أخوانى فى السعوديه ممكن سؤال

[pocy]

هلا هلا بااخوانى فى السعوديه

اولا اود ان ارحب بكم ومقدما جزاكم الله خيرا على الرد

اود ان أسال عن مرتب المهندس سواء كان (اجهزه طبيه أو الكترونات واتصالات ) وكمان المناطق اللى ممكن يشتغل فيها وهل مرتب الحكومه للمهندس غير مرتب القطاع الخاص وإن كان فياريت تكتبولي الاتنين

كمان هل الحكومه بتعطى بدائل زى السكن والمواصلات والاقامه والكلام ده ولالالا

دا كان اول سؤال

اما السؤال التانى فهو خاص بي انا وهو هل السيدات لهم فرصه العمل هناك جيده فلو كانت مثلا مهندسه كمبيوتر ما هو اللى ممكن تشتغله هناك كمان عايزه أسال هل التقدير مهم جدا بالنسبه للحكومه حيت ان تقديرى مقبول وهذا ما هو اعانى منه هنا فى الكويت وياريت اعرف رينج المرتبات هناك لمهندسه كمبيوتر في التعليم الخاص او التعليم الحكومي وجزاكم الله خيرا

اما السؤال التالت هل لابد ان البس نقاب هناك ام لا وهل صحيح انه الى الان السيده لا تستطيع السواقه هناك

وهل يمكن لزوجى ان يستقدمنى ولا ممكن انا اجي باقامه مختلفه عادى يعنى على شغل وهل ينفع اشتغل وانا التحاق بعائل هناك ام لا

وجزاكم الله كل الخير

[OmarBak]

اقلكم معلوماتى

السواقة مستحيل تسوقي هههههههههه

اعتقد ممكن تشتغلي بمعاهد خاصة وممكن بنوك وشركات خاصة

رواتب المعاهد هي الاقل من 2 الى 5 على اقصى تقدير

يعني اكيد الشركات الكبيرة احسن بس معظم الشركات تطلب رجالة - عنصرية بقا

وممكن لو جوزك هنا ومهنته كويسه (دكتور - مهندس (مؤهل عالي يعني ) يعملك استقدام بسهولة

[pocy]

هلاهلا بأخ عمر وشكرا على ردك الكريم

انا فعلا عندى ست سنين خبره فى المعاهد الخاصه فى مصر والكويت بس هى المرتب كده كويس ولا لا

جوزى مهندس الكترونات واتصالات وكان بيشتغل فى مصر مهندس اجهزه طبيه فهل شغله هنا متوافر ولا لا ؟؟؟؟؟؟؟

[pocy]

انا اقصد بالنسبه للمرتب كويس ولا لا بالنسبه للمعيشه والسكن والمواصلات والحركات اللى انت عارفها يعنى وهل السيده ممكن تعمل استقدام لجوزها ولا مش بينفع فى السعوديه

وجزاك الله كل الخير على ردك

تم تعديل 18 يوليو 2009 بواسطة pocy

[بندق أفندى]

الرواتب متفاوتة تخضع لحاجة الشركة وحجمها وفكرها فى التوظيف والتالى سنوات الخبرة ..

فى المجال الذى تتكلمى عنه الرواتب بدياة من 5000 أساسى حتى 25 الف حسب ظروف التعاقد

ممكن تجدي شغل ولكن ليس بسهولة وخصوصا فى المنطقة الشرقية

الحكومة بيكون مرتبها محدد بقيمة معينة .. لا اعتقد انه فيها بدلات غير المواصلات .. وعليه يجب ان يكون الاجمالى هو الباكج مع اى مكان فى القطاع الخاص

اما لبس النقاب فحسب المنطقة .. يعنى القصيم مثلا هيكون كأنه اجبارى .. الرياض يقترب شوية من الاجبار .. الشرقية والغربية .. لا .. حجاب عادى يكفى

لو التعاقد مع الحكومة هيعملوا الفيزا للباشمهندس والباشمهندسة مباشرة (حسب طلبه - يعنى هو لازم يطلب) .. لو مع القطاع الخاص هيعمل استقدام بعدما يصدر اقامته

[OmarBak]

ممكن تعملي استقدام لجوزك

اصلا 5 و6 بمعهد خاص عايزة معهد كبير قوي مش اى معهد انت جيتى هنا ابقا افيدك باسم اكبر معاهد هنا

لو معهد عادى ممكن 3 أو 4

وجوزك يلاقي شغل كتير جدا ولو خبرة كويسة وركز ودور كويس يلاقي راتب كويس جدا اعتقد يعني وهي ارزاق في الاول والاخر

اعتقد مصاريف عيله هنا شهريا لا تقل عن 3 الاف أو 2.5 شهريا ( اكل واتصالات ومواصلات واى شيء غير السكن )

غير السكن

اعتقد الكويت افضل بكتير من هنا اعتقاد انت ادرى مننا طبعا

[بندق أفندى]

