doudy بتاريخ: 27 سبتمبر 2009 تقديم بلاغ مشاركة بتاريخ: 27 سبتمبر 2009 موضوع جميل يا سين سين هحكى تجربتى مع الهم يا جمل بودى ابنى البكرى كان برضه بيجننى فى الاكل و ما كانش بياكل غير ماكدونالدز و كنتاكى اما الاكل فى البيت يقتصر ع البطاطس المحمرة و شوربة لسان العصفور و الصبح كورن فليكس باللبن اما الموضوع اتحسن شوية فى كنزى و عمر الحمد لله بياكلوا كل حاجة اما بودى لسة لغاية دلوقتى فيه حاجات كتيير مش بياكلها :lol: انا لاحظت ان الموضوع بتاع الاكل دة طبيعة فى الطفل ان فيه طفل بياكل كويس و طفل لا دة تبعا لتجربتى مع الفرسان التلاتة اللى عندى رابط هذا التعليق شارك المزيد من خيارات المشاركة
بنت الشاطئ1 بتاريخ: 28 سبتمبر 2009 تقديم بلاغ مشاركة بتاريخ: 28 سبتمبر 2009 انا اللى لاحظته ان الطفل الاول هو اللى بيكون اقل واحد فى اكله اولا لأنه بيكون لوحده ماحدش معاه يتسابق على الاكل .. واللى هياكل اكتر هو اللى هياخد كذا وكذا والكلام ده يعنى وكمان الام بتكون لسه مش خبرة فى موضوع التغذية يعنى مش بتعرف تجد افكار وحيل للصغير ليأكل اما بعد كدا لما بيكون فى طفل ثانى ممكن ساعتها الطفل الاول يأكل ويتحسن لأنه مع اخوه خصوصا لما يكون اخوه فى سن ستة اشهر وفى السن ده طبعا الطفل بيلتهم كل ما يقدم له لأنه بيكون الاكل فى الخلاط واللحمة ايضا .. لكن تجدى ان قلة الاكل والغلبة بتاعته بتظل ملازمة للطفل الاول ..ممكن تجدى تحسن لكن الاغلبية لما هيكون لوحده مش هياكل رابط هذا التعليق شارك المزيد من خيارات المشاركة
النسر المصري بتاريخ: 28 سبتمبر 2009 تقديم بلاغ مشاركة بتاريخ: 28 سبتمبر 2009 طب ياجماعة بنتي فيروز هانم المفعوصة اللي عمرها تسع شهور لسه ولسه مابدأتش تحبي اساسا مش عاوز تاكل قائمه طويله من الطعام زي البيض... والخضار بشتى انواعه والفراخ واللحمه والسمك والفواكه بجمييييييييع انواعها وعايشه عالجبنه النستو والتوست ...ومابترضاش حد يأكلهولها...هي تمسك التوست بالجبنه وتقعد تقرقض فيه ساعه ساعتين مش مهم!!!!!!!!!!! بجانب علبة زبادي بالفواكه(زبادي المراعي بالفواكه) طقه واحده في اليومبنقعد نجري وراها طول اليوم عشان تكمل العلبه الصغيره دي !!!!! انا مرعوب ودماغي مش فيا وخايف عالبنت موت .....لانها ضعيفه ومش بتاكل والنمو هيتاخر عندها جدا كده....واللي في عمرها قدها مرتين ونص واكتر في الحجم!!!! اخويا وصفلي اني الخبط الطعام...يعني اعملها البيض المسلوق بالسيريلاك....فماتحسش بطعمه...لكن العفريته بتعرفه ازاي مش عارف!!....ولو اجبرتها عليها تقعد ترفص وتضرب وشها وتمسك بقها وتقفله عشان ماكلهاش.....ولو فحت بقها بالقوه ودفست المعلقه فيها تروح حاطه ايدها في بقها ورمياه ف وشي عدل!!!...بنت غريبه بجد....ماشفتش كده ولا هشوف!! المذهل ببقى انها بتزعقلي وبتقولي (ايييييييه؟!!!!).....ناقص تلطشني قلمين وتقولي احترم نفسك بقى وخلي عندك دم!!!!!!! اخويا التاني نصحني باني اديها فيتمانات وكالسيوم للاطفال عشان تعوض.....بس انا خايف تفضل كده لغاية لما تبقى زي بنت اخويا....عمرها ربع سنين وهي هي لسه بنفس الحجم وبنفس مقاسات والابعاد........بسحاجتين اللي بيكبروا عندها...لسانها والعند....وياويلك وياسواد ليلك لو نكشتها....هتعضك عضه ولا عضة زينات صدقي في (......) اسماعيل يس!!!!! المهم نهايته....ادوني حل سريع!!!!! اعمل ايه !!! يارب الرحمه..!! رابط هذا التعليق شارك المزيد من خيارات المشاركة
بنت الشاطئ1 بتاريخ: 28 سبتمبر 2009 تقديم بلاغ مشاركة بتاريخ: 28 سبتمبر 2009 طيب انا هقولك تعمل ايه لانى مريت بالظروف ديه اولا وقت الوجبة بتاعتها اخرها بس ساعة ..ايه رايك فى الرد الدبلوماسى ده انا مش هقولك جوعها اهه خد الوجبة اللى انت عايز تأكلهالها بس مش لازم تأكل كل الطبق لو معلقتين تلاتة فى الاول كفاية لان فى السن ده بيكون الطفل متعود على طعم معين مش سهل تغيره وقت انت ما تحب ويكون مكان اطعامها هذه الوجبة فى الهواء الطلق يعنى فى البلكونة وانت شايلها او فى جنينة طب والله انا فاكرة ان بنتى وهى عمرها سنة كنت بخرج مخصوص للجنينة اللى تحت بيتنا عشان اكلها كباية الزبادى وذلك كل يوم حاول تأكلها من الاكل بتاعكو هيعجبها بس اعمل حسابك انها بعد اسبوع مش هتحب السيريلاك يعنى لازم بعد كدا اكلكوا يكون رز وخضار بالصوص او صلصصة الطماطم عشان فيروز هانم ..جرب كدا وقولى على النتيجة رابط هذا التعليق شارك المزيد من خيارات المشاركة
mama nona بتاريخ: 28 سبتمبر 2009 تقديم بلاغ مشاركة بتاريخ: 28 سبتمبر 2009 اهلا بالنسر المصرى هو حضرتك عاوز 9 شهورتاكل ايه يعنى هو يدوب حاجات بسيطة كده لان معدتها يدوب تاخد معلقتين او تلاتة بالكتير انا ابنى 9 شهور ايضا بتبع معاه الآتى زبادى سواء بالفواكه او سادة او بالعسل الابيض على اد ما يقد ياخد حتى لو معلقة كل نص او ربع ساعة الخضار سواء بسلة بطاطس سبانخ كوسة بهرسها بالخلاط وبكميات قليلة بالنسبة للارز بديه مية الرز بمعنى انه تسلق نص كوباية رز مثلا وتزود مياه السلق الرز لما بيستوى اوى بيخلىمية السلق دى لزجة شوية وبحط عليها سكر علشان الطعم اللحم والفراخ بهرسهم بالخلاط فشوية شوربة علشان تبقى سهلة تفاحة مسلوقه موز مهروس فيه بقى الكاستر والمهلبية والكريم كراميل مفيش مانع تدى كالسيوم خارجى لان الاطفال هنا محبوسة دايما ومتتعرضش للشمس كتير المهم متغصبش البنت عالاكل اما بالنسبة للجبنة النستو دى كلها دهون بلاش منها المهم الاكل يكون فصورة شبه سايلة وكميت قليلة طيب انا بقى اعمل فابنى ال عاوز دايما حليب بالفراوله او بالشيكولاته ؟؟؟؟ رابط هذا التعليق شارك المزيد من خيارات المشاركة
النسر المصري بتاريخ: 28 سبتمبر 2009 تقديم بلاغ مشاركة بتاريخ: 28 سبتمبر 2009 ايه ده ياجماعه!!! ييعني البيض واللحمه والفراخ والخضار مش مهم اوي للعمر ده!!! طب حكاية الخروج والجنينه والشباك وهاعملها وسهله دي......بس التنويع في الاكل انا قريت انه مهم جدا عشان الكالسيوم والحديد وخصوصا في الشهر التاسع لغاية السنه...!!! وهل فعلا الحليب بالشيكولاته او الفرواله (اللي المفروض فيه مواد حافظه)..عادي بياخده الطفل!!! وبعدين هعمل ايه يا ماما منى لما مادهاش كمان جبنه نستو...اذا كانت لايمكن تضحك عليها سواء ضربت الخضار واللحمه في خلاط ولا ف عرية اسمنت حتى....دي مجرمه بتعرف كل الخدع اللي بنعملها فيها!!!! طب لو قلت على قد البيض حتى يبقى ماشي....بس مش بيض كمان لا!!! وبعدين ايه نواع الجبن للي ممكن ادهالها....لان هي مابتاخدش غير كوباية حليب واحده بس في اليوم.....ولما تتنط طنيط لايمكن تاخد غيرها!! يارب الرحمه..!! رابط هذا التعليق شارك المزيد من خيارات المشاركة
se_ Elsyed بتاريخ: 28 سبتمبر 2009 كاتب الموضوع تقديم بلاغ مشاركة بتاريخ: 28 سبتمبر 2009 أكتر مآساة أكل شوفتها محمد إبن أخويا عنده 13 سنة وولد .. بجد والله العظيم فلته من فلتات كرة القدم ... ومهاجم فظيععععععععع لا حد يقول لي ليونيل ميسي بتاع برشلونه ... ولا أبو أشرف بتاع الكبدة حتى لكنه شخصية زبالة في الأكل والولد ضعيف جداً واللي يشوفه فعلاً يديله بالكتير قوي 6 سنين هههههههههههههههه هاضحككم في العمارة اللي قدامنا واحد صاحبه ماشي معاه سنه بسنه الولد ما شاء الله عليه بجد ... يفصل منه 4 وبقى طولي تقريباً وطول بعرض وصاحبنا المسلوع الهفتان لسه بيلبس مقاسات 7 سنين وكل ما يروح نادي يُعجبوا بمهاراته ونفسهم يتعاقدوا معاه .. لكن جسمه ضعيف وما يستحملش زقه الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
