لو كان نظام الكفاله رجل لقتله

[عاشق الترحال]

مبروك للعماله المصريه بالكويت بدأ تنفيذ قرار إلغاء الكفاله وعقبال باقي ((دول الكفاله))

بدأت الكويت فعليا أولى خطوات إلغاء نظام الكفيل، حيث أصدر الدكتور محمد العفاسي، وزير الشؤون الاجتماعية والعمل الكويتى قراراً بإلغاء موافقة الكفيل على تحويل إقامة العامل إلى كفيل آخر من دون إذن الكفيل الأول وهو الشرط الذى وضع قيدا حديديا حول العمال ومنعهم من العمل بحرية فى الكويت.

ونقلت تقارير مصرية أن عائشة عبد الهادي، وزيرة القوى العاملة والهجرة المصرية رأت أن هذا الإجراء من طرف الحكومة الكويتية يعد بمثابة خطوة جيدة نحو الطريق الصحيح.

وتوقعت الوزير المصرية أن تلغي دول خليجية أخرى نظام الكفيل فى وقت قريب، مثلما حدث فى البحرين والكويت ، رافضة الإفصاح عن هوية هذه الدول. :rolleyes:

وأكدت وجود نوع من المراجعة للتشريعات الوطنية فى الدول المستقبلة للعمالة فى الوطن العربي، من أجل أن تتوافق مع المعايير والتشريعات الدولية للعمل.

وأنا بقول يا رب حكومات الدول دي تنظر بعين الإنسانيه والآدميه للعاملين الأجانب من جميع الجوانب مش بس (( الماديه المهضومه ))

ياريت يفكروا أن الآدمي ده عنده زوجه وأولاد ويتساهلوا شويه في موضوع الإستقدام بدل مايضطروا الناس لفعل أشياء تغضب الله أ أنهم يتحايلوا على القانون بشكل أو بآخر وده فى النهايه هيعود عالدول دي بمشكلات وآثار سلبيه وبتكرار هذه المشكلات هتكون النتيجه غير محموده

وهحكي لكم على موضوع حصل أمس معي وواحد صاحبي يمني كان راجع من السفر و كنت بسلم عليه وجلسنا نتحدث معا والكلام أخدنا للمشكله بتاع تغيير المهنه علشان أستقدم زوجتى وإبني وأن المسأله دي متعقده معايا لدرجه زهقتني المهم لقيته بيقولي والله المشكله دي الكل بيعاني منها وأنا أحضرت شهادات مضروبه من اليمن لأصدقاء ليتمكنوا من تغيير المهنه ويحضروا زوجاتهم وأن الشهادات دي الكل بيلجأ لها الوقتي علشان يغيروا مهنتهم

وقالي أنت تعرف الموضوع ده وصل بواحد صاحبي لأيه ؟؟

قال لي أن صديقه كان يتحدث معه بخصوص هذا الموضوع وأن هذا الصديق خطب فتاه يمنيه تقيم في اليمن ولم يتزوجها بعد ويريد أن يتزوجها ويستقدمها ولكن المهنه أكبر عقبه فى طريقه وكيف أنه حاول بشتى الطرق ولم يفلح وفى النهايه عرض هذا الشاب على صديقي أن يتزوج خطيبته دون الدخول بها (( جواز عالورق يعني )) ثم يستقدمها له ويطلقها هنا ويتزوجها هذا الشاب !!!!! طبعا رفض صديقي هذا الكلام

ولكن إنظروا إلى أي درجه وصل الحال ببعض الناس !!1

أرجوا من أهل العلم والدين والثقافه والفكر والإعلام والحكومه وكل من له رأي مؤثر في هذه الأنظمه أنه يقول كلمه ترضي ربنا ويذكروا أصحاب السلطه اللي بتسن القوانين دي أنهم هيتحاسبوا وهيقفوا أمام الله ويسألهم عن الناس اللي أتحرمت من زوجاتهم وأولادهم بسبب التعسف وهيتسألوا عن كل مظلمه بسبب القوانين دي !!!

واللي هيتسأل عن نفسه بس الله يستر علينا وعليه فمابالك اللي هيتسأل عن نفسه وعن آلاف وملايين من المظالم عند العباد ؟؟؟؟

وإلى الله المشتكى وحسبنا الله ونعم الوكيل

روابط تخص الموضوع

http://www.alqabas.com.kw/Article.aspx?id=...p;date=10082009

http://www.aleqt.com/2009/08/10/article_261438.html

http://shorouknews.com/ContentData.aspx?id=89640

تم تعديل 12 أغسطس 2009 بواسطة عاشق الترحال

[lovelyramy]

لا حول ولا قوه الا بالله

فعلا الكفاله دى عامله زى نظام العبيد زمان

ربنا يرحمنا منها خصوصا فى السعوديه

[سهل جدا]

حسبنا الله ونعم الوكيل

شوف يا أخ عاشق الترحال...

من خلال قراءتي لأكثر من موضوع لحضرتك أحب أنصحك بالآتي:

1- ما تعقدش آمال كبيرة للعيش الدائم في السعودية.. البلد هنا في كل يوم بتكون أسوأ من اليوم اللي قبله بالنسبة للأجانب... وأعداد البطالة عندهم في ازدياد مستمر, وبالتالي الضغط على الأجانب سيكون أكثر ..

