مغتربات السعودية اجمع

[moamana]

استاذ ايمن

غربة و على العروسة كل حاجة هنا على العريس

و بعدين الرجالة يقعدوا يتريقوا

و مع اول اكلة تشيط بسبب نوع الاستانلس مش كويس يتخانقوا مع زوجاتهم

الرجالة صحيح صعبين الارضاء

[aimen]

استاذ ايمن

غربة و على العروسة كل حاجة هنا على العريس

و بعدين الرجالة يقعدوا يتريقوا

و مع اول اكلة تشيط بسبب نوع الاستانلس مش كويس يتخانقوا مع زوجاتهم

الرجالة صحيح صعبين الارضاء

مدام مؤمنة

على فكرة انا اشتريت الطقم .....مع انى لسه خاطب ...الواحد لازم ياخد احتياطاته ...

..ماهو مش معقولة سيدات المنتدى كلهم يشكروا فى حاجه مضروبة ؟

يله اهو الواحد يتصور بجواره على ما المدام تبقى تيجى ان شاء الله

وفقنا الله واياكم

[moamana]

شفت طب ما ايه لزوم التريقة بقى

و عشان خاطر جميع من نصحك بالطقم عايزين حضرتك تشارك معانا يعنى مثلا تكتب محل تعتبره مهم لشراء ادوات المنزل

او اين سوق الرياض اللى فى الشمال بالزبط

االلللللللللللخخخخخخخخخخخ

[herohero]

تحياتي لجميع الاخوات ، انا عارف ان انا مغترب مش من مغتربات السعودية بس فكرتوني بسؤال يصلح يكون موضوع فيما بعد

هي فايده الاطقم الاركوبال والبيركس ايه والحلل الستانليس ستيل

يعني انا لاحظت اننا كمصريين مهتمين جدا بيها ويمكن بتتحط بس ف النيش ، الحمد لله ان ف الكويت او السعودية او الامارات محدش بيهتم بالنيش اصل انا عندي عقده منه من مصر

لا بجد نفسي اعرف طقم الاركوبال اللي مش عارف مية وكذا حته فايدته ايه ، لان وانا صغير كانت والدتي كل اجازة وانا ف الكلية راجع لمصر تشيلني طقم وتقولي عشان اخواتك لما يتجوزوا وادي اخواتي اتجوزوا مش شايف الا ان الطقم محطوط ف النيش

يارتى ممكن الاخوات المغتربات تقولي ايه الفرق

يعني انا مش بلحظ فلبينيات او جنسيات تانيه بيقفوا ف ركن الادوات المنزليه زي الاخوات المصريات ياترى ليه ؟؟؟؟؟

وتلاقي البنت هي بتتجوز جايبه يجي 4 برادات كاننا هنفتح قهوة واطباق كتير واطقم كتير ومعالق بالهبل وف الاخر كله ف النيش زاشي مفارش وحاجات غريبة كنت بجيبها واختي بتتجوز وبصراحه مكنتش مقتنع بشئ

فياريت حد يعرفني من الاخوات الفرق ف الاكل ف طبق اركوبال من طبق عادي

انا شايف ان الطبق مالوش دور المهم النفس وشطارة الطاهي

[aimen]

سلو البلد كده يا عم هيرو

حتعترض على كده ولا ايه ؟

انا مليش دعوة ...

[rewsha]

الاركوبال ...

بيستحمل الحراره ...بيدخل الفرن...شكله شيك ....ينفع لتقديم الضيوف في العزومات

يعني عملي عن طقم الصيني بكتييييير

طقم الصيني هوه اللي بيتحط في النيش وبس

[mama nona]

اهلا اخ هيرو

حضرتك هتعرف بقى قيمة الاطقم الكتير المش بنستعملها خالص دى لما تتجوز

هتلاقى عند حضرتك مخزون اطقم حلل واطقم صينى واطقم مفارش لا حصرلها تكفيك اد كده عشرين سنة ادام

وليه بقى كل ده ؟

عشان ده سلو بلدنا

ايوة والله

عندى زواجى تم شراء

طقم حلل المونيوم

طقم حللل ستانلس استيل

طقم حلل تيفال

طقم حلل صاج

اما النيش بقى حدث ولا حرج

ولما سألت والدتى ليه كل ده ؟قالت مينفعش نجيب للصغيرة اقل من الكبيرة وده سلو بلدنا والناس تقول علينا ايه ......

ومن وقت زواجى وانا مغتربة

تفتكر الحلل دى جرى ليها ايه الوقتى مالوحدة

[aimen]

طيب تصدقوا انى شفت النيش ده كمان عند جماعه سوريين

يعنى مش احنا لوحدنا ....

[moamana]

اه يا ماما نونا ضحكتينى

انا و الله عروسة و مكملتش كام شهر الا و جوزى سافر فماستخدمتش ربع اللى بتقولوا عليه لدرجة ان طقم الصينى بتاع النيش ده

طلعته و استخدمته لتحضير الفطار و العشاء لى و لوجى قبل سفره بيومين من غيظى من عدم استخدام مئات الاشياء اللى قعدت انقيها سنين

هيرو سلو البلد فعلا و على فكرة ماما لسه مطلعها طقمها بتاع النيش و محولاة استخدام الان اى بعد زواج دام 30 سنة كل ده كانت بتستخدم فى اغلب اللى جابته

و الله الله يعينا على اسرافنا ده فى اغلب امور حياتنا و عايزين باه تشوفوا مش اسراف لا الاكثر شوفوا الخليجين بيجهزوا ازاى

يعنى العالم العربى اغلبه فعلا مستهلك من الدرجة الاولى

[herohero]

طب الحمد لله يعني مش بتفرق ف طعم الاكل ولاحاجه يعني كلت ف طبق اركوبال فرنسي اصلي من الطقم ابو مش عارف 100 وكم قطعة زي لو كلت ف طبق عادي

اصل بجد كنت بحس ان هنفتح مطعم اشي بيركس واشي مش عارف طقم شاي وحركات حاجات كده بحس انها بتفقد طعم الحاجه يعني هو انا جت ف مزاجي اشرب شاي لازم اعملها فطقم الشاي يعني لازم نظام 5 كلوك تي

انا من ملاحظاتي محدش بيستخدم ده الا ف العزايم غير كده ما شوفتوش سواء عند والدتي ولا اختي ولا نا حتى لما تجوز وللاسف الشديد هضطر اجيبه رغم عدم اقتناعي يعني بقية الشعوب عايشة وزي الفل لكن مجبرا اخاك لا بطل محدش بيقتنع

وبالنسبة للنيش فكل التحية للاخوة مؤيدين النيش لكن يعني هو من غيره ده بياثر ع الحياة الزوجية انا مش عارف لان لما كنا فالكويت طول عمرنا عايشين من غير نيش محدش من افراد العيلة حصله شيئ وف مصر الشقه كان فيها نيش محستش بفرق هل العيب فيا؟؟؟ فياليت حد يقولي

[moamana]

هيرو بالتاكيد الخطا فيك مش فى المصريين و عاداتهم المبذرة :lol:

يا ناس انا سالت كام سوال و محدش جاوب

ماما نونا فين محلات الاجهزة الجديدة التى بها عيوب صناعية بسيطة؟

اين سوق الشمال ده يا قوم؟

الجديد اين محلات كويسة و رخيصة لملابس الاطفال؟و يا ريت لكل حاجتهم؟

[لونا]

الإجابة عن السؤال الأول و التانى ...لا أعلم

الإجابة عن السؤال التالت:

ملابس الأطفال هنا رائعة و أسعارها أرخص من مصر بكتييييير..

ما تجبيش من مصر غير الضروري أوى لغاية ما تنزلى تشترى من هنا

و عندك اختيارات كتير ...الهرم...آخر فرصة... city max...center pointو غيرهم كتير

دة بالاضافة للتوكيلات العالمية و دى موجودة فى كل المولات و لكن في اوقات التخفيضات فقط!!!

على فكرة كل المحلات المذكورة أعلاه منتشرة في أنحاء الرياض......يعني قريب من سكنك حتلاقي فرع من المحلات دي

[mama nona]

هيرو بالتاكيد الخطا فيك مش فى المصريين و عاداتهم المبذرة

يا ناس انا سالت كام سوال و محدش جاوب

ماما نونا فين محلات الاجهزة الجديدة التى بها عيوب صناعية بسيطة؟

اين سوق الشمال ده يا قوم؟

الجديد اين محلات كويسة و رخيصة لملابس الاطفال؟و يا ريت لكل حاجتهم؟

العيوب مش صناعية

العيوب خارجية فقط

عندك شركة ابراهيم شاكر ودى فالبطحاء عند البريد السعودى

فيه جوة الشركة معرض كبير اوى فيه الاجهزة المخفضة

مكيفات -غسالات - بوتاجازات - غسالات اطباق

مبردات مياه

ميكرويف

البوتاجازات ال فيه غاليه يعنى فالمخفض 2000 ريال لانها بوتاجازات على حق

الغسالا ت ال عنده نوع اندست وارستون ايطالى ودى بتفتح من الامام مش من فوق

المكيفات ال جى تبريد بس 1800

ب 1000 ريال جديد مع ضمان سنة

باقى المحلات فى منطقة حراج بن قاسم

فيه محلات الحميضى

وفيه محلات تانية كتير بس مش متذكرة اساميها

بس كلهم فى منطقة الحراج

[moamana]

يا سلام يا سلام اعتقد كده غطينا اغلب النقاط

و بشكر الكل روشه و مامانونا و لونا و يرو و ايمن و الكل

فاضل بقى اهم نقطة حياتك كمصرية مغتربة هناك ازاى؟

حياتك ازاى ؟؟؟؟؟؟؟؟؟؟

ايه اكثر حاجات مضيقاك فى السعودية غير الغربة و البعد عن الاهل؟؟؟؟؟؟؟؟؟؟؟؟؟؟؟؟؟

ايه اكثر الحاجات اللى عجباك؟؟؟؟؟؟؟؟؟؟؟؟؟؟؟

عندك تحذيرات او نصايح معينة لى "ساعيش فى الرياض فى العقيق"؟؟؟؟؟؟؟؟؟؟؟؟؟؟؟؟؟؟؟؟

بتعملى اى حاجة غير الخروج للمولات و الاعتناء بالبيت اى نشاط دينى او خيرى او اجتماعى؟؟؟؟؟؟؟

عندك نصيحة للتعامل مع السعوديات و الجنسيات الاخرى هناك؟؟؟؟؟؟؟؟؟؟؟؟

[omeyad alex]

الاخوات الكريمات

حياكم الله ارجو انكم تقبلونى كعضوة جديدة فى سماء الغربة

أختكم أم إياد

[doudy]

الاخوات الكريمات

حياكم الله ارجو انكم تقبلونى كعضوة جديدة فى سماء الغربة

أختكم أم إياد

اهلا و سهلا يا ام اياد

حضرتك زوجة ابو اياد الكس صح

ااعتقد انتم من اسكندرية

انا كمان من اسكندرية اهلا بيكى بين اخواتك و المنتدى نور

[omeyad alex]

انا سأكون بأمر الله مغتربة جديدة بالدمام وارجو سعة الصدر لى فى الاجابة على اسألتى الكتيرة وهى كالتالى

1.أخبار العيشة بالدمام إيه خنقه ولا كويسة ؟

2.بالنسبة لأسرة مكونة من زوجين + 3 أطفال سنهم ( 3.5 سنين + 3 شهور توأم ) كام فى المتوسط ؟؟

3.بالنسبة للتعليم كمدارس الاحسن الأهلية ولا الانترناشيونال وتكلفتها كام وكمان هل فيه حضانات لرعاية الاطفال اقل من سنة كعمر ؟؟؟

4.بالنسبة لينا كسيدات طبيعة الاعمال المتوفرة لخريجة تجارة إيه ومتوسط الراتب كام ؟؟؟؟

5.وعشان افرش شقة متوسط المبلغ المطلوب كام ؟؟؟؟؟

ولكم منى جزيل الشكر

أختكم أم إياد

[omeyad alex]

الاخوات الكريمات

حياكم الله ارجو انكم تقبلونى كعضوة جديدة فى سماء الغربة

أختكم أم إياد

اهلا و سهلا يا ام اياد

حضرتك زوجة ابو اياد الكس صح

ااعتقد انتم من اسكندرية

انا كمان من اسكندرية اهلا بيكى بين اخواتك و المنتدى نور

انا بشكرك يا دودى على الاستقبال ده وكويسة لقيت حد من الاسكندرية معايا والمنتدى منور بأهله

[عبير يونس]

يا سلام يا سلام اعتقد كده غطينا اغلب النقاط :happy:

و بشكر الكل روشه و مامانونا و لونا و يرو و ايمن و الكل

فاضل بقى اهم نقطة حياتك كمصرية مغتربة هناك ازاى؟

حياتك ازاى ؟؟؟؟؟؟؟؟؟؟

ايه اكثر حاجات مضيقاك فى السعودية غير الغربة و البعد عن الاهل؟؟؟؟؟؟؟؟؟؟؟؟؟؟؟؟؟

ايه اكثر الحاجات اللى عجباك؟؟؟؟؟؟؟؟؟؟؟؟؟؟؟

عندك تحذيرات او نصايح معينة لى "ساعيش فى الرياض فى العقيق"؟؟؟؟؟؟؟؟؟؟؟؟؟؟؟؟؟؟؟؟

بتعملى اى حاجة غير الخروج للمولات و الاعتناء بالبيت اى نشاط دينى او خيرى او اجتماعى؟؟؟؟؟؟؟

