علامات استفهام يا حسن شحاتة

[حسام يوسف]

الحقيقة فى الآونة الأخيرة كثرت علامات الاستفهام لدي فى ادارة حسن شحاتة للأمور الفنية والادارية داخل المنتخب الوطنى ونحن فى مرحلة حساسة فى مشوار تصفيات الوصول الى كأس العالم

ومن لديه أى رد على استفساراتى فله جزيل الشكر ومن له استفسارات فليضمها للموضوع جايز نلاقيلها حل

أولا محمد بيه زيدان اتخانق مع مي عز الدين

حاجة شخصية

تغيب عن المننتخب ليه؟

ولو غبت لأنك تعبان نفسيا أو مش جاهز

مش الواحد يعتذر ولايقفل تليفوناته؟

كابتن حسن شحاته امتى ياخد موقف قصاد اللاعيب ده اللى اتكرر منه الموقف ده وبقيت بحس انه بينقى الماتشات اللى عايز يلعبها ؟

يكفى القول ان محمد شوقى ياما اتحايل على حسن شحاتة عشان ضم زيدان

وآدي النتيجة :blink:

تم تعديل 13 أغسطس 2009 بواسطة حسام يوسف

[حسام يوسف]

العلامة الاستفهامية الثانية

كل ماتش يدخل فينا جون وأكتر وبسبب أخطاء دفاعية ساذجة

المشكلة دي مش امبارح ولا النهاردة

لامتى ما يفعله محمودفتح الله ووائل جمعة وهانى سعيد؟

لا بيطلوا غلط

ولا بييجي غيرهم

الحل ايه؟

[حسام يوسف]

محمد حمــــــــــص؟

من يوم ماتش ايطاليا فى كأس القارات واحرازه لهدف الفوز وكان أحسن لاعب فى المباراة لم يلعب مباراة واحدة لا رسمية ولا ودية

يا ترى المانع ايه؟

هل هوة مش جاهز؟

ما ماتش امريكا اللى بعده كان موجود؟

ولا غلط فى حاجة؟

وكان فين حمص قبل ماتش ايطاليا؟

ومش بيلعب ليه؟

ولا بيتعاقب عشان ماتش ايطاليا؟

تم تعديل 13 أغسطس 2009 بواسطة حسام يوسف

[حسام يوسف]

امتى هنلعب بروس حربة بشكل صريح لا ابو تريكة ولا سيد حمدي الوافد الجديد ولا شيكابالا روس حربة؟

في ماتش رواندا الماضي قبل أن ينزل أحمد عبد الرءوف ماكانش فيه رأس حربة واحد فى الملعب؟

ايه ده ان شاء الله؟

وده تفكير ناس عايزة نكسب كل ماتشاتها؟

[dawn walker]

القاهرة - رويترز

أعلن حسن شحاته المدير الفني لمنتخب مصر لكرة القدم تشكيلة مؤلفة من 23 لاعباً استعداداً لمواجهة رواندا في كيجالي في الخامس من سبتمبر/ايلول المقبل ضمن التصفيات الإفريقية المؤهلة لنهائيات كأس العالم 2010.

وشهدت تشكيلة "الفراعنة" غياب مهاجم الزمالك محمود عبدالرازق "شيكابالا" الذي ضمه شحاته مطلع الشهر الجاري للقائمة المرشحة للمشاركة في مباراة رواندا، وذلك بعد أن نال اللاعب استحسان شحاته في مباراة ناديه أمام إنبي في الأسبوع الأول من الدوري المصري، إضافة إلى نجمي الزمالك عمرو زكي وأحمد حسام ميدو.

وجاءت تشكيلة مصر على النحو التالي:

حراس المرمى: عصام الحضرى (الإسماعيلي) محمود أبوالسعود زكي (المنصورة) الهاني سليمان (الاتحاد السكندري).

المدافعون: هاني سعيد (الزمالك) وائل جمعة (الأهلي) محمود فتح الله (الزمالك) أحمد سعيد أوكا (حرس الحدود) أحمد المحمدي (انبي) أحمد فتحي (الأهلي) سيد معوض (الأهلي) أحمد كمال (حرس الحدود).

لاعبو الوسط: محمد شوقي (ميدلسبره الإنكليزي) محمد شعبان (بتروجيت) حسني عبدربه (أهلي دبي) عبدالعزيز توفيق (انبي) محمد أبوتريكة ( الأهلي) أحمد حسن (الأهلي) أحمد عيد عبدالملك (حرس الحدود) محمد بركات (الأهلي).

المهاجمون: أحمد رؤوف (انبي) سيد حمدي (بتروجيت) أحمد سلامة (حرس الحدود) محمد الجباس (ليرس البلجيكي).

خط هجوم هدية لفريق الجزائر الشقيق !!!

