مش حتجوز عبد العزيز

[ام بودى]

ازيكم كل سنة وانتو طيبين ورمضان كريم انا النهاردة جايبالكم حدوتة لذيذة تتسلو فيها بس من بعد ما نخلص كل التزاماتنا وخصوصا واحنا فى شهر مبارك من عبادات وقراءة قران وكثرة الدعاء ...الخ من السلوكيات الطيبة وربنا يتقبل منا جميعا ... انا حنزل الحلقة الاولى ولو عجبتكم حكمل لكم الباقى ان شاء اللة ..اه نسيت اقولكم انى قريتها فى احد المنتديات وعجبتنى فقررت انى انقلهالكم ان شاء اللة تعجبكم

الحلقة الاولى

سارة والدموع ماليه عنيها : ياماما كفاية لو سمحتى انا مش عايزة اروح مش عايزة اطلع من البيت ده حرام والله حرام ..حرام اللي بتعملوه فيا ده

.

ام محمد: بقولك ايه بلاش دلع بقى واقعدي عدل خلي الكوافيرة تشوف شغلها وتعرف تمكيجيك وما تكسفيناش قدام الناس.

سارة : يعني فرح ومش عايزين تعملوه ومش عايزيني اتكلم والله حرام وكأني مش بنتكم . انا لو وحدة غريبة ما كنتوش حتعملو معاها كدة .

( الكوافيرة الي حتحط الميك اب ) : بس يا سارة ليه بتعملي في نفسك كدة .... انت عروسة زي القمر ... كفاية عياط بقى .

سارة : وانت مالك بيا ما حدش ليه دعوة بيا وانا قلتلكم انا مش حطلع يعني مش حطلع.

ام محمد: بس بقى يا سارة واحترمي نفسك وما تكلميش الكوافيرة بالطريقة دي وبطلي دلع لحسن صدقيني حروح انادي ابوكي واخواتك يتصرفوا معاكي . ده ايه الغلب ده

.

(تتطلع ام محمد من الغرفه وهي عصبية وسارة رمت نفسها على السرير وفلقة نفسها من العياط.

ام محمد وهي طالعة قابلت هدى ومها زوجات اولادها وهما واقفين خارج الغرفة . )

هدي : مالك يا طنط متعصبة قوووي كدة ليه خير .

ام محمد: والله تعبت من البنت دي ومش عارفة اعمل معاها ايه عمالة تعيط ومش عايزة الكوافيرة تحطلها المكياج ... ياريت تدخلوا تفهموها وتعقولها وتقولوها ان العياط مش حيعمل اي حاجة .

هدى: ان شاء لله يا طنط ولا تتضايقي خالص .... يلا يا مها تعالي ندخل لسارة.

نزلت ام محمد تحت عشان تشوف البوفيه وصل ولا لسة وتشوف الوضع اذا كان تمام عشان العشى اللي عملاه بمناسبه زواج بنتها سارة ( لانهم عاملين عشى وعازمين العلتين والاقارب ومش عاملين فرح ) ...وخروج صلاح من المستشفى بالسلامه...

......

مها وهي داخله غرفه سارة : ايه الدموع دي كلها كل دى علشان حنوحشك يااااه يا سارة بطلي عياط بقى .

(هدى راحت عند فيفيان وقالت لها تطلع برى شوية وبعد دقايق حتناديها ..وطلعت فيفيان مع الاثنين الي معها.)

سارة وصوتها كله عياط : والله انى بشتاق لكم ..انتى راضيه يا مها على اللي بيحصل ده ..ولا كأني بنتهم كأني بضاعة وعايزين يخلصوا منها ... حتى الجواز دخل من ضمن المصالح والصفقات بتاعتهم ..والله حرام والله ما حدش يرضى بالوضع ده ابدا ..لازم ياخدوا راي البنت مش يجوزوها غصب عنها.

هدى: الله يهديك يا سارة ..واهو انتى قولتيها زوجوني ..يعنى خلاص الجواز تم ...ولا عايزة تبقي مطلقة.

سارا: مطلقة احسن من اني اعيش مع واحد ما بحبهوش ولا هو بيحبني ويتجوزني بس علشان مصلحة العيلة ....

مها: ومين قالك انه ما بيحبكيش و انه متجوزك عشان مصلحة .

سارا: ليه يعنى فكراني غبية ولا انتوا بتستعبطوا ... بقالي اسبوعين مكتوب كتابي ولا مرة فكر انه يكلمني ولا اشوفه الا يوم كتب الكتاب وما شوفتهوش الا ساعة واحدة وبعدين مشي ومارجعش تاني .... شكله مغصوب علي الجوازة دي زيي بالظبط .

مها: الرجالة ما يتتغصبش .. ما تفكريش بالطريقة دي بس انتى عارفة الظروف اللي بيمروا فيها في بيت عمي صلاح ... ولولا مرضه ورقدته في المستشفى كنا عملنالك فرح كل مصر تتلكم عليه ... بس هي الظروف جت كدة .. فهمتي يا سارة .

هدى : وانشاء الله ياسارة لما ترجعي من شهر العسل حنعملك حفلة كبيرة جدااا تعزمي فيها كل اللي انتى عايزاه ... ايه رايك بقى يا ستي .

سارا: حفلة ليه عايزاني احتفل بانتحاري .

هدى: انتحار مرة واحدة يا سارة .... حرام عليكي والله يا سارة عبد العزيز رجل بمعنى الكلمة والكل بيمدح فيه في رجولته وشهامته ومحمد دايما يمدحوه ليا ... فعلا هو ده الراجل اللي حيصونك ويحافظ عليكي ويتقي فيكي ربنا صدقيني يا سارة .

.

سارا:على فكرة انا شفته مش لازم توصفوة انتوا ناسيين اني صحبت اخته ... وكمان هو عصبي ونذل مع اخواته .. ميرنا دايما تشتكي منه وتقول هو غير عمر .. دايما يزعقلهم على الفاضي والمليان ومش عايزهم يخرجوا ولا يروحوا لاي حد. ده بيعمل كدة مع اخواته امال حيعمل معايا ايه انشاء الله .

هدى: بقولك ايه بلاش دلع بنات بقى قومي اغسلي وشك وانت كبرتي بقى والمفروض تعرفي مصلحتك وابوكي وامك عارفين مصلحتك اكتر منك يالا بقى

.

سارا: على فكرة انا مش كبيرة ولا وحدة من اصحابي اتجوزوا لغاية دلوقتي لاء وايه بالغصب كمان .. ورجعت تعيط تاني ...

مها وهي تجلس جنب ساره وتضمها لها : خلاص يا حبيبتى ..انشالله حتفرحي بعد الجواز وحتضحكي على حركاتك دي اللي انتى بتعمليها دلوقتي .

سارا وكلامها مش واضح من العياط : بس انا مابحبهوش ما بحبهوش .

هدى: والله ما فيش حاجة بوظت عقلك الا الافلام الرومانسية اللي انت بتتفرجي عليها دي والقصص اللي بتقريها وانتى عارفة ان ما فيش حد مننا حب قبل الجواز ولا كان حتى عرف زوجه قبل الزواج واحنا مش عايشين في اوروبا احنا في مجتمع شرقي واحنا من عيلة محافظة مش اهلينا اللي يخلونا نختار لا اعقلي ياسارة ويالا قومي اغسلي وشك وبطلي عياط وبطلي دلع .

(وتطلع هدى من الغرفه ..وفضلت مها معها في الغرفة لانهم قريبين من بعض في السن وفضلت جمب سارة وتهديها .)

مها: خلاص يا حبيبتي وانشاء الله اللي ربنا رايده هو اللي حيكون.

سارا : يعنى حتساعديني يا مها اني ما اتجوزش عبد العزيز .

مها: الله يهديكي انتى خلاص اتجوزتيه ولا انت ناسية .

سارا : انسى ازاي بس طيب خلاص خلوني متجوزة كدة ومش حطلع من البيت مش عايزة اروح اقعد معاه انا معرفهوش وما قعدتش معاه حتى يوم كتب الكتاب كان سلام عادي

. مها : هههههههه ايه الكلام الغريب ده ... على فكرة ياسارة بعد كدة انتي اللي حتتمني انك تقعدي معاه ومش حترضي عليه اي مكروه وحتخافي عليه اكتر من نفسك .

سارة وهي لسة بتعيط : والله لا والله لا.

مها: خلاص بقى يا سارة قومي اغسلي وشك وخلي الكوافيرة تحطلك المكياج وماتنسييش ان ميرنا زمانها جاية وحيبقى شكلك وحش لو شافتك بالمنظر دى يالا بقى .

سارا: اصلا ميرنا عارفة اني مش عايزة اتجوز اخوها .

مها : يادي الكسوف انت قايللها انك مجبورة على الجواز من اخوها .

سارا : امال انت فاكرة ايه انت ناسية ا نها صحبتي الانتيم .

مها : ايوة مش ناسية بس مش كل حاجة تقوليلها وخصوصا الحاجات دي .

سارا: لا عادي خليها تعرف اني ما بحبش اخوها واني مش عايزاه.

مها: وهي قالتلك ايه .

سارا: مش لازم تحبيه المهم حتكوني معانا في بيت واحد وخلاص مش مهم الحب .

مها: ليه انتى حتعيشي معهم بالبيت.

سارا: مش عارفة والله ما اعرف.

الا ينفتح الباب وطلع لهم راس ميرنا وهي تقول بصوت عالي: انا جيييييييييييييي يييييييييييت.

مها: اهلا نورتي

ميرنا لما دخلت وشافت عيون سارة متورمة من العياط : خير مالك يا سارة

.

سارة رجعت تعيط تاني وغطت وجهها بايديها.

مها: رجعنا تاني ما فيش فايدة .

ميرنا : مها سارة مالها.

مها وهي مكسوفة : مش عارفة مالها شوفيها انتي.

ولفت على سارة: يالا سارة انا بنزل اشوف طنط عايزة ايه وحندهلك فيفيان بعد عشر دقايق ... فاهمين عشر دقايق بس تتكلموا فيها .

وطلعت مها وهي طالعه قالت لميرنا الي واقفه ومش عارفة تعمل ايه.: ميرنا حبيتي في حد جيه معاكي .

ميرنا انتبهت لمها : هاه لاء بس انا جابنى عمر ..واهلي حيجوا بعد صلاة العشاء.

مها : انشالله يالا عن اذنكم.

وطلعت مها وقفلت الباب

ميرنا وهي متردده ومش عارفة تقول ايه .: سارا ...

سارا لسة بتعيط ولا اتكلمت كلمة واحدة

.

ميرنا : خلاص بقى ما ينفعش تعملي كدة .

سارة : ميرنا انتى اقرب وحده ليه ...انتى الي تعرفي اسراري وتعرفي احلامي ...انا احلامي تحطمت.

ميرنا : سارة ..انت عايشة في خيال ..انتى عارفه ان احلامك ما تتحققش الا في الافلام ...والا احنا من امتى كان عندنا حب قبل الجواز ...بذمتك اخوانك محمد وعبدالله كانوا يعرفون زوجاتهم قبل الجواز.

سارة : ايه مها بنت خالتى .... وهدى بنت صديقه امي.

ميرنا : يا ذكيه انا قصدي كانوا بيحبوا بعض... امي وابوك اخوي عمر واختى نورا ..كلهم تزوجوا مثل كل الناس ليه انتى عايزة تبقي غير الكل ..قال عايزة تتجوزي واحد بتحبيه.

سارة : بس احنا في القرن الواحد والعشرين. البنت لازم تكون مقتنعة بالشخص اللي هترتبط بيه .دي عشرة عمر يا عالم .

ميرنا : يووووووووه انت حتجنيني ..ياختى احنا مسلمين ومن عيلة محافظة وماعندناش في العيلة خالص حاجة اسمها تعارف قبل الجواز.

سارة : انا ما قلتش عايزة اتعرف.

ميرنا : امال حتحبيه ازاي

سارة : يعنى احب واحد من غير ما اكلمه.

ميرنا : لا والله ضحكتينى ..نفسي اديكي قلم على وشك علشان تفوقي وما تنسيش انك مرات اخويا ...(وتغمز لها)

سارة : لا ما تفكرنيش كفاية .

ميرنا : لا بجد حزعل منك يا سارة على فكرة اخويا طيب وقمور وكل البنات تتمناه .

سارة : ما كانش ده كلامك قبل ما اتجوز .

ميرنا : هههههه الله يهديك يا سارة الكلام اللي انا قلته في الاول كنت بهزر معاكي .

سارة : لا والله قبل شهر كنتي بنتهزري ها .ما هو اخوكي هتقولي ايه غير كدة .

ميرنا : حروح انادي فيفيان عشان تخليكي احلى عروسة النهاردة عايزة اخويا يتجنن لما يشوفك .

سارة : يا سلام يا ختي كأن اخوكي ما شافنيش ... شافني ولا حتى عبرني بكلمة .

ميرنا : سارة ماتقوليش كدة وانت عارفة اللي حصلنا من اسبوعين وربنا يقوملنا ابونا بالسلام يارب امين .

سارا : امين ...والله انى بحب عمى صلاح ولو ما كنتش بحبه ما كنت عملته حساب .

ميرنا : هههههههه اكثر من الي عملتيه.

سارا : طيب يخلوني اتعود عليه قبل ما اتجوزه انا حاسة برهبة كبيرة جدااااا.

ميرنا: انت عارفة رغبة بابا انه عايز يفرح بعبد العزيز ويشوفه متهني مع عروسته وانشاء الله لما ترجعلي من شهر العسل حنعملك حفلة كبيرة جدا واعزمي كل اللي انت عايزاه ايه رايك بقى .

سارا: ربنا يشفيه... تعالي قوليلي انا حسافر فين ؟؟؟؟

ميرنا : هههههههه ..ياسلام عايزة تقوليلي انك مش عارفة حتسفري فين النهاردة ضحكتيني يا سارة هههههه.

سارا : والله ما اعرف مين حيقول لي يعنى ..اخوكي؟؟

ميرنا : وهي مكسوفة من اخوها انه عمره ما كلم صحبتها ولا حتى جيه يشوفها من ساعة ما كتب كتابه عليها :سارا معلش اعذري عبد العزيز وانت عارفة انه كان مضغوط علشان تعب بابا معلش .... يالا بقى قومي اغسلي وشك علشان انادي فيفيان تمكيجيك وما تنسيش كمان اني حتمكيج معاكي يالا بقى .

سارا : حاضر انشاء لله ...وقامت للحمام تغسل وشها ....

قعدت ميرنا على الكرسي وهي تفكر في اخوها ونفسها تموته وبتفتكر ازاي استغربت يوم ماعرفت ان ابوها خطب صديقتها سارا وبنت اعز اصحاب ابوها لابنه عبدالعزيز الي كان مفهم العايله كلها انه مستحيل يتزوج خصوصا بعد ما شاف اللي حصل لاخوه عمر يوم ما توفت زوجته فاطمه ..عمر كان متزوج وعايش مع زوجه قصه حب ولا اروع

... وبعد خمس سنوات قدر الله ان فاطمه تموت بحادث وتركت عمر وبنتها مي 3 سنوات وحدهم...عمر تحطم بعد وفاة زوجته ...وتبدل ذاك الاخ الي كان دايما يضحك...حتى بعد مرور 3 سنوات من وفاة فاطمه..عمر ما رجع مثل اول وهذا الي مقطع قلب امه واخواته عليه ...ولان عبدالعزيز اقرب الاخوان لعمر ..وهو اكتر واحد كان حاسس بيه...واخد عهد على نفسه ان قلبه راح يكون ملكه هو وحده ومستحيل يسلمه لانسانه ممكن تروح منه وتاخذ قلبه معها زي ما حصل لعمر اخوه ....

يوم خطب ابوه سارا بنت عمي شوقي له ..في البدايه عبد العزيز ماكانش موافق لانهم خطبوها وهو مسافر ولا حتى اخذوا رايه ..بعدين احترم ابوه الي كان قصده يقوى علاقته بصديقه وتكون بينهم علاقه نسب مش بس صداقه خصوصا انه كبر وما يضمنش ان الشراكه تتم بين العيلتين بعد ما يتوفى ..فحب يزيد العلاقه بالزواج ...وشوقي الي وافق لانه مش عايز يكسف صحبه ويخاف انه اذا كسف تنقطع روابط الصداقه الي بينهم مع انها قويه جداا فاجبر بنته انها تتزوج من ابن اعز اصحابه

......وفي يوم كتب الكتاب بعد ما رجعت عايله ابو عمر لبيتها ابوهم صلاح تعب واغمى عليه ..لانه من فتره كان حاسس بحاجة بس محبش يروح للمستشفى ومع تجهيزات كتب الكتاب والكجهود الزيادة ظهرت اعراض المرض على صلاح .... وبسرعة راحوا للمستشفى وعشان كدة عبدالعزيز ما لحقش يقعد في بيت مراته.... والدكاترة شخصوا حالة صلاح ان قلبه ضعيف والمفروض ما يجهدش نفسه ...صلاح خاف ان ابنه وصحبه يأجلوا الفرح علشان مرضه ... وعشان كدة صلاح اصر ان سارة وعبدالعزيز يتجوزا اول ما يرجع البيت ...وبالفعل بعد اسبوعين من كتب الكتاب رجع صلاح لبيته وشوقي قرر انه يعمله عزومة عشى كبيرة جدا عشان اعز اصحابه قام بالسلامة ...فقال صلاح ان العشى حيكون عشان سلامتة وكمان جواز ابنه .. محدش اقدر يعترض على كلامه علشان حالته الصحية اللي ما تستحملش حتى نقاش وفعلا عملوا اللي هو عايزه

وفي بيت صلاح ...الكل كان خايف ومش عارفين يعملوا ايه عشان عبدالعزيز لغاية دلوقتي مش عارفين هو راح فين طلع من الصبح والمغرب اذنت وهو لسة ما رجعش ولا حتى بيرد على الموبيل...وما بقاش الا ساعتين وكلهم يروحوا لبيت ابو محمد ( بيت العروسة ) ...والعريس مش عارفين عنه اي حاجة ...ابوه صلاح وامه فوزية واخته نورا لابسين وجاهين وقاعدين في الصالة مستنيين عبدالعزيز .

ام عمر: عشان خطري يا ابو عمر ما تتنرفزش مش كويس على صحتك وانشاء الله عبدالعزيز حيجي وربنا يعدي الليلة دي على خير .

نورا:ايوة يابابا علشان خطرنا انت عارف ان الدكتور موصيك انك ما تجهدش نفسك عشان خطري وكل حاجة حتبقى تمام انشاء الله

.

صلاح : بس ما ينفعش كدة يا ام عمر الواد لغاية دلوقتي ما رجعش ولا عارفين عنه اي حاجة .

فوزيه: عمر اخذ ميرنا ونزلها بيت شوقي وراح يدور على اخوه وانشاء لله يرجعوا الاثنين مع بعض.

صلاح: انت دلوقتي امتى اخر مرة اتصلتوا بعبدالعزيز

نورا : يابابا تليفونه مقفول يمكن تليفونه فصل شحن ... انشاء الله حيجي دلوقتي .

وتنزل رهف وهي تصرخ.: نورا عيالك جننوني ...زهقتونى عايزة تلبسيهم ..روحي لبسيهم او خلي ماريا تلبسهم ..انا مش خدمتك .

فوزيه: الله يهديك يا رهف ..انتس مش شايفة بطن اختك قد ايه حرام عليكي مالهاش حيل على عيالها وانت عارفة انها ما بتحبش تخلي الشغالة تلبسهم .

رهف: يعني انا الشغالة بتاعتهم .

نورا ساكته وهي تبتسم مسلمه امرها لامها ...

صلاح وهو عصبي : بقولك ايه يارهف ابعدي عن وشي عشان الفعاريت كلها بتتنطط قدام وشي مش كفاية اخوكي اللي مش عارفين عنه حاجة ده .

رهف وايدها على قلبها : ليه هو اخويا فين ..اي واحد فيهم عمر ولا عبدالعزيز.

نورا : لا ما فيش حاجة بس احنا بندور على عبدالعزيز مش عارفين هو فين بقولك ايه يا رهف فينهم بناتي خليهم ينزلوا انا حلبسهم مش عايزة مساعدة من حد .

رهف : يا ساتر احسن خديهم مش كفاية عليا مي .

فوزيه:يا حياتى مي انا ماشفتهاش النهاردة هي فين ؟

رهف : ما تخفيش اهي فوق عمالة تجرب كل الفساتين اللي عندها ماتقوليش هي العروسة مش سارة..وميرنا راحت لسارة وسابت الشغل كله عليا .. انا تعبت خالص .

صلاح : ميرنا راحت تقعد مع سارة ... واخيرا سارة حتيجي تقعد معانا والله انا بحبها قوي من ساعة ما ابوها كان بيجبها الشركة عندنا ... بس ربنا يستر وعبدالعزيز ما يهدش كل حاجة .

نورا ورهف : يابابا واحنا رحنا فين .

صلاح :ههههه انتوا الأساس بس سارة غالية علية انتوا ناسين هي بنت مين.

نورا: والله يابابا انا نفسي اعرف هو عمي شوقي عاملك ايه علشان تحبه كل الحب ده .

فوزيه: انا من ساعة ما اتجوزت ابوكم وهو ما فيش سيرة غير شوقي .

صلاح : دي عشرة عمر .. شوقي مش شريكي بس ده صحبي واخويا اللي طلعت بيه من الدنيا ...

رهف وهي تبتسم : الله يخليكم لبعض.

نورا: ها يارهف حتلبسي العيال ولا البسهم انا .

رهف وهي تشوف بطن نورا المنتفخ بعصبيه: امرنا لله ننتظر الامور اللي جوة دى يطلع للدنيا علشان استريح انا بقى .

نورا: ياسلام بقى امور وانتي مطلعه عيني كل شوية علشان تعمليلي حاجة ربنا يخليكي ليا يا جميل ..

رهف : على فكرة ما تنسيش ان انا اللي حنفعك الايام دي هههههه.

نورا: ههههههههه طيب متشكرين يا ستي .

صلاح: نورا جربي واتصلي لخوكي تاني .

نورا :حاضر

هكمل لو الحكاية عاجباكو ..سلام

[noureymo]

الحكاية جميلة فعلا وبلاش حكاية الحلقات دي :yahoo:

خليها فيلم احسن

[ذهبية]

طبعا يا ام بودى عجبتنا جداااا يا ريت نعرف بقية الحلقات يبقى حلقات فى التليفزيون و فى النت كمان

فى انتظار البقية لحد هنا الاحداث طبيعية جدا و كل طرف لة مبرارتة فى موضوع جواز عبد العزيز عرفنا مشاعر كل الاطراف لكن صاحب الشأن فين؟؟؟؟؟؟؟

فين عبد العزيز ؟؟؟؟؟؟؟

[ام بودى]

صباح الفل

اخى noureymo وذهوبة الجميلة كل سنة وانتو طيبين متشكرة انكو عبرتونى مش زى الوحشين التانيين وعشان كدة ولجل عيونكو حنزل الجزء اللى بعدة

الحلقة 2

وعلى كورنيش المعادي ..في مكان فاضى ولا في حد خالص غير واحد قاعد على السور وبيتفرج على البحر وكان قاعد بيفكر وسرحان حياته حتكون ايه فاضل ساعات وحعيش مع انسانة ما اعرفهاش ولا حتى شفتها الا مرة واحدة وهي مراتي على سنة الله ورسوله ولا كلمتها ولا حتى اعرف طبعها ايه ولا تفكريها ..بس انا حاسس انى مش متجوز ولا مأيد الجوازه دى .

انا ما انكرش انها سحرتني بجمالها وبرائتها بس مش بالطريقة دي ...بس هي صغيره عليا هي قد اختي ميرنا ..حرام والله يجوزها وهي بالعمر دي .. اهلها ازاي يوافقوا ... هي ازاي توافق ..بس صح عمي شوقي مستحيل يرفض طلب من ابويا مهما صار ...سارا ...اهاااا يا سارا انتي مين .. انا بالنسبه لك ايه..يا ترى هي فرحانه انها بتتزوجنى ..او هي مجبوره زيي على الجواز ... بس انا مش مجبور ..انا راضي بالزواج ...يووووووووه انا ايه اللي بقوله خلاص كل حاجة تمت ...........يا ترى هي طبعها زي طبع اختى ... يعنى دلوعه وعلى اتفه حاجة تعيط ..انا اكره حاجة عندي ان ميرنا او رهف يعيطوا ...يوه اذا عيطت انا حعمل معاها ايه ............اعم ل ايه اضربها زي ما بضرب اخواتي ..والا اراضيها زي ما بيعمل عمر ...والله حيرة ربنا يهيدك يا بابا انت السبب اللي مخليني في الحيرة دي ...

فجاه سمع صوت سياره وراه ..التف وشاف بي ام سودا .....ايه اللي جابه دى دلوقتي اخر مرة شاف فيها الساعة كانت 4 ونص العصر ... ادى الوقت مر بسرعة وما حستش بيه من امتى وانا قاعد القعدة دي .

وقفت السياره ونزل منها واحد طويل و حلو له دقن خفيف ولابس بدلة شيك ..قرب مني وقعد جمبي على السور .... وقام يتامل النيل وهو ساكت..

عبدالعزيز وهو باصص للنيل : انت ايه اللي عرفك ان انا هنا.

عمرو هو لغاية دلوقتي ما شفش اخوه : انت عارف ان انا عارف المكان المفضل ليك لما تكون زعلان او مهموم .

عبدالعزيز ولازالت عنيه على البحر: انت اهو قلت ان انا بحب اقعد هنا ايه بقى اللي جابك.

عمر: اعتقد ان المكان دى مش ملكك علشان ما اقعدش فيه

عبدالعزيز وهو يقوم : خلاص اوكي انا حسبلك المكان تقعد فيه برحتك.

عمر يمسك ايد اخوه: تعالا هنا انت رايح فين ...انت كدة عالطول متنرفز ...عبد العزيز مالك انت ناسي انا مين.

عبدالعزيز: اااااااه يا عمر والله انت مش حاسس باللي جوايا انا دماغي حتنفجر من التفكير.

عمر: ده انت يوم ما كتبت كتابك ما عملتش كدة جاي تعملها النهاردة في فرحك ... هو انت مش مرتاح مع سارة ؟؟

عبدالعزيز: ارتاح ازاي وانا عمري ما كلمتها ولا شفتها غير مرة واحدة .

عمر وهو فاتح عينيه: نعممممممممممممم م

عبدالعزيز: اللي سمعته ما كلمتهاش خالص وما شفتهاش غير يوم كتب الكتاب بس .

عمر: طب ليه انت بقالك اسبوعين كاتب كتابك؟

عبدالعزيز: انت عارف بالظروف اللي مرت علينا .

عمر: لا والله عذر اقبح من ذنب..الله يعينك يا سارة ويصبرك على اخويا.

عبدالعزيز: اهاااا انت بتقول ايه الله يعينها علي ايه .. ما حدش قالها ترضى تتجوزني ..

عمر:وبعدين معاك البنت مالهاش ذنب في اي حاجة وعلى فكرة ابونا مش ناقص.

عبدالعزيز: بس انا مش عايز اتجوز ..(وبصوت عالي) ياناااااااااااا ااااااس انا مش عايز اتجوز.

عمر: طب ليه فهمنى.

عبدالعزيز ومن غير ما يحس: مش عايز اتزوج واحبها وتسبني زي ما فاطمة سابتك.

عمر وهو منزل راسه: الله يرحمها.

عبدالعزيز حس بنفسه: والله انا اسف يا عمر مش قصدي اعذرني .

عمر: ما ينفعش تقول كدة اللي حصلي قضاء وقدر وما ينفعش انك تربط نفسك بيا.

عبدالعزيز: خلاص اللي حصل حصل واللي ابويا عايزة حيحصل بس حب مش ححبها ماشي.

عمر: ربنا يهيدك ابونا متنرفز في البيت وهو عمال يتصل بيك على الموبيل وانت ما بتردش يالا بقى نروح .

عبدالعزيز: انا اقفل الموبيل

عمر: يالا بقى قوم مين قدك يا عم النهاردة انت حتسافر واحنا قاعدين في الشغل قرف وحرقة دم .

عبدالعزيز: انا مستعد اشتغل 12 ساعة بس مش عايز السفرية دي .

عمر: يابني يالا قوم قال مش عايز يسافر قال يابني شهر العسل دى احلى ايام الجواز اسألني انا لسة العروسة بتكون مكسوفة ..

.

عبدالعزيز : ربنا يكون في عوني مش عارف اتصرف ازاي مع بابا ولا اقوله ايه ..

عمر: ولا يهمك اخوك مرتب كل حاجة .

عبدالعزيز: صدقني انا ماعرفش سارة ولا حتى بتفكر ازاي.

عمر: مش ذنبها بقالك اسبوعين انت اللي ما كلمتهاش.

عبدالعزيز: انا حطلب من بابا انه يأجل الجواز شوية .

عمر : والسفر؟

عبدالعزيز: عادي نلغيه.

عمر: صدقني انا حضربك على وشك بجد زودتها .. يالا بقى

.

ويرن موبيل عمر...

عمر : انا حقولهم في البيت ان بطارية العربية وقفت وانك كنت بتصلحها ماشي.

عبدالعزيز : ماشي.

عمر يرد على التليفون: الووو

نورا: ازيك يا عمر عامل ايه يا أبو مي .

عمر : الحمد لله انتم عاملين ايه .

نورا: بقولك ايه لقيت عبدالعزيز .

عمر: ايوة هو جمبي اهو .

نورا: على فكرة ماما كانت خايفة جدا وبابا متنرفز على الاخر .

عمر:شحن التليفون خلص وما عندهوش شحن وبطارية السيارة كمان باظت واحنا خلاص صلحنا السيارة وراجين اهوه عالطول على البيت ..

عمر: المهم اخبار مي ايه لبستوها انا عايزيها هي العروسة النهاردة .

عبدالعزيز وهو بيضرب عمر بكتفه: مش حتكون احلى من مراتي .

عمر وهو يضحك : دى اللي ما كانش عايزها من شوية ودلوقتي بيدافع عنها اااااخ منك انت .

عبدالعزيز: ما تصدقش نفسك كدة بنتك وحشة جدا وفي احلى منها كتييير هههههه.

عمر: اخرس دى انا بنتي احلى البنات في العالم .

عبدالعزيز : هههههههههههههه يالا علشان نرجع .

وقام وراح لسيارته وكمان عمر راح لسيارته وافتكر ان نورة لسة على التليفون .

عمر: ههههههههههههه ايوة انا معاك يا نورا .

نورا: لا احلف بس...بقالي ساعة عماله اقول الووووو وانت في وادي تاني.انت كدة حتخسر بابا كتير .

عمر: لا ما تخافيش الخير كتير والحمد لله .

نورا: انت رحت فين

عمر: قال اخوكي بيقول ان مراته احلى من بنتي انا شوفتي اخر نكتة .

نورا وهي فاتحه عنيها ومش مصدقة وبتصرخ في عمر : احلفففففففففففف ففففففففف

عمر: صوتك وجع وداني انت بتكلمي واحد اطرش ايه يا بنتي مالك هو انت النهاردة مش مصدقاني في حاجة خالص .انت حرة

نورا:لا بس مستغربة انا اسفة .... عبدالعزيز بيتغزل في حد انا اول مرة اعرف انه بيعرف يتغزل ورومانسي سبحان مغير الاحوال.

عمر: بقولك ايه بقى اقفلي بقى عشان ما بعرفش اتكلم وانا بسوق وجهزوا عروستي مي علشان اخدها معايا القمر دي .

نورا : ربنا يخليكوا لبعض يالا مع السلامة وخلي بالك من الطريق وانا حروح ابشر الناس اللي هنا علشان هما خلاص على اعصابهم . سلام

عمر: مع السلامه.

عمر قفل التليفون وهو مبتسم ..واخيرا بيدخل بيتهم الفرح ..هو عارف ان ا خوه عبدالعزيز مش موافق على الجوازة دي ..بس هو حاسس ان دخول سارا لبيتهم بيكون فاتحه خير للكل.

....يارب

عبدالعزيز رجعت الافكار له حاول يطردها وشاف نفسه في مراية السياره ..لاحظ انه لازم يحلق ...خد موبايله وفتحه وعلى طول يطلع له صوت مسج وبعده مسج وبعده مسج ..لغاية ماوصل عددهم 7 مسجات...

فتحهم وشاف كلهم من اهله ويسالونه هو فين وأمتى هيجئ والكلام ده كله ...ابتسم وعرف ازاي هما كانوا خايفين عليه وهو مش عايز يحرجهم مع اهل العروسة ويحطهم في موقف محرج......رن على اخوه عمر ...

عمر: هههههههههههه وحشتك مش كدة .

عبدالعزيز: جاتك نيلة قال وحشتك ما انت لسة شاتمني عشان بنتك هههههه بقولك ايه انا حروح للحلاق احلق بسرعة واروح ما ينفعش اروح الفرح بالشكل دى .

عمر: اوووووووووووووه ماشي بس بسرعة ما تتأخرش.

عبدالعزيز: باي

عمر: ههههههههههههه مع السلامه

عبدالعزيز: عمر والله انك رخم .

عمر: مش انت لسة بتقولي باي انت مجنون يابني .... ربنا يكون في عونها .

عبدالعزيز : هي مين دي .

عمر : لالالالالا ما تخدش في بالك مع السلامة .

عبدالعزيز:ماشي لما اشوفك انت فعلا كتلة رخامة متحركة هههههه ..... المهم قول لاهلي اني ساعة بالكتير وجاي .

عمر: ههههههه حاضر يا ابو الغلاسة كلها .

وراح عبدالعزيز للحلاق وبعد ما خلص رجع للبيت .... اول ما دخل قابلته هند بنت اخته نورا...

عبدالعزيز وهو يشيل هند: ازيك يا قمر يالا فين بوسة خالو .

هند وهو بتتلوى في حضن خالها: مش عايزاك نزلني انا عايزة ماما .

عبدالعزيز وهو بينزلها:والله انت غلسة يالا انزلي وروحي لماماتك ولا حد حيعبرك ولا تستهلي حتى حد يديكي بوسة يارخمة.يلا روحي .

رهف وهي بتضحك : انت اتجننت ولا ايه يا عبدالعزيز بتكلم الطفلة دي وكأنها فاهماك.

عبدالعزيز: يمه انت طلعتي منين انت كمان ؟؟

رهف: انت اللي كنت فين احنا كلنا كنا قلقنين عليك قوووي.

عبدالعزيز: فين ماما وبابا .

رهف : في الصالة مع اخواتك .

عبدالعزيز: كلهم مجتمعين.

رهف : ايوة الا ميرنا عند العروسة هههههههههه

عبدالعزيز: ما تضحكيش

.

رهف: انت بس تزعقلنا ... ربنا يكون في عونك يا سارا.

عبدالعزيز: دي يا بختها بيا ... وانتي اش فهمك في الحاجات دي يا حقودة .

رهف تبتسم بحنان: اه والله يا بختها بيك فعلا.

عبدالعزيز استغرب من اخته اول مره تشوفه كذا وتبتسم له هالابتسامه ...ابتسم لها هي كمان وراح للصاله عشان يشوف اهله.........

صلاح: واخيرا العريس شرف ..

فوزيه : فينك يا ابني قلقتني عليك.

عمر: كان بيتشيك وبيحلق علشان عروسته تشوف عريسها وهو على سنجت عشرة ههههههه.

فوزيه: عقبالك

عمر يلتفت بسرعه لا امه وبيبصلها بنظرة عتاب عشان بنته مي جمبه.

صلاح: امك ما قلتش حاجة غلط ليه بتبصلها بالطريقة دي .

عبدالعزيز:ههههه هههه الحمد لله لقوا حاجة يتسلوا فيها وسبوني الحمد لله ؟

عبدالعزيز: يالا اسيبكم بقى يا جماعة حروح اخد دش واجهز نفسي وارجعلكم تاني .سلام مؤقت

نورا: تعالى يا عبدالعزيز وقولي انت حتسافر فين الليلة انا مش عارفة .

عبدالعزيز: اذا كنت ما قلتش للعروسة حقولك انتي.

نورا بدلع: مش عايزة اعرف انت حر .

عبدالعزيز فاتح عنيه مالهم اخواتي النهاردة كأنهم اول مرة يشوفوني بس عمر معايا عادي غريبة.

رهف: بجد يا عبدالعزيز انت حتسافر فين احنا مش حنقول لسارة احنا عارفين انك عملها مفاجئة ... يالا قول بقى .

عبدالعزيز : انا مش عاملها مفاجئة ولا حاجة ما دام انتم فهمتوها كدة براحتكم

.

عبدالعزيز: اوكي انا حقولكم بس ما حدش يجيب سيرة لسارا فاهمين .

نورا ورهف: واللللللللللللل ه ما مش حنقول ... يالا بقى

عمر: حيروح لللللللندن

عبدالعزيز: ياحشرررررري

نورا: ليه لندن فيها عرب كتير وزحمه

رهف: ايوة روحوا باريس لانها بلد العشاق او ايطاليا حلوه لشهر العسل ..والا ماليزيا بلد العرسان

صلاح: وانتى اش عرفك يا عفريته

رهف وهي مرتبكه: هاه لا عادي كنت بسمع من البنات

فوزيه: والله البنت دي مصيبة عارفة كل حاجة ( داهية مسيحة )

مي تتكلم بصوتها الناعم وبكل هدوء: عمي ليه ما تروح اسبانيا انا بابا وماما راحوا لها بشهر عسلهم؟

عم السكوت المكان والانظار توجهت لعمر وبنته ..وينتظرون رد عبدالعزيز.....ع بدالعزيز راح لبنت اخوه الي يعشقها غير عن اولاد نورا وقال: لو رحت لها ماراح تكون خاصه لامك وابوكي ....والا انتى رايك ايه يا قمر؟؟

مي وببتسامه حلوه تجمل وجها البرئ:ايوة صح اسبانيا لماما وبابا بس مش لحد تاني .

عمر شاف بنته بحنان وقربها منه زياده وقال: مش ماما وبابا بس وكمان مي الحلوة معانا.

مي وهي مكشره: لا يا سلام انا عايزه بلد خاصه بيا وبجوزي بس

الكل قام ضحك ...قال صلاح( ابو عمر ) : والله البنت باظت من عمتها رهف.

رهف: حرام عليك يابابا.......تص دق يا عبدالعزيز انا اعتقد ان لندن مش حلوة لشهر العسل.

عبدالعزيز: لا بالعكس لندن حلوه قوووي خصوصا في الوقت دى من السنه ..وانا حروح عشان عندى شغل هناك ...

نورا: شغل في شهر العسل؟؟؟؟؟!!!!! !يارررررررربي ارحمني

عبدالعزيز: مش شغل شغل يعنى عندي حاجة كدة وعايز اخلصها ..ولازم اروح هناك..

رهف: بجد ربنا يعين سارا على الطياره خصوصا انها اول مره تسافر

عبدالعزيز وهو مستغرب: ليه هما عمرهم ما سافروا..؟؟؟

رهف: لا راحو مرة دبي لان سارة كانت بتقول ان عمي شوقي ما ينفعش يركب طيارة وانه يكرهها هما سافروا المرة دي وما سافروش تاني .حتى سارة من كلام ابوها بقت تخاف تركب الطيارة مع اني بقولها ان احلى حاجة ركوب الطيارة متعة .

عبدالعزيز: طيب يا جماعة عن اذنكم بقى .

وطلع من الصاله والكل مستني وخصوصا انهم جاهزين وما بقاش في وقت عشان يروحوا بقى لبيت شوقي ابو العروسة

[ام بودى]

يا خبر كل الناس دى قرأت القصة ومافيش الا تعليقين بس فين التشجيع طيب انا حنزل الحلقة التالتة بس عاوزة شوية تشجيع عشان اكمل

الحلقة 3

ميرنا :يالا روحي وكملي لبسك وان شاء اللة كل حاجة تبقى كويسة

سارا ابتسمت : يارب.

سارا: ماشي

وقبل ما تطلع بصت لميرنا : بتقولها انت بجد ما تعرفيش احنا مسافرين فين الليلة

ميرنا : لا والله ماعرف ليه ؟

سارا: خايفة نروح مكان بعيده وانا ماعمرى ما ركبت طياره..

ميرنا:ههههههههه لا تسمعك رهف بتموت في حاجة اسمها طيارة لو بإيدها كانت اشتغلت مضيفه ..

سارا: بجد انا خايفة ...مش كفاية اني خايفة من اخوكي كمان اركب طيارة انتوا ناوييين تخلصوا مني

ميرنا: ليه هو اخويا عفريت ولا ايه ههههههههههههههه .

ودخلت سارا تلبس فستانها وتجهز نفسها .

دخلت مها الاوضة : فين سارا

ميرنا : بتغير هدومها وبتلبس الفستان

مها: وهي عاملة ايه دلوقتي

ميرنا وهي بتبتسم : يعني انا موجودة ومش عايزاها تكون بخير .

مها:ههههههههه والله اانك فعلا مجنونة زي سارة بالظبط .

ميرنا:شكرا

مها: عفوا اي خدمة بقولك ايه يا ميرنا ما تزعليش من كلام سارة على اللي قلته على اخوكي هي بس نفسيتها تعبانة معلش عروسة بفى وانت عارفة حالتها بتبقى ايه في اليوم ده .

ميرنا : انت بتتكلمي في ايه يا مها سارة دي مش صحبتي وبس دي اكتر من اختي ..والله انها زي اخواتى نورا ورهف واكتر كمان.

مها: عارفة والله وهي كمان بتعتبرك اختها واحنا كمان بنتعتبرك بنتنا وبنحبك جدا بس ارجوكي ما تبينيش لاهلك او تقوليلهم على اللي قالته سارة .

ميرنا: مها سارا ما ماعملتش حاجة ..واللي عملته او قالته ده حاجة عادية ..واللي سارة تقولوا ما بقولهوش لرهف ازاي بقى حروح احكي لاهلي على اللي حصل .

مها : والله انت بنت جدعة بجد وبنت اصول ... يالا بقى مش حتروحي تلبسي انتي كمان .

ميرنا : مستنية سارة تطلع الاول .. هي العروسة مش انا هههههه.

مها: ربنا يخليكوا لبعض وعقبالك يا قمر .... والله علاقتكم دي بتفكرني بعلاقة عمي شوقي بوالدك .

ميرنا: اميييييييين

مها: في اصوات كتيرة تحت يالا اسيبك انتى بقى تجهزي وانا حنزل شكل الضيوف وصلوا

.

ميرنا : ماشي

وتطلع مها الاوضة وبعدها تطلع سارة وهي لبسة احلى فستان.

سارا : اعتقد اني سمعت صوت مها .

ميرنا : مها ايه دلوقتي ... ايه يابت الحلاوى دي بسم الله ماشاء الله

.

سارا وهي مكسوفة بس بقى يا ميرنا .

بس انت يا سارة بجد الفستان مظبوط عليكي بالظبط .

ميرنا: بجد تجنني يا سارة .. خليني اقرى عليكي قران علشان العين والحسد وان ربنا يحميكي انشاء الله .

سارا: عين مين بس ما فيش حد غريب كلهم اهلك واهلي وكلهم شايفينى الف مره

ميرنا : يااااااغبية من عين اخويا .... ده عينة مدورة

سارا وهي منزله راسها: وادي صفة تانية وحشة فيه .

ميرنا وهي عصبيه:صدقيني حضربك على وشك لانك بجد زوتيهها انا بهززززززززززر

سارا: طيب يمه خضيتيني

ميرنا: فين باقه الورود الي اشترتهالك.

سارا: مش حخدها دى مش جواز ( دي يا دوب قاعدة كدة وبس وعشا) مش ححتاجها .

ميرنا: لا حتخديها احنا حنعملك زفة ولا انت ناسية

سارا: اهي عندك هناك

ويرن موبيل ميرنا..

ميرنا : ايوة يا رهف انتوا اتأخرتوا كدة ليه .

رهف: احنا تحت انتوا لسة ما نزلتوش ليه

ميرنا ياسلام ... طيب طيب شوية ونزلين اووووف رغاية .

ميرنا : طيب بقولك ايه تعالي وهاتي معاكي حصة ومي ولبسوهم زي بعض علشان عايزاهم ينزلوا مع سارة علشان يمسكوا الشمع .

رهف: ايوة لبسين زي بعض وانا جهزتهم وكل حاجة تمام

...

ميرنا : طيب هاتيهم وتعالي .

رهف: ماشي انا جاية ......

طلعت رهف بسرعة وهي بتجري على السلم وهي بدون حجاب وفجأة اتصدمت في حد قدامها وكانت حتفقد توازنها وتوقع ....الا وحست بايد بتساعدها ... .......

[pink rose]

لا كده انا ازعل اوي بقى

ما بحبش المسلسلاااااااااااااااااااااااااااااااااااااات باحب الافلام

ماليش دعوة انا عاوزة الباقي :h!!!h:

[ام بودى]

اهلا حبيبة قلبى ام مريومة كل سنة وانتى طيبة معلش القصة نظامها كدة حلقات بس كل ملاقى متابعة منكم حنزل بيهم ورا بعض ولجل عيونك اتفضلى

الحلقة الرابعة

سارة نزلت من غرفتها وزفوها لعريسها وقعدوا مع الاهل شوية وبعدين اتعشوا وراحوا يوصلوها هي وعريسها للمطار علشان تبدأ حياة جديدةمع عبدالعزيز ياترى حياتهم حتبقى عاملة ازاي......

وفي بيت ( شوقي) ابو محمد...... الجميع كانوا قاعدين في الصالة .

ام محمد : والله سارة حتوحشني قووووي .. دي حتغيب عني شهر كامل .

ابو محمد وهو حزين لان سارة عندة بالدنيا كلها : بقولك ايه يا كريمة مش شايفة ان سارة صغيرة على الجواز النهاردة لما جات تسلم عليا وهي ماشية حسيت انهالسة صغيرة على الجواز شكلنا اتسرعنا وغلطنا كنا لازم نستنى شوية .

ام محمد : لا يا ابو محمد لا صغيره ولا حاجة ....وانا لما كنت في عمرها كان عندي محمد وحامل في عبدالله كمان....

ام محمد صحيح انها طيبه ومتاثره بفراق بنتها ...بس هي قويه ونادر ما تظهر شعورها قدام للناس..

هدى: الله يهديكى يا طنط ايامك غيرايامنا .... انا مش بقول ان سارة لسة صغيرة على الجواز بس برضه لسة شوية عليها .

ام محمد: لا يا جماعة هي سنها كويس كدة للجواز وبعدين الجواز سترة للبنات .

مها: عبدالله ...عبدالله

عبدالله وهو قاعد جمب مراته مها نام وهوقاعد من التعب يا عمي ومراته بتهزه في كتفه علشان يصحى

ابو محمد : مالهعبدالله هو نام ولا ايه

عبدالله انتبه لصوت والده : ههاه ...ايوة يابابا ....(واتعدل في القعدة بتاعته) يالا يا مها قومي حطلع انام انا تعبان جدااااا .

ابو محمد : تعبان ايه ....لالا مش حتنام خلاص الفجر قرب يأذن .. اصبر لغايةلما تصلي الفجر وبعدين روح نام.

عبدالله: يابابا لسة بدري على الفجر فاضل ساعتين ونصف ... ان شاء الله هقوم يالا يا مها .

مها: طيب بس شيل فهد بقى تقيل ماشاء الله عليه .

عبدالله: طيب هاتيه ...

عبدالله ومها عايشي نفي الفيلا مع اهله ..لهم جناح معزول في الدور الثانى فيه غرفتين نوم وصاله صغيره وبوفيه (مطبخ صغير)....

هدى: محمد مش اتأخر يابابا

ابو محمد: طبعالازم يتأخر انت فاكرة المطار قريب.

ام محمد: هدى نيمي عيالك في اوضة سارةبدل ما هما نايمين كدة في الصالة حرام .

ابو محمد: وبالمره ناموا انتواكمان في اوضة سارة بدل ما تروحوا وتجرجروا عيالك وراكم وهما نايمين .

هدى: مش عارفة يا عمي انا معملتش حسابي على البيات هنا وما اعتقدش ان محمدحيوافق.

ام محمد: لا ما تخافيش محمد مش حيقول حاجة .

ورن موبيل هدى

هدي وهي بتضحك وترد علىالتليفون: جيت على السيرة

محمد: ليه قاعدين تنموا فيا مش كدة

هدى:لا ابدا اصل طنط وعمي بيقولولي باتوا هنا النهاردة علشان العيال نايمين .

محمد: لا مش مستاهلة انا اصلا برن عليكي علشان تجهزي العيال علشان انا حرن وتطلعي عالطول علشان انا مش حقدر ادخل .

هدى: انت قريب؟؟

محمد: قدامي ان شاء الله عشر دقايق واوصل .

هدى: طيب خلاص توصل بالسلامه.. خلي بالك من نفسك لا اله الا الله

محمد: محمد رسول الله مع السلامه ..

ومحمد قفل التليفون مع مراته وبيتفرج على اخوه اللي جامبه وهو محتاس في الكاسيت.

محمد: بقولك ايه ما تسكت بقى واهدى ربنا يهديك خايلتني مش عاجبك حاجة .

تامر : تصدق يا محمد ان سيارتك تقرف ما فهاش حاجة

محمد: طيب ما تنزل منها ما دام مش عاجباك .

تامر : انا عمالة ادور على شريط من الصبح مش لاقي غير اغاني اطفال ما تقلش قاعدين في حضانة .

محمد:ههههههههه .: الاغاني دي لعيالي مش ليك وانت مالك دى انت حشري بجد

. وانت عارف ان هدي ما بتحبش تسمع اغاني وانا ما بحبش اشغل اغاني قدامها احتراما ليها ومدام ما بشغل قدامها ما بشغل برضه من وراها لان ربنا شايفني .

تامر : ياه دي هدى غيرتك تماما .بقولك حسيت ان سارة فيها حاجة وهي بتسلم عليك في المطار .

محمد: اااااه يا تامر . والله وانها بسلم عليها وبضمها لياكنت حعيط خلاص لولا بس ان الناس واقفة ومسكت نفسي وحسيت انها خايفة حسيت انهابتقولي ما تسيبنيش يا محمد انا محتاجالك .

تامر: ههههههههههههههه هههههههههههههاا اااااااااي

محمد ببص لاخوه بعصبيه في ايه هوانا قلت نكته .

تامر وهو لغاية دلوقتي وهو بيضحك : لالالا ابدا ... .

محمد: سارة صعبانة علية قوي وكان نفسي اقول لعبدالعزيز انه ما يسافرش ولو يقعدوا في اي فندق هنا وخلاص.

تامر : ياعيني على الحنية ... ما كنت قلتله احسن انا حاخدسارة معايا تاني هههههه والله ناس عجيبة .

محمد باستهزاء: يالا انزل من السيارة علشان انا مش طايقك وروح ناديلي هدى والعيال

تامر نزل من السيارةوقفل الباب انادي مين يابابا يالا روح مع السلامة هما حيناموا هنا النهاردة .

دق تامر على باب البيت علشان يستأذن الاول ودخل سلم عليهم .

تامر : اهلا ازيكم عاملين ايه ازيك يا ست الكل عاملة ايه من غير دلعوتك الصغيرة .

ام محمد: ازيك يا بني ... ان شاء الله تيجي مراتك مكانها .

تامر وراح ضم امه وقلها مستحيل حد يجي مكانها انا حفضل عازب طول عمري .

هدى: تامر هو محمد فين ؟؟

تامر : يووه نسيته ...جوزك بره مستنيكي وبيقولك بسرعة علشان هو تعبان وعايز يتخمد...

هدى قامت وحاولت تقوم ابنها اياد ....مش راضي يقوم لانه كان تعبان جدا ....مهند قام وهو بيفرك في عينه ....

هدى: يالا يا اياد تعبت قلبي يالا بقى انا تعبانة وابوك برة وتعبان .

اياد وهو نايم: مش عايز .. انا حنام هنا عند تيته.

هدى: لا ابوك مش حيرضى يالا بقى

ام محمد : خلاص يا هدى خليه يا بنتي ما هو عند جده حزعل منك يا هدى .

هدى: يا طنط .. محمد مش حيوافق .

ام محمد : قوليله ان امك بتقولك خلي اياد هنا .

هدى : يالا يا مهند

منهد: واناكمان يا ماماانا عايزة انام عند جدو اشمعنا اياد .

هدي: ياربي ....انا حروح اندهلكم ابوكم يتصرف معاكم .

ام محمد: خلاص يا هدى سيبيهم هنا .

هدى: لا ياطنط يالا يا مهند روح لبابا في العربيه وانا حروح اجيب اخوك .

ام محمد: تامرقوم ساعد مرات اخوك . .

تامر: حاضر ... يالا يا بطل نروح عند بابا .

راحت هدى وشالت مرام بنتها ...وسبقهم مهند للسياره......ام محمد خدت اياد معاها ودخلته اوضة عمته سارا ...وبعدين طلعت اوضتها لقيت ابو محمد بيقرا القران وينتظر اذان الفجر عشان يصلي وينام ....وتامر رجع بعد ما وصل مرات ا خوه وعيالها ..وراح اوضته .....

وبعد شوية لقى ابوه بيقوله يالا علشان حنروح نصلي الفجر في الجامع . وراح ابو محمد وعياله عبدالله وتامر للصلاة ..

[noureymo]

حكاية جميلة بجد

[noureymo]

صباح الخير يا ام بودي

احنا لسة في الحلقة الرابعة ليه بس :h!!!h:

ده انا قاعد مستني من الحلقة الاولى :h!!!h:

[ام بودى]

الحلقة الخامسة

وفي الطيارة .... سارة قعدت على كرسي جنب الشباك وفي الجهةالتانية قاعد عبدالعزيز .... المضيفة طلبت منهم انهم يربطوا حزام الامان وما حدش يتحرك لان الطيارة حتطلع الان........... .هنا سارا ماتت من الخوف .. وهي عارفة ان اصعب حاجة في الطيارة هي الاقلاع والهبوط وبقت مش عارفة تعمل ايه ... والطيارة بدأت تمشي .... وسارة مربعةايديها واول ما بدأت الطيارة تسرع .... بدأ قلبها ينبض بسرعة وهي حاسة خلاص ان قلبها حيقف من كتر الخوف ....وايديها بدات ترتجف ... وخافت ان عبدالعزيز يشوفهابالمنظر ده وهي ضاغطة على ايديها قووووي وغمضت عنيها جامد ..... ولف عبدالعزيزوشافها وهي بالمنظر ده كان نفسه يفطس من الضحك ... بس مسك نفسه علشان سارة ما تحسش باحراج . ..وصعبت عليه قوووي .... واستغرب قوي من انها لسة مش عارفة اي حاجة في الدنيا وانها بنت في العمر ده وغنية وما ركبتش طيارة لاء وكمان بتخاف منها ...مد ايده وحطها على ايديها وهي اول ما حست بايده مسكت فيها جامد وهي مغمضة عنيهاوحتموت من الخوف كأن ايديه كانت حبل النجاة بالنسبه لها .......وقتها عرف هي قد ايه خايفة .... ابتسم وسابها على راحتها ... وبعد ما استقرت الطياره في الجو ...حست سارا ان التوتر الي كانت تحس فيه قل....وكانها راكبه سياره ..فتحت عنيها شوية شوية ..وهي خايفه من اللي حتشوفه يمكن تكون في حلم ..وكل الي فات خيال ........ ولقيت ايد عبد العزيز ماسكة ايديها اللي اتنين ... وعالطول تبعد اديها وهي مكسوفة وهيتقول في نفسها ....ياربي عرف انى بخاف ..ايه الاحراج ده ...ايد عبدالعزيز كانت حمرةمن كتر ماكانت سارا ضاغطه عليهم .....

عبدالعزيز وبيكلم سارة بسخريه: وطلعتى خوافه كمان ..انا قالوا لي انك دلوعه بس..

سارا حست انها خلاص هتنفجرده بدل ما يهديني بيتريق عليا ..

سارا بين اسنانها: محدش اجبرك وقالك اتجوزني .

عبدالعزيز استغرب من ردها ...بس هو يستاهل لان المفروض ما كانش يقول كدة ... كفاية انها مكسوفة منه .... بس حتى لو مش قصدها ... ليه هي مش عايزاني زيى بالظبط ..

عبدالعزيز: ههههههه ...اوف كمان عصبيه ولسانك طويل ..

سارا هنا بقى اتكسفت بجد :.... هو انا ازاي رديت الرد ده ايوة اسلوبة مش حلو في الكلام بس كفاية انه مسك ايدي وانا كنت هموت من الرعب ..

سارا بصوت منخفض يا دوب مسموع : انا اسفه..

وتمر المضيفة بالعصير .....وسارة طلبت عصيربرتقال...

اما عبدالعزيز فاخذ له عصير كوكتيل ...

كابتن الطياره قام يتكلم يعرف الركاب بنفسه .. وكم راح تستغرق الرحله اللي مدتها 5 ساعات ونص ...وغيركدا من الكلام المعروف..وطبعا دعاء السفر (وهذا شيء مميز وحلو تتميز فيه مصرللطيران) بعدين جات المضيفه عشان تقولهم داوعي الامن ومكان سترت النجاه 000

سارا جلست تفكر...خمس ساعات كتير حتعمل فيهم ايه ماعندهاش حاجةتعملها ....اما عبدالعزيز فكان بيتفرج على فيلم في التلفزيون...سار ة بحكم انها اول مرة تركب طيارة ومش عارفة التليفزيون بيتفتح منين ومش عايزة تكسف نفسها اكتر من كدةقدام عبدالعزيز كفاية اللي حصل ........خدت المجله وقامت تتفرج عليها ...وتحاو ل تسلى نفسها.....بعدين حست انها خلاص اتخدرت وعايزة تنام ......

عبدالعزيز: سارا يالا قومي ...الاكل وصل ...

سارا وهي غرقانة في النوم ومش حاسه : بس ياتامر ابعد عني وامشي انا عايزة انام ..

عبدالعزيز يبتسم : انا مش تامر اخوكى اناعبدالعزيز ....يالا يا سارة المضيفة وصلت ...

سارا وهي لسة بتستوعب الامروفتحت عنيها الا وشافت راسها على كتف عبدالعزيز وعالطول اتعدلت في قعدتها وشهااحمررررر ..

سارا: مش عايزة شبعانة .

عبدالعزيز:ايه شبعانة دي بلاش دلع عايزة تاكلي ايه ..

سارا: مش عايزة شبعانة .

عبدالعزيز وهو بيكلم المضيفه ومش مهتم بسارا: اديني واحد كرواسون وواحد بيض وحطي البيض عند سارة .

سارا: بس انا مش عايزة بيض

عبدالعزيز: يعني عايزة كرواسون ما كنتي قلتي من الاول واصلا مين قالك ان الكرواسون ليكي اصلا انا كنت ناوي اكل اللي اثنين ...

سارة اتكسفت قوووي وبتقول في سرها ماله دة كل شوية بيكسفني كدة...عبدالعزيز كان فرحان بيها جدا وخصوصا لما وشها بيحمر من الكسوف فعشان كدةكسفها ..

عبدالعزيز للمضيفه: اوكى لوسمحتي غيري االبيض بالكرواسون

المضيفه : تشرب ايه

عبدالعزيز: عندكم عصير تفاح

المضيفه: ايوه ..والمدام تشرب ايه ..

سارا: عايزة بيبسي

عبدالعزيز بيبص لساراويقولها: بيبسي مش صحي خدي عصير احسن ..؟؟؟!!!

سارا ما اهتمتش بكلامه .. والمضيفة اديتها اللي عايزاه وراحت للى بعدهم . ....سارا شافت ساعتها وكانت الساعه 7ونص الصباح ...وهذا طبعا بتوقيت القاهرة ....كان النور شوية طلع ...يعنى باقي حوالى ساعه ويوصلوا لندن ....بعد ما خلصوا من الفطار ..وشالت المضيفه الاكل ...حبت ساراتروح للحمام عشان تغسل وشها وتظبط نفسها بعد النوم عشان خلاص قربوا يوصلوا......حاو لت تفتح الحزام بس ما عرفتش وفضلت فتره تحاول ....وما حبتش تسال عبدالعزيز.... عبدالعزيز حس بيها وهي محتاسة ولف عليها ...ومن غير ما يتكلم او يعلق ..مد ايده وفتحلها الحزام بكل سهوله.....رفع راسه وقام يشوف سارا ..الي كانت عنيها علي ايده وهيتفتح الحزام ولاصقه فيها......عبدالعزيز بصلها كأنه اول مرة يشوفها في حياته لقى فيها الطفولة والبراءة وانها جميلة جدا...حتى بالحجاب الي لابسته جمالها باين ...فيها برائه ورقه نادر ما تكون البنت تمتلكها...بعد ما فتح الحزام شال ايده وقام عشان يخليها تعدي..مش لازم تقوله وهو ما حبش يسالها وخلهاعلى راحتها.. وهو ما يعرفش هي رايحة فين بس مسألهاش علشان ما تتكسفش اكتر بس اكيد كانت عايزة تروح الحمام ...وكفاية احراج ..... سارا وهي بتقوم لقيت ايد بتمسكها بتلف لقيت عبدالعزيز بيمسك ايديها بكل حنان ...

عبدالعزيز: اتوضي علشان نصلي الفجر في الطيارة ...

سارا : حاضران شاء الله....

راحت للحمام ... وبصت في المرايا .. حسيت انها متبهدلة على الاخر ايه الاحراج دى انا كننت قاعدة قدامه بالمنظر دى ... وبسرعة ظبطت نفسها وتوضت عشان تصلي الفجر ...ولما رجعت مالقيتش عبدالعزيز قاعد مكانة .. معرفتش هو راح فين .. المهم قعدت مكانها وبعد دقايق رجع عبدالعزيز ..

عبدالعزيز: على فكرة اناصليت روحي انت كمان عشان تصلي ... هناك في اخر الطيارة في مكان الصلاة

سارا: اروح لوحدي ...؟؟

عبدالعزيز وهو يرفع حواجبه: ما تخافيش ماحدش حيكلك ....

هنا اتنرفزت ... وقالت في سرها الانسان دى ما عندهوش دم ....هو ما يعرفش اني عروسة جديدة والمفروض يكلمني بطريقة احسن من كدة شوية وقامت سارة وهي متنرفزة وراحت تصلي ولما رجعت قام عبدالعزيز عشان تدخل لمكانها ....

عبدالعزيز: تقبل الله...

سارا: منا ومنكم ان شاء الله ...

وقعدت في مكانها ...مرت المضيفه بعربه المشتريات لو كان في حد عايزيشترى حاجة .... قامت سارا اشترت اسوره عجبتها شافتها بالكتلوج ....عشان تعطيها لميرنا هديه لانها تعرف ميرنا انها بتموت في الاساور ....

عبدالعزيز: مش عايزة حاجة تاني

سارا: لا شكرا حشتريلهم من هناك

عبدالعزيز: ليه دي مش ليكي

سارا: لاء دي لميرنا لانها بتحب الاساورقوووي.

عبدالعزيز : شكلك كدة علاقتك بميرنا قوية جدا ؟

سارا:ايوة اناوميرنا اكتر من الاخوات

عبدالعزيز: وازاي صابرة عليها دي رخمة جدا

سارا بتبص على عبدالعزيز بنظره: هي مش رخمة

عبدالعزيز: ههههههههههه .... ورهف مش صحبتك اعتقد ان بينك وبينها سنة ؟؟ سارا انبسطت لان عبدالعزيز بيتكلم معاها

سارا: ايوة رهف معانا على طول بس انا وميرنا اكتر لانها معايا في الجامعة وفي نفس تخصصي ومن ابتدائي واحنا مع بعض عمرنا ما افترقنا ..

عبدالعزيز: وايه هو تخصصك .

سارا وهي ترفع حاجب: انت مش عارف تخصص اختك ايه .

وتقول في سرها واحد يخطب واحدة ومش عارف بتدرس ايه ....

عبدالعزيز: ما اعتقدش ان الحكاية مهمة علشان اعرف..

سارا وهي متنرفزة : طيب لو هي مش مهم بتسأل ليه دلوقتي ...

عبدالعزيز: دلوقتي لازم اسأل على تخصص أختي لانه نفس تخصص مراتي هههههه

هنا سارا انحرجت :ندرس هندسه ..تصميم داخلي..

عبدالعزيز: حلو التخصص خصوصا للبنات...

سارا: ايوةمع انه شوية صعب ومحتاج لشغل كتير ...

يقطع كلامهم الكابتن ويطلب من الركاب الاستعداد للهبوط لانهم يحلقون الان فوق حدود مطار هيثرو ...وقال لهم ان الساعه الان6 صباح بتوقيت جرينتش....

ولما جات الطيارة بالهبوط رجع الخوف لسارة مرةتانية .... الهبوط غير الاقلاع بس الاثنين بيخوفوا

عبدالعزيز:حتى الهبوط تخافي منه..؟؟؟

سارا ما ردتش عليه ولفت للنافذه ...عبدالعزيز هنا مد ايده ومسك ايد سارا الي بجنبه .....سارااستغربت منه ولفت عليه ....سارا كانت بتفكر في الانسان الي يحمل اكبر علامة استفهام شافتها مرة ينرفزها ومرة يكون حنين ...ومره يحرجها ...ياترى انت مين ياعبدالعزيز

[ام بودى]

الحلقة 6

عبدالعزيز يتأمل وجهها ونظراتها اللي كلها اسأله ..كأنها بتسأله ..انت ايه بالنسبة ليا ..في الوقت دة تعهد عبدالعزيز بينه وبين نفسه ان مهما كان يسعد الانسانه دي ...بس فقط الاحترام واداء الحقوق هو المطلوب...اما سارا هي ما تنكرش ان عبدالعزيز مثال للشاب الوسيم بكل المقاييس ...واكيد البنات وصديقاتها بيحسدوها عليه ...بس شكله ابدا مش رومانسي ..من كلام ميرنا ورهف..عمر يمكن ...بس عبدالعزيز لا..اصلا هو مش حنين مع اخواته امال هيعمل معايا انا ايه ....وعلاقته معاهم مش جامدة وخصوصا انه درس بعيد عنهم 7 سنوات ...ياترى الانسان دى جوة قلبه في ايه ...يمكن يكون انسان مليان بالاحاسيس ..واخواته مش عارفين الحكاية دي ...بس انا ما بحبهوش..ودى مش حلمي ولا فارس احلامي......... ...

عبدالعزيز انتبه للضجه ..هنا عرف انهم خلاص هبطوا ....ترك ايد سارا ولف عنها عشان يفتح الحزام...سارا فاقت من السرحان اللي كانت فيه ومش عارفة هو ايه اللي حصل ...الا لما لف عنها وفتح حزامه وبعدين فتح حزامها .عبدالعزيز: سارة حمدالله على السلامة

وقام عشان ينزل الشنطه الي يشيلها فوق ...وقامت سارا وهي لسة مكسوفة لانها ماحستش بهبوط الطياره ..وفي نفس الوقت بتشكر عبدالعزيز على اللي عمله معاها ومراعاته لشعورها.....

نزلوا من الطياره ........ وبعد ماخلصوا اجراءات المطار ...عبدالعزيز طلع موبيله عشان يطمن اهله بالوصول

عبدالعزيز: الووو.....

سارة كانت بتسمع عبدالعزيز وهو بيكلم اخته ويطمنها كان نفسها تكلم ميرنا وتقولها على اللي عمله عبدالعزيز معاها وحنيته .. واتكسفت تقوله انها عايزة تكلم اهلها ... لان نسيت تعمل تليفونها تجوال .

عبدالعزيز: سارا مش عايزة تكلمي اهلك

سارا: ...عادي ممكن اكلمهم يعني ؟؟

عبدالعزيز: ايوه اكيد طبعا عادي ..خذي.. الموبيل وكلميهم براحتك

واعطاها التليفون ورنت على اهلها بس ما حدش رد

سارا: محدش بيرد

عبدالعزيز: يمكن نايمين؟

سارا: بس امي بتقوم من بدري..

عبدالعزيز: خلاص ولا تقلقي انا هكلمهم في البيت هخليهم يطمنوهم

سارا: بس انا عايزة اكلمهم

عبدالعزيز: خلاص لما نروح الفندق نجرب تاني

وراحوا ركبوا السياره الي حاجزنها عشان يروحو الفندق ويرتاحوا

ميرنا : ماما عبدالعزيز اتصل دلوقتي وقال انه وصل وبيطمنكم

ام عمر : طب وليه ما خلتنيش اكلمه .

ميرنا : كان مستعجل وتعبانين من السفر .

ام عمر : ربنا يوفقهم ان شاء الله ويبعد عنهم كل سوء.

ميرنا : ماما هو عبدالعزيز هيسكن معانا هنا في البيت .

ام عمر:ايوة ان شاء الله...

ميرنا : ليه والفيلا الي بابا بانيها له؟؟

ام عمر: مش عارفة يمكن يأجرها لانه مش عايز يطلع من البيت .

ميرنا: طب ليه؟؟

ام عمر: وانا اش عارفني .. خليه يعمل اللي هو عايزه .

ميرنا: بس ما فيش في البيت الا جناحين جناح ليكم وجناح لعمر اوعى يكون عايز ياخد جناح عمر .

ام عمر: لاء طبعا غرفته كفاية واسعة وكبيرة .

ميرنا وهي فاتحة عنيها ومذهولة : بس اوضته ما فهاش حمام ايوة كبيرة بس ماتنفعش .

ام عمر: وانتي مالك هو انتي اللي هتقعدي فيها

ميرنا : خلاص انتوا حرين انا ورهف هنوضبها ونخليها احلى اوضة .

ام عمر: يالا ريحتوني .

ميرنا : خلاص يا ماما ولا تضايقي نفسك انا ورهف هانتولى المهمة دي

ام عمر: هي فين اختك

ميرنا : راحت تنام .... هتموت من التعب

ام عمر: طيب اقوم بقى علشان اجهز الغدا.

ميرنا : ماشي يا ماما طيب اروح بقى اريح انا كمان لاني تعبانة جدا مانمتش من امبارح .وطلعت ميرنا ومرت على اوضة رهف ..الي بجنب اوضتها....رهف كانت سرحانه ... وبتتكلم في سرها .ياترى تامر قال لسارة انه شافني....بس هو اصلا مايعرفش انا مين....بس يمكن يكون سأل سارة ما اظنش سارا تقوله..واصلا ما اظنش عنده الجراءه انه يسألهاولا عنده الجراءه ..هو جرئ جدا ....لو انه واحد غيره كان لف وشه لما لقاني من غير حجاب ونزل عالطول .... بس الحق يتقال هو وسيم جدا ......

ميرنا:ااااااااا ااااااااااااااا يه انتى وصلتى لغاية فين

رهف: هاه ...ماانا قعدة اهو حروح فين يعني

ميرنا : انا بحسبك نايمة وغرقانة في الاحلام اتاري الهانم سرحانة ؟؟؟

رهف ماردتش ولسة سرحانه .........

ميرنا: رهف حبيبتى مالك انتي مش عجباني من لما كنا في الفرح في حاجة حصلت ؟؟ رهف: لا ما فيش حاجة و ايه اللي حيحصل يعني ...بس قلقانة انت عارفة النتيجة لسة ما ظهرتش ومش عارفة الجامعة هتقبلني ولا لاء .

ميرنا : طيب ما تدخلي النت وتشوفي يمكن الناجحين ظهرت .

رهف: بعدين انا موصية اصحابي اول ما تظهر يبلغوني

ميرنا : طيب انا هروح انام شوية لاني حاسة اني هيغمى عليا .

رهف: وانا كمان

ميرنا : اه صحيح يا رهف ماما قالتي اننا نرتب اوضة عبدالعزيز وسارة .

رهف: ليه هم هيسكنوا معانا؟

ميرنا : ايوة احلى حاجة ان سارة تبقى معانا هنا .

رهف: بس ما اعتقدش هينبسطوا هنا طب بابا باني لعبدالعزيز فيلا ليه مش هيسكن فيها .

ميرنا : مش عارفة ... بس ماما بتقول انه يمكن يأجرها

رهف: يأجرررررررها... .....ليه هومش محتاج فلوس..؟؟؟

ميرنا : بقولك ايه انا مالي يسكن هنا يسكن برة هما حرين انا عايزة انام خلاص انا فصلت شحن .

وطلعت ميرنا وسابت الباب مفتوح

رهف: ميررررررررررنا ..اقفلي الباااااااااااا اااااب

ميرنا: ههههههههههههه ...عندك رجلين قومي اقفليه انت

رهف: ماشي يا رخمة

وقامت وهي متنرفزة وقفلت الباب جامد ...وميرنا راحت لاوضتها وهي بتضحك على تصرفات اختها

في الفور سيزون هوتيل بلندن .....وصلت السياره الي فيها سارا وعبدالعزيز ... بعد ما نزل الحمال الشنط ....ودخلوا داخل الريسبشن ...سجل عبدالعزيز المعلومات المهمه ...وراحوا فوق للجناح الي حاجزينه...كان الجناح حلو جدا وفخم ...عباره عن غرفه نوم بسرير ملكي كبير ...تطلع على صاله فيها طاوله طعام باربع كراسي وكنبة وتلفزيون .....وفيها كمان حمام كبييير ومجهز بكل وسائل الراحه.....

بعد ما خلص الحمال وحط الشنط في الغرفه .....قال لهم انه هيرسل لهم هاوس كيبر عشان ترتيب الشنط .. عبدالعزيز اعطاه البقشيش ...وقفل الباب وراه...وقتها حست سارا بشعور غريب ..هو خليط من الرهبه والخوف ..دي اول مرة تقعد مع عبدالعزيز في مكان لوحدهم من غير اي حد . ....يوم كتب الكتاب كان معاهم تامر اخوها...ويوم الفرح كانت معهم ميرنا.... وفي الطياره كانت مليانه ركاب...وفي السياره كان معهم السواق...بس دلوقتي هي معاه لوحدها ..... فضلت واقفه ما تتحركش ..عبدالعزيز بعد ما قفل الباب دخل وقعد على الكنبة ..وقام يبص لسارا ..بعدين رفع حاجب لما شافها ما بتتحركش من مكانها ولا خطوه....فحب انه يطمنها شوي...لانه حاسس باللي جواها من رعب وخوف.

عبدالعزيز: سارا مش عايزة تكلمي اهلك دلوقتي ؟

هنا سارا ابتسمت ابتسامه كبيره وهزت راسها علامه الموافقة .... اداها موبايله .

سارا اخذت الموبيل منه... وقبل ماترن ..قام عبدالعزيز واخد شنطه من الشنط ..

عبدالعزيز: انا هروح اخذ شور ..عايزة حاجة تاني

سارا : لا شكرا

وطلع عبدالعزيز وراح لغرفه النوم ...قامت سارا ورنت على اهلها .

صالح: الووو

سارا : الووو ..ازيك يا اياد

اياد: ايوة ..مين..معايا

سارا: انا عمتك ..ماعرفتنيش؟؟

اياد بصوت عالى خلى جدته ام محمد ومها مرات عمه يلتفتون له: عمتىىىىى سارا.....

سارا: ههههههههه انت بتعمل ايه عندنا من الصبح يا اياد .

اياد : عمتى انا نمت في اوضتك امبارح..

سارا: ههههههه ياسلام على السرعة خلاص اتصرفوا في اوضتي كدة على طول

ام محمد لما عرفت ان اياد بيكلم بنتها على طول قامت وسحبت السماعه من حفيدها...

اياد : لحظه يا تيتة ... لسةما كلمتش عمتي عايزة اقولها على حاجة

ام محمد وهي بتصرخ في اياد هات التليفون : الو ازيك يا سارا ..عاملة ايه يا حبيبتي وحشتينا جداااا يارب تكوني مرتاحة .

سارا لما سمعت صوت امها ..تجمعت الدموع في عنيها وحست انها خلاص هتعيط ..

سارا: ازيك يا ماما عاملة ايه والله انتوا اللي وحشتني قووووي ... يا ماما انتوا فين من ساعة رنيت لكوا وما حدش رد عليا .وقعدت تعيط ؟؟

ام محمد: بس يا حبيبتي ليه بتعيطي ما ينفعش كدة انت لسة عروسة ... معلش انا سمعت التليفون لما رن بس كان بعيد عني ولما وصلتله كان فصل ... وانت عاملة ايه وعبدالعزيز اخباره ايه ...

سارا وهي بتعيط: ياماما انا عايزة ارجع مش عايزة اقعد معاه هنا ..

ام محمد وقلبها بيوجعهامن كلام بنتها وهي ماسكة دمعتها عشان تصبر بنتها .او تحسس بنتها انه مش حلو ان البنت تتجوز وتطلع من بيت اهلها وهي مش راضية .

ام محمد: ليه يابنتي هو عملك حاجة

سارا: لا ما عمليش حاجة بس انا عايزاكم

ام محمد: هههههههه الله يهديك يا بنتى خضتيني

سارا: طيب تعالوا انتوا

ام محمد: بس خلاص يا سارا . انتي دلوقتي واحدة متجوزة وهي فترة وحتتعودي على جوزك .وبس بقى لحسن جوزك يسمعك ؟

سارا: لا هو في الحمام ؟

ام محمد: وانتي بتتكلمي منين ؟

سارا: من موبايله

ام محمد : خلاص يالا بقى روحي علشان التليفون بس اسمعي هوصيكي على حاجة ... ولازم تسمعي كلامة كويس ...ربنا امر المرأة بطاعة جوزها وخلي بالك من جوزك واسمعي كلامه ..

سارا: حاضر يا ماما ..

ام محمد: خلاص يا قمر اوعي تعيطي وبابا وكلهم هنا بيسلموا عليكي

سارا: الله يسلمهم وسلمي على بابا قووووي

ام محمد : حاضر يوصل ان شاء الله وابقي طمنيناعليكي ماشي يا جميل

سارا: حاضر يا ماما

ويطلع عبدالعزيز من الحمام بعد ما اخذ شور وحلق وبدل ملابسه ...اول ما شاف سارا عرف انها كانت بتعيط ..عقد حواجبه ولا علق ..وراح عند الباب وحط ورقه عدم الازعاج عشان اذا جات الهاوس كيبر ما يدخلش...سارا اول ما طلع شافته بعدين لفت من الجهه الثانيه

ام محمد: يالا يا حبيبتي خلي بالك من نفسك وسلمي على جوزك .لااله الا الله

سارا : حاضر يوصل ... محمد رسول الله

وقفلت التليفون وجه عبدالعزيز وقعد جمبها على الكنبة وهو شكله تعبان ايوة هو فاق لما خد الشاور بس برضه عايز ينام ... قامت سارة واخدت شنطتها علشان تاخد هي كمان شاور

عبدالعزيز: اهلك عاملين ايه .. اعتقد انك كلمتيهم

سارا: ايوة كلمتهم وامي بتسلم عليك

عبدالعزيز : الله يسلمها ...

سارا: عن اذنك شوية هاخد شاور وارجعلك

عبدالعزيز بسخريه: اذنك معاك..

سارا راحت وهي بتضغط على اسنانها ...ياربي الانسان دى ما فيش فايدة فيه دايما يحرجني ...دخلت الحمام ..وعجبها قووووي...كان كبير وفيه بانيوا واسع كانه سرير ..وحول البانيو رغوة سباحه وعطور وروائح وغيرها..يعنى الواحد الي يشوف الحاجات دي يتمنى يفضل جوة ما يطلعش...بس هي قاومت الاغراء ...واخذت شور سريع ..يزيل تعب السفر...بعدين دورت على حاجة تلبسها ...شافت فستان حلو لبسته ....وسرحت شعرها .. ...وطلعت من الحمام ..ولما بصت على عبدالعزيز لقيته فى سابع نومة تحركت بهدوء ولكن عبد العزيز حس بيها

عبدالعزيز: على فين انتي مش ناوية تنامي وترتاحى من السفر .

سارا: لا مش تعبانه..

عبدالعزيز: ليه مش عايزة تنامي

سارا: نمت في الطياره..... حتفرج على التليفزيون

عبدالعزيز: براحتك... انا تعبان وحنام ..وما حدش يزعجني كل واحد كان بيحاول ينرفز التاني...سارا بتطنيشها لعبدالعزيز..... وعبدالعزيز بسخريته واحراجة لسارا...طلعت سارا وراحت للصاله وقعدت تتفرج على التلفزيون...وسر حت

قعدت على الكنبة وفتحت التلفزيون ولم تشعر بنفسها ونامت ... تحركت وحست في حد يراقبها ... بس ما فتحتش عنيها .....

عبدالعزيز : سارا قومي..

..همهمت.....شافها معقده حواجبها وهي عابسه...ابتسم بتلقائيه من شكلها... هزها من كتفها ...هنا فتحت عنيها وهي مش مستوعبه ... ...

ابتسم عبدالعزيز

...لاحظت ان عبدالعزيز لابس وكانه خارج...

عبدالعزيز : ليه نمتى هنا؟؟

سارا ما توقعتش منه يسالها السؤال ده

سارا: لا بس وانا بتفرج على التليفزيون نمت وما حستش بنفسي انا نايمة فين لغاية لما قومتني .

عبدالعزيز بصلها بصة عدم اقتناع .. انا عارف انت نايمة هنا ليه بس حعديهالك .....

عبدالعزيز: طيب يالا روحي صلي الظهر والعصر والبسي علشان حنتطلع نتمشى ونتغدى

سارا : طيب وطلعت وراحت للغرفه..... بعد ما طلعت من الحمام ... صلت ...و فتحت شنطتها ولبست.... طلعت من الغرفه وشافت عبدالعزيز يقلب في كتاب صغير....

سارا: انا جاهزه...

عبدالعزيز رفع راسه وشافها : اوكي يالا...

وقام ...وطلع هو سارا من الغرفه .....وهو طالع من الفندق ..ساله البواب اذا كان عايز سياره ...والا يفضل يمشى..... لف لسارا وسالها عايزة ايه تمشي ولا نجيب سيارة......

سارا: الجو حلو خلينا نمشى ...

عبدالعزيز : اوكي يالا .... طيب عايزة تروحي فين ..؟؟؟

سارا: انا ما اعرف مكان ...اول مره اجي لندن...

عبدالعزيز: اممم عاوزة تروحي السوق ...والا بارك ...والا نتمشى ...

سارا: اي حاجة

عبدالعزيز : اوكي خلاص ....

ووقف تاكسي ...كانوا طول ما هما ماشيين يتكلموا...... طلب من السواق ينزلهمفى شارع اكسفورد ...... بعد ما نزلهم السواق...قاموا يتمشوا ... بعدين دخلو مطعم واتغدوا....... بعد ما خلصوا غدا ...رجعوا يتمشوا تاني .....

عبدالعزيز: عايزة تروحي الهايد بارك...والا نركب سفينه في نهر التايمز؟؟

سارا: نروح الهايد بارك ...انا صحابي دايما يتكلموا عنها ....

وراحوا الهايد بارك وقعدوا في كافيه.... وبعد ما قرب الليل ...الساعه كانت حول تسعة .... راحوا لمطعم وتعشوا ... بعدين اخذوا تاكسى...ورجعوا للفندق.......................

بعد ما دخلوا الغرفه ... شافوا كل شي مرتب...واضح ان الهاوس كيبر رتبت الشنط.... راح عبدالعزيز وفتح الدولاب عشان يطلع له لبس ويغير ...وشاف ملابسه ..طلع منها الي هو عايزه وراح للحمام ........

اول ما طلع عبدالعزيز ...قامت سارا على طول ..وراحت للدولاب .......و راحت للصاله.... كانت خايفه ...ومش عارفة ايه اللي راح حيحصل ..او حيتصرف ازاي معاها ...بس هي لغاية دلوقتي مكسوفة من عبدالعزيز ... وسمعت باب الحمام يتفتح ......طلع عبدالعزيز.... شاف غرفه النوم فاضيه ,,,,راح للصاله وشاف سارا جالسه فيها...

عبدالعزيز : مش ناوية تنامي ولا ايه

سارا: ان شاء الله

وراحت للحمام.... بعد ما اخذت لها شور .... كان نفسها ماتطلعش من الحمام...حست بالدموع تتجمع في عنيها ..... مش عايزة اعيط ولا عايزة اطلع من الحمام

اتأخرت قوي في الحمام بقالها ساعة...احتار عبدالعزيز ولا عارف يتصرف..... يخبط عليها الباب ويشوف بتعمل ايه ولا يسبها على راحتها ....ولسة قايم يروحلها...الا وهي بتفتح الباب وطلعت ...

عبد العزيز : سارا

سارا الي كانت خايفه ومرتبكه ماردتش عليه ولا كانه بيكلمها ...

حب عبدالعزيز يحرجها لانها نرفزتوه بتطنيشها

عبدالعزيز: ليه كمان ما نمتيش جوة زي ما نمتي في الصالة

حست انها خلاص حتعيط

عبدالعزيزحس انة احرجها: انا اسف

فضلت لافه على الجهه الثانيه ولا ردت عليه.....

قام عبدالعزيز شاف عنيها غرقانه في الدموع ...وعرف انها خلاص حتعيط ....

عبدالعزيز: خلاص ..انا اسف ما كانش قصدي ..؟؟

وهنا سارة ما قدرتش تمسك نفسها وحطت ايديهاعلى وجهها وقعدت تعيط ........عبدالعز يز مش عارف يتصرف ازاي ... هو عاده اذا عيطت وحده من اخواته .... بيزعقلها ويسيبها تتفلق...بس دلوقتي لو عملت كدة وسبت سارة حتتحطم .... صعبت عليه ... ..فضل ساكت لغاية لما هديت .... شافها ما هديتش بالعكس دي زادت اكتر ....مع انها بتعيط من غير صوت .... بجد صعبت عليا قوووي .

سارا وسط بكائها : عايزة ماما ...

عبدالعزيز حط ايده على كتفها ... وهو كان مرتبك..موقف اول مره يمر عليه...ما توقع انها حساسه للدرجة دى ...ياربي ايه الحل

عبدالعزيز: سارا خلاص ..قلتلك اسف ... مش حقولك اي حاجة تانية تزعلك ... بس انت ما تعيطيش ..

ماردتش عليه .. وكملت عياط...حاول يهديها بس مش عارف ازاي ...

عبدالعزيز: والله اسف ..عشان خاطري ..ما تعيطيش...

سارا وصوتها كله عياط: .... عايزة ماما ... عايز اكلمها

عبدالعزيز: سارا الله يهديكى ...تكلمي مين دلوقتي الوقت متأخر ... وبعدين حيقلقوا عليكي كدة ..

سارا : ماليش دعوة عايزة اكلمهم

عبدالعزيز وكانه يكلم طفله: خلاص ولا يهمك حنكلمهم بكرة .... بس انتي بطلي عياط الموضوع ما يستاهلش كل العياط دى ... انت عايزة ايه حعملهولك بس تبطلي عياط .. سارا شالت ايديها من على وجهها ..ومسحت دموعها... لما شافها عبدالعزيز بالطريقة دي ..حس بجد انها صغيرة ومالهاش تجارب في الدنيا دي ..

سارا: نرجع بكره مصر....

انصدم عبدالعزيز: انتي بتتكلمي بجد لسة ما كملناش يوم وانتي عايزة ترجعي مصر...ما ينفعش ..بكره حخرجك مكان جميل جدا حتتبسطي فيه

سارا : بس... انا مش عايزة اقعد هنا

عبدالعزيز بصوت هادي يحاول يهدي سارا: لندن حلوه...وانا متاكد اول ما تشوفيها وتتفرجي عليها كويس ..انتى اللي مش حتبقي عايزة ترجعي مصر ....والجو كمان هناك حر دلوقتي انت ناسية ان احنا في الصيف .

سارا: طيب ما نطولش هنا

عبدالعزيز: ولا يهمك ما مش حنطول يالا قومي استعيذي من الشيطان واغسلي وشك وروحي صلي ركعتين وحتحسي براحة اكتر .

اول ما قال لها عبدالعزيز الكلام ده ....رجعت سارا تعيط من اول وجديد... ودلوقتي هو ما صدق انها هديت تعيط تاني....ايه اللي حصل تاني هو انا قلت ايه عشان يزعلك دلوقتي

عبدالعزيز: سارة مالك ...خلاص انا ارتحت انك هديتى ..ليه بتعيطي تاني قولى لي ..

سارا ما عرفتش ايه تقوله وفضلت تعيط

عبدالعزيز: خلاص عايزانا نرجع مصر ؟

سارا وهي بتعيط : لا خلاص مش عايزة

عبدالعزيز وهو مضايق ومحتار يعمل ايه معاها

عبدالعزيز: طيب انتى عايزة ايه وانا اعملهولك بس ما تعيطيش

سارا: مش عايزة حاجة وكلمت عياطها

عبدالعزيز حسس انه خلاص اتخنق مش عارف يراضيها بايه ..حاول معها ولا نافع اي حاجة .....حاول يلطف الجو شوية وبرضه مش نافع

عبدالعزيز: طيب خلاص ما تعيطيش ... بيقولوا ان العياط بجعد الوجه بسرعة وانا مش عاريز مراتي الحلوة دي تعجز قبلي ...

ما هتمت سارا بكلامه وقامت من السرير ...وراحت للحمام... كان نفسه يشوفها وهي بتضحك ...عمرها ما ضحكت قدامه...

عبدالعزيز: رايحة فين

سارا :حروح اغسل وشي...

عبدالعزيز: لا مش حتدخلي الحمام وانتى بتعيطي كدة مش كويس

سارا: خلاص انا ما بعيطش دلوقتي

عبدالعزيز جرها من ايدها ورجعها مكانها....قعدها على حافه السرير ..وقعد جمبها ....ويدها لازالت في ايده ....سارا نزلت راسها ...

عبدالعزيز: ودلوقتي ممكن اعرف ليه الدموع دي ...سارا انتى مش عايزاني ....انتى مجبوره علي..عمي شوقي اجبرك صح ؟؟

هنا سارا ماعرفتش ترد عليه ..

سارا بصوت واطي:بابا متحضر مستحيل يجبر بنته على حاجة هي مش عايزاها ازاي بقى يجبرني على الجواز ...

هي نفسها استغربت من ردها...بس ما تقدرش تقول له انها مجبورة على الجواز .... يمكن لانها شافت منه حنان ما توقعتهوش ...ودى اللي عايزاه المراه من الرجل...انه يحن عليها زي ما يحن على طفل..

عبدالعزيز: طيب ممكن اعرف سبب الدموع دي

سارا ودمعه نازله من عينها: مافيش

عبدالعزيز: قوليلي ايه اللي مضايقك ... مش معقوله كل دى الزعل من كلمتين من شوية ؟؟؟

سارا: انا...اا... وسكتت

عبدالعزيز: انتى ايه قولي ...

عبدالعزيز قال اسيبها دلوقتي وبعدين تقولي من نفسها ...

عبدالعزيز: خلاص يا سارا الموضوع ما يستاهلش ... خلاص يا ستي ا نا مش عايز اعرف منك حاجة ... ولو انتي احتجتيي حاجة في اي وقت انا موجود .خلاص بقى يالا بطلي عياط وقومي اغسلي وشك وصلي على النبي واهدي كدة ....قام وطلع من الغرفه...ياترى راح فين ....مسحت دموعها بيدها ....ياربي انا عيط كثير قدامه.......والله عيب .......راحت للحمام ..وغسلت وشها .... حست بتعب وانها عايزة تنام..بس كدا حنرجع من الاول وجديد ....يووه اعمل ايه ......

رجع عبدالعزيز وبايده كوباية ماية.... شاف السرير فاضى... والغرفه مافيهاش حد....لف على الحمام شاف بابه مقفول...خاف انها دخلت وكملت عياطها جوة .... ومعروف ان الحمام مكان تجمع الجن والشياطين ..والعياذ بالله ...ومش كويس حد يعيط فيع او حتى يطول فيه ...راح للحمام ودق الباب...

عبدالعزيز: سارا...بتعملي ايه ..

محدش رد عليه ..قام ودق الباب جامد ..

عبدالعزيز: سارا ردي علي ..ردي يا سارا

سارا: ما بعملش حاجة

...

عبدالعزيز حس ان صوتها لسة مش طبيعي....

عبدالعزيز: طيب ياللا اطلعي ...

سارا غسلت وجهها مره ثانيه ..وطلعت من الحمام بعد ما سمت بالله.....شافت عبدالعزيز ينتظرها ..اول ما طلعت اداها المية ....

عبدالعزيز: اشربي دى وحتهدي ان شاء الله .....

اتكسفت منه ..حركاته غريبه ومتناقضه...ساعه يكون في قمه الحنان والعطف... وساعه في قمه الاستفزاز والقسوة والسخريه اخذت منه المية ..وشربتها....

سارا: شكرا....

عبدالعزيز: يالا روحي نامي وما تشيليش هم ماشي ....

سارا: ان شاء الله...

وفضلت واقفة.... حس عبدالعزيز انها مكسوفة منه ..مش قادره تروح للسرير وهو موجود... راح طلع من الغرفه..

سارا: عبدالعزيز....

كانت دي او مره تناديه باسمه .... (((سارة تطورت)))...لف عليها وقام يبصلها بنظرات الاستفسار ..بالعربي يعنى عايزة ايه ....

سارا: رايح فين ...

عبدالعزيز ابتسم.....: حروح الصالة عندي اوراق عايز اشوفها عشان الشغل ... ليه في حاجة عايزة حاجة ؟؟؟؟

سارا وهي مكسوفة : لا شكرا..طلع ..وراحت هي للسرير وحاولت تنام..بس ما قدرتش.....كان عبدالعزيز متململ في الصاله .. ماكانش عنده شغل ولا حاجة...بس ما حبش يحرج البنت ..وعرف انها مكسوفة منه..وسر عياطها على اساس انها خايفة ومرتبكة ...مع انها مراته .. .بعد ساعه ونص..تاكد انها اكيد نايمه دلوقتي.... دخل للغرفه باقل صوت ممكن...

سارا كانت صاحية ولسة ما نمتش ... وفضلت جامدة وصامدة في مكانها اول ما دخل عبد العزيز الاوضة ........لغاية لما حست انه نااااااام خلاص.... بعدين استريحت... ياترى انا كنت ظالمته..شكله حنين قوووي... والا ماكانش راعى شعوري بالطريقة دي ..ميرنا ورهف ما يعرفوش اخوهم كويس ..والا لو شافوا ايه اللي عمله معايا م كانش قالوا عنه انه ما عندهوش احساس... بس يمكن انا غير اخواته انا مراته ... سارة حست براحه غريبه ما توقعهاش .... ونااامت

[noureymo]

هو المسلسل ده كام حلقة يا أم بودي :h!!!h:

[التونسى]

حلقات مشوقة جدا :sad: .. من النوعية الاجتماعية التى تستهوينى شخصيا .. وتحوز على اهتمامى wst:: .. تسلمى يا ام بودى عليها

بصراحه قريت الحلقة الاولى بتمعن .. وكان تركيزى على ساره .. عشان كده لاقتنى بجرى بعنيا بقراءه سريعه على باقى الحلقات لحد ما وصلت للحلقه اللى فيها لقاء الابطال ساره وبودى (بودى بقى دلع عبد العزيز اللى بتوقعه لما ساره حتاخد عليه :lol: )).. وبدات من تانى اقرا بتمعن وتركيز .. لان لقاءهم ده هو اللى بيمثل التصاعد والسخونة وذروة الاحداث كما يقول اهل لكتابه الدراميه

فى انتظار باقى الحلقات وخصوصا الاجزاء التى تجمع ساره وبودى

[ام بودى]

اخى الكريمواللة انا سعيدة بمتابعة حضرتك للقصة ربنا يكرمك وبالنسبة لعدد الحلقات فمتعدش العدد فى الليمون بساوعدك انك مش حتمل

الفاضل العزيز جدا جدا جدا استاذ تونسى سعيدة بتشريفك التوبيك دة وكل سنة وحضرتك بالف خير وينعاد عليك بالصحة والعافية

الحلقة 7

حست سارة باشعه الشمس على عينيها...لفت على الجهة الثانيه ..وادت ظهرها للشباك..... بس خلاص النوم راح وقلقت وماعرفتش تنام تاني ..فتحت عنيها .... استوعبت سارة وقالت دي مش اوضتي انا فين ؟؟؟.... وشافت عبدالعزيز وهو نايم جمبها.. اتقلب ولف على الجهة التانية ...شافت وشه... كان نايم بهدوء..... وكانه طفل ... مش شايل من هموم الدنيا اي حاجة.... قعدت وفضلت تتـأمل في ملامح وشه ... دي فرصتها انها تشوفه براحتها من غير ما يحس ....... فجاه عبس...شكله بيحلم ... ياترى ايه اللي بيفكر فيه...الانسان دى عبارة عن مجموعه من الاسرار..... افتكرت ايه اللي حصل امبارح.... وازاي هو اتصرف معها... وحنانه الغير متوقع ... ابتسمت ... وقامت من السرير ...راحت عليهم نومه ...والساعه كانت 11 الظهر.... بس ليهم حق انهم يناموا لغاية دلوقتي ..... دى بقالهم يومين ما ناموش .. وكمان سارة ما خلتش عبدالعزيز ينام الا على الساعة 2 ونص..... وهي ما نمتش الا على وش الفجر .... قامت واتصلت بالريسبشن ... وطلبت قهوه لشخصين . وفطاير.... وراحت للحمام.....

......

عبدالعزيز فتح عنيه ... وعلى طول لف جهة سارة ...ومالقاهاش جنبه ... ياترى هي راحت فين .. وبص للساعة اللي في ايديه ولقاها الساعة 11 ونص الظهر ...يووه تاخرت قوي في النوم .... هو عادة بيصحى من الساعه 7 ..وصلاة الفجر فاتته كمان .... وبسرعه يقوم ... ويتوضى ويصلى....وبعد ما لبس وجهز .... طلع للصاله وشاف سارة قاعدة وتقلب بقنوات التلفزيون .... اول ما دخل ..لفت عليه ..

سارا مبتسمه وهي مكسوفة: صباح الخير..

عبدالعزيز لما شافها ابتسمت ما قدرش يقاوم وردلها الابتسامة

...

عبدالعزيز: صباح ايه بس ... ماشي يا ستي ولا يهمك صباح النور.... انتي صحيتي امتى؟؟

سارا: تقريبا من نص ساعة كدة ..

عبدالعزيز: وليه ما صحتنيش .... انا ما كنتش اتوقع اني تعبان للدرجة دي ... انا امبارح حطيت راسي على المخدة ما حسيتش بنفس الا دلوقتي ...

وقعد على الكنبة بكل قوته... والباب خبط وهما قاعدين....

عبدالعزيز وهو مستغرب: مين اللي بيخبط علينا دلوقتي ...

سارا وهي مكسوفة ومحرجة : انا اتصلت بالريسبشن وطلبت منهم قهوه وفطاير ... عادي يعني ؟؟

عبدالعزيز: طبعا عادي ...كويس انك عملتي كدة ..لاني مصدع جدا وكان نفسي في قهوة...

وقام فتح الباب واخذ من الراجل العربيه الي فيها القهوه والفطاير......و اداه البقشيش...... وقفل الباب وراه...

وقعدوا يشربوا القهوه وياكلوا الفطاير ....وهم ساكتين..عبدالعز يز مالهوش نفس يتكلم ..وهو عادة بعد ما يصحى من النوم ما بيحبش يتكلم .. ..الا بعد ما يفطر ويشرب قهوته ..وسارة عايزة تتكلم بس مش عارفة تقوله ازاي.....بعد حول نص ساعه ...والتلفزيون طبعا شغال ..يعنى في اصوات مش هدوء تام ....

عبدالعزيز: يالا ياسارة مش عايزة تخرجي النهاردة ......

سارة فرحت ان عبدالعزيز قطع الصمت اللي كان حيموتها ..

سارا: براحتك ...

عبدالعزيز : اوكي قومي البسي حاجة تقيلة شوية لان النهاردة برد ... واحنا يمكن نتأخر مش حنيجي الا بليل ...

سارا: حاضر ..ان شاء الله..

وعلى طول تقوم تلبس طقم من شانيل بنطلون وبلوزه ...حلو جدا وفخم ..وشوية ثقيل .. واخدت معها شنطه جايه مع الطقم ولبست حجاب ...

سارا ببتسامه : انا جاهزه...

شافها عبدالعزيز ... ومن غير ما تتغير تعابير وشه ...

عبدالعزيز: طيب يلا ...

وطلعوا من الفندق .... واتمشوا شوية ..وبعدين ركبوا باخرة في نهر التايمز .....كانت عباره عن باخرة ومطعم ...واتغدوا فيها ..... وقعدوا على سطح الباخرة...كان الجو يجنن..مع انه يميل للبروده ...بس الشمس كانت مشرقه ... والجو دى نادر تشوفه في لندن ..مش هي مدينه الضباب ... الباخرة كانت مليانه .... يعنى الكل يحاول ينتهز فرصه الجو الجنان دى ....... سارا كانت مبسوطه جدا بالفسحة دي .... مع انها مستغربه شوية من عبدالعزيز..الي كان جامد قوي ..ولا بيتكلم .....يعنى اذا كلمها قال لها كلمه او كلمتين.... عايزة ايه .. مبسوطه ولا لاء.... بس دة اللي قدر عليه طول اليوم ..... يالا عادي ...نصيبي اكتشف الانسان دى واعرف طبعه ..لسة متزوجين لازم اصبر.... وهو بقى جوزي دلوقتي ولازم اتقبله بكل عيوبة واتأقلم معاها ....... يمكن الانسان دى هادي بطبعه .. بس ميرنا اخته قالتلي ان هو مش هادي .......وخصوصا عبدالله اخويا اقرب واحد له ..وعمره ما قال انه هادي.....بالعكس كان بيقول المكان اللي ما يكونش فيه عبد العزيز ما تكونش حلوة وليها طعم..... خلاص مش حخرب اليوم ... خلينى اتبسط احسن وكفاية نكد بقى ..هو بصراحه مش مقصر وحاول يبسطنى......

طول الوقت وسارة بتفكر في الافكار دي ..كانت سرحانه وهي بتتفرج على البحر وهي مبسوطة على حافه الباخرة ..... وهي مش حاسه بالشاب اللي قاعد في الجهة التانية وبيراقبها ...... قاعد يتامل البرائة والجمال دة كله ..... عبدالعزيز كان نازل الكافتيريا عشان يجيب عصير ... وهو جاي لسارة ..لفت نظره الشاب اللي قاعد يتاملها.... ما قدرش يتحمل... حس انه عايز يروح ويضربه ...ازاي يبص لمراته بالنظرات دي ... بجد راجل ماعندهوش دم ... ومراتي متسترة ومش لابسة اي حاجة تلفت النظر .. يعني سايب البنات كلهم ويبص لسارة ...وبسرعه يروح لسارة..ويمسكلها من دراعها ..وجرها معاه..وسارة مستغربة من تصرفه ..مش عارفة ماله عبد العزيز..وليه يجرها بطريقة دي....

سارا: أي .....مالك ... وليه بتمسكني بالطريقة دي ..

عبدالعزيز وعنيه حمرة من العصبية : تعالى حندخل جوة ...

سارا: طيب ليه الجو حلو.. وسيب ايدي ... ليه مسكني بالطريقة دي ... ايدي وجعتني قوووي .

استوعب عبدالعزيز انه ضاغط جامد على دراعها ... خفف شده اديه شوية ...هي مالهاش ذنب ..ولا حاسه اصلا بالراجل اللي كان بيبصلها..... المفروض يعقل ... ولا وما يغرش من الموضوع دى .... بس هو ما بيحبهاش علشان يغير عليها بالطريقة دي.... لالا الغيرة دي في كل راجل على مراته سواء كان بيحبها ولا لاء...

عبدالعزيز: انتى ما بتتكسفيش من نفسك ...كان في راجل برة عمال يبصلك وانت مش حاسة يا هانم ...وبتتفرجي على البحر ...

سارا: انت اللي سيبتني ورحت ... وانا اصلا ما كنتش واخدة بالي منه انا كنت باصة للبحر وبتأمل جماله ..

عبدالعزيز: المفروض تيجي وراية ... ومش عايزك تبعدي عني المرة الجاية فاهماني

سارا اتغاظت منه قوي ( وهي بتتكلم في سرها ) ..هو ليه بيتصرف كدا .... انا ماعملتش حاجة... كل دى عشان قاعدة برة لوحدي ..... بس هو اللي سابني برة اووووف .... لو كان عايزني اجي معاه كان قالي ...... ليه ينكد علية اليوم دى انا كنت مبسوطة ياساتر ......

عبدالعزيز: مالك هو كلامي مش عجبك ولا ايه ؟؟

سارا : ليه هو انا قلت حاجة ولا اتكلمت ...

عبدالعزيز: مش لازم تقولي ..شوفي بوزك شبرين ازاي..

سارا: انت عايز مني ايه .... انا ايه اللي عملته علشان تترفز عليا بالطريقة دي

وقعدت على الكرسي اللي جوة في السفينة وقعد جنبها عبد العزيز ....

عبدالعزيز: انا مش عايز حاجة بس المفروض لما تشوفي الرجالة كدة برة كنت جيتي ورايا من غير ما قول ...

سارا: انا ماحسيتش بحد انا كنت سرحانة في البحر ... وبذمتك حيشوفوا فيا ايه وانا محجبة كدة ويسيبوا الناس اللي مش لابسة حاجة ويبصولي ....

وعبدالعزيز في سره (( هي مش عارفة ان في شاب كان بيبصلها وما شلش عينه من عليها ... بس هو ما رضيش يقولها كدة )))

عبدالعزيز : ولو برضة ماتنسيش ان احنا في لندن والعرب كتير هنا وهما ما بيصدقوا يشوفوا وحدة عربية ...

سارا: طبعا ما انت لازم تقول كدة ما انت عندك خبرة في الحاجات دي مش كدة ...

عبدالعزيز: بقولك ايه لمي نفسك واعرفي انتي بتقولي ايه قبل ماتتكلمي فاهمة ؟؟؟

سارا وهي مصدومة من اللي قاله وبتقول في سرها ... ياسلام هو انا قلت ايه لازم يجرحني بكلامه ويكسفني ..

سارا:طيب امتى حنروح علشان انا تعبانة ..

وبالفعل كانت تعبانة ..

عبدالعزيز : ماتخافيش حنوصل دلوقتي ... وانا كمان اتسدت نفسي من الباخرة دي ..

بعد ما وصلت الباخره .... ونزلوا الركاب....... بعد ما نزلوا من الباخرة راحوا يتمشوا شوية .....وعرفت ان عبدالعزيز مش عايز يرجع الفندق دلوقتي .....وقفوا في كافية ...وقعدوا فيه....

عبدالعزيز: عايزة تشربي ايه ..

سارا: عايزة حاجة سخنة .. اشرب شاي

اول ما قام عبدالعزيز...سار ا حطت اديها على راسها وضغطت عليها ..... عبدالعزيز لف عشان يسالها لو كانت عايزة حاجة مع الشاي ....شافها تعبانة وحاطة راسها على التربيزة ..

عبدالعزيز: ساااااارة...... .

اول ما سمعت اسمها على طول قعدت عدل.... ابتسمت

سارا:ايوة

عبدالعزيز: لا بس كنت عايز اسألك لو كنتي عايزة حاجة مع الشاي

سارا: لاء الغدا لسة بدري عليه ... شكرا

عبدالعزيز: طيب...

وراح جاب لها شاي ...وجاب له قهوه تركيه..بعد ما خلصوا قاموا .... راحوا يتمشوا في اجور رود (شارع العرب) ..وهي نفسها تروح الفندق عايزة ترتاح ...بس خايفة تقوله ..... كانت تعبانة جدا ومش قادرة ...مروا على الاسواق ..واشترت من هنا وهناك هدايا تذكارية بسيطه ...

عبدالعزيز: سارا شكلك تعبانه تحبي نرجع الفندق...؟؟

سارا وبكل غباء العالم : لا بالعكس خلينا نتمشى...

عبدالعزيز رفع حاجب : اوكي ...ايه رايك ندخل المول دى ...

سارا: طيب..

وهم بيتسوقوا عبد العزيز كان ملاحظ سارة انها بتحط اديهاعلى راسها ...وباين عليها التعب .. وسارة اول ما تحس ان عبد العزيز يشوفها تعمل نفسها طبيعيه.... عبد العزيز في سره....بعد ما غربت الشمس ...خدوا تاكسى ورجعوا للفندق...وطول الطريق سارا لاصقه عند الباب ..ومنزله راسها ....

عبدالعزيز: مش عايزة تتعشي ..ايه رايك نتعشى في الفندق

ساراوالصداع حيموتها : لا شبعانه ..طول اليوم ناكل ..

عبدالعزيز: اه والله عندك حق

بعد فتره.....

عبدالعزيز: سارا

سارا: نعم

عبدالعزيز: ممكن اعرف ايه اللي بيوجعك

رفعت سارا راسها جامد ... ..ولمحت في عنيه خوف ...لا مستحيل يكون خايف علي....

سارا: مش عارفة الم فظيع في راسى

عبدالعزيز:تحبي نروح المستشفى...؟؟؟

عبدالعزيز: لو ماخفش الالم حنروح المستشفى....ليه ما قلتليش من بدري علشان نرجع الفندق ومانلفش كتير ...شكلك تعبانة قوووي

سارا: لالاء الوجع مش جامد ..انا اللي مرضيتش نرجع ماتخافش انا كويسة ... ووصلوا الفندق.... بعد ما دخلوا جناحهم .....

عبدالعزيز : انتى متاكده انك كويسة ...لو مش قادرة تتعشي في المطعم انا ممكن اطلبة في الجناح ..

سارا: لو كنت انت جعان اطلب ليك انا مش قادرة اكل ...

وراحت لاوضتها ..... وخدت شاور وغيرت هدومها ... .

عبدالعزيز:سارة ايه رايك نطلب فيلم

سارا: براحتك

عبدالعزيز: طيب مش عايزة نطلب اكل كمان

سارا: لا والله مش عايزة بجد مش جعانة

عبدالعزيز جيه وقعد على الكنبة..... بعد ما خد المجله الي على التلفزيون...

عبدالعزيز: اوكي براحتك ..حتى انا مش جعان....يالا نختار الفيلم اللي احنا عايزين نتفرج عليه ...اممم ..ايه رايك في فيلم ColdMountain...

سارا : طيب ايه نوع الفيلم...؟؟

عبدالعزيز: دراما ورمانسي....

سارا: بطولة مين؟؟

قام وقعد جنب سارا عشان يشوفوا الفلام مع بعض ...وحط المجله بينهم ....

عبدالعزيز: نيكول كيدمان ...

سارا: لالا ما بحبش الممثلة دي

كانت مرتبكه لان عبدالعزيز كان قريب منها .....وارتاحت لانها لقيت عذر عشان ما يطلبش الفيلم دى ....مش عايزة تشوف معاه فيلم رومانسي ...علشان ما بتحبش تشوف المناظر الغير لائقة في الفيلم ...

عبدالعزيز: طيب The Lord Of The Ring (the Return Of The King) ..على فكرة حلو

سارا: انا ماشوفتش الاجزاء الاولى منها .... بس اذا كان حلو اوكي ما عنديش مانع

عبدالعزيز: لالالاء مش حلو تشوفيه اذا كنتي اصلا ما شوفتيش الجزء الاول والثاني منه

سارا : طيب ايه رايك نتفرج على الفيلم دى

واشرت على بوستر فيلم Hidalgo.....

عبدالعزيز: انا شوفت الفيلم دى

سارا : طيب The Last Samurai ؟؟؟

عبدالعزيز: اممم.. اصحابي بيقولوا عليه كويس بس انا ما بحبش توم كروز ..

سارا: طيب Try Seventeen؟؟

عبدالعزيز: دى كوميدي

سارا: ايوة هو دة

عبدالعزيز: لا انا مليش نفس اتفرج على الكوميدي...خلاص Last Samurai.....ايه رايك؟؟

سارا: اوكي خلاص نتفرج عليه حتى تامر اخويا بيقول عليه حلو

قام عبدالعزيز وفتح التلفزيون ...واختار الفيلم اللي حيتفرجوا عليه ... سارا قامت وطفت النور ونورت الابجورات ...

عبدالعزيز: ليه ؟؟

سارا وهي مبتسمه : عشان نعيش جو السنيما...

عبدالعزيز: ههههههه ..مش ناقص الا الفشار والبيبسي .

سارا: البيبسى موجود ..تحب اجبلك من الثلاجه ؟؟

عبدالعزيز: اوكي...

راحت سارا وجابت له بيبسى ..وجابت لها بيبسى دايت... لما شافها عبدالعزيز رفع حاجب ...

عبدالعزيز: بتعملي رجيم

سارا بهزار : اه شوف طلعلي كرش صغيرازاي

راح بصلها من فوق لتحت

وقال بابتسامه ملتويه خلت وش سارا يحمر قوووي.: بالعكس

سارا لما جابت البيبسي ... ما رجعتش مكانها .. قعدت على كنبة تانية ...مع ان الكنبة مش قدام التلفزيون بس عشان ما تقعدش جنب عبدالعزيز وعبد العزيز ماعلقش على قعدتها على الكنبة التانية وقعدوا يتفرجوا على الفيلم اللي كان مشوق وحلو ....خصوصا لعشاق رياضه الساموراي اليابانيه....

سارة وهي ببتكلم في سرها ياترى ايه اللي حيحصل بعد ما يخلص الفيلم ؟؟؟ وياترى عبد العزيز حيتصرف ازاى

[drTOTA]

متابعين القصة اللذيذة يا ام بودى , كملى واحنا معاكى ورمضان كريم

على فكرة عندى احساس كده ان القصة دى متمصرة يعنى مش مصرية فى الاساس ,صح وللا ايه؟ بصراحة احداث كتير صعب تكون بتحصل فى مصر بصورة عادية ده غير بعض اسماء الشخصيات (رهف, فهد, حصة) بصراحة عمرى ماسمعت اسم حصة ده فى مصر.

[ام بودى]

drTOTA مشاركة بتاريخ اليوم, 03:32 PM

متابعين القصة اللذيذة يا ام بودى , كملى واحنا معاكى ورمضان كريم

على فكرة عندى احساس كده ان القصة دى متمصرة يعنى مش مصرية فى الاساس ,صح وللا ايه؟ بصراحة احداث كتير صعب تكون بتحصل فى مصر بصورة عادية ده غير بعض اسماء الشخصيات (رهف, فهد, حصة) بصراحة عمرى ماسمعت اسم حصة ده فى مصر.

د.توتا نورتينى وسعيدة بمتابعتك وسعيدة اكتر انها عجبتك وبالنسبة لموضوع الاسامى معرفش واللة انا قريتها كدة بس بذمتك مش احلى وهى حدوتة مصرية لذيذة

الحلقة 8

بعد ما خلص الفيلم عبد العزيز طلب من سارة انهم يروحوا يناموا ... بدأ الارتباك على سارة والتوتر وابتدت في العياط مرة تانية ....

عبدالعزيز بعصبيه: ما ينفعش كدة .... هي دمعتك عالطول جاهزة ...

...

وخرج من الجناح وهو في قمة عصبيته ونرفزته .... بجد متجوز عيلة علطول تعيط ... وخرج برة الفندق يتمشى في الشارع مع ان الوقت متأخر جدا بس هو كان مضايق جدا من تصرفات سارة ...

سارا كانت قاعدة على الكنبة وبتعيط ... بس انا مش قادرة اعمل حاجة غير اني اعيط ... ومش عارفة ليه متنرفز وعصبي ...وانا ماليش ذنب ... دلوقتي هو راح فين ياربي اعمل ايه انت الوحيد اللي عالم بحالي ...

تعوذت بالله ....وراحت الاوضة عشان تنام ... غيرت هدومها وحاولت تنام .... عدت ساعة وهى مش عارفة تنام وعبد العزيز لسة ما رجعش ... وبدأت تقلق وتخاف عليه لحسن يكون حصله حاجة .... قامت من السرير ...وراحت تتمشى في الجناح ...مش قادرة تقعد ... وكل دقيقة تبص للساعة ...بعد تقريبا ساعة الا ربع ... سمعت صوت الباب وعلى طول راحت للسرير وتعمل نفسها نايمة ...

عبدالعزيز بعد ما اعصابة هديت شوية ...رجع للفندق... دخل للجناح الي كان هادي وانواره مظلمه .... اكيد الانسه نايمه ...... راح واخد له شور ... ونام على السرير وهو مدي ظهرة لسارة ..

..........

موبايل عبدالعزيز كان بيرن ...يوه هو الازعاج دى عمره ما يخلص......انا ليه ما حطيتش التليفون على السايلنت ....فتح عينيه وشاف الساعه ست ونص الصبح ..الوقت بدري مين اللي بيرن دلوقتي.....خد موبيله ولقى أبو مى يتصل بك ...ابتسم مع انه لسة كان صاحي ... ...وفي العادة بيبقى مزاجة متعكر اول ما يقوم ......ورد على التليفون..

عبدالعزيز: انت ما عندكش دم حد يتصل دلوقتي

عمر: ههههههههههههههه ... الله شكل الاخ كان سهران منبارح.... قول السلام عليكم في الاول مش من اولها زفت .

عبدالعزيز: اسال نفسك .... بذمتك حد يتصل الساعه 6 ونص الصبح ..

عمر: وانا ايه اللي عرفني الساعه عندكم كام دلوقتي .

عبدالعزيز: هههههههههه ...بجد شكلك فاضي ورايق ..المهم اخبارك..

عمر: على فكرة انا زعلان قوووي ولا تتكلم ولا تسأل عليا ... يااااااااة بنت عمي شوقي نستك اخوك .

عبدالعزيز:اخص عليك .هو انا اقدر كم أبو مي عندي..

عمر:المهم ما علينا ...اخبارك ايه يا عبد العزيز ؟؟؟

عبدالعزيز: والله تمام بخير ...وانت ؟؟

عمر: الحمدلله

عبدالعزيز : هههههههه .... طيب امي اخبارها ايه ؟؟

عمر: امي زعلانة منك بتقول انها ما كلمتهاش من ساعة ما وصلت

عبدالعزيز:هي ميرنا الزفتة دي ما قلتش لامي ان انا اتصلت اول ما وصلت وردت عليا ميرنا ...

عمر: لا ياذكي امي قصدها انك كلمت ميرنا وما كلمتهاش

عبدالعزيز : ولا يهمها ...هي فين دلوقتي جنبك ؟؟؟

عمر: لا والله انا في الشركة .. هو انا زيك نايم في العسل ...

عبدالعزيز: ههههههههه ...الله يقطعك يا عمر

عمر بيتكلم بجد: عبدالعزيز انت مبسوط...؟؟؟؟؟

هنا عبدالعزيز قام وخرج من الاوضة وراح للصاله ....

عبدالعزيز: اااااااااااااه ياعمر لو تعرف ايه اللي جوايا

عمر: ليه ..ايه اللي حصل

عبدالعزيز: لا بس البنت راسها ناشفة ... اعتقد ان اهلها اجبروها على الجواز مني .. وعلى اتفه حاجة تعيط . ...والله انا زهقت ومش عارفة اعمل ايه ..

عمر: يا عبدالعزيز الكلمه الحلوه كويسة برضه ... على فكرة الكلام يقلب عقل البنات .. وانت اصبر معاها وعلى فكرة هي لسة صغيرة وانتوا لسة متجوزين ما مرش على جوازكم اسبوع ... اصبر عليها يا عبدالعزيز

عبدالعزيز: بقولك ايه غير السيرة دي بقى لاني زهقت خلاص

عمر: لا يا عبد العزيز ما ينفعش كدة ... بقولك ايه انت جرب معاها ... انا عرفك انت كويس وبتعرف تتصرف بحكمة...انا عارف انك مطنشها ومش معبرها ...ازاي عايزها تتقبلك وانت مبينلها انك مش قابلها ومش طايقها .

عبدالعزيز: بالعكس ...والله انا مش مطنشها وبهزر معاها وبفسحها بس هي اللي كل دقيقة تعيط .

عمر: انت اصبر عليها بس وشوف

عبدالعزيز: سلم على امي ...وسلمي على بنتك مي القمر وحشتني عاملة ايه

عمر: انت اتصل بماما وسلم عليها لانها بجد زعلانة منك

عبدالعزيز: طيب حتصل يالا باي

عمر: سلام

وقفل عبد العزيز مع اخوه التليفون .. وراح يشوف سارة قال حيتصل على البيت بعدين عشان سارة تكلمهم تكلم امه .. دخل الاوضة ولقى السرير فاضي ... عرف انها صحيت ..

سارا صحيت لاقت عبد العزيز بيتكلم في التليفون .. بس ماعرفتش بيكلم مين ...وليه طلع بره الاوضة علشان يتكلم وما تكلمش قدامها ليه .. وما فيش حد يتصل في الوقت دى الا اهله .. اكيد دي امه...بعدين قامت وخدت لبسها وراحت للحمام ....بعد ما خلصت طلعت وشافت عبدالعزيز واقف وظهره لها وبيتفرج من الشباك على الي رايح والي جاي في الشارع ....حس بيها بس ما حبش يتلفت لها ..عايز يبين لها انه زعلان ومضايق .... بعدين افتكر كلام اخوه وقال خليني افرحها وابسطها ... لف وشاف سارة وفي وشه ابتسامة كبيرة .....سارا كانت خايفه من ردت فعله ..بس لما شافته بيبتسم اتبسطت قوووي ... وردتله الابتسامة .

عبدالعزيز: يالا ننزل نفطر تحت .. على فكرة فطار الفندق جميل قووووي .

سارا: والله انا ميتة من الجوع ... طيب حلبس بسرعة

عبدالعزيز: اوكي وانا حستناكي

نزلوا تحت يفطروا من البوفيه الي موجود في مطعم الفندق...كان الجو كلاسيكي قوي والقعده حلوة.... سارة انبسطت .. .. وكان باين عليها الفرحة والانبساط

سارا: حنروح فين النهاردة ؟؟

عبدالعزيز: ايه رايك نروح هارودز ..

سارا: اوعى تقولي بتاع الفايد ..

عبدالعزيز: ههههههه ...ليه في غيره؟؟

سارا: لا بس كان نفسي اشوفه من زمان من كتر ما الناس كانت بتتكلم عنه ..

عبدالعزيز: خلاص يالا بعد ما نخلص الفطار نروح .

سارا: ياااه....وابتسمت ابتسامه كبيرة وكانت طايرة من الفرح والسعادة

بعد ما طلعوا من الفندق ...عبد العزيز افتكر انه كان ناوي يتصل بامه... وطلع موبيله .... وراح اتصل بامه ...

صلاح: السلام عليكم..

عبدالعزيز: وعليكم السلامه ورحمة الله وبركاته .. ازيك يا بابا عامل ايه ...

صلاح : ازيك يا بني عامل ايه انا الحمد لله بخير انت عامل ايه واخبار مراتك ايه .

عبدالعزيز: احنا بخير و الحمد لله ... ومبسوطين جدا

صلاح: الحمد لله يا بني انك مبسوط انا بكون فرحان لما الاقي اولادي مبسوطين مع مراتتهم ومرتاحين .

عبدالعزيز: ايوة بجد يا بابا ... وانتم عاملين ايه وامي عاملة ايه واخبار اخواتي يارب تكونوا بخير ان شاء الله

صلاح :كلهم بخير وبسلموا عليك وهما كلهم جنبي وامي عمالة تشد مني السماعة وعايزة تكلمك .

عبدالعزيز: هاتها يا بابا لانها وحشتني قوووووي

صلاح : اهي معاك

فوزيه وصوتها وهي بتعيط :ازيك يا ابني عامل ايه وحشتني قووووي .

عبدالعزيز لما سمع صوت امه حس برااااحة ما حسهاش من ساعة ما اتجوز وسافر .

عبدالعزيز: ازيك يا ماما وحشتيني جدااااا

فوزيه: انت اكتر يا بني ... واخبار سارة ايه اوعى تزعل يا بني

عبدالعزيز: قولي لسارة ماتزعلنيش

فوزيه : ربنا يحفظك يارب .... هي مراتك فين ادهالي .

عبدالعزيز: ياامي انت زهقتي مني ولا ايه

فوزيه: لا يابني انا عمري ما ازهق منك ابدا انا الود ودي اني اكلمك كل ساعة بس علشان مازعجكش وانت قاعد مع عروستك ..فين مراتك بقى الغالية دي .

عبدالعزيز: وانا يا امي مش غالي ولا راحت علينا خلاص

فوزيه: انت مالك النهاردة على كل كلمة تعلق عليها على فكرة غلاوة مراتك من غلاوتك بالظبط ....بس هي اكتر شوية ..ههههههه .

عبدالعزيز: ههههها ما شي يا ست الكل ... ما خلاص راحت علينا

سارا طول المكالمة وهي قاعدة جنب عبدالعزيز في السياره وسامعة الكلام كله مع اهله .... وكانت مستغربة امال مين اللي كان بيكلمه الصبح .... شكله كدة اول مرة يكلم فيها اهله من ساعة ما وصلنا .... وسرحت بافكارها وعبدالعزيز قطع سرحانها وهو بيقولها سارة كلمي ...

عبدالعزيز: سارة رحتي فين .... سرحانة في ايه

سارا: لا ولا حاجة

عبدالعزيز: طيب ماما عايزة تكلمك

خدت منه التليفون وكلمت حماتها .

سارا: ازيك يا ماما عاملة ايه وحشتيني

عبدالعزيز هو مستغرب ... وبيتكلم في سره (( ما كنتش اتوقع انها تنادي على امي بماما ) خليني اشوف بقى حتقول لماما ايه

فوزيه: ازيك يا سارة .... ازيك يا مرات ابني ... اخبارك ايه طمنيني عليكي انت مبسوطة .

سارا : الحمد لله بخير يا ماما ...

فوزيه: وعبد العزيز عامل معاكي ايه مقصر معاكي في حاجة .... لو مضايقك قوليلي بس وانا حوريكي حعمل فيه ايه .

سارا : لا يا ماما عبد العزيز مش مقصر معايا بالعكس دى نفسه يعملي أي حاجة عشان يبسطني ... وانا مبسوطة قووووي . ما تقلقيش يا ماما .

فوزيه: طيب الحمد لله يا بنتي وربنا يسعدكم ويهنيكم يارب ... ميرنا عايزة تكلمك يا سارة .

ميرنا: ازيك يا سارة عاملة ايه وحشتيني .

سارة : ازيك يا ميرنا انتي اللي وحشتيني قووووي وانا الحمد لله بخير وانت عاملة ايه

ميرنا : انا بخير المفروض اسألك على اخبارك انت

سارا: انا تمام والحمد لله ...

ميرنا : اخبار عبد العزيز معاكي ايه ؟؟؟

سارا: الحمدلله كويس

ميرنا : رهف بتسلم عليكي وبتقولكم ما تزودوهاش وماتطولوش عندكم .وبتقولكم ما تنسوش حفلتها خلاص قربت .

سارة : انت قررتوا حتعملوها امتى .

ميرنا : لسة المدرسة اخرتها شوية .....عشان البنات اللي مسافرين ترجع واللي مشغولة في التسجيل يكونوا خلصوا .

سارة : طيب طمنيني نتيجة التنسيق ظهرت ولا لسة .

ميرنا : لا لسة هي خلاص على اخرها ومرعوبة ... المهم انتي احكلي كل حاجة بالتفصيل ..

سارا: هههههههه يقطع شيطانك يا ميرنا عايزة تفلسي عبد العزيز ... لما ارجع ان شاء الله ... عبد العزيز بيقولي يالا كفاية ....

ميرنا : هههههههه طبعا اكيد مشتقالك موووت ولا وعملتيها يا بنت عمي شوقي وسحرتي اخويا .

احمر وش سارة من الكلمة دي ... وهي نفسها تقولها لو تعرفي اللي جوايا يا ميرنا .. بس مش قادرة تتكلم عشان عبد العزيز جنبها وودانه معاها ... وعبد العزيز حس ان ميرنا قالتلها حاجة عشان كدة وش سارة احمر.

سارا: لمي نفسك يا ميرنا .. ويلا سلام بقى ..

ميرنا : طيب يا ستي هنيالك النهاردة انت افراج بس اول ما توصلي مصر مش حسيبك الا لما تحكيلي كل حاجة بالتفصيل .

سارا: ان شاء الله مع السلامة

ميرنا : ههههه مع السلامة وخلي بالك من نفسك .

عبدالعزيز... ابتسم: طبعا الرغي عمره ما يخلص اكيد ما خلصتوش رغي

سارا: هههههه انا برغي برضه اصل ميرنا وحشتني قوووووي

عبدالعزيز: اوكي يالا ياسارة احنا وصلنا

ونزلوا ودخلوا الهارودز...... بعد ما تسوقوا هناك ...وسارة اشترت هدايا لاخواتها وستاتهم ... واخوات عبد العزيز ... كانت الهدايا بسيطة وحلوة .. بس عبد العزيز لاحظ انها ما اشترتش حاجة لنفسها .

عبدالعزيز: سارة ما اشترتيش ليه حاجة لنفسك

سارا : مش لقيا حاجة مناسبة

عبدالعزيز وهو بيفرجها على بدلة حلوة قووووي : ايه رايك في دي حتتطلع عليكي جنان ؟

سارا: بس غالي قوووي يا عبد العزيز

عبدالعزيز وهو رافع حاجب : خير ربنا كتير والحمد لله .. يالا روحي قيسية .

عبد العزيز ادى لسارة البدلة عشان تقسها ... واستغربت سارة انه عرف مقاسها من غير ما يسألها ... وقاست سارة البدلة اللي طلعت تجننن فعلا عليها وكأنها متفصلة عشانها ... بعد ما خلصوا شرى حاجات... ..راحوا يتغدوا في المطعم اللي موجود في هارودز ....بعدين طلعوا يتمشوا في شارع اكسفورد ..ودخلوا سليفريج مول .. واشتروا حاجات وهدايا من هناك لمعارفهم...وبعد كدا رجعوا للفندق بعد ما تعشوا حاجات خفيفة ...وهم محملين بالاكياس ...مع انهم ارسلوا الاكياس الي اشتروها من هارودز مع سواق الفندق.... سارا كان نفسها تكلم امها بس مش عارفة تقول لعبد العزيز ....

عبدالعزيز وهو بيشوف الاكياس: عايزين نشتري شنط سفر عشان الحاجات دي كلها

سارا: عبدالعزيز.....

عبدالعزيز لف لها : نعم

سارا: اممم .. ممكن اكلم اهلي بقالي يومين ما كلمتهمش .

عبدالعزيز: طبعا ممكن .. وفي أي وقت عايزة تكلميهم خدي موبيلي واتصلي بيهم من غير ما تستأذني .

سارا والفرحة على وشها : شكرا...

عبد العزيز اداها الموبيل وراح للاوضة ... وسارة اتصلت باهلها بس كانت خايفة ان ما فيش حد يرد عليها ... بس الحمد لله ردوا .

تامر : ازيك يا سارة عاملة ايه

سارا:الحمد لله انت عامل ايه يا تامر

تامر : معقول ... الانسة سارة قصدي مدام سارة تنازلت وبتكلمنا .

سارا: هههههههه...حرام عليك يا تامر .. لو كنت عاملة موبيلي تجوال كنت اتصلت بيكم كل دقيقة .

تامر : الحمد لله انك ما عملتهوش تجوال احنا ناقصين تكلمينا كل دقيقة انا ما صدقت انك سيبتي البيت من لما جيتي على الدنيا وانت سارقة حنان امي وابويا مني هههههههه ....

سارا: انا برضه اللي وخده حنانهم ولا انت يا دلوع العيلة طبعا ما انت ا خر العنقود .امال ماما وبابا فين وحشوني ...

تامر : انتي بتتصلي دلوقتي والكل نايم

سارا: ليه نايمين الساعة لسة 11 عندكم

تامر : 11 ايه الساعة 12ونص يا فالحة ... لحظة اشوفلك ماما اعتقد اني سامعت صوتها .

وخرج تامر من اوضته ولقى امه رايحة اوضتها ومعاها كوباية ماية

تامر : في بنت عايزاكي على التليفون .

كريمة : وهي فاتحة عنيها قوووي وباستغراب : بنت ايه يا ولا ... انت مسطول ولا ايه ولا كنت بتحلم .

تامر : هههههه انتي تعالي بس كلميها وحتعرفي انك بتحبيها قوووي .

كريمة : ماشي هات التليفون .... الو .

سارة : ازيك يا ماما عاملة ايه وحشتيني .

كريمة : ازيك يا حبيبتي والله انت اكتر عاملة ايه يا ضنايا .. ما تصلتيش من زمان ليه قلقتينا عليكي

سارة : معلش يا ماما لما بلاقي فرصة اتصل بتصل عالطول .بس انتوا وحشتوني قوووي وبابا عامل ايه ونفسي ارجع بقى يا ماما .

كريمة : والله انت اكنر يا بنتي ...بس اوعي تقولي كدة يا بنتي انت دلوقتي في عصمة راجل .. عشان جوزك ما يحسش انك مش عايزاه .. اسمعي كلام جوزك ... وطاعة جوزك واجبه يا بنتي ربنا امرنا بكدة ..ومهما قالك او عملك لازم تطيعيه ماشي يا بنتي فاهماني .

سارا: ايوة يا ماما فاهمة ... بس طمنيني على بابا عامل ايه واخواتي

.

كريمة : كلهم بخير والحمد لله ... اقولك خبر حلو مها مرات اخوكي حامل عقبالك يا بنتي .

سارا: بجد يا ماما الف الف مبروك باركلها وربنا يقومها بالسلامة ان شاء الله .

كريمة : حاضر يا بنتي حوصلها سلامك .

سارة : كان نفسي يا ماما اكلم اخواتي بس مكسوفة اطلب من عبد العزيز .

كريمة : مالهوش داعي يا بنتي انا حطمنهم عليكي وبلاش تتقلي على جوزك في المصاريف .

عبد العزيز وهو طالع من الاوضة : سارة عندك اسبيرين عشان عندي صداع حيجنني .

سارة و: ايوة عندك في الشنطة اللي على المرايا .

كريمة : سلمي عليه وماتضايقهوش ماشي يا بنتي .

سارة : بتكلم عبد العزيز وبتقوله : ماما بتسلم عليك..........

عبدالعزيز : الله يسلمها ..... سلمي عليها قوووي ... انا حروح انام .

كريمة : يالا بقى مش عايزة اطول عليكي . خلي بالك من نفسك.

سارة : حاضر يا ماما سلام .

تاني يوم راحوا لmadme tussaud's (متحف الشمع) ... كان حلو قوووي وعجب سارة .. طول الوقت وهي بتتكلم مع عبد العزيز وبتحس براحة وهي بتكلمه ... تصرفات عبد العزيز اتغيرت قوووي معاملته احسن من الايام اللي فاتت كان بيتكلم معاها في صوت جه من ورا سارا: سارا

لفت سارا على الصوت عشان تعرف مين اللي كان بينادي عليها لقيت صحبتها مريم ...

سارا: مريييييم...

قالت لعبدالعزيز: حروح اسلم على صحبتي ....

عبد العزيز: طيب روحي وما تتأخريش وانا حروح هناك

سارا: اوكي....

[noureymo]

فين باقي الحلقات يا ام بودي شوقتينا بجد

[ام بودى]

الحلقة 9

وراحت لمريم وسلمت عليها ...مريم صحبة سارا من ثانوي ...وافترقوا بعد ما راحوا الجامعه ...لان سارا دخلت جامعه عين شمس ومريم دخلت جامعة القاهرة ... قعدوا يتكلموا ويعرفوا اخبار بعض

...

مريم: مين اللي معاكي دى ياسارة اعتقد انه مش اخوكي ؟

سارا حبت تهزر مع مريم :دى اخو ميرنا صحبتي

..

مريم وهي مستغربة ورافعة حواجبها : وانتي بتعملي ايه معاه هنا ..

سارا: يعني ايه رايك فيه ..

مريم ولسة مستغربة وفتحت عنيها على الاخر : اوعي تكوني عملتيها يا خااااااينة وتجوزتي ....

سارا: ههههههه ايوة ...

مريم: طب ليه ما قلتليش ...

سارا: الموضوع جيه بسرعة ...دى احنا بقالنا اسبوع بس متجوزين ....

مريم : يعنى انتى في شهر العسل..؟؟

سارا: هههههههه...تقدر ي تقولي كدة

مريم : مبروووك الف مبروك ..والله انك فرحتيني .. يالا عشان ماخركيش ... شوفي عامل ازاي مش عارف يقف على بعضه وكل دقيقة ببص عليكي .

سارا: لا عادي ... خليكي معايا انا لسة ما شبعتش منك .. انا ما صدقت اشوفك بعد المدة دي كلها .

مريم: انتي حتقعدي لغاية امتى في لندن

سارا: مش عارفة والله

مريم: سارة دة رقم شقتنا اللي هنا ودة رقم موبيلي ... لما تلاقي نفسك فاضية اتصلي بيا ونتفسح مع بعض ...

سارا: اوكي خلاص يالا فرصه سعيده..

مريم: باي

ورجعت سارا لعبدالعزيز..... الي كان متضايق شوية..

عبدالعزيز: مين دي

سارا: دي مريم صحبتي انا وميرنا من ايام ثانوي ...

عبدالعزيز: وانتوا ازاي تصاحبوا الاشكال دي ؟؟؟؟

سارا:ومالها الاشكال دي ؟؟

عبدالعزيز: انت مش شايفاها ولا ايه من غير حجاب ومكياجها صارخ قوووي وكمان لبسها مستفز

سارا: هي كدة واهلها فري خالص

عبدالعزيز:ايه فري دي ... دي غفلة وما يعرفوش ربنا مش حرية

سارا: هي حرة انت زعلان ليه

عبدالعزيز ماعلقش على كلامها ... وكملوا مشي ... بعد ما خلصوا من المتحف راحوا عالطول على الهايد بارك ...

سارا: تعالي نشوف ساعة بيج بن

عبدالعزيز الجو حلو قوووي النهاردة وما كملش كلمته الا وبنزل المطر اللي قومهم من مكانهم ..... والحمد لله ان عبد العزيز اللي كان عارف تقلبات الجو في لندن كان عامل حسابة وجايب شمسية .. بس سارة ماكنش عندها واضطر انه يديها الشمسية بتاعته وهو واقف معاها تحت الشمسية... طبعا كانت مغطيه جزء منه ...لانه كان حريص ان سارة تتغطى كلها ورجعوا للفندق بسبب المطر ...

سارا: ياااه ياعبد العزيز انت اتبليت خالص

عبدالعزيز وهو كان بيبص على هدومه اللي كانت مبلولة على الاخر : لا عادي

سارا: طيب غير هدومك بسرعة قبل ماتاخد برد

عبدالعزيز: خايفه عليا..

سارا اتكسفت ووشها احمر : لاء بس عشان لو تعبت انا اللي حلوص بيك .ومش حعرف اتصرف في الغربة .

عبد العزيز :قال وانا اللي كنت فاكرك انك خايفة عليا .

سارا: طيب يالا غير هدومك

عبدالعزيز: ههههههههه خلاص حغير اه افرحي يالا خلاص مش حتعب واخليكي تلوصي معايا

و فى بيت صلاح ابو عبد العزيز كان عمر اخوة قاعد في اوضته وبيفتكر المرحومة مراته ...كانت واقفه تبتسم ليه ....وقف مدة يتأملها ومش قادر يشيل عينه من عليها .... ياالله بجد اشتقتلها قوووي ....ويقولهاليه كدة تسيبني كدة ... انا ما اسواش حاجة من غيرك .... وفضل يتأمل ملامح وشها اللي كانت محفورة في عقله ...ومستحيل تتمسح حتى لو مرت ميت سنة ... افتكر اخرلحظة معها ... اخر مرة شافها ... اخر مرة كلمه .... اخر كلمةقالت هاله ... يااااااااه انا فعلا ما اسواش حاجة من غيرك يا ام مي .......مهماعملوا اللي حواليا مستحيل انهم يسدوا الفراغ اللي انت سيبتيه .... ومستحيل احب حد غيرك ... رفع البرواز اللي فيه صورتها ... وقربه منه ... كأنه طفل يضم العروسة بتاعته ...حس بدموع تتجمع في عنيه ... الى امتى حعيش في الحزن بحاول اقول للناس اني خلاص نسيت وقادر اتكيف مع الوضع .... بس انسى ازاي في حد ينسى اسمه في حد يتخلى عن روحه وحبه الوحيد ...

مي: بابا..ممكن ادخل على طول رجع عمرالبرواز لمكانه ..ومسح الدمعه اللي لسة نازلة على خدة .

عمر: ايوة طبعا ياحبيبتي الباب مفتوح .

دخلت مي بوداعتها وجمالها الي خدته من امها...كانتنسخه مصغره منها .. نفس العيون الحاجةالوحيدة اللي اخدته من ابوها هو نوع الشعر ولونه ... جات مي لابوها وقعدت في حضنه .

عمر وهو يبتسم للي بقى له من حبيبته: القمر عايز ايه مي وهي بتحضن ابوها: لا بس وحشتني يا بابا انا ما شوفتكش النهاردة خالص عمر:يا عيون بابا.

مي: بابا ..انت بتحبنى..؟؟؟عمر استغرب من بنته الي اول مره تساله السؤال دى : اكيد طبعا بحبك ... ليه بتسألي .

مي: يعني مش حتسبنيعمر: حروح فين يعني هو انا اقدر اسيبك يا قمرمي ابتسمت ابتسامهكبييره.: ورفعه راسها وباست ابوها على خده ..حس عمر باحساس غريب ..بنته فيها حاجةوعمرها ما تصرفت التصرف دى قبل كدة ... قامت مي من حضن ابوها خرجت من الاوضة ... وعمر لسة سرحان الدنيا

.

خرج عمر من الاوضة ....... لما نزل لقى الدنيا مقلوبة ... الارض كلها مفروشة كتالوجات وهيصة ..

عمر: ايه الهيصة اللي انتوا فيها دي ميرنا : لاء اصل الاخت رهف بتختار موديل للفستان بتاعها عشان حفلتها .

عمر: حفله ايه رهف: حفله تخرجي..

عمر: اوعي تقولي عشان خلصتي الثانوية العامة .

وقعد على الكنبة جنب امه بعد ماباس راسها .وقعد عمر يناكف في اخته رهف بخصوص الحفلةعشان تخرج الثانوية العامة .... وقعدوا يتريقوا على بعض فترة .وبعد مناقرة طويلة مع عمر واخته رهف .

عمر: والله دلع بنات انت موافقة ياماما على اللي بتعمله بنتك فوزيه: وموافقش ليه ما دام ابوها موافق عمر: والله ما فيش حدمدلعهم الابابا . ربنا يكون في عون اللي حيخدكم ميرنا : اصلا يا بختهم بينا .. هما يلاقوا زينا فين ولا نسيت احنا بنات مين .

رهف: ايوة احنا بنات صلاح وفوزية مش اي بنات فوزيه: والله انتوا لسانكم دى عايز يتقطع عمر: ماشي بس مي حتروح الحفلةرهف: انت بتتكلم بجد ... ما فيش اطفال في الحفلةعمر: ... مي عايزة تروح الحفلة .

عمر: لو بنتي عايزة تدخل حتدخل غصب عن الكل .

فوزيه: بس بقى انت وهي صدعتوني ... بس يا رهف بطلي مناكفة مع اخوكي الكبير .

عمر وهو بيبص لامه اخبار عبد العزيز ايه يا ماما كلمك ولالاء ؟؟فوزيه: ايوة كلمني امبارح ... ربنا يوفقه مع مراته ... انا فرحاناله قووووي .

ميرنا : قولي ربنا يعين سارة على غلاسة ابنك .

فوزيه : ماتقوليش على اخوكي كدة .. اخوكي مش غلس .. دى زين الرجالة

رهف : يالا يا اختي يا حبيبتي ههههه.

عمر: مع الف سلامة فوزيه: انت عامل ايه يا ابني شكلك مش عجبني النهاردة في حاجة .

عمر: لا يا ست الكل ما فيش حاجة ... بس شكلي ما نمتش امبارح كويس ونمت متأخر وصاحي بدري ...

فوزيه :طيب ما تقوم تنام وتريح يا حبيبي ....

عمر : شوية كدة وحطلع انام ... روحي نامي انتي يا ماما .

فوزية : ماشي خلاص انا حنام عمر :

.... تصبحي على خير .وقامت فوزيه....

قعد عمر وهو بيفكر في حياته ......الي تغيرت 180 درجه.... مي وحتدخل المدرسه بعد الاجازه ... ودلوقتي كدة هي عايزة عناية اكتر من الاول...مين اللي حيدرسها ويعتني بامورها المدرسية ,,,... بتروح تشوف غيرها من البنات ...واكيد حتكتر اسألتها على امها ... حيقولها ايه لماتسأله... هي سالته مره ..وقال لها انها في الجنه ..ووقتها قعد ساعة عشان يفهمها ..ومن بعدها ما سألتهوش تاني ولا فتحت الموضوع معاه ..... مع انه حاسس ببنته ...لماببص لعنيها بيلاقيها مليانة اسألة كتير.....

[noureymo]

فين يا ام بودي باقي الحلقات ايه الي حصل هي الحلقات خلصت على كده ولا ايه

[alex fox]

فين يا ام بودي باقي الحلقات ايه الي حصل هي الحلقات خلصت على كده ولا ايه