انا اقصد بالنسبه للمرتب كويس ولا لا بالنسبه للمعيشه والسكن والمواصلات والحركات اللى انت عارفها يعنى وهل السيده ممكن تعمل استقدام لجوزها ولا مش بينفع فى السعوديه

وجزاك الله كل الخير على ردك

طبعا تستقدمه ونص .. المعيشة كل حسب مستواه .. يعنى فيه ناس عايشة ب دخل 4000 وناس مش عارفة تعيش بدخل 30 الف

لكن المتوسط والمعقول كل بيت يحتاج حوالى 5000 الى 6000 حتى يكون متوسط الحال وطبعا الاختلاف باختلاف عدد أفراد العائلة لأنه هنا افترضت ايجار سكن 2000 الى 2500 ريال شهر وده ممكن يكون أقل

[pocy]

هلا هلا بأخ بندق افندى النيك نيم بتاعك ممتاز بصراحه لذيذ

شكرا جدا على ردك بس نقطه التقدير مقبول والحكومه هل فيها مشاكل ولا لا وهل المرتبات بتاعه الحكومه احسن من الخاص ولا لا بمعنى ان هنا فى الكويت الحكومه مرتباتها احسن من الخاص في موضوع التعليم بس للاسف مش عارفه اشتغل فى الحكومه علشان التقدير وبالتالى المعيشه هنا غاليه شويه ففكرت نشوف رزقنا فى السعوديه مع ان الكفيل هناك تعبنى نفسيا هناك

[بندق أفندى]

هلا هلا بأخ بندق افندى النيك نيم بتاعك ممتاز بصراحه لذيذ

شكرا جدا على ردك بس نقطه التقدير مقبول والحكومه هل فيها مشاكل ولا لا وهل المرتبات بتاعه الحكومه احسن من الخاص ولا لا بمعنى ان هنا فى الكويت الحكومه مرتباتها احسن من الخاص في موضوع التعليم بس للاسف مش عارفه اشتغل فى الحكومه علشان التقدير وبالتالى المعيشه هنا غاليه شويه ففكرت نشوف رزقنا فى السعوديه مع ان الكفيل هناك تعبنى نفسيا هناك

الحكومة لها مميزات اخرى مثل عدد ساعات الدوام وكذلك اجازة يومين اسبوعيا .. والمقارنة بين هنا وهناك لا أعرفها .. لكن اجمالا رواتب القطاع الخاص اعلى من الحكومة الا فى حالة الخبراء أو مهن التدريس فى الجامعة ..

وشكرا على اعجباك بمعرفى الشخصى بندق أفندى .. بس الحقيقة انا لا بندق ولا أفندى ههههههههههههههههههههه

[pocy]

جزاك الله خيرا يا اخ بندق افندي اصلي من عشاق الكارتون والشخصيات الكرتونيه والى الان ما بحمل الا الافلام الكرتونيه هههههههههههههههه

واتمنى حد يفدنى فى موضوع التقدير المقبول الحكومه بتقبله مع عدد سنين الخبره ولا لا لان انا حاسه ان المقبول بيطاردنى فى كل حته اروحها ومش عايزه افكر فى مكان اروحه واقليه موجو د قبل ما اروح ويطاردنى هناك برضه

[pocy]

اخوانى اللى في السعوديه رحتم فين يالا منتظره ردودكم عل ى ان شاء الله

[herohero]

والله حكاية المرتبات ده أرزاق لكن اللي اقدر احكم عليه ان موضوع السعوده مخلي العمل ف الجهات الحكوميه بيكون عن طريق مقاولين contractors وبالتالي مرتب أقل يعني احنا عندنا البنوك بتتعاقد ع 15000 وتدي المهندس او المبرمج 10000 وده شبه ماشي في شركات it كتير ف السعودية يعني لان الاماكن الحكوميه زي ماشوفت بتقلل من عدد الاجانب وف الاخر الاجانب بيشتغلوا بس تحت مظلة شركات outsourcing وده حتى كان موجود ف مصر ف اماكن كتيره

اما شغل المرأه ففي راي قليل الا ع مستوى التدريس واللي اعرفه ان مدرسات سعوديات بيروحو يشتغلوا ف الكويت

وموضوع القياده انسى ياعمرو

وموضوع النقاب أساسي لكن انا ملاحظ بقالي فتره ف الرياض ان الناس بعبايه وخلاص واخواننا اللبنانيين عادي بعبايه وشعرهم مش متغطي

انما جده والمنطقه الشرقيه عادي

لكن افضل شيئ للمرأة هنا العمل ف المجال الطبي او ف مجال تدريس ف المعاهد

انما للراجل فهو مجال المبيعات وياسلام مبيعات الاجهزة الطبيه -الاسنان شغلا كويس لان بسمع ده من ناس كتير لان اي شيئ مرتبط بالمجال الطبي ماشي حلو هنا لان الناحية الصحيه هنا فيها شغل كتير

[youyou]

اخوانى ارجوكم بالله عليكم الرجاء الرجاء .. هل تأشيرة فنى كهرباء تصلح لاستقدام اسرتى ام لا وبارك الله فيكم