عدت يا يوم مولدي

[se_ Elsyed]

يالا حالاً بالاً بالاً هنوا أبو الفصاد واك واك

بالرغم من ان اليوم هو يوم مولدي وهأنذا أكمل الـ 32 ربيعاً إلا انني أشعر بتبلد حسي غريب وعندي تشاؤم ولا ابو العلاء المعري في زمانه ، وهذا يرجع إلى الاحداث المحيطة بالشخص ما بين فلسطين الأسيرة والعراق الممزقة ومصر التى ترقص على السلالم ، ويمكن كمان علشان الراجل لما بيتجوز مابتفرقش معاه بقى عنده كم سنة .....

على العموم انا قولت أبلغكم بإن النهاردة إجازة رسمية مدفوعة الأجر لجميع أعضاء المنتدى - على حسابي -

يالا فسحه ...

[Advisor]

يالا حالاً بالاً بالاً هنوا أبو الفصاد  واك واك

بالرغم من ان اليوم هو يوم مولدي وهأنذا أكمل الـ 32 ربيعاً إلا انني أشعر بتبلد حسي غريب وعندي تشاؤم ولا ابو العلاء المعري في زمانه ، وهذا يرجع إلى  الاحداث المحيطة بالشخص ما بين فلسطين الأسيرة والعراق الممزقة ومصر التى ترقص على السلالم ، ويمكن كمان علشان الراجل لما بيتجوز مابتفرقش معاه بقى عنده كم سنة ..... 

على العموم انا قولت أبلغكم بإن النهاردة إجازة رسمية مدفوعة الأجر لجميع أعضاء المنتدى - على حسابي -

يالا فسحه ...

الفاضل سي السيد

أولا كل عام و أنتم بخير و العام القادم نهنئك بالمولود الجديد.

تستطيع من لوحة التحكم و تغيير بياناتك الشخصية أن تضع بيان تاريخ ميلادك و بهذه الطريقة يعرف الجميع عيد ميلادك و يقومون بالواجب

[White heart]

كل سنة و انت طيب يا سى السيد ... :) :) :)

و ان شاء اللة تكون سنه جديدة سعيدة عليك بدون حوادث أو تشاؤم أو أى شر كان ..

و أن يحقق الله لك كل ما تتمناة لك و لأسرتك الكريمة و لبلدنا الحبيب.

[Salwa]

طيب ...

قبل اي شيء...

كل سنه وانت طيب وعقبال 99 سنه ......اصل 100 دي ..حايقولوا لك ياه ...بقي عندك قرن....فكده معقول قوي ...وكمان متزهقش من احفاد الاحفاد ...

شوف ياسيدي الفاضل ......مش عاجبني حته ...ماهو الواحد اتجوز ..ومش عارف ايه ؟؟

طيب يوم عيد ميلاد زوجي ...كان سعيد بشكل لايتخيله مخلوق ...واحنا عاملين له حفله ونغني له عيد ميلاد سعيد بكل اللغات ..// والله العظيم بجد // وهو يقول طيب اطفيء الشموع نقول لسه اغنيه كمان ..

الفرح حلو ياسي السيد..

طيب فيه ناس تقول الاحتفال بعيد الميلاد حرام .....ارد اقول ...ماشي ..

انا بحتفل باني عايشه ......بحتفل باننا كلنا صحتنا كويسه ....بحتفل باني راضيه عن نفسي .

وانت عندك سبب جوهري للاحتفال .....

حكايه فلسطين والعراق ومصر ....حكايه بلا نهايه قريبه ...كله حايتحل ....بس مش قريب.

ربنا قادر علي كل شيء ...وللاسف ...احنا مفيش في ايدينا حاجه ...

والله اول امبارح ساعه الفطار ....جت مناظر في التلفزيون ....كلنا بطلنا اكل ..وفضلنا نسخط..

علي كل اللي فوق ...وعملنا ايه ؟؟؟

ولاحاجه ...

للاسف حاتعيش ...بس الغصه حاتفضل موجوده ..

حاول تبقي سعيد في الوقت اللي انت فيه مع عيلتك .....بص في عيون ابنك ..وقوللي؟؟؟

تقدر تكشر ؟؟؟

اضحك وافرح ....

فيه وقت لكل شيء ..

سلامي.

[Lancelot]

كل سنة و إنت طيب يا س س يا حبيبنا .... و عقبال 99 سنة إن شاء الله (مقنع السبب بتاع ماما سلوي) ...

يالا يا ولاد ... أجدع سلام مربع لعمنا سي السيد ....

:) :) ;)

:) :) :)

gt: grdy:

[Lighthouse]

كل سنة وانت طيب ياسي السيد وعقبال الف عام

خد ياعم المفاجأة دي ويارب تفتكرنا كده دايما وتخلينا نحتفل معاك hypr:

التورتاية كلفتني الشئ الفلاني بالهنا والشفا ياعم ويارب تحقق كل احلامك وماتنساش تشيل لي حتة منها

وخد كمان المشاريب اهي

:) :) :) :) :)

وسمعونا انشودة ابو الفصاد ;) gt: grdy:

[فــيــروز]

كتبت رد طويل و طار :(

الخلاصه يعنى ..

س.س. من اعز الاخوه فى المنتدى :) يوم عيد ميلاده يوم سعيد لينا كلنا ويا رب دايما فى سعاده و راحة بال يا س.س. .. يا خسارتك يادى الرد :(

[Scorpion]

ابو السيييييييد......

والله انا كان قلبي حاسس... طلعت انت كمان من برج العقرب زي العبد لله.... يعني سكوربيون تاني.... بس احنا طبعنا فرايحي و متفائل... ليه بقي حتة الاسي دي يا سي وحيد....

و النبي سمعنا الحياة حلوة يا فريد... و سيبك من اللون الحسسيين....

كل سنة و انت طيب يا معلم...

:) :) :)

[هشام عبد الوهاب]

كل سنة وانت طيب ياراجا ياسكر .

تعيش وتشوف تحرير فلسطين والعراق وكل العالم الأسلامى ان شاء الله .

[Mohammad Abouzied]

كل سنة وانت طيب يا سي السيد كنا نفسي اجيلك الرياض احتفل معاك بس يا عم العمر مش بعزقة

وياريت يا عم سي السيد تعمله عندنا على الشاطى الشرقي وانا ها عملك تخفيض محترم

[ragab2]

كل

سنة وانت طيب يا سى السيد

وعقبال ميت سنة

[DARWEEN]

مبروك مبروك ياسيد

تفرح وتعيد ياسيد

شمعك بينور ياسيد

وأيامك تكتر ياسيد

h): h): h): h): h): h): h):

:wub: :wub: :wub: :wub: :wub: :wub: :wub:

brth) brth) brth) brth)

fwrk: cnst: hypr: chn:

happy birthday to you S S

[afiona]

كل سنة وانت طيب يا بوالسيد....

[Handicraft]

كل سنة وانت طيب يا باشا وعقبال 119.5 ساعتها نجوزك تانى fwrk:

[Cleo]

كل سنة و لنت طيب يا س س .....

على فكرة الحالة اللى انت حاسس بيها دى طبيعية و عند كل الناس... اللى عيد ميلادهم و اللى مش عيد ميلادهم....

سيبك إنت....

خد دى منى ليك و ابقى افتكرنى الشهر الجاى.... (وش واحد ما يفوتش حقه)...

[Farida]

كل سنه و انت طيب يا س س 32 ايه يا راجل احنا عديناها من زمان و لسه عايشين و انت مش شايف اللى عدوا التمانين و لسه بيواصلوا و صحتهم بمب ..... المهم اخبار عريس فرح ايه انا ملاحظه انه خاطب نص بنات الجيل التانى فى المنتدى