2- ممكن تعمل زيارة لزوجتك من غير ما تغير المهنة بتاعتك, ودا بيكون بواسطة بسيطة أو بفلوس قليلة لمعقب شاطر (من ألف إلى ألفين ريال فقط)

3- وفي ناس بيعملوا استقدام لأي مهنة بحوالي 14 الف ريال (رشوة) , وزادت شوية في الكم شهر الأخيرة دي, وبقت ب 17 ألف ريال

بس ما أنصحكش إنك تدفع مبلغ زي ده , وخصوصا إن راتبك مش كبير...

وربنا يفوقك ويقدر لك الخير حيث كان

[عاشق الترحال]

حسبنا الله ونعم الوكيل

شوف يا أخ عاشق الترحال...

من خلال قراءتي لأكثر من موضوع لحضرتك أحب أنصحك بالآتي:

1- ما تعقدش آمال كبيرة للعيش الدائم في السعودية.. البلد هنا في كل يوم بتكون أسوأ من اليوم اللي قبله بالنسبة للأجانب... وأعداد البطالة عندهم في ازدياد مستمر, وبالتالي الضغط على الأجانب سيكون أكثر ..

2- ممكن تعمل زيارة لزوجتك من غير ما تغير المهنة بتاعتك, ودا بيكون بواسطة بسيطة أو بفلوس قليلة لمعقب شاطر (من ألف إلى ألفين ريال فقط)

3- وفي ناس بيعملوا استقدام لأي مهنة بحوالي 14 الف ريال (رشوة) , وزادت شوية في الكم شهر الأخيرة دي, وبقت ب 17 ألف ريال

بس ما أنصحكش إنك تدفع مبلغ زي ده , وخصوصا إن راتبك مش كبير...

وربنا يفوقك ويقدر لك الخير حيث كان

مشكور أخي الفاضل على ردك ومحاولة مساعدتك بالنصيحه بس أحب أقولك أني عمري ما كنت عاقد آمال كبيره عالعيش هنا فى السعوديه ولا حاجه وأنا أصلاَ ماسافرتش هنا إلا بعد إلحاح طويل من الأهل وعمر السعوديه أو الدول العربيه ماكانت حلم بالنسبه لي

اللهم إلا لحج أو عمرة وزيارة المسجد الحرام والمسجد النبوي

أما بالنسبه لعمليه الرشاوي دي فإنها في المقام الأول ((حرام )) وتسبب لعنه وطرد من رحمة ربنا للراشي والمرتشي

وغير كده بتتم عمليات نصب كتير بسبب الموضوع ده والفلوس تروح عليك وساعتها بقي يا حلو ؟؟؟؟؟؟

غسلت سنانك بسيجنال تو النهارده

أنا إعتراضي عالأنظمه والقوانين المتعسفه وإن كنت أنا هلاقي حل لمشكلتي بطريقه أو أخري إن شاء الله ففيه ناس غيري كتير بتعاني من نفس المشكله وأنا حبيت أتكلم عن الموضوع وطرحت لكم صوره من تفكير أحد أصحاب المشاكل دي وإزاي تفكيره وصله لكده !!!

أنا مش بقول يلا نفسي لأني ببساطه ممكن أنزل أجازه في أي وقت والحمد لله معنديش مشكله فى كده

بس يمكن صوتي وصوتكم يوصل لأحد متخذي القرار أو صاحب قلم أو أي شخص له كلمه مسموعه ونكون سبب في حل مشكله يعاني منها الكثير والكثير من المصريين وغير المصريين

وربنا يوفق الجميع للخير

تم تعديل 12 أغسطس 2009 بواسطة عاشق الترحال

[سهل جدا]

وأنا حبيت أتكلم عن الموضوع وطرحت لكم صوره من تفكير أحد أصحاب المشاكل دي وإزاي تفكيره وصله لكده !!!

أنا مش بقول يلا نفسي لأني ببساطه ممكن أنزل أجازه في أي وقت والحمد لله معنديش مشكله فى كده

بس يمكن صوتي وصوتكم يوصل لأحد متخذي القرار أو صاحب قلم أو أي شخص له كلمه مسموعه ونكون سبب في حل مشكله يعاني منها الكثير والكثير من المصريين وغير المصريين

انسى يا عمرو

البطالة اللي عندهم هنا أعمتهم عن حقوق الأجانب تماماً

وكل يوم مهن جديدة بتتسعود, لحد ما بقاش في مهنة محترمة للأجانب (باستثناء مهن قليلة)

وفي ناس كثيرة ما بتعرفش تجدد إقامتها بسبب إن مهنتهم مهنة محترمة

فبيضطروا يدفعوا فلوس من تحت الترابيزة (بلاش كلمة رشوة يا عم عشان بتزعّلك ) عشان إقاماتهم تتجدد

وبالنسبة للحكم الشرعي للرشوة, فهي حرام حرام حرام

إلا في حالة واحدة

وهي الحصول على حق شرعي لك

وفي الحالة ديه الإثم بيكون على الآخذ وليس المعطي

لو مثلا واحد اتحكم عليه بالسجن ظلماً , وواحد جيه وقاله هاخرجك من السجن بس بشرط تدفعلي كذا وكذا ..

فهنا لو دفع الرشوة عشان ينجو بنفسه من الظلم ليس عليه أي إثم

وعلى هذا فقس ..

والله أعلم .