عندك نصيحة للتعامل مع السعوديات و الجنسيات الاخرى هناك؟؟؟؟؟؟؟؟؟؟؟؟

أهلا يا قمر

بقى لي فترة مادخلتش الموضوع سامحيني

شوفي يا ستي حياتي ازاي في السعودية

يعني تشبه أغلب المصريات اللي عايشين هنا

و انا في فترة إقامتي هنا كنت أعمل

و فترات تانية قاعدة في البيت

هو وجود الأطفال اللي بيخللي الواحد يفكر في الخروج و التنزه

عن نفسي انا بيتوتية جدا

و مباحبش الخروج كتير

يعني باحس ان البيت فيه حاجات كتير تتعمل و ممكن تسلي الواحدة مننا

ده كفاية النت لوحده

متنفس كبير جدا

و خصوصا في المحاورات الرائعة دي

الواحد بيحس انه بين أهله بجد

هو طبعا مكة أو المنطقة الغربية عموما لها طابع مختلف عن الرياض

أنا عشت في الرياض زمان اوي و انا في ابتدائي مع الوالد و الوالدة الله يرحمهم

كل اللي فاكراه ان كانت متعتنا الأسواق في شارع الوزير و التميري

و حديقة الملز

و ده بيبقى بعد عصر الأربعاء و الخميس

طبعا الجمعة في البيت

في مكة الموضوع مختلف

في طبعا الحرم و القعاد في ساحة الكعبة المشرفة بعد صلاة العشاء إلى ما شاء الله

فالحرم طبعا ما بيقفلش عشان الطواف 24 ساعة

غير الحرم النبوي اللي بيقفل بعد العشاء

طبعا في حدائق بس يعني محودة شوية

و المولات والأسواق

طبعا في دور تحفيظ القرآن الكريم

و دي منتشرة جدا في جميع أنحاء المملكة

و هي فرصة عظيمة للتعارف

بالنسبة للأنشطة الخيرية

بصراحة معنديش أي فرصة أشترك فيها

لأني شريرة طبعا

ههههههههههههه

لأ بجد

لأن ولادي بيعوقوا الموضوع ده

ما ينفعش أسيبهم

و كمان مقدرش آخدهم

ده حتى الزيارات بالنسبة لي محدودة عشان نفس السبب

عشان كده بالأقي متعتي انا وولادي في البيت

مع إني نفسي ولادي ينطلقوا خصوصا الصبيان

لكن ما باليد حيلة

يمكن يكون في أندية رياضية واجتماعية في الرياض حاليا

معرفش

الأخوات في الرياض يدلوا حضرتك

شوفي حضرتك

بالنسبة للتعامل مع أي حد في الدنيا أي كانت جنسيته

بأشوف أنه لازم يكون بحدود و بشكل متوازن

لا إفراط و لا تفريط

يعني ما تنعزليش بالمرة

و كمان ما تختلطيش زيادة عن اللزوم

بأرفض حكاية المعاملة على حسب الجنسية دي

أو زي عندنا في مصر حسب بلدياتك و الكلام ده

كل بلد و فيها الكويس و الوحش

عن نفسي عندي صحاب من كل الجنسيات

ملتي ناشيوناليتي

:D

تعاملي مع أي شخصية بخلق حسن و حذر في نفس الوقت

بمبدأ حرص من صاحبك و لا تخونه

و نصيحة غالية

ما تتعشميش في حد إلا ربنا وحده

عشان متتصدميش في حد

و حطي لنفسك حدود معينة لا تتخطيها

يعني عن نفسي مثلا

باشوف الجيران ياخدوا القهوة عند بعض الصبح

و يقعدوا يطبخوا مع بعض كل يوم

والكلام ده

و تحسي البيت بابه مبيتقفلش

انا عمري في حياتي ما عملت كده

يعني في مناسبة نزور و نبارك أو لا قدر الله نعزي

كده

مش عمال على بطال

لأن ده بيعمل مشاكل كتير جدا

أولها زوج حضرتك

لأن أي راجل مبيحبش كده

و لو فتحتي الموضوع ع البحري

مش حتعرفي تتخلصي منه بسهولة

طبعا ده بيبقى راجع لطبيعة البيت و نظامه و نظام زوج حضرتك

وكمان طبيعة عمله و مواعيده

لأن الرجالة في السعودية مش زي مصر ممكن يروحوا و ييجوا و يخرجوا مع صحابهم

معظم الرجال في الغربة بشكل عام من الشغل للبيت

تعاملي مع الناس حسب نظام بيتك

و عرفيهم كده من البداية

حترتاحي

المصريين عشريين زيادة

و بيفتحوا قلوبهم بسرعة للناس

خفي شوية من المواضيع دي لحد ما تلاقي اللي يستاهلوا

و زي ما قلتلك الأخلاق الطيبة في التعامل مع الحيطة و الحذر هي أنسب طريقة للتعامل مع كل الناس

ربنا يوفقك يارب

md2:

[moamana]

و الله طمنتينى يا مصرية لان والدتى قاعدة تخوفنى بحكاوى لا حصر لها عن السعودية و الاختلاط بالسعوديات و الجنسيات الاخرى .........الخ

و للاسف احدى صديقاتها عاشت فى السعودية فترة مشاركاها كل الاراء ديه

لما حسسونى انى راحة لسجن