mama nona بتاريخ: 28 سبتمبر 2009 تقديم بلاغ مشاركة بتاريخ: 28 سبتمبر 2009 ايه ده ياجماعه!!!ييعني البيض واللحمه والفراخ والخضار مش مهم اوي للعمر ده!!! طب حكاية الخروج والجنينه والشباك وهاعملها وسهله دي......بس التنويع في الاكل انا قريت انه مهم جدا عشان الكالسيوم والحديد وخصوصا في الشهر التاسع لغاية السنه...!!! وهل فعلا الحليب بالشيكولاته او الفرواله (اللي المفروض فيه مواد حافظه)..عادي بياخده الطفل!!! وبعدين هعمل ايه يا ماما منى لما مادهاش كمان جبنه نستو...اذا كانت لايمكن تضحك عليها سواء ضربت الخضار واللحمه في خلاط ولا ف عرية اسمنت حتى....دي مجرمه بتعرف كل الخدع اللي بنعملها فيها!!!! طب لو قلت على قد البيض حتى يبقى ماشي....بس مش بيض كمان لا!!! وبعدين ايه نواع الجبن للي ممكن ادهالها....لان هي مابتاخدش غير كوباية حليب واحده بس في اليوم.....ولما تتنط طنيط لايمكن تاخد غيرها!! انت اكيد بتتكلم عن 9 سنين مش 9 شهور ما شاء الله ربنا يخليهالك انا مقلتش البيض والخضار واللحمة والفراخ لأ انا قلت ادى بس بكميات قليلة متضغطش عليها هى هتجرب كل طعم جديد وهترفض شىء وتقبل شىء وبعدين ادى تفاح مسلوق ومهروس اهه ده حديد وبعدين هى مش المفروض انها لسه بترضع برده ولا ايه ؟ وكمان انا بقول شوفولى حل لابنى ال بيبهدل الدنيا عياط عاوز حليب شيكولاتة وفراولة :مش انك تدى حليب فراولة :lol: ما تركز معايا بقى رابط هذا التعليق شارك المزيد من خيارات المشاركة
mama nona بتاريخ: 28 سبتمبر 2009 تقديم بلاغ مشاركة بتاريخ: 28 سبتمبر 2009 الاخ النسر المصرى مش لازم تاخد حليب بصورة واضحة ما الحليب ده زبادى وكريم كراميل وكاستر ومهلبية ورز بلبن وممكن عالشوفان وممكن الشعيرية بتاع الباكستانين الرفيعة اوى دى على شوية حليب تبقى تمام رابط هذا التعليق شارك المزيد من خيارات المشاركة
النسر المصري بتاريخ: 28 سبتمبر 2009 تقديم بلاغ مشاركة بتاريخ: 28 سبتمبر 2009 فكرتني يا س س بابن خالتي اللي مسمينه (برازيلي) الواد بيلعب مع فريق ثمنتاشر سنه ف نادي الشمس وفعلا صاروخ وفلته من فلتات العصر لانه فعلا برازيلي لكن للاسف شكله مايديش اكتر من اتناشر سنه..... هو اقصر واحد...وانحف واحد..... ف النادي كله يمكن مش بس في فرقته...ورم ذلك بيعمدوا عليه في قلب النتائج.....يعني المدرب بينزله آخر نص ربع ساعه...عشان يجيب جونين ويعمل زيهم جونين....ويخلص الماتش لصالحه غالبا زي ماكان بيعمل وليد صلاح الدين في ايامه لكن بما انه ضعيف وعامل زي البرص.......فلا اهلي ولا زمالك ولا انبي راضي ينعاقد معاه بسبب ضعفه الشديد.......!!! ماما نونه العزيزه (مش عارف ازاي كتبتها منى...ماحلينا)... طب كويس اني لحقت نفسي لاني لسه كنت هارفع السماعه على مراتي واقولها شربيها حليب بالشيكولاته والفرواله والموز والبطيخ حتى...!! خوفي بس من موضوع الكميات القليله جدا دي (معلقه ومعلقتين طول اليوم)...وفوق كده المزاجيه اللي تخليها تاكل فقط اللي يعجبها (ده اذا افترضنا ان في حاجة بتعجبها اساسا)..... ولذلك هسال سؤال تاني عشان ماتتكرش حكاية الدلع بتاعت التنقايه والاكل اللي على المزاج بتاعت اولاد سين سي وبعض حضراتكم السؤال هو امتى ابدأ اخاف وأقلق من قلة الطعام وتنويعه التي يأكلها الطفل؟!....يعني لما يبلغ العمر كام ابدا اقلق واخاف وابدا اجري وراء عمليه الاصلاح؟!! يارب الرحمه..!! رابط هذا التعليق شارك المزيد من خيارات المشاركة
