لقاء مع سكرتير السفارة الأمريكية بالقاهرة السابعة مساءا

[حسام يوسف]

لمن يحب أن يشارك

لقاء مع سكيرتير السفارة الأميركية بالقاهرة حول الديبلوماسية الشعبية وشرح لاستراتيجية تحسين صورة أمريكا لدى العالم

يمكن للجميع المشاركة والاستماع والسؤال ايضا عبر تقنيات تواصل للندوات الافتراضية

اللى يحب يروح على موقع تواصل

مركز تواصل للتدريب

ويشترك

الحوار لمدة ساعتين من 7الى 9مساء اليوم بتوقيت القاهرة

تم تعديل 21 يوليو 2009 بواسطة حسام يوسف

[حسام يوسف]

الحلقة النقاشية عن مصطلح أمريكا بتقول عليه الديبلوماسية الشعبية

يعنى الوسائل اللى أمريكا بتعملها من منح ومساعدات مادية وعلمية للشعوب لتحسين صورتها

طبعا المسئول الأمريكي جه الساعة سبعة وزيادة مع ان الميعاد كان ستة

بيتكلم عربى مكسر

وقال هيشرح الأول الفكر الأمريكي فى القصة دي

وبعدين هيتلقى الأسئلة

قعد يدش بتاع ساعة فى منح فورد وفلوس المساعدات وازاى ان امريكا حريصة على ان الفلوس توصل للناس البسيطة مش بس الطبقة الغنية وشوية كلام ابن عم حديت زي ما بنقول فى الفلاحين

خلصت المحاضرة

وقال أى أسئلة

محبتش أبقى هجومى م الأول وقلت نشوف ميته ايه

قلتله الحقيقة واضح من خطاب الرئيس اوباما فى جامعة القاهرة ان الحكومة الأمريكية عايزة تصلح ما أفسدتها ماسبقتها

والخطاب كان دافئ ومشجع

طيب ياترى فيه خطوات عملية أكتر بجانب الخطابات؟

رد قال اه وفى الخطة هنعمل ونسوي ومعرفش ايه

الخلاصة

زاغ

قعدوا يسألوه باقى الحاضرين انتوا ساعدتوا فى ضرب غزة

واحتليتوا العراق وافغانستان بدون وجه حق

طبعا برر كلام

ونفى كلام

كالعادة

قمت سألته قلتله تفتكر حضرتك خطاب أوباما الحلو ده مع المنح والمساعدات ممكن تعوض التأثير السيئ على صورتكم المتسبب عن الدعم الامحدود لاسرائيل

مردش اصلا

يعنى لازاغ

ولا برر

سألت تانى وتالت

مش شايف السؤال

ودي أخرة اللى يقعد عشان يسمع كلام لديبلوماسيين

وخصوصا كمان لو كانوا أمريكان :lol:

تم تعديل 22 يوليو 2009 بواسطة حسام يوسف

[مغتربة]

استاذ حسام

استطيع ان اقول لك الان

ان اوباما يريد فعلا فعل شيىء

و لكن كما تعلم الموضوع ليس بهذه السهوله اللفظيه

و الامانى الطيبه لا تؤدى بالضروره الى الافعال المرجوه

اعتقد ان حضرتك تتابع الانالحرب الشعواء على اوباما و ادارته الامريكيه

من جانب اسرائيل

لمجرد انه طلب منهم وقف الاستيطان

الى الحد الذى دفعهم الى مطالبته بالالتزام بالتزام شفهى كان الاخ بوش اعطاه لهم بطيب خاطر

فى ان يتركهم يبنوا مسطوتنات كما يريدون

و كانها املاكه الخاصه

رغبه اوباما فى التغيير واضحه لا محال

و لكن قدرته عليها هى محل التساؤل

اعتقد ان الضغوط عليه ستتزايد حتما يوما بعد يوم و من جميع الجبهات

و مدى صموده قد يحددها ظروف خارجه عن ارادته

فالموضوع اكبر منه هو شخصيا

[حسام يوسف]

أختنا الفاضلة مغتربة

والله انا مع حضرتك انى حاسس ان أوباما عايز يعدل الكفة شوية

وواضح من رفضه للمستوطنات

وعارف ان الموضوع صعب

انا بس اكتر حاجة تنرفزني اللى يضحك عليه

كلام الراجل بتاع امبارح ممل وسخيف

وانا عادة موتى وسمي الديبلوماسيين

ممكن تقتليه أهون لكن مش هيقول حاجة صريحة

معلش انا اللى غلطان

وتقبلي تحياتى