تطعيمات الاطفال المختلفة فى السعودية

[moamana]

السلام عليكم

الله يكرمكم حد يقولى نظام التطعيمات فى السعودية ايه" تبع التامين فى شركة زوجى"

يعنى من غير فلوس و لا بفلوس بسيطة و هيكون منين

الاهم بئه فى السعودية تطعيمات مش موجودز فى مصر يعنى فى عمر 2 و 4 و 6 احنا بندى الثلاثى

يعنى ضد 3 امراض هم بئه بيدوا الخماسى

طفلى تطعيمة لشهران بعد 6 ايام هنا فى مصر طيب هكمل ازاى فى السعودية اللى هسفرلها فى خلال اسبوعين ثلاثى و لا خماسى و لا هيدوه جرعات تعويضية و لا مطعموش بعد 6 ايام و استنى السعودية

الله يكرمكم الامهات و الاباء يفيدونى لانى مش عارفة اعمل ايه؟؟؟؟؟؟؟؟؟؟؟؟

[أسد]

السلام عليكم

الله يكرمكم حد يقولى نظام التطعيمات فى السعودية ايه" تبع التامين فى شركة زوجى"

يعنى من غير فلوس و لا بفلوس بسيطة و هيكون منين

الاهم بئه فى السعودية تطعيمات مش موجودز فى مصر يعنى فى عمر 2 و 4 و 6 احنا بندى الثلاثى

يعنى ضد 3 امراض هم بئه بيدوا الخماسى

طفلى تطعيمة لشهران بعد 6 ايام هنا فى مصر طيب هكمل ازاى فى السعودية اللى هسفرلها فى خلال اسبوعين ثلاثى و لا خماسى و لا هيدوه جرعات تعويضية و لا مطعموش بعد 6 ايام و استنى السعودية

الله يكرمكم الامهات و الاباء يفيدونى لانى مش عارفة اعمل ايه؟؟؟؟؟؟؟؟؟؟؟؟

مرفق جدول التطعيمات في السعودية

هذا الجدول مغطى من قبل شركات التأمين في السعودية بالكامل حتى 6 سنوات

والنسبة اللي بتدفعوها حسب نسبة التحمل في وثيقة التأمين الخاصة بكم

[ozoozo]

ممكن اي مركز صحي تابع لوزاره الصحه مجانا

في التامين حسب نسبه التحمل والتطعيمات الاساسيه مجانا

انا بروح لطبيب الاطفال -غالبا مصري- وبديله شهاده تطعيمات مصر وهو بيظبطها ويشوف ناقصله ايه يديهوله

[مهندس محمد ابراهيم]

التطعيمات فى السعوديه هى نفسها التطعيمات فى مصر حتى كمان زياده عن تطعيمات مصر

الفرق فى ان تطعيم ال 9 شهور اللى ضد الحصبه موجود هنا ومش موجود فى مصر

التطعيم الخماسي أشمل من التطعيم الثلاثي (التطعيم الثلاثي هو تطعيم ضد 3 امراض والخماسي تطعيم ضد 5 امراض منهم ال3 اللى فى الثلاثي)

بالنسبه للمكان اللى هيتطعم فيه زمايلي الاكبر منى قالولى لازم تطعمه فى وزارة الصحه او اى مكتب تابع لها علشان ختم وزارة الصحه مش هيطلع الا من عندهم وهو بيتطلب عند دخول المدارس علشان يتاكدو ان الطفل حد التطعيم

التطعيم فى وزارة الصحة مجانى وبيعملو دفتر وبيكملو على تطعيمات مصر على طول

الموضوع مش محتاج قلق دكتور الاطفال فى مصر قالى التطعيمات فى السعودية اشمل والطعم نفسه اقوي من اللى فى مصر

على فكره بودى ابني جاى من مصر 40 يوم وكملنا هنا على طول

[moamana]

جزاكم الله خيرا يا جماعة

يعنى اطعم فى وزارة الصحة ماشى

بس انا سوالى الاساسى ابنى هياخد هنا الثلاثى

اول جرعة شهران وهديهاله فى مصر و انا هسافر بعدها باسبوعين و التطعيم التالى ميعاده 4 اشهر

و هناك مفيش غير الخماسى طيب هيعموا ايه فى الجرعة الاولانية التى اخذت ثلاثى هيكملوا ثلاثى و لا خماسى

هيدولة التطعيمين اللى ناقصينله ازاى لو عايزين يكملوا خماسى

ارجو اكون شرحت سوالى و ملخبطش حد زيادة

[mama nona]

جزاكم الله خيرا يا جماعة

يعنى اطعم فى وزارة الصحة ماشى

بس انا سوالى الاساسى ابنى هياخد هنا الثلاثى

اول جرعة شهران وهديهاله فى مصر و انا هسافر بعدها باسبوعين و التطعيم التالى ميعاده 4 اشهر

و هناك مفيش غير الخماسى طيب هيعموا ايه فى الجرعة الاولانية التى اخذت ثلاثى هيكملوا ثلاثى و لا خماسى

هيدولة التطعيمين اللى ناقصينله ازاى لو عايزين يكملوا خماسى

ارجو اكون شرحت سوالى و ملخبطش حد زيادة

السلام عليكم

هيكملو معاكى تطعيمك عادى فالرابع على الخماسى

انما ال فات مش هيعوضوه

فمصر عندك بندى التلاتى البكتيرى DPT

والتهاب الكبدى B

وشلل الاطفال الفموى

فالسعودية بيزيد عليهم

المستديمة النزليه HIB

والبكتيريا العقدية الرئوية PCV

,وانا من رأيى التطعيم هنا افضل من مصر

ومتقلقيش نفسك الامور كويسة

[مهندس محمد ابراهيم]

ده جدول تطعيمات وزاره الصحه

http://www.moh.gov.sa/ar/modules/mysection...icle.php?lid=64

تطعيم ال 4 شهور ده

(الثلاثي البكتيري ؛ الإلتهاب الكبدي (ب) ؛ المستدمية النزلية)

دول كده هنا بيسموهم الخماسي فمفيهاش اى حاجه وده اللى انا عملته مع ابني جه اطعم تطعيم الشهرين على طول

[mama nona]

كمان فيه اختلاف واحد عن مصر غيرالنوعين الزياده

انهم بيعطو فى عمر شهرين شلل الاطفال بالحقن وليس فموى

على اساس ضمان الاستفادة منه

[moamana]

التطعيمين الناقصين هم pvc و ده الالتهاب الرئوى

وhib,و ده الالتهاب السحائى او المعروف بالحمى الشوكية

انا طعمتهم لطفلى على حسابى هنا عشان يروح يكمل الخماسى فى السعودية عادى لانه كده اخد الخمس تطعيمات هنا

[moamana]

معلش عندى سوال تانى

ايه الورق اللازم هناك فى مكتب الصحة السعودى او وزارة الصحة السعودية

عشان اطعم الولد هنا______________ ابنى هيطعم هناك تطعيم 4 اشهر

شهادة الميلاد المميكنة و لا القديمة و لازم شهادة التطعيمات بتاعة شلل الاطفال و لا لا ؟؟؟؟؟؟؟؟و شهادات الميلاد لازم يكون على ظهرهم التطعيمات اللى اخدها و لا لا ؟؟؟؟؟؟؟؟؟؟؟؟؟

[pink rose]

اول مرة دلوقتي اشوف جدول تطعيمات المملكة هنا

انا معايا دفتر تطعيمات مريم اللي من مصر و مكتوب فيه التطعيمات لحد 18 شهر بس

طيب انا طعمتها لحد السنة و نص و دلوقتي لقيت ان هنا في تطعيم عند سنتين و طبعا انا ما كنتش اعرف عنه حاجه و هي حاليا الشهر اللي جي تتم 4 سنين

لما اروح اطعمها تطعيم ال 4 سنين كده هايكون في مشكلة اني ما طعمتهاش تطعيم السنتين ؟

[moamana]

الافضل تسالى دكتور يا ريمو

لان ساعات ممكن لو فاتها حاجة يعوضوها و ساعات مينفعش

يا جماعة الورق المطلوب عشان السعودية هو شهادة الميلاد و كراسة التطعيمات و عقد ايجار الشقة عشان مكتب الصحة حاجة تانى؟؟؟؟؟؟؟

[alikhedr]

سلام عليكم

طيب حد يعرف مكان فرع وزارة الصحة بالخبر فين عشان محتاج اودى البنت تتطعم ومش عارف فين المكان

[moamana]

ديه سهلة اتصل بالدليل و قله احنا فى منطقة كذا بالخبر اقرب مكتب صحة لنا و مواعيده و عنوانه

و بس