om marawan بتاريخ: 28 سبتمبر 2009 تقديم بلاغ مشاركة بتاريخ: 28 سبتمبر 2009 (معدل) نحن نختلف عن الاخرين خالص لازم اقعد انا معاهم فى الليفنج اقعد ااكل قبل ما حنا ناكول انا وباباهم عشان احس انهم اكلوا تمام كده حضرتك قلتى مربط الفرس "عشان تحسى انهم أكلوا " الحقيقة قلقنا دايما الواضح ليهم هو اللى بيخليهم يعاندوا شوية عندى صديقة تقولى لو مش انا اللى ماسكة المعلقة بايدى احس انهم ما اكلوش وده قلق امهات طبيعى طبعا بس صدقينى كل شىء بالتعود وبالتدريج ممكن يجيب نتيجة لو هم مش بياكلوا معاكم عادى خليهم يلعبوا شوية ويتنططوا ويسلام لو يساعدوكى فى اى حاجة فى المطبخ لااازم هيجوعوا وخليهم ياكلوا فى الليفنج عادى بس لوحدهم يعنى ابتدى بالتدريج حضرتك حطيلهم طبق فيه حاجات سهل يمسكوها بايديهم واعملى نفسك هتعملى حاجة تقوليلهم مثلا على ماتخلصوا البطاطس اجيبلكم بانيه او كفتة حاجة سهلة تتمسك قوليلهم هنعمل حفلة اكل وكل واحدة تاخد طبق منوع كده يعنى على فكرة انا كمان بحب القريش جدااا :sad: ما شاء الله يا أم مروان إنتوا وصلتوا لأبو بلاسى :lol: .. عاشت أبو كبير حرة مستقلة :lol: .. فى واحد كمان اسمه الحاج عطية أنصحكم تجربوه :closedeyes: والله يا فندم احنا لسه ماوصلناش لحد دلوقتى ده بس ع السمعة بس يمكن الاجازة الجاية بقا نروح وهاعدى على الحاج عطية واسلملك عليه يااااااااه فكرتنى والله ده ابو مروان واعدنى من زمان ببتاع الكفتة اللى فى ابو كبير ايون ابو بلاسى افتكرت ابو كبير تنور يافندم طبعاً احلى واحد تاكلى عنده مشوى هو ابو بلاسى ممنوع على الكوابريه "" اهل ابوكبير يعنى "" انهم ياكلوا مشوى بره بلادهم اللى هو ابوكبير الا لظروف خاصه انا لما جيت اسافر رحت اخدت الاذن الاول ولو ليكم فى الرمرمه والحاجات دى فيه مطعم اسمه الاحرازى بيعمل اشطيطه حاجه فى منتهى الروعه ابو كبير منورة باهلها :wub: احنا بصراحة مالناش فى الرمرمة جامد يعنى خصوصا ان شطيطة دى شكلها حامى وعامل السن ماعدش بيساعد الواحد ياكل حامى عشان القرحة وكده حاول تأكلها من الاكل بتاعكو هيعجبها بس اعمل حسابك انها بعد اسبوع مش هتحب السيريلاك يعنى لازم بعد كدا اكلكوا يكون رز وخضار بالصوص او صلصصة الطماطم عشان فيروز هانم ..جرب كدا وقولى على النتيجة صح والله دى مشكلة انا بنتى الصغيرة غضبت خلاص على السيريلاك بكل انواعه بس باحطلها بقا اللى انا عاوزاه مع الزبادى يعنى زى صفار البيض حتى او الفاكهة لكن الخضار باعملها على جنب نفس اكلنا بس خفيف طبعا بدون اضافات مع رز او مكرونة مهروسة شوية تم تعديل 28 سبتمبر 2009 بواسطة om marawan يا بخت من يقدر يقول واللي ف ضميره يطلَّعه يا بخت من يقدر يفضفض بالكلام وكل واحد يسمعه يقف في وسط الناس ويصرخ : آه يا ناس ولا ملام ييجى الطبيب يحكي له ع اللي بيوجعه يكشف مكان الجرح ويحط الدوا ولو انكوى يقدر ينوح وأنا اللي مليان بالجروح ما اقدرش أقول ما اقدرش أبوح والسهم يسكن صدري ماقدرش أنزعه صلاح جاهين رابط هذا التعليق شارك المزيد من خيارات المشاركة
om marawan بتاريخ: 28 سبتمبر 2009 تقديم بلاغ مشاركة بتاريخ: 28 سبتمبر 2009 (معدل) اهلا بالنسر المصرى انا ابنى 9 شهور ايضا بتبع معاه الآتى زبادى سواء بالفواكه او سادة او بالعسل الابيض على اد ما يقد ياخد حتى لو معلقة كل نص او ربع ساعة الخضار سواء بسلة بطاطس سبانخ كوسة بهرسها بالخلاط وبكميات قليلة بالنسبة للارز بديه مية الرز بمعنى انه تسلق نص كوباية رز مثلا وتزود مياه السلق الرز لما بيستوى اوى بيخلىمية السلق دى لزجة شوية وبحط عليها سكر علشان الطعم اللحم والفراخ بهرسهم بالخلاط فشوية شوربة علشان تبقى سهلة تفاحة مسلوقه موز مهروس فيه بقى الكاستر والمهلبية والكريم كراميل مفيش مانع تدى كالسيوم خارجى لان الاطفال هنا محبوسة دايما ومتتعرضش للشمس كتير المهم متغصبش البنت عالاكل نصائح فى الجووووووون بجد وخصوصا انك متغصبش عليها ابدا فى اى نوع هاحكيلك حاجة ليا واحدة صاحبتى ابنها فظيع ممكن يقعد طول اليوم على معلقة اكل واحدة ناس قالولها اكليه بالعافية تخيل النتيجة كانت لما يشوف مامته جايبة الطبق بالمعلقة لازم يرجع :closedeyes: والموضوع ماتحلش غير لما قعدت مع اختها فى الاجازة عشان خالته تاكله ونسى موضوع الغصب ده هاعلق بس ياماما نونا على حاجة معلش بلاش عسل او لبن طبيعى ( لو حضرتك تقصدى نيدو او بقرى ) غير بعد سنة لانه مش مناسبين ابدا لمعدة الطفل قبل مايتم سنة ايه ده ياجماعه!!!ييعني البيض واللحمه والفراخ والخضار مش مهم اوي للعمر ده!!! وبعدين هعمل ايه يا ماما منى لما مادهاش كمان جبنه نستو...اذا كانت لايمكن تضحك عليها سواء ضربت الخضار واللحمه في خلاط ولا ف عرية اسمنت حتى....دي مجرمه بتعرف كل الخدع اللي بنعملها فيها!!!! كل ده مهم طبعا بس بالتدريج وكل كام يوم صنف والخضار تعلمها شوربة خضار وتديها نوع نوع يعنى تهرس كوسة مثلا وتخليها تدوق وطبعا تكون نص جعانة الطبيعى ان الطفل اول مابيدوق الحاجة غالبا مابتعجبوش بس بعد شوية بيتقبلها بس بلاش الخضار كله على بعضه نوع نوع زى ماقلت لحضرتك والهدف هنا تنويع المذاقات مش اكتر الفراخ يادوب فتفوتة مهروسة مع مكرونة مثلا مهروسة خفيف بس انا بجد ضحكت جدااااا على موضوع بتعرف كل الخدع ماشاء الله عليها ربنا يحرسها يارب خوفي بس من موضوع الكميات القليله جدا دي (معلقه ومعلقتين طول اليوم)...وفوق كده المزاجيه اللي تخليها تاكل فقط اللي يعجبها (ده اذا افترضنا ان في حاجة بتعجبها اساسا).....ولذلك هسال سؤال تاني عشان ماتتكرش حكاية الدلع بتاعت التنقايه والاكل اللي على المزاج بتاعت اولاد سين سي وبعض حضراتكم السؤال هو امتى ابدأ اخاف وأقلق من قلة الطعام وتنويعه التي يأكلها الطفل؟!....يعني لما يبلغ العمر كام ابدا اقلق واخاف وابدا اجري وراء عمليه الاصلاح؟!! اسمحلى اقول لحضرتك حاول ماتقلقش خالص ليه بقاااا ؟؟ لان الخوف ده بينتقل للطفل ويخليه يتمادى فى موضوع الاكل تخيل ابنى ساعات يقول على حاجات مش حلوة من غير مايدوقها اصلا هو عنده خمس سنين فانا باعمل ايه بانسى الاكلة دى شوية واجى بعد شهرين اعملها واقوله دى بتاعتى انا وبابا بس بهزار طبعا وطبعا نقعد نهزر ونحكى فى جمال الاكلة فييجى يقول ممكن ادوق اقول له لاااا طب بص مرة واحدة بس عشان مايخلصش وكده يقعد يضحك وياكل كتير مع انه والله ساعات فعلا ماتكونش الاكلة عاجباه طبعا انا قصدى ايه انه نبعد عن القلق على قد مانقدر ونسيب الامور تيجى بالتدريج وبالهزار ومبدئيا طول ما الطفل within range يعنى معدل النمو طبيعى حتى لو قليل يبقا خير الحمد لله تمام بالنسبة لفيروز باشا لو بترضع طبيعى اطمئن جدا على الفوايد اللى بتاخدها مهمة الاكل هنا هو مع الكميات الصغيرة دى هو تنويع المذاقات وطبعا تدريج خشونة الاكل من سائل لصلب بالتدريج عشان التعويد على البلع وافكر حضرتك تانى ان الحليب بتاع الكبار مش مستحب للاطفال لحد سن سنة وممكن مكانه زبادى و زبادى على صفار بيضة يبقا حلو اوى تم تعديل 28 سبتمبر 2009 بواسطة om marawan يا بخت من يقدر يقول واللي ف ضميره يطلَّعه يا بخت من يقدر يفضفض بالكلام وكل واحد يسمعه يقف في وسط الناس ويصرخ : آه يا ناس ولا ملام ييجى الطبيب يحكي له ع اللي بيوجعه يكشف مكان الجرح ويحط الدوا ولو انكوى يقدر ينوح وأنا اللي مليان بالجروح ما اقدرش أقول ما اقدرش أبوح والسهم يسكن صدري ماقدرش أنزعه صلاح جاهين رابط هذا التعليق شارك المزيد من خيارات المشاركة
