحش ولا البذيء ؛ يحفظ لسانه, ولو قال: أستغفر الله بعد ذلك, فإن هذا من الحرام؛ فعلى المسلم إذا غضب أن يستعيذ من الشيطان, وإذا أراد أن ينتقم من إنسان ينتقم منه بغير الكلام السيئ .

[عماد حمدي]

نصيحه لله

فتوى

عبدالله بن عبد الرحمن بن جبرين

على المسلم أن يحفظ لسانه, فاللعن حرام؛ رجلا كان أو امرأة. لا يجوز حتى لعن الحيوانات وحتى لعن الجمادات, ربما أنه إذا لعن عاد إليه لعنه, وعاد إليه دعاؤه فيقول في الحديث: ليس المؤمن بالطعان ولا اللعان ولا الفاحش ولا البذيء ؛ يحفظ لسانه, ولو قال: أستغفر الله بعد ذلك, فإن هذا من الحرام؛ فعلى المسلم إذا غضب أن يستعيذ من الشيطان, وإذا أراد أن ينتقم من إنسان ينتقم منه بغير الكلام السيئ . :)

شكرا ً ع النصيحة يا باشا وجزاك الله خيرا ً

Mzohairy

والله يا باشا واحد محاسب خريج 2007 قالي انتة شغال ياعني ايه لما كنت في شرم قولتله محاسب في شركة نقل سياحي قالي ياعني اية ياعني ماسك كريدت وعملاء ولا كاشير قولتله لا دا ولا دا انا محاسب ؟؟؟!!! إستغرب أوي إتضح ان مهنة المحاسب بالنسبة إلي محاسب خريج 2007 والمفروض انه خبرة سنتين إنها مجرد دا لية قد اية ودا عليه قد اية ونجمع الفواتير ونعمل مطالبات أو الكاشير بيحاسب الزباين ؟؟؟ ساعتها قولتله ياعمي دي قيود وكدة عارف قالي اية ؟؟؟

القيود دي في الدراسة بس وليس لها اي مجال في الواقع العملي اللي خدناه في الكلية دا مجرد حشو كتب !!!!!!!

يا سنتي الهباب يا ولاد :D الواحد بقا مايعتبش ع المديريين السعودويين اللي ميفقهوش شيء في المحاسبة ويقول الحمد لله دول أصحاب المهنة أصلا ً لا يفقهوا أي شيء عنها :D

لذلك من وجهه نظري الشخصية أي شركة محتاجة محاسب متقولش أنا عايزة محاسب خبرة 5 سنين لان ممكن يجيلها واحد زي دة ويقول انا خبرة 5 سنوات ووووو وهوه نفسة مبيفهمش حاجة ويجي السعودية هنا يشتغل يبقي زي البطيخة :D ويوقلك زودوا راتبي أنا بقوم بجهد عالي :D يا حبيبي دا أصلا ً اللي المفروض تقوم بيه .. بس عشان هوه ميعرفش حاجة فبيفكر انه كدة بقا عالم ذرة في الحسابات ...

لذلك ع أي شركة محتاجة محاسبين تعمل إمتحان محاسبة خاص بمجالها مثلا ً وميزانية صغيرة كدة .. وحل بقا ياعم الأمور !!!!

لأنها حصلت معايا في أخر انترفيو .. محاسبين خريجي 2000 ياعني خبرة 10 سنوات كتب إسمة ع الورقة وساب الإنترفيو ومشي ... ويوقولي إية دا ياعم وناس تانية 2009 حلوا الإمتحان والشركة خدتهم !!!

بالنسبة بقا للمظهر الواحد شاف عاهات وربنا هههههههه عمرك شوفت محاسب رايح المؤسسة بجلابية وأكرمك الله شبشب ولا حتي مسرح شعرة !!!!!! ومرة تانية بترينج بيت هههههههههههه عاهاااااااااااااااااات ويقولك مش فاضي الشغل واخد كل وقتي :D:D:D

تم تعديل 28 فبراير 2010 بواسطة EMAD HAMDY

[tarek nokia]

انا مش شايف فايدة من كام الراتب ممكن نسئل سؤال تاني هوا الراتب الي بخليك تعيش حياة محترمة ولا شخصية الأنسان وطبيعته لأني انا بشوف ناس رواتبها عليا جدا بس بخيلة قوي ومقفلة على عليتها ومش عارف اغلبهم للأسف مصريين وشايف ناس رواتبهم عادية بس عايشين حاية حلوة الموضوع مش بتاخد كام الموضوع انت عايش ازاي :ph34r:

[MZohairy]

بالنسبة بقا للمظهر الواحد شاف عاهات وربنا هههههههه عمرك شوفت محاسب رايح المؤسسة بجلابية وأكرمك الله شبشب ولا حتي مسرح شعرة !!!!!! ومرة تانية بترينج بيت هههههههههههه عاهاااااااااااااااااات ويقولك مش فاضي الشغل واخد كل وقتي :lol::D:D

فعلا

انا اعرف محاسب مصري من 15 سنه كان بيشتغل في جده مع لبنانيين و كان بياخد 3 الاف ريال اساسي

و كان بييجي الشغل راكب عجله :ph34r:

و يربطها جنب الأسانسير بقفل :)

برغم ان كل اللي في المكتب كان عندهم عربيات

و راتبه هو كان يخليه يجيب عربيه معقوله

لكن التوفير كان عنده اهم من مظهره

لذلك راتبه حتى الآن لم يتغير كثيرا.... بعد اكثر من 15 سنه

[أسد]

من جد وجد ..

ومن زرع حصد ..

كل ما سيقال .. سيدور حول تلك الحكمة ..

[عمرو غانم]

ما شاء الله ربنا يبارك

خيالى صرح للبعيد بس ابعد من كدة مكنتش اتخيل لموظف

يوجد مصري بيقبض 250 الف ريال بالشهر

ياريت بقى الشباب الجديد يعرف ان فى فرق بين شغل وشغل وسفر وسفر

مش عبى الشنطة واجرى

طيب يا اخوتى انا جيلى عرض فى قطر ب 17000 ريال وعلى السكن والانتقالات وانا مهندس مدنى دفعة 2003 ومش عارف العرض ده كويس فى قطر ولا لأ وفى شركة اسمها شنن للتجارة والمقاولات ومش عارف الشركة دى كويسة ولا لأ

ارجو النصيحة والإفادة