هو احنا ناقصين

[Farida]

استمرارا لموجه الهبوط فى كل شئ من اول السياسه للزراعه للتعليم للفن بافتح الدش لقيت مجموعه بنات و اولاد اقل من عشر سنوات البنات لابسه محزق جدا و بترقص بخلاعه ما شفتهاش قبل كده و الاولاد الصغيرين بيهزوا كل جسمهم بطريقه مقرفه ..... هو احنا ناقصين كمان الأطفال ..... و المصيبه انهم استضافوا الفريق ده خمس مرات لحد دلوقتى فى دريم ما عادا برنامج نجوى ابراهيم اللى احرج اهاليهم و كبسهم البامج الأخرى كانت بتحتفى بيهم و بيقولوا انهم لفوا الدول العربيه (!!!!!!!!!!!!!!) و الكارثه انهم حا يعملوا سلسله افلام فى الصيف الجاى ..... طبعا الناس اللى ما شفتهمش على الدش حا تفتكر ان الافلام دى زى افلام فيروز لكن للسف الطفال اللى حايشوفوهم حايخرجوا اسوا من الأول ..... مش عارفه الواحد يعمل ايه علشان نكف الناس دى عن استغلال الأطفال بالشكل ده و هل ده يرضى ماما سوزان ؟؟؟؟؟؟؟

[Handicraft]

لو تفتكروا من كام سنة بدأ طارق نور يعمل اعلانات كاراتيه وبم بم وحاجات تانية ببنات كان بيلبسهم لبس خارج والبنات بترقص وتتدلع فى الإعلانات وهم لسه أطفال فى عمر 10 سنين وكب طارق نور وكبروا معاه البنات دول دلوقتى وبقوا ستارز فى الإعلانات والفيديو كليب وكانت النتيجة اللى شايفنها دلوقتى من عرى ورقص ومسخرة لدرجة توصل لمغنية تغنى ببدلة رقص.

طارق نور ربى جيل كامل عن طريق اعلاناته يا ترى الجيل اللى جاى حيوصل لأكتر من كده لحد فين ؟؟؟

[أسد]

أعتقد أنه يجب محاكمة المسئول عن تلك الفرقة ..

هذا بالإضافة إلى محاكة آبائهم وأمهاتهم ....

فما يحدث ما هو إلا إنتهاك وإغتصاب لبراءة طفولة هؤلاء الأطفال

:angry: :blink: :blink: