اذهب الي المحتوي
toota

هواية تربية القطط....

Recommended Posts

قبل ما كمل الموضوع....حصل حاجة النهاردة تعتبر نادرة جدا....

ناتاشا ام العيال....عندها لوليتا وباربي ودول عندهم ست اشهر ...وتقريبا المفروض انها نسيت انها امهم...وعندها دلوقتي بيبيهات عندهم تلات اسابيع...بترضعهم...

وزة هانم عندي بنت وردة الزنانة عندها سنة ونص...وحامل....بقت متضايقه من لوليتا عشان بتمشي وراها كل شويه وعايزة تلعب معاها لانهم بيلعبوا مع بعض اوي وتقريبا لوليتا فاكرة ان وزة هي الي امها....قوم وزة كل شويه تلطش لها... .... :D

شويه والاقي ناتاشا...الهادية العاقلة الكوووومل....الي متبطلعش العيبه من بقها...ودي مش مبالغة..لانها من اهدأ القطط الي ربيتها في حياتي....راحت قاعدة فوق وزة وهاتك يا ضرب وتلطيش....ووزة بتصوت تحتها...جريت اشوف فيه ايه...الاقيها مقطعاها تلطيش....شلتها منها بالعافية....اتاريها متغاظه انها ضربت لها بنتها لوليتا....وبتأدبها :unsure:

وزة هانم...

3817158602_df82315228.jpg

لوليتا ..على الشمال....الفاتحة..

3817164518_dd5b1c3750.jpg

شارك هذه المشاركه


رابط المشاركه
شارك
مش عارفه اعبرلك ازاي عن مدى انسجامي بالموضوع دا :lol: :blink:

كملي يا مدام توتا الله ينور عليكي :lol: :sad:

طيب الحمدلله انه عاجبكم الموضوع....باذن الله التكملة قادمة مع الصور والشرح الشافي الوافي.....سعادتكم تهمنا :sad:

شارك هذه المشاركه


رابط المشاركه
شارك

معلش يا توتا على الخروج عن الموضوع بس هو من ريحته

متعرفيش الله يخليكي اذا كان الفار ممكن يعض الانسان ولا لأ؟

و اذا كان ممكن

هل بيبقى لو الانسان بيهاجمه مثلا ؟ ولا ممكن ييجي يعضه و هو نايم؟

كتر خيرك

شارك هذه المشاركه


رابط المشاركه
شارك
معلش يا توتا على الخروج عن الموضوع بس هو من ريحته

متعرفيش الله يخليكي اذا كان الفار ممكن يعض الانسان ولا لأ؟

و اذا كان ممكن

هل بيبقى لو الانسان بيهاجمه مثلا ؟ ولا ممكن ييجي يعضه و هو نايم؟

:blink:

كتر خيرك

والله ضحكتني يا زهيري.... :lol:

حسب معلوماتي حصلت مرة مع حماتي...الفار دخل عضها من صباعها وجري تاني.....بس معرفش فيران كندا طفسين زي فيران هنا ولا لا :lol:

شارك هذه المشاركه


رابط المشاركه
شارك

البنات كبرت...ومين ميعرفش هم البنات....نجهزهم للعريس وبيت العدل...ايييييييييييه متفكرونيش....

المهم قعدنا ندور على عريس مناسب وابن ناس...المثل بيقول اخطب لبنتك....لحد ما لاقينا ابو العيال لاحقا...راجل ابن ناس ومالي مركزة...طول بعرض...دفعنا المهر....وعملنا الفرح للبنتين مع بعض...قلنا نفرح مره واحدة...ومفيش شهرين...والبشاير هلت....البنات بتولد...اجري يا توتا جهزي الفرخة واللبن يتغلي...وجهزي الفوط والمقص والبيتادين....امال....دي ولادة بحق وحقيق..وغرفة عمليات بتتفتح....

دي هنا الاختين ناتاشا ووردة في اول ولادة ليهم...قاعدين يطبطبوا على بعض...وكانت ناتاشا هي الي ولدت الاول...

2323736810_831c3e10c0.jpg

2323731120_0f909dfd05.jpg

الغريب انه برغم انها كانت اول ولادة للاتنين...الا ان وردة وهي برضو حامل وولدت تاني يوم الفجر...كانت بتساعد ناتاشا وبتنظف معاها العيال ...لا وبترضعهم كمان :roseop: وكل ما اشدها عشان اخرجها من الكرتونه تزووووووم عليا وترجع تاني....سبتها بقى...وفعلا ساعدت كتير لان ناتاشا بسبب ان بقها مفطوس لجوه...عملية النظافة والسرعة عندها صعبة حبتين...كانت بتشهل لها الامور.... :roseop:

يتبع مع صور الكتاكيت :lol:

شارك هذه المشاركه


رابط المشاركه
شارك
معلش يا توتا على الخروج عن الموضوع بس هو من ريحته

متعرفيش الله يخليكي اذا كان الفار ممكن يعض الانسان ولا لأ؟

و اذا كان ممكن

هل بيبقى لو الانسان بيهاجمه مثلا ؟ ولا ممكن ييجي يعضه و هو نايم؟

كتر خيرك

فكرتنى

اول يوم ليا فى سكن الشركة اللى هى اول شركة اشتغلت فيها فى السعودية .. الشقة شقة ضيافة مفروشة فخم جدا .. تبيت فيها كم ليلة على ما يجهزولك الشقة بتاعتك .. المهم نمت وكنت بأحلم انه انا بأدوس على سلك كهربا .. فى نفس اللحظة كان فيه حاجة بتعضنى ..

مديت ايدى مكان الألم قلت دا دم وتوقعت ثعبان .. خلاص نام للصبح هتموت وخلاص ..

الصبح لقيتنى صاحى .. رحت للدكتور قاللى دا فار عشان أسنانه بالعرض

طيب دور على الفار أجدلك مشروع أسد عايش فى الفرن اللى مش بيشتغل نهائى هههههههههههههههههه

شارك هذه المشاركه


رابط المشاركه
شارك
معلش يا توتا على الخروج عن الموضوع بس هو من ريحته

متعرفيش الله يخليكي اذا كان الفار ممكن يعض الانسان ولا لأ؟

و اذا كان ممكن

هل بيبقى لو الانسان بيهاجمه مثلا ؟ ولا ممكن ييجي يعضه و هو نايم؟

كتر خيرك

فكرتنى

اول يوم ليا فى سكن الشركة اللى هى اول شركة اشتغلت فيها فى السعودية .. الشقة شقة ضيافة مفروشة فخم جدا .. تبيت فيها كم ليلة على ما يجهزولك الشقة بتاعتك .. المهم نمت وكنت بأحلم انه انا بأدوس على سلك كهربا .. فى نفس اللحظة كان فيه حاجة بتعضنى ..

مديت ايدى مكان الألم قلت دا دم وتوقعت ثعبان .. خلاص نام للصبح هتموت وخلاص ..

الصبح لقيتنى صاحى .. رحت للدكتور قاللى دا فار عشان أسنانه بالعرض

طيب دور على الفار أجدلك مشروع أسد عايش فى الفرن اللى مش بيشتغل نهائى هههههههههههههههههه

لا اله الا الله

يعني كده الموضوع واضح

ممكن يعض بدون سبب عض هجومي مش عض دفاعي

نورت المحكمه يا شيف بندق افندي :rolleyes:

شارك هذه المشاركه


رابط المشاركه
شارك

اعتراف صغير..

كل مرة بمشي فيهم قطة....قلبي بيتعصر عليها....بحس اني والعياذ بالله ابني بيسافر بعيد عني....احساس مش لطيف خالص....بس ببقى مضطرة ولا حيبقى البيت مورستان من القطط....حسيت بالذنب لما اعدت رؤية وردة مع ناتاشا وهي في الكرتونة.... :rolleyes:

شارك هذه المشاركه


رابط المشاركه
شارك

ما شاء الله.. قطط حضرتك أمامير أوي يا أخت توتا

بس مش عارف إيه سبب عدم حبي للقطط عموماً...

أنا بصراحة أكثر حاجة كنت بحب أربّيها هي الفراخ..

إمممممممم

فكرة موضوع جديد... ((هواية تربية الفراخ والكتاكيت))

أنا عارف إنها هواية بلدي شوية...

خلاص بلاش.. ممكن نفتح موضوع عن هواية شبيهة لها ، بس راقية شويّة..

((هواية تزغيط البط)) :)

أظن بقى إن ديه هواية الناس الكلاس...

إيه رأيكم..

حدّ عنده الهواية ديه... :wub:

شارك هذه المشاركه


رابط المشاركه
شارك
ما شاء الله.. قطط حضرتك أمامير أوي يا أخت توتا

بس مش عارف إيه سبب عدم حبي للقطط عموماً...

أنا بصراحة أكثر حاجة كنت بحب أربّيها هي الفراخ..

إمممممممم

فكرة موضوع جديد... ((هواية تربية الفراخ والكتاكيت))

أنا عارف إنها هواية بلدي شوية...

خلاص بلاش.. ممكن نفتح موضوع عن هواية شبيهة لها ، بس راقية شويّة..

((هواية تزغيط البط)) :roseop:

أظن بقى إن ديه هواية الناس الكلاس...

إيه رأيكم..

حدّ عنده الهواية ديه... :wub:

مش طلعت فتوى بجواز تزغيط البط؟؟؟؟؟ :wub:

يلا يابني توكل على الله وافتح مزرعة سمك.....واقعد زغطه سمكايه سمكايه....وافتح موضوع سميه هواية تزغيط السمك :wub:

شارك هذه المشاركه


رابط المشاركه
شارك

على فكره يامدام توتا انا معايا مهندس زميلى فى الشغل بيعشق القطط وموصنى لما انزل مصر اجيب له قطه فطبعاً اقولته خلاص ولا تشيل هم انا هكلم مدام توتا تجيب لك اللى انت عاوزه ولا انت رأيك ايه ؟؟

بس انا سمعت ان القطط علشان الواحد ياخدهم معاه وهو مسافر لازم يضيفها على الباسبور بتاعه الكلام ده صح ولا غلط ؟؟

شارك هذه المشاركه


رابط المشاركه
شارك
على فكره يامدام توتا انا معايا مهندس زميلى فى الشغل بيعشق القطط وموصنى لما انزل مصر اجيب له قطه فطبعاً اقولته خلاص ولا تشيل هم انا هكلم مدام توتا تجيب لك اللى انت عاوزه ولا انت رأيك ايه ؟؟

بس انا سمعت ان القطط علشان الواحد ياخدهم معاه وهو مسافر لازم يضيفها على الباسبور بتاعه الكلام ده صح ولا غلط ؟؟

كل يومين بتطلع قوانين جديدة بالنسبه لتسفير القطط للسعودية....لو عايز مساعدة في اختيار قطة مفيش مشكلة...بس موضوع الباسبور ده مقدرش افيدك الاحسن تسال شركة الطيران نفسها....

شارك هذه المشاركه


رابط المشاركه
شارك

Join the conversation

You can post now and register later. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • كتاب تربية أسماك الزينة ...#*#

      ============================================================================== الكتاب فيه معلومات كثيرة بالإضافة أنه اول كتاب في مصر يتحدث عن تلك الهواية التي أعشقها منذ زمن بشكل مفصل وطريف في نفس الوقت وسأبدأ السرد بشكل ملخص للمقدمة والتعريفات والقوانين... هواية تربية أسماك الزينة تعتبر هواية تربية اسماك الزينة من الهوايات الراقية التي يتصف فيها الهاوي بالذوق وحب الجمال والاستقرار النفسي بالإضافة إلى الهدوء والحساسية المرهفة .. كما تعتبر طريقة لعلاج بعد أمراض ارتفاع ضغط الدم الناتجة عن حال

      في هوايات - Hobbies

    • تغيير المهنة من عامل تربية مواشى إلى عامل فقط

      سلام عليكم أرجو منكم اعطائى الخطوات كامله ازاى اغير مهنه الاقامة من عامل تربيه مواشي لعامل عادى او اى حاجة تانى تخلينى الاقى شغل بشركة او مصنع او حاجة كويسه بجد انا تعبت عمال الف مش لاقى كل الى يسال يسال على المهنه بالاقامة وميرداش يرد عليا تانى ساعدونى ارجوكم

      في المغتربين المصريين - egyptian expatriates

    • انا خريج تربية ما هي المهنة التي تمكني من استقدام زوجتي بخلاف مدرس

      السلام عليكم ورحمة الله وبركاته انا خريج تربية قسم علوم وعاوز اعمل استقدام لزوجتي لو لسنة واحدة حتى ووظيفتي في الاقامة اختصاصي تسويق روحت مكتب الاستقدام من 4 سنوات تقريبا ورفض الطلب لتعارض المؤهل مع الوظيفة  والسؤال يا ترى إيه الوظيفة اللي اقدر اغيرها في الاقامة علشان تتناسب مع مؤهل كلية التربية واقدر بيها استقدم زوجتي ولكم الشكر والله في عون العبد ما كان العبد في عون اخيه

      في المغتربين المصريين - egyptian expatriates

    • هواية صيد السمك في مصر و العالم

      واضح من نقاش سابق ان هناك العديد من الاخوة الاعضاء الذين يحبوا صيد السمك كهواية محببة الى نفوسهم و خاصة ابو حلاوة و مكسوف و سكوربيون و بالتالي اردت فتح هذا الموضوع لنتكلم فيه عن هواية صيد الاسماك - انواع الاسماك التي تصاد - هل هي في مية حلوة ام مية مالحة - ما هي الطرق المختلفة (نوع العدة، الطعم، الخ) - سواء في مصر او في غيرها مين يبتدي؟

      في هوايات - Hobbies

    • هواية التصوير في عصرين

      ورثت هواية التصوير من أبي رحمه الله ، أذكر له فرحته الشديدة  بصورة إلتقطها لإحدى قريباتنا و الصورة كانت واضحة و كان يقول إنه إلتقطها على نصف ثانية ووقتها إلتقاط صورة غير مهتزة على نصف ثانية  بتقنية أيامها كان إنجازا. أذكر في الأيام الخوالي  كنت أحلم بكاميرا 35 مللي و تكون ريفلكس    .....   يعني إيه ريفلكس  يعني كاميرا  تنقل ما تراه فعليا إلى سطح الفيلم الحساس و هذا لا يتحقق في كاميرات الviewfinder حيث هناك إختلاف بين ما تراه عين المصور و بين ما يتم نقله إلى سطح الفيلم الحساس. و تحصلت ف

      في هوايات - Hobbies

×
×
  • اضف...