ragab2 بتاريخ: 7 ديسمبر 2003 تقديم بلاغ مشاركة بتاريخ: 7 ديسمبر 2003 رياضة الدراجات رياضة جميلة والكثير مارسها فى طفولته وشبابه وصباه وكنا نؤجر العجل من عم عثمان العجلاتى لأنه لم يكن بمقدور أهلنا شراء عجلة لنا واذا تأخرنا كان يعاقبنا اما بالعبط والمد أو يكتفى بالتوبيخ والزجر حسب وطلب حساب التأخير ويختلف العقاب حسب وضع أهلنا بالمنطقة واحترامه لهم أو خشيته منهم ولكن عند سن معين وبعد أن دخلنا الحياة الوظيفية والعملية وأصبح فى مقدورنا شراء الدراجات والسيارات أصبحنا نخجل من ركوب الدراجة تمشيا مع تقاليدنا ونستعيبها ونكتفى بالدراجة الرياضية الثابتة داخل أربع جدران بالمنزل بالرغم من أننا نشاهد كثيرا رؤساء دول أجنبية يركبونها فى بساطة ولا يخجلوا من الناس ووسائل الاعلام وفى الصين تعتبر وسيلة مواصلات عملية وسهلة يركبها المدير والخفير ولكن من يركب الدراجة فى مصر ولو على سبيل التريض وتحريك الجسم والعضلات يتهم بالسفه والجنون ونتهمه بأن لديه ربع ضارب بالرغم من أن الدراجة رياضة وهواية واستمتاع حتى ركوب الموتوسيكل نستعيبه ونخجل منه حسب نظرتنا الخاطئة القاصرة حيث نعتبره الموتوسيكل ابن عم الدراجة ونعتبر راكبه هو انسان بسيط أو غير متعلم أو شاب مستهتر غير مسؤول هل نرى روادا من المسؤولين تبدأ بنفسها بركوب الدراجة وتنسى موضوع الياقة المنشية والكرافات حتى تكون قدوة عملية يتبعها باقى الشعب ونبدأ وسيلة جديدة لفك أزمة المواصلات ودعوة للشعب للرياضة الراقية الجميلة والمحببة الى قلوبنا منذ الصغر دون انبعاث دخان منها يلوث الهواء ويوفر الشوارع من ازدحام السيارات والتاكسيات وازعاج الميكروباس ويوقر علينا الجملة الشهيرة التى نكتمها فى نفسنا كلما شاهدنا شخصا يركب دراجة وهى .. هات لفة أتمنى ذلك مصر أكبر من نظام الحكم الفردى الديكتاتورى الإستبدادى الذى فرضه علينا عسكر حركة يوليو فى الخمسينات وصار نظاما لحكم مصر برنامج الرئيس الإنتخابى لإسكان فقراء الشباب .. سرقه مسؤولون وزارة الإسكان مع المقاولين ..! رابط هذا التعليق شارك المزيد من خيارات المشاركة
فــيــروز بتاريخ: 8 ديسمبر 2003 تقديم بلاغ مشاركة بتاريخ: 8 ديسمبر 2003 هل نرى روادا من المسؤولين تبدأ بنفسها بركوب الدراجة وتنسى موضوع الياقة المنشية والكرافات حتى تكون قدوة عملية يتبعها باقى الشعب الحاجه الوحيده اللى بعجل اللى ممكن نشوف المسئولين راكبينها غير السياره و الطائره هى mfb: :lol: hg):: بس يا دكتور رجب حضرتك مقتنع اننا ممكن نتخذ المسئولين قدوه فى اى شئ؟ يمكن ده يكون زياده فى التشاؤم منى لكن فيه ازمة ثقه كبيره بين المسئولين و الشعب تجعلنا لا نفكر فى اتخاذهم قدوه .. ده طبعا احساسى .. ولكن ركوب الدراجات متعه كبيره لا يمكن ان نتركها حتى يقرر احد المسئولين انه يعمل الشاب الروش و ينزل ياخد عجله والحرس بتوعه وراه على بسكليتات بسرينه :D لمجرد ان يظهر فى الصحف على انه رجل رياضى وصحته عال !! hg):: اعتقد ان متعة ركوب الدراجه فى حد ذاتها كفيله تشجع الناس على ممارسة هذه الرياضه البسيطه التى لا تحتاج امكانيات ضخمه لممارستها لكنها بالتاكيد تحقق فائده عظيمه :D "أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ" صدق الله العظيم ----------------------------------- قال الصمت: الحقائق الأكيده لا تحتاج إلى البلاغه الحصان العائد بعد مصرع فارسه يقول لنا كل شئ دون أن يقول أى شئ مريد البرغوثى رابط هذا التعليق شارك المزيد من خيارات المشاركة
lالمطحون بتاريخ: 8 ديسمبر 2003 تقديم بلاغ مشاركة بتاريخ: 8 ديسمبر 2003 دكتورنا العظيم د. رجب الناس فى مصر مش لاقيه شارع اوحاره تمشى فيها والعجل معناه انك هتعيش المغامره الكبرى وهتلاقى نفسك فى معركه مع السيارات والبشر والطرق والكبارى والانفاق وبعدين اما يبقى فى طريق اساسا ممكن نركب عجل اوحتى عجول . على فكره حكاية المسؤلين عندنا واقعى جدا اللى انت قولتىه يا اخت فيروز منتهى الزكاء وخفة الروح رابط هذا التعليق شارك المزيد من خيارات المشاركة
ragab2 بتاريخ: 28 فبراير 2004 كاتب الموضوع تقديم بلاغ مشاركة بتاريخ: 28 فبراير 2004 الاخوة الأعزاء فيروز ومطخون يجب أن يبادر الشعب ويركب الدراجات بدون كسوف ولتستعمل الشوارع الخلفية والحارات الى أن يبدأ المسؤولون باعداد طرق خاصة للدراجات تحياتى مصر أكبر من نظام الحكم الفردى الديكتاتورى الإستبدادى الذى فرضه علينا عسكر حركة يوليو فى الخمسينات وصار نظاما لحكم مصر برنامج الرئيس الإنتخابى لإسكان فقراء الشباب .. سرقه مسؤولون وزارة الإسكان مع المقاولين ..! رابط هذا التعليق شارك المزيد من خيارات المشاركة
Faro بتاريخ: 29 فبراير 2004 تقديم بلاغ مشاركة بتاريخ: 29 فبراير 2004 الاخوة الأعزاء فيروز ومطخونيجب أن يبادر الشعب ويركب الدراجات بدون كسوف ولتستعمل الشوارع الخلفية والحارات الى أن يبدأ المسؤولون باعداد طرق خاصة للدراجات تحياتى إستخدام الدراجات وخاصة فى المدن سيقلل من التلوث وزيادة الوزن و الإصابة بمرض السكر. جارتي أكملت الـ 85 عام ومازالت تستخدم الدراجة فى تنقلاتها. ولكن هل سيسمح المتزمتون لأبناء الشعب من الجنس اللطيف بإستخدام الدراجة ؟؟؟؟؟؟ الدين لله, المحبة سلام والتعصب خراب الحياة فيلم لا يعاد عرضه رابط هذا التعليق شارك المزيد من خيارات المشاركة
فــيــروز بتاريخ: 29 فبراير 2004 تقديم بلاغ مشاركة بتاريخ: 29 فبراير 2004 (معدل) ياااااااااه ده الموضوع ده من زمان خالص :o وانا اقول باشبه على العنوان ليه :o الاخ المطحون فكرنا فعلا بحاجه مهمه للغايه وهى حالة الطرق و الشوارع فى مصر التى لا تسر لا عدو ولا حبيب .. بس موضوع عجل او عجول ده تجديد و ابتكار لازم يؤخذ فى الحسبان .. احب الافكار الفريش :) :o الحاجه التانيه يا دكتور رجب بخصوص ركوب الدراجه تتعلق بالوقت الحقيقه يعنى المشوار اللى تعمله العربيه فى نصف ساعه مثلا تعمله الدراجه فى كام وقت؟ خاصة لو كانت النصف ساعه سير بالسرعه العاديه من غير زحمة المواصلات .. قصدى يعنى مشوار من المهندسين لمدينة نصر يتاخد بالعجله فى اد ايه !! خصوصا بقى لو الجو حر والواحد يوصل الشغل فطسان و عرقه مرقه !! :o الاخ فارو :) لا طبعا صعب كتير الجنس اللطيف يركب عجله .. انا فاكره زمان ايام الطفوله اما كنت باركب عجله يا لهوىىىىىىى .. كان منظرى فرجه طبعا عشان كان لسه موضوع ركوب العجل للبنات مش شائع اوى .. عشان كده ممكن نعمل عجله زى المحفه اللى بنشوفها فى الافلام الهندى القديمه .. فى فيلم غاندى تقريبا كان الناس تركب محفه و يجرها راجل يا عينى غلبان عضمه باين من كتر الفقر المدقع الذى يعيشه .. اقترح تخصيص دراجات مماثله للنساء يقودها سواقين :o :o تم تعديل 29 فبراير 2004 بواسطة فــيــروز "أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ" صدق الله العظيم ----------------------------------- قال الصمت: الحقائق الأكيده لا تحتاج إلى البلاغه الحصان العائد بعد مصرع فارسه يقول لنا كل شئ دون أن يقول أى شئ مريد البرغوثى رابط هذا التعليق شارك المزيد من خيارات المشاركة
se_ Elsyed بتاريخ: 1 مارس 2004 تقديم بلاغ مشاركة بتاريخ: 1 مارس 2004 عشان كده ممكن نعمل عجله زى المحفه اللى بنشوفها فى الافلام الهندى القديمه .. فى فيلم غاندى تقريبا كان الناس تركب محفه و يجرها راجل يا عينى غلبان عضمه باين من كتر الفقر المدقع الذى يعيشه .. اقترح تخصيص دراجات مماثله للنساء يقودها سواقين et:( :D تصحيح لمعلومة تاريخية للأخت فيروز المفترية .. المحفة : هي الكرسي أو النقالة اللي كان العبيد بيشيلوا عليها الملوك زمان .... شوفتي فيلم كليوباترا بتاع إليزابيث تايلور ( هي كانت إليزابيث ولا صوفيا لورين ؟.. لأ إليزابيث صح ) الرِكشا : هي العجلة أم تاندا التي يستخدمونها في الهند كوسيلة مواصلات واللي عنده ركشا في الهند بيبقي زي اللي عنده ميكروباص كده في مصر .. حاجة عقبال املتك ... بمناسبة " المحفه " حصل موقف وأنا في أولى ثانوي لسه فاكره لحد دلوقت ... فكنا بندرس في ذلك الوقت تاريخ فرعوني ، فمن ضمن كلام إسم النبي حارسه أستاذ التاريخ المتعلم قال " وكان العبيد يحملون الملك على المحفه .... إلخ " فأنا علشان طولي عمري لمض فقمت سألته .. يعني أيه محفه يا حاج ؟ فالراجل وشه جاب ألوان ؟ وقالي إن المحفه هي المحفه اللي بيحفوا عليها الملك لما يعوز يتحف .. أقعد يالا وبطل لماضه ... وماعرفش يجاوب ... آه والله .. من خلال بقى قراءات الواحد بعد كده في كتب ميكي ثم سوبر ميكي وماجد والحاجات دي عرفت أيه هي المحفه اللي كانت هاتخلي الناس تخسر بعضيها ... الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
se_ Elsyed بتاريخ: 1 مارس 2004 تقديم بلاغ مشاركة بتاريخ: 1 مارس 2004 بالنسبة لإستخدام الدراجات في مصر فهو مرتبط في المقام الأول بالعادات والعقليات المترسخة في المجتمع المصري ( ومنها أشياء خطا بالتأكيد ) ... يعني تصوروا منظر أستاذ أو مدير شركة وحب يعمل حركة جنون ويروح الشغل أو المدرسة بالعجلة ... يا نهار أبيض ده هاياخد تريقة ممكن تخليه يولع في نفسه .. هذا بالإضافة إلى ان البنية الأساسية اللي بيتكلم عنها مبارك في كل حديث وخطاب ومقال ليست مهيأه لإستخدام الدراجات بمعنى إن الواحد ممكن يبقى ماشي بالدراجه في أمان الله وتيجي عربيه من وراه تشوطه لأن ما فيش حارات مخصصة لقيادة الدراجات مثل دول كثيرة .. أما بالنسبة لقيادة البنات أو السيدات للدراجات فطالما الواحده هاتبقى محتشمة فأيه المانع لا هو عيب ولا حرام .. بس سمعنا زمان إن قيادة الدراجات بشكل دائم مش كويس على البنات وممكن يعمل مشاكل .. فهل هذا صحيح طبياً ؟ ولو إني باسأل نفسي ... بسكلته أيه دي اللي هاتشيل ناس وزنهم 90 وإنت طالع ؟ et:( لذا إذا كنا نطالب بالسماح للجنس اللطيف بإستخدام الدرجات في تحركاتهم يبقى لازم يكون هناك قرار متوازي يمنع الجنس الناعم من أكل المفتأه والمحشي والرز بالخلطه وكل واحده لازم نوزنها الاول قبل ما تاخد رخصة البسكلته يعني بالعربي كده أي واحده وزنها هايزيد عن 65 ك قايم بالعضم يبقى تروح تدور على وسيلة تانية غير البسكلته المسكينة ... الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان