حمد لله على سلامة زوبة يا أبن مصر

[se_ Elsyed]

زوبة زوبة

جميع أفراد عائلات س س بمصر والسعودية والقطب الشمالي تبعث بخالص التهاني والتبريكات لأخونا أبن مصر لقيام سيارتة العزيزة زوبة بالسلامة .. وربنا يكفيها شر العين ...... دي لسه عليها أقساط يا جدعان ....

ونصيحة اخوية حاول تكتب ورا على شنطة العربية العبارة دية " يا ناس سيبوني أسدد ديوني وبعدين أحسدوني "

بمناسبة الهوندات يأبو إنجي ، حصلي موقف حرق دمي اول أمبارح ، فبعد صلاة العصر جاتلي مكالمة تليفون وأثناء ما انا سايق سرحت في الكلام وروحت مزنق على عربية شبح من غير ما اخد بالي وبصيت لقيت الواد معدي من جنبي بسرعة وراح واقف قدامي بعربيته وأنا باقول بيعمل أيه المجنون ده وراح فاتح قزازاة وفضل يزعق أنت مش واخد بالك أنت بتزنق عليه ليه ... قولت يا واد يا س س ألحق بسرعة اخدوه وش قبل مايسوق فيه ورديت عليه بصوت عالي راح قايلي والله العظيم أدخل في عربيتك ادمرهالك قولتلوا لو راجل بصحيح اعملها ووريني نفسك - ما انا معايا تأمين شامل ونفسي يعملها علشان اخد عربيته تعويض - راح الواد رامي كلمة حرق دمي تعرف قال لي أيه ؟

ده تمن عربيتك مايجيش ثمن فردة كاوتش في عربيتي " وراح جاري إبن الذين ...

قولت في نفسي وأنا بأغني موال حزين " عجبي عليك يا زمن .... بأه كل ده يحصلك يا س س يا زينة الشباب .. بعد ما كنت راكب زلمكة وكل الناس بتحترمك .. هونت عليهم دلوقت وبقيت راكب فردة كاوتش ...أوي أوي أوي يا عيني أوي أوي أوي يا ليلي "

تم تعديل 11 نوفمبر 2003 بواسطة se_ Elsyed

[فــيــروز]

مبروك للاستاذ ابن مصر عودة زوبه بالسلامه !! :D وبهذه المناسبه محلات فيروز تهدى الاخ ابن مصر خرزه زرقا يعلقها فى العربيه لزوم العين اللى فلقت الحجر و الفور باى فور كمان :D

قولت في نفسي وأنا بأغني موال حزين " عجبي عليك يا زمن .... بأه كل ده يحصلك يا س س يا زينة الشباب .. بعد ما كنت راكب زلمكة وكل الناس بتحترمك .. هونت عليهم دلوقت وبقيت راكب فردة كاوتش ...أوي أوي أوي يا عيني أوي أوي أوي يا ليلي "

ماهو يا زينة الشباب انت اللى غلطان .. تعمل عقلك بعقله ليه !! ده حتى المثل بيقول على اد عربيتك مد رجليك :D الا هى الشبح دى شكلها ايه يا معلم س.س.؟ :D

[إبن مصر]

احم احم.. :D

تعديل بسيط زوبه اسمها امتثال .....وبعدين عربيتنا كاش ان شاء الله...

وكمان توماتيك وبمكيف..

والبور قريب هايشتغل انشاء لله.......

ويا بختك .... ياغنى ... عربيتك فرده كاوتش بحالها فى مرسيدس!!!!!!!

انا الحمد لله راضى ان امتثال تساوى فانوس اشاره عنده....

واحنا احنا ....

الى جاتلنا غيبوبه ولا اتنحنحنا

وتحيه مردوده لسى السيد وكل الى جه يحينا و..... سلم لى على الكاوتش

ابن مصر

[هشام عبد الوهاب]

توقيع أبن مصر :

من السهل ان تفقد ما تملك....ولكن من الصعب جدا ان تستعيد ما فقدت

احمد محمود

وده يطلع مين بقى ... انا اعرف 3 اشخاص بهذا الأسم .

واحد بتاع فول :D

واحد عنده محل ف وسط البلد sdm:

واحد صاحبى :D

ياترى مين فيهم اللى قال ان رجوع المسروقات صعب جدا :D s-: me0: ... لكن سهل انك تنسى الخزنة مفتوحة :D :D .

[إبن مصر]

الملك..

سلام افنظم..

احمد محمود

هو اسمى انا يا ملك يعنى انا التالت ...

صاحبك..

:D :D :D :D taz::

[Proud Muslim]

أنا مش فاهم حاجة !

:)

[freefreer]

احم احم.. :)

تعديل بسيط زوبه اسمها امتثال .....وبعدين عربيتنا كاش ان شاء الله...

وكمان توماتيك وبمكيف..

والبور قريب هايشتغل انشاء لله.......

ويا بختك .... ياغنى ... عربيتك فرده كاوتش بحالها فى مرسيدس!!!!!!!

انا الحمد لله راضى ان امتثال تساوى فانوس اشاره عنده....

واحنا احنا ....

الى جاتلنا غيبوبه ولا اتنحنحنا

وتحيه مردوده لسى السيد وكل الى جه يحينا و..... سلم لى على الكاوتش

ابن مصر

الف الف مبروك للغالى ابن مصر بعودة الست امتثال فى اقوى ادوارها ان شاء الله ..

ربنا يحميك و يحميها و يبارك فيها و يطرح فيها البركة .. قادر يا كريم ..

[حمزاوى]

السلام عليكم

أنا مش فاهم حاجة !

ولا انا

[se_ Elsyed]

يا أخوانا الموضوع ببساطة غن أبن مصر العزيز كان عمل حادثة جامدة بعربيته اللي كان لسه شاريها ن والحمد لله بعد ما قام لنا بالسلامه عربيته كمان قامت هي كمان بالسلامه ... وبما إننا هنيناه على سلامته يبقى لازم نعمل الواجب ونهنيه على سلامة عربيته زوبة الشهيرة بإمتثال

حديث النفس : مش عارف ليه إسم إمتثال ده بيفكرني بالإنتفاخ ، الإلتهاب ... حاجة كده لكن هانعمل أيه كل واحد حر في عربيته إن شالله يسميها نحمده

[حمزاوى]

السلام عليكم

يا أخوانا الموضوع ببساطة غن أبن مصر العزيز كان عمل حادثة جامدة بعربيته اللي كان لسه شاريها ن والحمد لله بعد ما قام لنا بالسلامه عربيته كمان قامت هي كمان بالسلامه ... وبما إننا هنيناه على سلامته يبقى لازم نعمل الواجب ونهنيه على سلامة عربيته زوبة الشهيرة بإمتثال

اهههههههه فهمت

الف مبروك يا باشا على سلامه الست الهانم

مش امتثال دى برضه تبأه الامورة الصغيرة

ولا انا فهمت غلط :angry: