عرفتها محاورات ولم اعرفها ماسنجر !!

[لولا]

محاورات المصريين

مازلت اذكر واتحاكى بصدفتى السعيدة التى قادتنى لهنا..

مازلت اتذكر ماتركه الإنطباع الأول فى نفسي كبصمة لا يمكن ان تُمحى

كان المكان مختلف..

واحببت فيه انه مختلف

احببت فيه انه ليس منتدى من منتديات الشات والشللية والمواضيع المنقولة والمواضيع التى لا تهدف لشيء

احببت ان المحاوريين كانوا يعكسون جمالا مذهلا فى حواراتهم الجادة والخفيفة والشخصية .

عرفتها محاورات ولم اعرفها ماسنجر !!

ومن المؤسف اننى ارى البعض الآن يحولها لشات ضخم !!

ادخل المواضيع فى القسم الشخصى والخفيف لأجدها قد وصلت لصفحتين وثلاثه دون ان تكون فيها اضافة واااحده مفيدة !!

سلامات وسلامات ومزاح ولا مضمون ولا اضافة جدية او حتى فكره صغيره وسط المزاح والسلامات.. المهم فقط ان نسجل مداخلات فنسجل حضور !!

نحن من نصنع للمكان قيمته.. فاذا كنا دخلنا المكان لقيمته فليتنا نفكر اى قيمة نضيف له بدلا من ان نغير من هويته ونحوله

لمنتدى ظريف للشات والمزاح بلا هدف وتوزيع السلامات التى يتسع حتما لها البريد الخاص .

تحياتى

لولا

[mandoo]

إختنا الفاضلة / لولا

مع إحترامى لكلام سعادتك إلا أننى أعترض ... ودعينا نناقش الموضوع بموضوعية وفى كلمتين وبس ...

المحاورات تم تقسيمها الى أبواب بشكل مميز وشيق فمنها السياسية .. ومنها الأدب والشعر ... ومنها التهانى ... ومواضيع خفيفة ... وإبتسامات .... ورياضة .... وموضوعات منقولة ... فكل منا يشارك حسب ميوله ورغبته ... وأتكلم عن نفسى .. فأنا مثلا لا أجيد كتابة الشعر .. ولكن عندما أقرأ أبيات منظومة بشكل جيد .. فمن المنطقى أن أقول الله ... وعظمة على عظمة ياست ... يبقى الشئ الجميل مطلوب أن نشكر من قام به وحتى وإن كنا لا نملك الأدوات المناسبة فى الرد والإطراء ... فلسنا كلنا لدينا الثقافة التى تتمتعين بها وكما يتمتع بها بعض من غخواننا وأخواتنا فى المحاورات ... وعلى رأى المثل كل شيخ وله طريقة فى التعبير عما يجول بخاطره ..

لذا اطلب منك ان تستمر المحاورات كما هى ...وبعدين حاجة مهمة جدا ... دائما ماتتسم مداخلاتك بخفة الدم والتعليق اللطيف على كثير من الموضوعات المطروحة ...

دمتى لنا محاورة مميزة ومشرفة واعية

مع خالص تحياتى

[عادل أبوزيد]

محاورات المصريين صالون ثقافى سياسى إجتماعى يهتم بشئون مصر و المصريين.

ما سبق كان إستهلالا لابد منه

تتميز محاورات المصريين بأنها ليست مكان لل "ثرثرة" و هى الترجمة العربية لل "شات" و أن المشاركات هنا من قبيل "بارك الله فيك" "مشكور" و كل مداخلات المجاملة يتم حذفها أولا بأول ... عدا السهو و الخطأ من فريق التنسيق و الإشراف.

من حق من يشارك فى محاورات المصريين ألا يضيع وقته فى ال "ثرثرة" أعلم أنها كلمة صادمة و لكن لابد أن يكون هناك فارق بين ال "مايكروباص" و الصالون الثقافى".

هناك إستثناء فى باب الأدب يمكن أن يكون هناك مجال لإبداء الإعجاب ... الإعجاب الراقى.

و بالنسبة للمرح و المزاح فهناك "دعوة للإبتسام" و هى ليست للإبتسام فقط و لكن كثيرا ما تكون دعوة لل"قهقهة" و أحيانا تكون "قهقهة" متسمة ببعض المرارة ، و عندنا هنا فى محاورات المصريين كتاب على مستوى ... مغامرات عصابة حساس .... خضرة يا ملوخية .....

الفاضلة لولا .... الحفاظ على المستوى الراقى لمحاورات المصريين مسئوليتنا جميعا و بالأخص فريق التنسيق و الإشراف.

[محمد عيسى]

متفق مع السيده لولا و الاستاذ عادل من حيث المبدأ و مختلف في جزئية واحده

الكلام ده منطقي و لكنه مش قفص حديدي .. قسم زي موضوعات خفيفه باين من اسمه .. و لو عايزين تمنعوا المشاركة بغرض زيادة المشاركات يمكن فنيا عدم احتساب المشاركات في هذا القسم

[عنبو]

خلاص ياجماعه اقفلوا باب موضوعات خفيفه وشخصيه ودعوه للابتسام

ياجماعه انا بعتبر المحاورات ده مدينه صغيره تجمعنا جميعاً واكيد فى المدينه هيبقى فيه اختلافات كبيره اجتماعياً وعلمياً و ......... والخ

فلازم يكون فيه شوية تنفيس شويه كل واحد على حسب ثقافته يعنى لما ادخل باب موضوعات جاده والواحد ضغطه يرتفع شويه واطلع على باب هدى الاسلام ضغطه يرتفع اكتر واطلع على باب المغتربين المصريين الاقى الناس تعبانه ونازله شكاوى واسيبهم واورح اشوف اخوانا اللى فى كندا الاى اللى لسه واصل ولسه تعبان شويه وحالته النفسيه تعبانه يبقى اطلع على باب موضوعات خفيفه والشخصيه لنفضفض شويه وباب دعوه للابتسام ليبقى فى بسمه فى وجوهنا

اما اذا كنتوا مش عاجبكم الموضوعات اللى فى باب موضوعات خفيفه ولا شخصيه ولا دعوه للابتسام ؟؟

او عاوزين حاجات موضوعات متفصله هى اللى تبقى موجوده فطبعاً ممكن تعملوا فلتره وتشيلوا كل حاجه انتوا شايفينها ملهاش لازمه بالنسبه ليكم ولا تدخل البهجه والابتسام بالنسبه ليكم برده

بس وقتها يااااااااااااريت تغيروا اسم محاورات المصرين وتسموها محاورات المشرفين على ما اعتقد الاسم كده هيبقى انسب

ياجماعه الاختلاف ده سنه كونيه موجوده ولازم ان نعرف اننا مختلفين عن بعض ؟؟ ولكن يبقى الاحترام هو اللى بينظم العلاقه دى وبيحميها

وشكراً

[أسد]

بس وقتها يااااااااااااريت تغيروا اسم محاورات المصرين وتسموها محاورات المشرفين على ما اعتقد الاسم كده هيبقى انسب

نعم أخي الفاضل .. اسمها محاورات المصريين .. وليس ثرثرة المصريين .. أو هزار المصريين .. أو سلامات المصريين على بعض ..

وكلمة محاورات هنا هي المعنية .. وليس كلمة المصريين التي يمكن أن تستبدل بكلمة مشرفين .. فتكون محاورات المشرفين ..

فهذا خلط غير صحيح ..

والهدف مرة أخرى .. ولن أزيد عما قاله الأستاذ عادل .. أننا هنا صالون ثقافي وسياسي واجتماعي .. وبكل تأكيد أن هذا الغرض الذي أنشئ له هذا الموقع .. وليس من ضمن الخطط أبداً أن يكون هنا موقع للشات والثرثرة .. والحوارات الجانبية .. بل هنا نناقش همنا العام ... وحتى من يعرض مشاكله التي قد تواجهه في عمله أو في عرض وظيفة .. فإنه يتم عرضه والإجابة عليه بهدف الإفادة والإستفادة من الجميع ..

طبعاً هناك أبواب للموضوعات الإجتماعية .. والموضوعات الشخصية . والخفيفة .. وباب دعوة للإبتسام .. ولكن طبيعي ألا يكون هناك أي إبتذال ..

مانقوله .. هو أن كل مازاد عن حده .. إنقلب لضده ..

والغرض هنا هو أن نتعاون لتكون الصفة الجادة هي الغالبة على محاورات المصريين .. وأننا جميعاً .. أعني الأعضاء .. نبذل مجهود هنا لإفادة الآخرين .. والإستفادة أيضاً .. فمن منا لم يستفيد من موضوع أو أكثر عرض في محاورات المصريين ..

وفريق الإشراف .. يبذلون كثير من الوقت والجهد لتنظيم الموقع .. وفي الفترة الأخيرة لوحظ أن هناك من يكتب موضوع جديد .. هو عبارة عن سؤال بسيط جداً لا يتعدي سطر أو عدة كلمات.. لو كلف نفسه وكتب السطر الذي كتبه في خانة البحث على صفحة جوجل .. لوجد الإجابة على سؤاله هذا ..

وليس هذا فقط .. بل تجد أن هذا الموضوع قد فتح عدة مرات .. وليس هذا فقط .. بل تجده كتب مداخلتين أو ثلاثة يقول (إيه ياجماعة كل دي قراءات وولا رد على الموضوع)...

أما موضوعاتنا الجادة . والتي تهمنا جميعاً .. وتهم الوطن .. فلا أحد يهتم .. أو يشارك أو يعلق ..

وكأن الأمر لم يعد يعنينا .. فقط يمكن أن نشكو .. ونهاجم .. ونوجه غضبنا على لابلد واللي فيها ..

المسألة مختلفة ..

نحاول أن نؤكد أننا هنا موقع جاد .. وليس معنى أنه موقع جاد ألا يكون فيه باب للإبتسام .. ولكن الأمر مختلف ..

ماينفعش مثلاً نلوم على قناة الجزيرة إنها مابتجيبش أغنيات نانسي وهيفاء علشان تروح على المشاهدين اللي ضغطهم ارتفع من أخبار القصف على غزه مثلاً

آمل أن يكون كلامنا واضح ومفهوم ..

ومرة أخرى .. أكرر ..

هذه مغالطة غير صحيحة .. أن نقول خلاص سموها محاورات المشرفين .. بلاش تكون محاورات المصريين ..

نشكر لكم تفهمكم ..

[ذهبية]

طبعا من حق المشرفين و القائمين علىالموقع المحافظة على السمة الاساسية لمنتدى محاورات المصريين و هذة السمة هى اصلا الى جذبت كل المشاركين فية و هى الجدية و الالتزام

اعتقد ان الامر فى يد المشرفين للاستمرار فى المحافظة على هذة الصفة بمعنى اى عضو يتجاوز او يثرثر او يعبر عن راية باسلوب غير مقبول

يتم ارسال رسالة لة من فريق الاشراف الى بريدة الخاص و يتم توضيح هذة النقطة لة

ومن ناحية اخرى المواضيع الغير ملائمة يتم حذفها بعد ارسال رسالة للخاص تحمل نفس المعنى

و يتم فيها توضيح السبب للعضو سواء كان للتكرار او ان فية موضوع اخر شبية لة او ان الاسلوب غير مقبول

و يجب على المشرفين ان يتقبلوا الاختلافات الفردية بين الاعضاء لاننا فى الاخر بشر بيننا اختلاف سواء فى الثقافة او العلم او

السمات الشخصية لكن فى النهاية هدفنا واحد و هو ان نتشارك معا فى مساعدة احدنا الاخر او نتكلم عن هموم وطنا

ذهبية

[Folana]

السلام عليكم ورحمة الله....

الغالية "لولا".....لا أذيع سرا اذا قلت انى ابتسمت عندما قرأت موضوعك بالأمس.....وتوقعت ان أقرأ ما قرأته اليوم....وقلت فى نفسى " لك الله يا لولا "...:unsure:

وعندما شعرت برغبة فى المشاركة هنا...قلت لنفسى ايضا " لك الله يافولانة"...بسم الله توكلت على الله..ربنا افتح بيننا وبين قومنا بالحق وأنت خير الفاتحين...

لماذا أنتابتنى هذه المشاعر؟...لانى أعلم يقينا مسبقا بأن ما سوف يتم فهمه من طرحك هو انك تتحدثى بلسان المشرفة ....وهذا ما سيتم تفسيره لكلامى ايضا...بل ويزيد ...وأنت تعلمين .

ولكنى لم أستطيع منع نفسى من المشاركة بعد قراءة ردود الاخوة..وخصوصا الفاضل محمد العنبى ( صح الاسم كده ؟:D )...

أأخذ عليه استخدامه لكلمات مثل .."اذا كنتم"..."مش عاجبكم"..."لوعايزين..اعملوا فلترة...محاورات المشرفين...الى اخره "

هنا ارى ان الاخوة يفصلوا دائما بينهم كأعضاء وبين فريق الاشراف حتى اذا تحدث احد افراد الفريق بصفته كعضو...الا انه فى النهاية مشرف وعايز يفرض سيطرته وعايز يعلمنا الادب....

واذا كانت الامور تفسر هكذا...يبقى صدق اللى قال "مافيش فايدة"....

وأتصور ان كان احد الاعضاء هو من قام بفتح هذا الموضوع ..كان سيلاقى استحسانا من البعض ان لم يكن الجميع...

اذا المشكلة تكمن الان فى من الذى يقوم بالطرح...بغض النظر عن اهمية الطرح او الهدف من وراءه...

وحتى لا احول الموضوع الى جدال وتقييم للاعضاء او لاعضاء الفريق...اعود لاقول...بأن الهدف...هدفنا جميعا....وهدف كل من ينتمى الى مكان او يتواجد فيه ان يرتقى به.....وعندما يتحدث اى فرد فى هذه الجماعة التى اتفقت ان تجتمع وتتألف قلوبهم بدون سابق معرفة....يكون من مكارم الاخلاق ان نستمع له اولا ونتدبر فى معانى كلماته...ونأخذ منها ما يفيدنا ونلقى وراء ظهورنا بما نراه لا يمثل اى فائدة تعود على الجميع...

ولا نحجر على كلمات الاخر لمجرد انه ينتمى الى فريق تنسيق.......فنحن جميعا على مستوى ثقافى وفكرى مرتفع...ويتوج هذا تمييز حضراتكم جميعا بمستوى اخلاقى رفيع...ألمسه فى كتابتكم جميعا.....بل انى اراكم اكثر ثقافة واغرز علما .....وان افراد فريق الاشراف بمثابة عساكر مرور...ينظمون الحركة...وعند كسر الاشارة بيسحبوا الرخص...ومش معقول يعنى ان كل العسكرى الغلبان ده مايقوم بواجبه...نلاقى واحد بيه نزل من عربيته وقاله انت حمار ..انت جاهل...انت ازاى تسحب رخص من يتفوقوا عليك علما ومكانة......بيحصل كده؟..ما اظنش...:D

اذا....عندما يتحدث اى عضو فى المكان باختلاف الرُتب ...عن استياؤه من كثرة تبادل المحادثات الجانبية فى الموضوعات...لا يعنى هذا انه يحجر على افكارنا....او انه بيفرض سيطرنه او عضلاته...او لانه مشرف...

هناك اتفاق غير مكتوب بيننا جميعا ان نرتقى بالمكان.....وهذا يتطلب التعاون من الجميع...ادارة واعضاء...ولا احبذ التفرقة والتصنيف الحقيقة...لانى ارى اننا كلنا اعضاء يجب ان نتكاتف جميعا لتقديم كل ماهو مفيد وجديد...

لم يمنع احد الاخر من الكتابة فى اى باب من الابواب....لانه ليس قفص حديدى...ولن نغلق الابواب على المشرفين ونحولها لمحاورات المشرفين.....لاننا بالفعل بنتحاور فى باب الاشراف...يعنى واخدين فرصتنا للكلام... :D

كل ما اتمناه وارجوه ...ان نذيب الحواجز التى تتكلمون عنها...وان نعمل جميعا على الرقى بالمكان....ونضيف البسمة ايضا فكم من كتاب ساخرون يجعلونا نضحك ولكن بدون تسطيح لفكرة مايريدون عرضه....

استاذ محمد عنبووو....احنا كلنا حاجة واحدة بنمثل هذا المكان...ارجو الا تصنفنا هكذا...والافضل ان يكون الكلام بصيغة الجمع...فنقول...نحن...بدلا من انتم...." نعمل...بدلا من تعملوا....نفلتر.....نضحك...نتكلم جد....نناقش قضايا هامة.....نتكلم فى موضوعات خفيفة....نتشارك فى احزاننا وافراحنا...نخفف عن بعضنا البعض هموم الحياة....

كده افضل....حتى لكى تشعرنا يا اخى اننا كيان واحد...ومن ثم تشجعنا ان نتشارك كلنا فى نفس الموضوعات المطروحة...

لولا...خدينى جنبك...:)

[عنبو]

اخى الفاضل اسد

تحيه طيبه وبعد

وكلمة محاورات هنا هي المعنية .. وليس كلمة المصريين التي يمكن أن تستبدل بكلمة مشرفين .. فتكون محاورات المشرفين ..

مهو ياسيدى لما يبقى المشرفين عاوزين مواضيع معينه بس هى اللى تبقى موجوده والباقى لا باعتبار اساساً ان الاعضاء دول ما عليهم الا ان يقولوا سمعنا واطعنا ؟؟ طالما المشرفين شايفين كده

وبعدين حضرتك المقصود من كلمة محاورات يعنى كل انواع الحوار وفى اى مجال والمصريين اللى هم احنا يعنى كل الفئات والمذاهب

يبقى لكى نطبق الاسم نترك كل واحد يكتب زى ما هو عاوز طالما فى حدود الادب والاحترام ؟؟

الناس ياسيدى الفاضل مختلفين مع بعض وكل واحد له اسلوبه فى الكتابه ممكن تكون بالنسبه ليك غير مقبوله لكن ممكن تكون مقبوله بالنسبه لناس كتير قوى هنا ؟؟

وفيه مواضيع ممكن لا تشد اهتمامك ولا تهتم بيها وفى نفس الوقت تلاقى بتشد اهتمام ناس تانيه هنا ؟؟

يبقى اذا حبيت تعمل فلتره لمواضيع يبقى من الاساس تعمل ايه تقول اى عضو عاوز يعمل موضوع يبعته الاول الى المشرفين ؟؟ وبعد لما المشرفين يوافقوا عليه يبتدى ينزل فى المنتدى ؟؟

بس صدقنى تشيل كلمة حريه من المنتدى خالص وبلاش ننتقد الدوله فى اى حاجه ليها علاقه بالحريه خالص ؟؟؟

وعلى فكره كان فيه هنا موضوع زى ده من زمان كان بيتكلم عن العاميه فى المحاورات والسطحيه ؟؟

ياجماعه بجد خلى الناس تكتب اللى هم عاوزينه مش نحصرهم فى حاجه معينه وثقافه معينه ؟؟

كل واحد يكتب بالطريقه اللى تريحه طالما مافيش اسفاف ومافيش اى كلام خارج ؟؟

أما موضوعاتنا الجادة . والتي تهمنا جميعاً .. وتهم الوطن .. فلا أحد يهتم .. أو يشارك أو يعلق ..

وكأن الأمر لم يعد يعنينا .. فقط يمكن أن نشكو .. ونهاجم .. ونوجه غضبنا على البلد واللي فيها ..

يعنى حضرتك شايف ان سبب عدم تعليق الناس فى باب موضوعات جاده هو وجود موضوعات تانيه فى باب موضوعات خفيفه وشخصيه ودعوه للابتسام ؟؟

ولما نلغى الموضوعات دى الناس بقى خلاص مش هيبقى قدامها الا موضوعات جاده تكتب فيها ؟؟

ياسيدى الفاضل لو الى داخل يكتب فى موضوعات جاده غير فى اسلوبه وكتب كلام غير معتاد اكيد هيجذب الناس للحوار زى لما سى السيد وسكوربيون بيعملوا

على العموم تقبل تحياتى

وانا حبيت قول رائى هنا وفى الاول والاخر الموضوع فى يد المشرفين ياخدوا القرار اللى هم عاوزينه ؟؟

[عنبو]

السلام عليكم ورحمة الله....

الغالية "لولا".....لا أذيع سرا اذا قلت انى ابتسمت عندما قرأت موضوعك بالأمس.....وتوقعت ان أقرأ ما قرأته اليوم....وقلت فى نفسى " لك الله يا لولا "...:unsure:

وعندما شعرت برغبة فى المشاركة هنا...قلت لنفسى ايضا " لك الله يافولانة"...بسم الله توكلت على الله..ربنا افتح بيننا وبين قومنا بالحق وأنت خير الفاتحين...

لماذا أنتابتنى هذه المشاعر؟...لانى أعلم يقينا مسبقا بأن ما سوف يتم فهمه من طرحك هو انك تتحدثى بلسان المشرفة ....وهذا ما سيتم تفسيره لكلامى ايضا...بل ويزيد ...وأنت تعلمين .

ولكنى لم أستطيع منع نفسى من المشاركة بعد قراءة ردود الاخوة..وخصوصا الفاضل محمد العنبى ( صح الاسم كده ؟:D )...

أأخذ عليه استخدامه لكلمات مثل .."اذا كنتم"..."مش عاجبكم"..."لوعايزين..اعملوا فلترة...محاورات المشرفين...الى اخره "

هنا ارى ان الاخوة يفصلوا دائما بينهم كأعضاء وبين فريق الاشراف حتى اذا تحدث احد افراد الفريق بصفته كعضو...الا انه فى النهاية مشرف وعايز يفرض سيطرته وعايز يعلمنا الادب....

واذا كانت الامور تفسر هكذا...يبقى صدق اللى قال "مافيش فايدة"....

وأتصور ان كان احد الاعضاء هو من قام بفتح هذا الموضوع ..كان سيلاقى استحسانا من البعض ان لم يكن الجميع...

اذا المشكلة تكمن الان فى من الذى يقوم بالطرح...بغض النظر عن اهمية الطرح او الهدف من وراءه...

وحتى لا احول الموضوع الى جدال وتقييم للاعضاء او لاعضاء الفريق...اعود لاقول...بأن الهدف...هدفنا جميعا....وهدف كل من ينتمى الى مكان او يتواجد فيه ان يرتقى به.....وعندما يتحدث اى فرد فى هذه الجماعة التى اتفقت ان تجتمع وتتألف قلوبهم بدون سابق معرفة....يكون من مكارم الاخلاق ان نستمع له اولا ونتدبر فى معانى كلماته...ونأخذ منها ما يفيدنا ونلقى وراء ظهورنا بما نراه لا يمثل اى فائدة تعود على الجميع...

ولا نحجر على كلمات الاخر لمجرد انه ينتمى الى فريق تنسيق.......فنحن جميعا على مستوى ثقافى وفكرى مرتفع...ويتوج هذا تمييز حضراتكم جميعا بمستوى اخلاقى رفيع...ألمسه فى كتابتكم جميعا.....بل انى اراكم اكثر ثقافة واغرز علما .....وان افراد فريق الاشراف بمثابة عساكر مرور...ينظمون الحركة...وعند كسر الاشارة بيسحبوا الرخص...ومش معقول يعنى ان كل العسكرى الغلبان ده مايقوم بواجبه...نلاقى واحد بيه نزل من عربيته وقاله انت حمار ..انت جاهل...انت ازاى تسحب رخص من يتفوقوا عليك علما ومكانة......بيحصل كده؟..ما اظنش...:D

اذا....عندما يتحدث اى عضو فى المكان باختلاف الرُتب ...عن استياؤه من كثرة تبادل المحادثات الجانبية فى الموضوعات...لا يعنى هذا انه يحجر على افكارنا....او انه بيفرض سيطرنه او عضلاته...او لانه مشرف...

هناك اتفاق غير مكتوب بيننا جميعا ان نرتقى بالمكان.....وهذا يتطلب التعاون من الجميع...ادارة واعضاء...ولا احبذ التفرقة والتصنيف الحقيقة...لانى ارى اننا كلنا اعضاء يجب ان نتكاتف جميعا لتقديم كل ماهو مفيد وجديد...

لم يمنع احد الاخر من الكتابة فى اى باب من الابواب....لانه ليس قفص حديدى...ولن نغلق الابواب على المشرفين ونحولها لمحاورات المشرفين.....لاننا بالفعل بنتحاور فى باب الاشراف...يعنى واخدين فرصتنا للكلام... :D

كل ما اتمناه وارجوه ...ان نذيب الحواجز التى تتكلمون عنها...وان نعمل جميعا على الرقى بالمكان....ونضيف البسمة ايضا فكم من كتاب ساخرون يجعلونا نضحك ولكن بدون تسطيح لفكرة مايريدون عرضه....

استاذ محمد عنبووو....احنا كلنا حاجة واحدة بنمثل هذا المكان...ارجو الا تصنفنا هكذا...والافضل ان يكون الكلام بصيغة الجمع...فنقول...نحن...بدلا من انتم...." نعمل...بدلا من تعملوا....نفلتر.....نضحك...نتكلم جد....نناقش قضايا هامة.....نتكلم فى موضوعات خفيفة....نتشارك فى احزاننا وافراحنا...نخفف عن بعضنا البعض هموم الحياة....

كده افضل....حتى لكى تشعرنا يا اخى اننا كيان واحد...ومن ثم تشجعنا ان نتشارك كلنا فى نفس الموضوعات المطروحة...

لولا...خدينى جنبك...:)

الاخت الفاضله فولانه ربنا يعلم انا قد ايه بعز المكان ده بكل ما فيه ؟؟

ولكن ما قلته هو اننا نعطى فرصه للترقى بالاعضاء يعنى لما ادخل احذف موضوع لواحد او مداخله لواحد تخيلى بقى شعوره وقتها ؟؟

لكن لما نسيبه يكتب وفى وجود عمالقة المحاورات هيتعلم منهم واوحده بواحده هيتحسن اسلوبه وهيبقى تمام

وصدقونى وجود اى واحد هنا مكسب لينا احنا ليه ؟

انا لما بكتب نصيحه او اى حاجه او حتى حاجه تضحك كل واحد بيدخل يستفاد انا بكسب ثواب وكل واحد بيبتسم انا باخد ثواب انا نفسى تبقى الناس كلها موجوده والكل يقرأ والكل يتسائل عن اى حاجه بدون تخوف ونحن نجاوبه هنا

وشكراً

محمد عنبوو

[se_ Elsyed]

برضوا في خلط بين طبيعة الموضوعات ... ومحتوى الموضوعات

هانبسط الكلام من غير لا عشر صفحات وهات وخد واي كلام متقعر

يا جماعة الخير

يرضيكوا تفتحوا موضوع مثلاً .... مثلاً هاقول على موضوع لي جذب إنتباه الكثيرين وأنا شخصياً أستفدت من ردودكم

موضوع أكل الاطفال أو هم يا جمل وما به من أفكار جديدة على الأقل لي

اهو موضوع ظريف في باب الأسرة والطفل

يبقى كويس ويرضينا لو جينا ندخل الموضوع عشان نستفيد لقينا كل الردود من عينة

يعطيك العافية

رد اخر

إنت فين يابو اشرف غايب من زمان ليه ؟

رد أبو اشرف : والله مشاغل وكحك بقى كل سنة وإنت طيب يابو ساميه .. اخبار معاليك إيه ؟

أبو ساميه : تمام .. وإزي أشرف دلوقت فك السلك ولا لسه ؟

ده اللي نقصده يا جماعه يعني رد يكون إضافة وليس بالكيلو وخلاص ...

حتى برضوا محتوى الموضوع

أقول لكم على حاجه ظريفة ؟

من زمان كده وكان في أعضاء أفاضل معنا لسه ما شرفوناش بالأنضمام لمجتمع المحاورات ويمكن ما شافوش او ما عاصروش هذا

فوجئنا بهوجه .. آه والله هوجه من الموضوعات الخفيفة اللي تودي في داهيه ... تودي في داهيه ثقافياً يعني

والله والله لسه فاكر عنوان موضوع منهم .. زميل فاضل دخل كتب موضوع قال فيه : عاوز أسمع رأي الشباب والزملاء عن كام مره بيضربوا كلاكس في اليوم وهما ماشيين بسيارتهم ؟

ده بقى نعتبره موضوع خفيف ولا تقيل ولا ..... هايف ؟

ممكن ندخل في جدل بيزنطي ونقول : وما هي معايير هيافة الموضوع ؟

ومين اللي بيضع المعايير دي ؟

باختصار .... الجميع بيبقى متفق لما بيشوف عمل فني ما إنه مقاولات أو عمل هايف .. من عينة " عليش دخل الجيش " وزغلول جاب محمول ... وفتحيه والمرسيدس

وحاجات لا محتاجه دراسة او نقد فني ولا يختلف عليها أحد

ده بإختصار اللي عاوزين نقوله

---------------------

عاوز أوضح نقطه هامه للجميع ...

أقسم بالله ومش محتاج أحلف .. لم نتفق نحن كمشرفين او فريق إدارة إننا نكتب مضوع زي ده ولا الاخت لولا اخدت رأينا ..

ولكن هي كتبت كعضو وكمحبه للمكان وخايفه عليه .... وده إستكمالاً لموضوع كتبته منذ شهور قليلة عن ثقافة التسطيح وتمويع الموضوعات الجاده أو حتى اللي في باب الأبتسام وفجأة تلاقيها إتحولت إلى شيء خزعبلي ما تطلعش منه بحاجه ...

بس خلاص

[النسر المصري]

حلو اوي يابو الاسياد انك فسرت الموضوع والخلط الواضح

اصل الناس فاهمه انه منردش ممنوع الهزار وممنوع الضحك(على راي محمد صبحي في الهمجي)

وهي شعره خفيفه تفرق بين (الهيافة) في الرد او الهزار وبين رد هادف ساخر....

خصوصا ردود (يعطيكج العافيي)..(مشكووووور)...(موضوع ميه ميه) تجيب الشلل بصراحه!!

واعتقد ان س س اكبر مثال يوضح لكم الفرق بين الرد الساخر خفيف الدم ويكون هادف في نفس الوقت...(وده واضح حتى في رده على الموضوع ده)

وبين رد (مشخلع) و (يقرف) وهايف زي الردود اللي بين قوسين الاولانيين دول!!

فخمتوا ياجماحة!!

[MZohairy]

جزء كبير من اسباب احجام المصريون عن الكتابه في الأمور الجاده هو احساسهم بأن حياتهم غير جاده و حقوقهم غير متواجده

و ان الكتابه في هذا الأمر تحصيل حاصل و من باب تقليب المواجع

و ان ما سيقال قد قيل سابقا و سيقال لاحقا مع ثبات الحال

(هذا تفسير و ليس تبرير)

[Advisor]

مرت سنتان تقريبا و أتت ثورة تطالب بتغيير النظام و تغيرت كثيرا من معطيات نظام الدولة ..

ما سيق كان إستهلالا لابد منه

ما لم يشعر كل مجتمع محاورات المصريين بالتقدم الكبير فى المحتوى و المضمون فسنظل ننتظر الثورة هنا.

[بركة]

اللهم لك الحمد على الثورة العظيمة

اما بالنسبة لثورة المحاورات فيلزمها تحرير العقول كما ينادي الفاصل في قناة التحرير

" الشعب يريد تحرير العقول "

اعتقد ان تحرير العقول يلزمه وقت وصبر فالعقول ما هي الا ثمرة عقود مريرة..