هتقضى العيد فى الغربة فين و ازاى ؟

[raouf]

لسه ما فكرتش بس الاكيد انى لا زم اعمل زيارة طويلة اوى اوى للسرير لاتى من اول رمضان بنام 3-4 ساعات بس ولما اصحى هافكر اروح فين وهاقولكم بس ادعولى اصحى بسرعة :blush2:

تم تعديل 19 سبتمبر 2009 بواسطة raouf

[Dr.mmfriend]

انا شخصيا مفكرتش خالص فى الموضوع ده

العيد يعنى مصر ولو هتقضيه هنا فمش هتفرق بقي

انا غالبا هقضيه فى السرير قدام التليفزيون

وكل عام وانتم بخير

[icehell]

will pray EID

then go to work .......................lol

[KAhamid]

كل سنة وكل المصريين بخير

بس الصراحة ما فيش عيد بره مصر

انا بقالي شهر واحد في جده

وانهاردة من الصبح عمال امشي في الشوارع

لا في اطفال ولا شباب

ولا في محلات فاتحة ولا مطاعم ولا سوبر ماركت ولا اي حاجة

كل الناس نيام

واحنا العصر اهو

في مصر من الساعة 6 الصبح الدنيا بتكون شعلة

[KAhamid]

انا ملاحظ ان معظم الاجابات يغلب عليها الحيرة

ومفيش الفرحة بتاعت العيد بتاع زمان

ياترى عشان كبرنا فى السن ولا عشان مش مع اهلنا وفى بلدنا ؟

لا مالوش علاقة بالسن خالص

علشان الاهل والاصحاب والاحباب والوطن

[الباشمهندس ياسر]

يا جماعه انا اول مرة احضر العيد فى سلطنة عمان و لحسن حظى انا ف العاصمة و بكره العيد و عندى اجازة

حد هنا عايش فى مسقط انزل اقابله و نقضى اليوم سوا او حتى نتقابل اخر المساء او اى تجديد ف الدنيا يحسسنى انه عيد

[عبير يونس]

و الله بجد اكتأبت جدا عشانكم

خصوصا اللي متغربين و لسه مش متجوزين أو قاعدين لوحدهم و أسرهم في مصر

فعلا وجود الزوجة و الأبناء بيخفف كتير من الغربة

بصراحة معنديش كلام اقوله لأني حالتي النفسية صعبة و زهقت اوي اوي من وجودي في البلد دي

تعبت بجد من عدم تحسن وضعنا

و تعبت اكتر اني مش عارفة ألاقي مخرج و كأني في سجن

و حاسة كل السكك مقفولة في وشي

أكيد كلامي مكانه مش هنا

بس بجد مش لاقية حد غيركو افضفض معاهم

وسط ناس حاسين بمرارة الغربة زيي

اللهم فك كربي و فرج همي

اللهم اني أعوذ بك من الهم و الحزن و من العجز و الكسل و من الجبن و البخل و من غلبة الدين و قهر الرجال

آآمين

[مدام محمود]

عيد سعيد عليكم جميعا

هنقول ايه غير ربنا يعيننا يامصريه مغتربه انا كمان حالتي زيك واكتر كمان

اللهم فرج كربنا

بس هقول جمله بيرددها دايما الدكتور ابراهيم الفقي <<عيش كل لحظه كأنها أخر لحظه بحياتك<<

تحياتي :rolleyes:

[مدام محمود]

يااااااااااجماعه بجد قربت انتحر من الاكتأب هناااااا

فينك يامصر لو حتي فيكي جميع أنواع العذاب

ربنا يهون علينا انتو عالاقل في الرياض في فعاليات وروابط واسر احنا هنا في ابها مش بنشوف ايييييييييييييييي مخلوق بشري في الشوارع الناس كلها عند اهلها واحنا فين اهلنا؟؟؟؟؟؟؟؟؟؟؟؟؟؟؟؟؟؟؟؟؟؟؟؟هنااااااااااااك

الله المستعان

[aimen]

مصرية متغربة

اللهم فرج كربك و يسر أمرك

اللهم إنك عفو كريم تحب العفو فاعف عنا ياكريم ..

. فرج الله كربتك وكشف عنك الهم والغم ويسّر أمرك لك ولجميع المسلمين ...

[se_ Elsyed]

هتقضى العيد فى الغربة فين و ازاى ؟

بسم الله الرحمن الرحيم

الاجابة : اول يوم روحنا صلينا العيد وصحينا متأخرين كالمعتاد وجرينا لحقنا رُبع .. وبعدين الصلاة خلصت الساعة 6 ونص ... 6 ونص وخمسه روحت جبت الشغالة من بيتها وبعدين نممممممممممممممت ... فِضلت البنت تفحت في البيت لحد الساعة 12 .... وبعدين قمت وصلتها بيتها تاني .... ورجعت نمممممممممممممت ... وبعدين صحيت العصر روحت شارع الشيطان بتاع الدشوش ... جبت واحد فني ركب لي دش في الشقة الجديدة ... وبعدين لسه لحد الآن بأشتغل وبأعلق في لوحات سيريالية وساعات وباساعد المدام وايدي بإيدها وخلاص طلع عين اللي خلفونا

العيد فرحه .. هيييه ... هيييه

وبكره هانروح نشتري ألعاب ناريه من الشوق اللي في جنوب الرياض في طريق حائر .. وبعدين نروحوا نفرقعوها في الثمامة ...

وكدهوت

ما أحلى العيد في الرياض

وما أحلى النوم طيلة أيام العيد

[أسد]

النهارده قضيت العيد في المنزل

سباحة .. ورحرحة فقط ..

وبعد العصر خرجنا إلى ساحة المجمع الذي أسكن فيه

وأشعلنا حرب تورا بورا ..

مفرقعات وصواريخ

أسعدنا الأبناء ..

لم أذهب اليوم إلى أي مكان

غداً سأكرر ماحدث اليوم .. ثم سنذهب للعشاء في الخارج مع بعض الأصدقاء في أحد مطاعم الرياض

[Dr.mmfriend]

عيد باية حال عدت يا عيد بما مضي ام لامر فيك تجديد

اما الاحبة فالبيداء دونهم فليت دونك بيد دونها بيد

[سكر]

الحمد الله قاومت اول يوم العيد وفضلت صاحى لحد مصليت الفجر والعيد

بعدين نمتتتتتتتتتتتتتتتتتتتتتتتتتتتتتتتتتتت

باليل رحت غرناطة مول والعيال لعبوا فى الملاهى لما خرموا الجيب

واحنا مروحين اشترينا ايس كريم وعشاء وروحنا ونمتتتتتتتتتتتتتتتتتت وشكرا

جبت واحد فني ركب لي دش في الشقة الجديدة

مبروك على الشقه الجديده

وربنا يعطيك خيرها ويكفيك شرها

ونتقابل بكره

تم تعديل 21 سبتمبر 2009 بواسطة موعود

[mama nona]

للاسف موسم الشغل عند زوجى العيد

فالعيد كله بمقضيه نوم طول البعدين الم العيال ونروح ما زوجى الشغل

اهو برده اهو بنوهم نفسنا اننا بنتفسح فالعيد

وهى دى العيدية

عيد سعيد

[KAhamid]

و الله بجد اكتأبت جدا عشانكم

خصوصا اللي متغربين و لسه مش متجوزين أو قاعدين لوحدهم و أسرهم في مصر

فعلا وجود الزوجة و الأبناء بيخفف كتير من الغربة

بصراحة معنديش كلام اقوله لأني حالتي النفسية صعبة و زهقت اوي اوي من وجودي في البلد دي

تعبت بجد من عدم تحسن وضعنا

و تعبت اكتر اني مش عارفة ألاقي مخرج و كأني في سجن

و حاسة كل السكك مقفولة في وشي

أكيد كلامي مكانه مش هنا

بس بجد مش لاقية حد غيركو افضفض معاهم

وسط ناس حاسين بمرارة الغربة زيي

اللهم فك كربي و فرج همي

اللهم اني أعوذ بك من الهم و الحزن و من العجز و الكسل و من الجبن و البخل و من غلبة الدين و قهر الرجال

آآمين

ربنا يفك كربك ويفرج همك وكل مكروب ومهموم من المسلمين

اللهم امين

[عبير يونس]

الأعزاء

مدام محمود

aimen

KAhamid

شكرا على دعواتكم و تعاطفكم

اللهم فرج همنا و فك كربنا جميعا

آمين

[ايهاب سالم]

هتقضى العيد فى الغربة فين و ازاى ؟

كل عام و أنتم بخير

أقامت منظمة The Muslim Association of Canada صلاة العيد السنويه الكبرى في Canadian National Exhibition

http://www.gtaeid.com/

http://www.gtaeid.com/images/eidulfitr_200...er_85x11-v2.jpg

مروحناش :lol:

فضلنا أن تكون أول صلاة عيد لنا بعد الإنتقال في بلدتنا الجديده ميلتون

ذهبنا للصلاه الثالثه .. الساعه العاشره صباحا و كان المكان كامل العدد و علمنا أن الصلاتين الأخريين في الثامنه و التاسعه صباحا كانوا كومبليه أيضا

بصراحه لم أكن أتخيل أن يكون عدد المسلمين في ميلتون كبير لهذه الدرجه

معظمهم باكستانيين

بصراحه الباكستانيين هم اللي عاملين للمسلمين حس في كندا

هم الأنشط و هم من ينظمون الصلوات و يبنون المساجد

جزاهم الله خيرا

بعد الصلاه ذهبنا للترفيه عن الأولاد في Ontario Place

http://www.ontarioplace.com/en/index.html

أصدقائي اللي ذهبوا للصلاة الكبرى في CNE قالوا لي أنه حضرها ١٠٠٠٠ شخص و أن رئيس الوزراء ستيفن هاربر أرسل مندوب ألقى كلمه لتهنئة المسلمين

كذلك حضر مايكل إيجناتييف زعيم حزب الليبرال المعرض للتهنئه

ده كان أول يوم

تاني يوم

و اللي هو النهارده

كل حاجه رجعت لطبيعتها

أنا رحت الشغل والأولاد راحوا المدرسه

تم تعديل 21 سبتمبر 2009 بواسطة ايهاب سالم

[ahmedfathi]

كل سنه وانتوا طيبين

[MZohairy]

ده المكان اللي رحناه امبارح اول يوم العيد

اسمه Lynn Headwaters

http://images.google.com/imgres?imgurl=htt...-BZO6tAPp7vTRDA