HanaaOsama بتاريخ: 19 أكتوبر 2009 تقديم بلاغ مشاركة بتاريخ: 19 أكتوبر 2009 (معدل) السلام عليكم هذه اول مشاركة لي و كنت ابحث في الانترنت عن هذا الموضوع لان ابنتي مشكله كبيره هي عندها الان 3 سنوات لا تاكل مطلقا الاتي : اللحم و الدجاج و السمك و صفار البيض بجميع انواعهم و كلمه مطلقا بمعني كلمه مطلقا يعني لو استخبوا في اي شيئ تعرفه و لو فتفوته و اشعر بالذنب لاني كان مفروض اضغط عليها و هي اصغر سنا و كنت و هي في سن الضرب في الخلاط لا تاكل ايضا و لم اكرر التجربه و اقول بكره تكبر و تاكل و لكن للاسف كل ما تكبر تفهم اكتر و ترفض اكتر و جربت جميع الطرق التحفيذ و الاكل مع اقارب في سنها و التجوع و عندما تجوع و اخفي عنها كل شئ تاكل العيش حاف و جربت ايضا الحرمان من الحروج عند " تاتا " مثلا او من شرب عصير او حاجة ساقعه و مره جربت الاكل بالعافيه رجعت في النهايه فشلت و من عده ايام قرات هنا طريقة التجاهل و بالفعل اعد الاكل و اكل انا امامها و لم اقل لها تاكل عادي برضة راحت تجيب خياره لدرجة انها عندما لا تجد مثلا جبنه او شئ تاكله بالعيش مرة و الله قطعت الخيارة و غمستها بالعيش و بالمناسبة هي ايضا لا تاكل الفول ولا البقوليات و الخطار المطبوخ يعني في الاحر هي تاكل فقط منتجات الالبان و الفواكه و من اكل الغذاء الرز ساده و المكرونه ساده و الشوربه فقط لا غير و انا بصراحه مش عارفة اعمل ايه تم تعديل 19 أكتوبر 2009 بواسطة HanaaOsama بسم الله الرحمن الرحيم " و من اعرض عن ذكري فإن له معيشة ضنكا " صدق الله العظيم رابط هذا التعليق شارك المزيد من خيارات المشاركة
om marawan بتاريخ: 19 أكتوبر 2009 تقديم بلاغ مشاركة بتاريخ: 19 أكتوبر 2009 السلام عليكم هذه اول مشاركة لي و كنت ابحث في الانترنت عن هذا الموضوع لان ابنتي مشكله كبيره هي عندها الان 3 سنوات لا تاكل مطلقا الاتي : اللحم و الدجاج و السمك و صفار البيض بجميع انواعهم و كلمه مطلقا بمعني كلمه مطلقا يعني لو استخبوا في اي شيئ تعرفه و لو فتفوته و اشعر بالذنب لاني كان مفروض اضغط عليها و هي اصغر سنا و كنت و هي في سن الضرب في الخلاط لا تاكل ايضا و لم اكرر التجربه و اقول بكره تكبر و تاكل و لكن للاسف كل ما تكبر تفهم اكتر و ترفض اكتر و جربت جميع الطرق التحفيذ و الاكل مع اقارب في سنها و التجوع و عندما تجوع و اخفي عنها كل شئ تاكل العيش حاف و جربت ايضا الحرمان من الحروج عند " تاتا " مثلا او من شرب عصير او حاجة ساقعه و مره جربت الاكل بالعافيه رجعت في النهايه فشلت و من عده ايام قرات هنا طريقة التجاهل و بالفعل اعد الاكل و اكل انا امامها و لم اقل لها تاكل عادي برضة راحت تجيب خياره لدرجة انها عندما لا تجد مثلا جبنه او شئ تاكله بالعيش مرة و الله قطعت الخيارة و غمستها بالعيش و بالمناسبة هي ايضا لا تاكل الفول ولا البقوليات و الخطار المطبوخ يعني في الاحر هي تاكل فقط منتجات الالبان و الفواكه و من اكل الغذاء الرز ساده و المكرونه ساده و الشوربه فقط لا غير و انا بصراحه مش عارفة اعمل ايه هو فيه حاجات كويسة وهى انها بتحب الخيار والجزر يمكن زى بنتى هى على العموم لسه صغيرة والطفل لسه عنده قدرة انه يتغير اذا كنا احنا الكبار بنتغير لو حضرتك قلقانة اوى اسألى حد اختصاصى تغذية بالنسبة لموضوع التجاهل طبعا مش مقصود تجاهل الطفل :ninja:) لكن مقصود تجاهل عدم رغبته فى الاكل او بمعنى اصح بلاش نديها على الاقل حجم كبير قدام الطفل عشان ماتكونش وسيلة لجذب انتباهنا واهتمامنا بس طبعا نفضل نهتم بيه فى حاجات تانية تعوض الموضوع ده و لما ناكل طبعا ناكل بنفس مفتوحة كده وحماس :lol: لكن عموما ده بياخد وقت والطفل بطبعه عنيد ومش بيقتنع انك غيرتى اسلوبك حضرتك اعملى الاكل بطرق مختلفة يعنى غيرى شكل الفراخ مرة صينى بالفلفل الملون مثلا مرة بصوص وكريمة وبلاش تقوليلها دى فراخ اخترعى اى كلمة تانية توصف الاكلة كلها :lol:) انا مش مع اننا نخبى الأكل فى بعضه لكن ممكن نغير الطرق ومسير طريقة تشجع الطفل او تلفت نظره خصوصا انها صغنونة واسهل انها تتغير جدا عن الكبار بالتشجيع والهيصة وتاكل فى الخروج مثلا بشكل شبه تلقائى حضرتك بشكل عام شجعيها انها تجرب اى حاجة جديدة يعنى حتى فى الحلويات مثلا ادخلى المحل وقوليلها تيجى ننقى حاجة جديدة نجربها ندوقها قالتلك لا قوليلها طب انا هاجرب افتكرت حاجة كمان ممكن تكون زى ولادى احيانا مش بيحبوا اللحوم لانها بتاخد وقت فى المضغ ممكن تجربى معاها كفتة مشوية على الفحم مثلا او فى الفرن وياريت تخليها تصبع معاكى بس لو ما أكلتش فى التجربة دى ماتزعليش برضه جربى كمان تشجعيها بشوية شيبسى جنب الأكل او طبق جديد متقسم وملون مثلا ... شوية عصير جنب الطبق ..