[مصري أصيل]

محمد حمــــــــــص؟

من يوم ماتش ايطاليا فى كأس القارات واحرازه لهدف الفوز وكان أحسن لاعب فى المباراة لم يلعب مباراة واحدة لا رسمية ولا ودية

يا ترى المانع ايه؟

هل هوة مش جاهز؟

ما ماتش امريكا اللى بعده كان موجود؟

ولا غلط فى حاجة؟

وكان فين حمص قبل ماتش ايطاليا؟

ومش بيلعب ليه؟

ولا بيتعاقب عشان ماتش ايطاليا؟

يا دكتور حسام حمص لعب في مباراة رواندا الأخيره و كان ضيف شرف و أعتقد أنه ما لمسش كوره طول المباراه عشان كده حضرتك مش فاكر انه لعب . و كنا بنلوم حسن شحاته أنه ما نزلش حمص في مباراة امريكا بعد ما لعب كويس في مباراة ايطاليا و لكن لما شفته في مباراة رواندا التمست العذر لحسن شحاته .

و بالرغم من الاخطاء الكبيره اللي بيقع فيها حسن شحاته و بالطبع أثرت كتير علي نتايج المنتخب و لكن السبب الأكبر للي بيحصل في تذبذب مستوي اللاعبين يعني واحد زي محمد زيدان مافيش عنده وسط يوم في السما و يوم في الأرض و ده مجرد مثل بس الباقي شرحه لكن واضحه قوي عند زيدان .

بالمناسبة مين محمد الجباس ده اللي مصر مستدعياه من نادي ليرس البلجيكي عشان يلعب مباراة رواندا أنا أول مره اسمع عنه

[حسام يوسف]

بالفعل كنت أقصد مباراة أمريكا

وبجد ما افتكرتوش ولا فاكره فى مباراة رواندا

بس عرفت بعدها انه اتصاب

ومحمد الجباس لاعيب كويس

ده اللى اسمه دودي الجباس بتاع المصري السنة اللى فاتت لو تفتكره حضرتك

بس أول ماتش ليه دي هتبقى صعبة

الحقيقة مش عارف أغلط حسن شحاتة ولا أقوله كتر خيرك

الأغلبية مش فى مستواها خالص

لا مدافعين

ولا نص

ولا هجوم

انا مش متفائل

[Abu Reem]

[

color="#4B0082"]

أنا على العكس مرتاح لاختيارات حسن شحاته ، لأنه كل ما يبتعد عن اللاعبين ( الأرنات ) كل ما كان نتائجنا وأدائنا أفضل ،،،

وأنتم أكيد شافيين البيه الجهبذ ( ميدو ) عامل ايه في الزمالك ، وقرأت تعليقات النقاد عليه في الجرائد وأخيرا عرفوا أنه مقلب كبير ، وخير شاهد مستواه المتواضع ، وكل ما في الأمر بيلعب بجسمه وواخذ المسألة عافية وكان شكله غبي لما دخل في حارس مرمى المقاولون وكاد أن يقتله بلعبع غبية.

وشيكابلا عايش في دور فلافيو ، وعمال يشوح ومعترض على كل شيء وفاكر نفسه رونالدينهو وياريت يتعلم منه التواضع واللعب بدون منظرة ،،، ولو كان لاعب متميز مكانش الفريق اليوناني التعبان فرط فيه.

كل اختيارات حسن شحاته مفهومه لأن ميدو بيعيش في دور المدرب لما يلعب مع أي فريق ، وزيدان لا يستحق أبدا أن يرتدي فانله مصر ،، وكفاية بقى طبطبة ، نفس اللي الطبطبة اللي كانت بتحصل مع واحد زي ابراهيم سعيد ، وشوفوا في الاخر نهايته بقت ايه ، اصبح زي الجرب .

كل ملاحظاتي على فريقنا هي بصراحة الدفاع ( التحفة ) من مباريات كأس الامم والإنفرادات التي كانت تحدث مع فريق كوت دي فوار والتي تكررت في مباراة زامبيا ومباراة الجزائر ومباراة أيطاليا خير شاهد ، واختتمت بأمريكا و3 أهدف ، وبعدها غينينا 3 أهداف ، ومع ذلك يخشى حسن شحاته من تغيير الثلاثي الفاشل ( هاني سعيد ، ووائل جمعة ، ومحمود فتح الله ) على فكرة همه دول المشكلة مش خط الهجوم ... إحنا بنستطيع نحرز أهداف من أي لاعب ، لكن المشكلة أن بيجي فينا أهداف بمنتهى السهولة وعلى فكرة أي هدف هايدخل مرمنا في المباريات الثلاثة القادمة معناها أن فريقنا أصبح......بنسبة 99.9999999 خارج كأس العالم,.,,,

تحياتي لكم جميعاً

[النيل حبيبي]

الحقيقة مش عارف أغلط حسن شحاتة ولا أقوله كتر خيرك

الأغلبية مش فى مستواها خالص

لا مدافعين

ولا نص

ولا هجوم

انا مش متفائل

انا معاك 00غير متفائل

[الحازم حسن]

بالمناسبة مين محمد الجباس ده اللي مصر مستدعياه من نادي ليرس البلجيكي عشان يلعب مباراة رواندا أنا أول مره اسمع عنه

لاعيب كفاءة

كفاءة قوي يعني

أهداف الجباس