الناجح يرفع أيده

[se_ Elsyed]

باركولي يا ولاد أخوكم س س رفم راسكم وكسب في المسابقة الثقافية التى نظمها أخونا الدكتور أبو المحابيط في منتدى الشئون ، أنا فرحان قوي أي نعم لسه مش عارف الجايزة أيه لكن مش إشكال أهم حاجة المكسب ( وش واحد قنوع بس فيى نفس الوقت لابد في الدره لحد مايشوف الجايزة أيه )

السادة الأفاضل :

مبدئيا دعونى اتقدم بالشكر لكل من شارك فى هذه المسابقة

بالنسبة للاجابات الصحيحة فكل الأسئلة اجابتها الصحيحة هى الاجابة رقم 3 ماعدا السؤال الرابع و الذى كانت اجابته الصحيحة هى الاجابة رقم 1

وبهذا...

فان الفائزين فى المسابقة هم :

الفائز بالمركز الأول :

mehdi

(جميع الاجابات صحيحة)

وكان من المفترض ان هناك جائزتين للفائزين الثانى و الثالث و لكن نظرا لأن هناك ثلاث مشاركين متساويين فى المرتبة الثانية (باجابة خاطئة واحدة فقط) فانه سيتم منح ثلاث جوائز للثلاثفائزين بالمركز الثانى وهم :

MO7A

المعلم س-س

mona moon

( يا خوفي يا بدران أحسن الدكتور محبط يفتكرني والعياذ بالله مثقف ويبعتلي مجموعة أسطوانات تحتوي على أعمال الموسيقار العبقري شوبنهاور ... او مجلد يحتوي على دراسة مقارنة عن الإنبعاج الفكري لدى أفلاطون مقارنة بالإنسطاح الهامايوني لدى ديكارت .... في عرضك يا عم محبط انا كبيري قوي مجموعة ألف ليلة وليلة أو كليلة ودمنه حتى ty:) )

[sos]

مبروك يا معلم يارافع هامتنا

عقبال يارب لما نبارك لما تكسب المليون

بس ما تنسناش

[Guest Mohd Gramoun]

ألف مبروك ..

ماشاء الله.... و الجايزة في حفلة و لا بالإيميل؟

[Lancelot]

ألف ألف مبروك يا معلم س س يا جامد أوي ... رفعت رأسنا و الله ...

و لو أبو المحابيط عملها و بعت لك مجموعة إسطوانات من أعمال الموسيقار شوبنهار ... باصيها لي علي طول ... شوبنهار ده حبيبي ... مش ده بتاع "السح الدح إمبوه" برضه .... ty:) mf-:

[mehdi]

مبروك يا سيد سي السيد ty:) :D

و شكرا على يا التهنئة عزيزي

اما فيما يخص المنديال فانا لا املك من امره شيئا ... و ان كنت ساسعد جدا باستضافتكم عندي لمشاهدة مباريات مصر سنة 2010 :P :P نحن نحب اكرام ضيوفنا ونتعشم رؤيتكم عندنا :D :D ...كلا.. كلا..انا اصر ان تاتوا عندنا الاول mf-: ys): ys):

تم تعديل 15 ديسمبر 2003 بواسطة mehdi

[هشام عبد الوهاب]

مبروك للأستاذ مهدى ............. مبروك للمعلم سى السيد .

tot:: tot:: tot:: tot:: tot::

taz:: taz:: taz::

[Lighthouse]

مبروك للاخوة الاعزاء

مهدي

وس س

فين هديتي بقى tot::

tot:: tot:: tot::

[DARWEEN]

مبروك يا مهدي ... مبروك يا بوالسيد

rs: rs: rs: rs: rs:

فين الحلاوووووووووه

cof): cof): cof): cof): cof):

tot:: tot:: tot:: tot:: tot::

[صعيدي]

مبروك للمعلم الكبير جدا ولقنصل محاورات المصريين فى السعودية والخليج tot:: tot:: tot::

اه بالمناسبة

متنساش

ضريبة الجوائز

والضريبة الموحدة

ورسم الدمغة

وتبرع لصندوق المعاقين فى محاورات المصريين

وربنا يباركلك فى الباقى

القناعة كنز لايُفنى

[فــيــروز]

لولولولولولىىىى tot::

الف مبروك يا س.س.

بيضالك فى القفص tot::

وان شاء الله الجايزه ايه كده بالصلاه على النبىىى؟

تش ولا ريسيفر؟ على الله يكون مايكرو ويف tot::

انا رايى ده رزق على عليوه ياللى tot:: ودايما كده متوفق وناجح وطالع من الاوائل

تم تعديل 16 ديسمبر 2003 بواسطة فــيــروز

[Mohammad Abouzied]

مبروك للمعلم الكبير جدا ولقنصل محاورات المصريين فى السعودية والخليج  tot::  tot::  tot::

اه بالمناسبة

متنساش

ضريبة الجوائز

والضريبة الموحدة

ورسم الدمغة

وتبرع لصندوق المعاقين فى محاورات المصريين

وربنا يباركلك فى الباقى

القناعة كنز لايُفنى

فين رسوم الجمارك 250% والاكراميات اياها tot::

جتنا نيلة في حظنا الهباب tot::

[afiona]

ألف مبروك...أظن من حقك الآن أن تطالب بترقيتك فى المنتدى هنا بدل ما أنت مربوط على درجة Advanced member بعد لما شرفتنا وسط الخلق وأوساط الإنترنت... وعلاوة كمان وتسبق أسمك بلقب سي السيد، وأبقى شوفنا بحاجة بعد لما تعلى...

[se_ Elsyed]

شكراً لكم جميعاً وعقبال ماتكسبوا مسابقة لبان بم بم الكبرى ( هي المسابقات دي لسة موجودة في مصر والا إستبدولها بالإتصالات على زيرو 900 ؟!! )

لايت كتبت

فين هديتي بقى

ما أنا قولت لك يا لايت هاديلك لفة بالبسكلتة بس ماتبعديش عن آخر الشارع ... ماشي ؟

داروين كتب

فين الحلاوووووووووه

حلاوه وجبنه ولانشون .. انا عيني ليك يا عم داروين وعندك علبة حلاوة الرشيدي الميزان لعمنا أبوالدراوين ...

مأمير الضرايب كتبوا

متنساش

ضريبة الجوائز

والضريبة الموحدة

ورسم الدمغة

وتبرع لصندوق المعاقين فى محاورات المصريين

فين رسوم الجمارك 250% والاكراميات اياها

سيادتك يا فندم أنا هاحول الجايزة عليكم وشوفوا هيبقى عليه كام وهاسدده بشيك أو إذا كان المبلغ كبير نجدولة ياباشا ... تحت أمرك يا حكومة وعاشت مصر حلوه مستقرة ...

تم تعديل 16 ديسمبر 2003 بواسطة se_ Elsyed

[KWA]

بسم الله الرحمن الرحيم

السلام عليكم ورحمة الله وبركاته

مبروك ياسي السيد علي النجاح cof): و ماتقلقش من ناحيه الجايزه.....هي محتاجه شويه تفكير و تركيز.. tot:: ...و من المتوقع من الدكتور وليد ان يعطيك بعض الأختيارات بخصوص الجايزه.....فيتامينات و مقويات للعظام و النظر . me0: . tot:: .. و ياحبذا لو شويه حقن في العضل تمام.. tot:: ...او الجايزه ملخص لموضوع .... الضرب فى المليان..لإيقاظ الأذهان.. قبل فوات الأوان. tot:: ....و ارجوك ابعتلي الملخص بالبريد السريع علشان اقدر افهمه قبل بدايه السنه الجديده..... fsh:: tot::

رجاء شخصي لسي السيد

و النبي يا شيخ ابعد عن اللون البرتقالي في مداخله تكتبها ارجوك... cof):

[se_ Elsyed]

الله يبارك فيك يا كي دبليو يا حبيبي ... أنا لا أبحث عن مجد شخصي ولكن كله علشان مصر ( أيه رأيكم في الكلمتين دول .. بيني وبينك عايز أبدء بهم حديثي لوكالات الأنباء اللي هاتتهافت عليه لما تعرف إني فزت بجايزة محبط للثقافة العامة )

و ياحبذا لو شويه حقن في العضل تمام

حقن لأ الله يخليك والله بخاف منها ...

النبي يا شيخ ابعد عن اللون البرتقالي في مداخله تكتبها ارجوك

من عيني ولو أن أخونا شرقية وأفيونة هايزعلوا مني لأن ده اللون المفضل للإسماعيلي ولو غيرتوا وإشتغلت في الأزرق هايقولوا انت باتشجع الترسانة ويطلعوا يكسروا فوانيس العربية .... أنا بأهزر معاكوا

[disappointed]

او مجلد يحتوي على  دراسة مقارنة عن الإنبعاج الفكري لدى أفلاطون مقارنة بالإنسطاح الهامايوني لدى ديكارت

ايه ده بقىىىىىى tot:: tot::

مين اللى سرّب ليك المعلومات وخلاّك تعرف ايه هيّه الجايزه؟؟؟

tot:: tot::

كنت عايز أخلّيها مفاجئة ليك

rs:

طبعا أنا متخيّل تعبيرات وجهك دلوقتى : cof): cbyb:

شفت بقى آخرة اللى بيدخل على طمع cof):

مممممممم.....

cof):

ماتقلقشى قوى كده يا سى السيّد

بأهزّر معاك

cof): cof):

وقّعت قلبك rs:

(بس برضه انسى موضوع العربيّه الفولفو ده ....ما بتستحملش الحر فى الرياض صدّقنى tot:: )

[حشيش]

مبروك يامعلم

[فــيــروز]

اختيار موفقق جدا يا حشيش كفاره يا معلم س.س.

[se_ Elsyed]

وغلاوتك عندي يا حشيش ... أخوك سو قصدي س س لا شاف سكر ولا ترتر لحد دلوقت .. وأديني عايش في دور عبده مشتاق وواخد الموبيل في حضني طول النهار ومستني أي إتصال من الجهات المسئولة ...

يا مســــــــــــــــــــــــــهل

[disappointed]

وغلاوتك عندي يا حشيش ... أخوك سو قصدي س س لا شاف سكر ولا ترتر لحد دلوقت .. وأديني عايش في دور عبده مشتاق وواخد الموبيل في حضني طول النهار ومستني أي إتصال من الجهات المسئولة ...

يا مســــــــــــــــــــــــــهل

ماتقلقش يا معلّم...الجماعه بيعملوا الرتوش الأخيرة فى السيديهات وحيتم إرسالها لك قبل نهاية الشهر...معلش...عذرا للتأخير...محدثين تنظيم مسابقات بقى