وطبعا خيار وسلطة متقطعة كبير زى ماتحبها زى ماقلت لحضرتك لو قلقانة اوى استشيرى اختصاصى تغذية رينا يبارك فيها ويحميها يا بخت من يقدر يقول واللي ف ضميره يطلَّعه يا بخت من يقدر يفضفض بالكلام وكل واحد يسمعه يقف في وسط الناس ويصرخ : آه يا ناس ولا ملام ييجى الطبيب يحكي له ع اللي بيوجعه يكشف مكان الجرح ويحط الدوا ولو انكوى يقدر ينوح وأنا اللي مليان بالجروح ما اقدرش أقول ما اقدرش أبوح والسهم يسكن صدري ماقدرش أنزعه صلاح جاهين رابط هذا التعليق شارك المزيد من خيارات المشاركة
HanaaOsama بتاريخ: 19 أكتوبر 2009 تقديم بلاغ مشاركة بتاريخ: 19 أكتوبر 2009 السلام عليكم شكرا علي الرد ام مروان و بالنسبه في تنويع الشكل كله مرفوض مجرد انها شايفة ان ديه لحمة او فراخ باي شكل مش بتدوق اصلا انا جبت ليها بطاطس عاديه و جيت ادامها قطعتها بوحده " اشكال الصلصال " بطه وورده و سمكة و كدا و حمرتها و بعدها كنت عمله عجينه مكونه من بطاطس مسلوقة و فراخ مسلوقة ومهروسه و قطعتها بنفس الاشكال و مع اول قطمة قالت ديه مش بطاطس و ديه اكيد لحمة من غيرما تشوف اللحمة حتي بمجرد انها عارفة اني اكيد بخدعها لكن غلطتي اني قدمت الاتنين في نفس اليوم فعرفت الفرق :lol: بالنسبة للدكاتره انا رحت لكتير لكن داكترة اطفال مش تغذيه و كلهم قالوا الموضوع ده بالتعود مفيش دوا يخلي الواحد ياكل لحمة و بالنسبة للاطباق فهي ملونه و لو جنب الاكل شيبسي مش هتاكل غيره بسم الله الرحمن الرحيم " و من اعرض عن ذكري فإن له معيشة ضنكا " صدق الله العظيم رابط هذا التعليق شارك المزيد من خيارات المشاركة
om marawan بتاريخ: 21 أكتوبر 2009 تقديم بلاغ مشاركة بتاريخ: 21 أكتوبر 2009 هو فعلا تعود انا كان قصدى من اختصاصى التغذية انه يمكن يكون عنده فكرة نستبدل ايه بايه عشان تكون اخدت فوايد الاكل المتنوع بقدر الامكان بس فكرة كفتة البطاطس دى حلوة فعلا برافو عليكى حاولى تجربيها تانى بعد فترة مع بقدونس وخضار وكده لو هى بتحب الخضار بس حضرتك بلاش تخبى عليها ان دى لحمة لكن قصدى مثلا قوليلها اسم الاكلة على بعضها يعنى تورلى او كفتة بانيه ولو سألت فيها لحمة قوليلها ايوه عادى ... بس فى الحالة دى انا شفت مرة فكرة ان حضرتك تتفقى معاها انها تاكل قطمة واحدة بس او اتنين حسب رؤية حضرتك وممكن تشجعيها بفوايد الاكل حسب هى بتحب ايه يعنى لو بتحب شعرها طويل قوليلها هيبقا قوى زى فلانة مثلا ... حاجة كده زى الاعلانات :lol: وطبعا كل طفل عاوز يكبر فلو ولد تشجعيه بالعضلات والقوة وكده بس بدون ضغط او الحاح يادوب كلمة وخلاص وهم اذكيا جدا وبيفتكروا الكلام هى كمان برافو عليها انها بتاكل خضار وفاكهة واجبان ... بس بشكل عام الموضوع بياخد وقت طويييييييل وطولة بال والاطفال دماغهم ناشفة شوية والواحد بيقلق عليهم اهم حاجة بقا تدعيلها وحاولى طبعا حضرك ماتكلميش حد عن الموضوع ده قدامها ومع الوقت ممكن تنسى وتحاول تجرب وزى ماقلت لحضرتك جربى موضوع انك تتفقى معاها تاكل قطمة واحدة من اى نوع جديد ربنا يبارك فيها ويحميها يارب ويحفظ اولادنا جميعا تقبلى تحياتى يا بخت من يقدر يقول واللي ف ضميره يطلَّعه يا بخت من يقدر يفضفض بالكلام وكل واحد يسمعه يقف في وسط الناس ويصرخ : آه يا ناس ولا ملام ييجى الطبيب يحكي له ع اللي بيوجعه يكشف مكان الجرح ويحط الدوا ولو انكوى يقدر ينوح وأنا اللي مليان بالجروح ما اقدرش أقول ما اقدرش أبوح والسهم يسكن صدري ماقدرش أنزعه صلاح جاهين رابط هذا التعليق شارك المزيد من خيارات المشاركة
doudy بتاريخ: 24 أكتوبر 2009 تقديم بلاغ مشاركة بتاريخ: 24 أكتوبر 2009 بنت اخويا سجى بلوة كبيرة مع انه لسة6 شهور مجننة مامتها لا عايزة ترضع ولا عايزة تاكل بالمعلقة ولا ببرونة ولا اى حاجة عاملة اضراب كلى و جزئى و كل انواع الاضرابات نيجيبلها المعلقة كدة تدور و شها .....عشان ناكلها شوية سيريلاك او شوية زبادى بالعسل بالمعلقة بتلم امة لا اله الا الله علينا انا مربية 3 اطفال و الحمد لله بس بصراحة ما وردش عليا النوعية دى خالص مش عارفين نقنعها ازاى بالاكل مش عارفة الحقيقة هى ليه بتعند مش عارفة مش بتجوع لو حد عنه طريقة يقولهالنا رابط هذا التعليق شارك المزيد من خيارات المشاركة
om marawan بتاريخ: 24 أكتوبر 2009 تقديم بلاغ مشاركة بتاريخ: 24 أكتوبر 2009 هل هى كده على طول ؟؟ ولا دى حاجة جديدة ؟ اصل السن ده ممكن يكون بيسنن او يعنى بداية التهاب اللثة واحيانا بيكون فطريات فى الفم من الداخل بتسبب الم مع الاكل او الرضاعة ملحوظة مكررة معلش بلاش عسل قبل سن سنة لانه مش كويس على المعدة فى السن ده الى جانب ان الطفل بيتعود على الطعم الحلو بس فبلاش سكر او عسل او ملح طبعا يا بخت من يقدر يقول واللي ف ضميره يطلَّعه يا بخت من يقدر يفضفض بالكلام وكل واحد يسمعه يقف في وسط الناس ويصرخ : آه يا ناس ولا ملام ييجى الطبيب يحكي له ع اللي بيوجعه يكشف مكان الجرح ويحط الدوا ولو انكوى يقدر ينوح وأنا اللي مليان بالجروح ما اقدرش أقول ما اقدرش أبوح والسهم يسكن صدري ماقدرش أنزعه صلاح جاهين رابط هذا التعليق شارك المزيد من خيارات المشاركة
doudy بتاريخ: 24 أكتوبر 2009 تقديم بلاغ مشاركة بتاريخ: 24 أكتوبر 2009 هل هى كده على طول ؟؟ ولا دى حاجة جديدة ؟اصل السن ده ممكن يكون بيسنن او يعنى بداية التهاب اللثة واحيانا بيكون فطريات فى الفم من الداخل بتسبب الم مع الاكل او الرضاعة ملحوظة مكررة معلش بلاش عسل قبل سن سنة لانه مش كويس على المعدة فى السن ده الى جانب ان الطفل بيتعود على الطعم الحلو بس فبلاش سكر او عسل او ملح طبعا لا هى على طول كدة من و هى بيبى زنانة كتيير بس ملاحظة انها بتعض فى ايديها على طول ممكن تكون بتسنن فعلا انا سمعت هنا فى المنتدى عن الملاحظة دى هقولها لمامتها متشكرة لردك على مداخلتى يا م مروان رابط هذا التعليق شارك المزيد من خيارات المشاركة
om marawan بتاريخ: 24 أكتوبر 2009 تقديم بلاغ مشاركة بتاريخ: 24 أكتوبر 2009 ضحكتنى جدا حكاية زنانة دى لانى افتكرت بنتى وهى لسه مولودة كانت فظيييييييعة كانت بتعيط بالتلات ساعات متواصل والحمد لله انها كانت تانى طفل والا كنت اتجننت لانى كنت اتعلمت فى مروان وبقى بالى طويل شوية على فكرة هى ماهديتش غير لما بقت تاخد التتينة( السهاية ) ولما كبرت بقت لطيفة جدااااا بس ده مش تشجيع على السهاية يعنى لانها اعتقد كبرت عليها خلاص هى مش بتسنن يعنى هتلاقوا أسنان لان زى ماحضرت عارفة السنان بتاخد وقت الاول هتكون بس مورمة اللثة فترة ومافيش حاجة بتطلع غير فين وفين الشكر ليكى يادودى كلك ذوق يا بخت من يقدر يقول واللي ف ضميره يطلَّعه يا بخت من يقدر يفضفض بالكلام وكل واحد يسمعه يقف في وسط الناس ويصرخ : آه يا ناس ولا ملام ييجى الطبيب يحكي له ع اللي بيوجعه يكشف مكان الجرح ويحط الدوا ولو انكوى يقدر ينوح وأنا اللي مليان بالجروح ما اقدرش أقول ما اقدرش أبوح والسهم يسكن صدري ماقدرش أنزعه صلاح جاهين رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان