شركة حساس ليميتد للأعلانات

[White heart]

Lighthouse كتبت:

جميلة جدا المشابك ياوايت هارت بصراحة جبارة 

وكمان فكرة كتالوج الرجال دي حلوة قوي هههههه

وممكن نعمل كتالوج للسيدات برضه ههههههه

شكرا يا لايت على التشجيع ....

و على فكرة الكاتالوج اللى انا قصدته كان لصور رجال يبحثون عن الزواج ... يعنى كاتالوج للسيدات .... انت لفتى نظرى لمداخلتى فصلحتها علشان تكون واضحة أكتر ... و مين عارف لو الأعلان دة نجح يمكن الشركة تتشجع و تعمل واحد غيرة بس للرجال ....

[Lighthouse]

انا اصلا كنت فاهمة انك تقصد كتالوج لصور الرجال

وعلشان كده قلت كتالوج للسيدات اقصد لصورهم برضه :)

[se_ Elsyed]

معليش يا سكوب مشاغل بقى ، بس ليك عليه هأخلص بس من عجنة الشغل دي وهاروقلك ...

بس مؤقتاً خد عندك الإعلان البسيط ده بتاع مشابك فيروزكو السويسرية :

- لايت هاوس تذهب إلى شقة فيروز لتشحت بعض المشابك ويدور بينهم الحوار التالي وفي الخلف موسيقى تصويرية لفيلم الحرمان ...

- لايت هاوس : يا أبله فيروز ماما بتسلم عليكي وبتقولك شحتينا شوية مشابك أحسن اللي عندنا خلصوا .

- فيروز ترد بإنفعال : ماتبطلوا بقى العادة اللي فيكو ديه وروحوا إشتروا مشابك فيروزكو السويسرية .

- لايت هاوس في إستغراب : مشابك فيروزكو السويسرية ؟!!!!!

- فيروز : أيوه دي مشابك ذكية وسعرها هدية .

- لايت هاوس وهي تبلع ريقها : طب ممكن كوباية ميه ابلع بيها الحكاية داهيه .

فيروز : من عينيه

- وهنا تستغل لايت هاوس فرصة ذهاب فيروز وتروح خاطفة سبت المشابك وفريرة على شقتهم .....

وهنا يأتي صوت س س في خلفية نهاية الأعلان وهو بيقول " إشتري مشابك فيروزكو السويسرية وماتزعليش جيرانك يا وليه "

تم تعديل 17 نوفمبر 2003 بواسطة se_ Elsyed

[فــيــروز]

الله اكبر brth)

المواهب اشتغلت يا جدعان chn: والفلوس هتجرى فى ايدينا taz::

على فكره .. مش عاوزين ننسى نعمل اعلانات المكانس اللى استاذ عادل ابو زيد اتكلم عنها

فكرت فى حاجه مبدئيه هتخلى كل الستات تتهوس على شفط-ماتيك .. الجيل الخامس من المكانس الكهربيه .. شفط ماتيك فيها اوبشن تنضيف الملابس من الاتربه و الغبار .. وممكن ظبطها بحيث تشفط حتى الفلوس من جيب زوجك وهو نايم بيحلم احلام سعيده fwrk: ده حتى لو تبت فى الهدوم و نام بيهم بردو شفط ماتيك مدربه على شفط كل فئات العمله بدء من الربع جنيه المخروم و انتهاء بالمية يورو او المية دولار cnst: شفط-ماتيك بها ادراج عديده لتقسيم العملات المسحوبه ولا اجدعها ATM

سيدتى .. شفط ماتيك هى الحل الامثل لجميع خناقاتك الاقتصاديه مع زوجك hypr:

تم تعديل 16 نوفمبر 2003 بواسطة فــيــروز

[mnman]

حاضر ياسكوب ياخويا ... معلش كنت مشغول شوية بتسويق منتج تاني لشركة منافسة واسمة الوابور الدهبي... المهم.....

عندي فكرة اعلان انما اية ماشية مع الاحداث بالظبط....

المشهد.. منزل في افقر احياء القاهرة.. لسيدة ترتدي ابشع الثياب.. وامامها منورة غسالة طشتماتك (وطبعا دة تفسيرة ان الغسالة بتعتنا مفيش غنا عنها للغني والفقير)... ومع الموسيقي تبداء تقول... انا جوزي أرهابي وكل يون يجي و جلابيتة مبقعة بالدم و بغلب في التنضيف لكن مع طشت ماتيك مفيش مشكلة مع اصعب البقع حتي جوزي نفسة مبيلاقيش مشكلة مع حمام طشتماتيك .. و بعدين تلف 235 درجة ونصف يمين و تقول ومتنسوش كيس مشابك فيروزكو السويسري هدية مع كل غسالة .. اشتري بسرعة العرض حتي نفاذ الكمية...و في النهاية تقول غسالة طشتماتيك تنضف هدومك و تحمي جوزك يعني 2 في 1....

اية رائيكم.. نبداء نسجل....

اكشن ابتدي....

[فــيــروز]

من مده عاوزه اعلق على التوقيع ده

المرأة نصف المجتمع و بيديها تصنع النصف الآخر...

وبعد الاعلان الجبار اللى منمان اقترحه مالقيتش غير تعليق واحد

المراه نصف المجتمع وبيديها تغسل النصف الآخر :D mf( non::

على فكره مش ينفع ده يبقى شعار الحمله الاعلانيه بتاعتنا !! cmp:

تم تعديل 18 نوفمبر 2003 بواسطة فــيــروز

[فــيــروز]

تعليق سريع قبل ما اروح بخصوص التوقيع

يا ريت منمان مايزعلش من اقتباسى ليه انا باهزر و التوقيع فعلا عاجبنى من زمان

no offense please :D

[mnman]

فيروز كتبت:

من مده عاوزه اعلق على التوقيع ده

وبعد الاعلان الجبار اللى منمان اقترحه مالقيتش غير تعليق واحد

المراه نصف المجتمع وبيديها تغسل النصف الآخر

على فكره مش ينفع ده يبقى شعار الحمله الاعلانيه بتاعتنا !! 

في التعليق لازم تستخدمي مشابك فيروزكوالسويسرية.... mf( non::

هما الستات كدة مبيعجبهمش العجب ولا الصيام في رجب... يعني نقول اة يقول لا. و قسم وسمعني ياسيدي.. بس بردة لسة عند رأيي المرأة نصف المجتمع و تصنع بيديها النصف الاخر وتتساوي مع الرجل في الحقوق والواجبات ولكن لا تتساوي بالرجل في القوامة ..

وماشي يافيروز ماشي ماشي...مستنيكي برة.... حجيب الواد ظقلط والبت مسعدة ونستناك برة :D me0: ax: s-: ..ماشي هة ماشي.... cr((: mc(: mf( rs: ;) :D

[White heart]

حتي جوزي نفسة مبيلاقيش مشكلة مع حمام طشتماتيك ..

فعلا هذا صحيح ... "طشتماتيك" سوف تنظف ليس فقط ملابس الأرهابيين بل عقولهم أيضا ... non::

طشتماتيك هى الغسالة الوحيدة التى تستطيع العمل بل انقطاع و بلا تذمر!!! :D

لن تشعري بالملل يا سيدتى بعد اليوم ... طشتماتيك هى الغسالة الوحيدة التى تقوم بتغيير ألوان الملابس ... فقط ضعي بلوزتك الخضراء و سوف ترين كيف انها قد تحولت الى صفراء بعد الغسيل بغسالة طشتماتيك!!! mf(

[فــيــروز]

هما الستات كدة مبيعجبهمش العجب ولا الصيام في رجب

الحقيقه انا يعجبنى صيام كل الشهور بس لحد الضهر وبس chn:

يعني نقول اة يقول لا

معلش يا فريد .. :P بكره تفرج :P

بس بردة لسة عند رأيي المرأة نصف المجتمع و تصنع بيديها النصف الاخر وتتساوي مع الرجل في الحقوق والواجبات ولكن لا تتساوي بالرجل في القوامة ..

طقم شاى هنا للكلمتين الحلوين دول على حسابى يا معلم tea))(:

وماشي يافيروز ماشي ماشي...مستنيكي برة.... حجيب الواد ظقلط والبت مسعدة ونستناك برة

لا لا لا كله الا ظقلط و مسعده مقدرش على كده ومقام السيده taz:: بلاش اسلحة الدمار الشامل دى الله يعمر بيتك :angry:

نمشيها المراه نصف المجتمع و بيديها تصنع النصف الآخر وبلاها اعلانات :angry:

اعتقد ان White Heart هو افضل Art Director ممكن يعمل شغل عالى اوى لشركة حساس ليميتد chn: ولا ايه؟ gra:-

[Sherief AbdelWahab]

قررت أن أشمر الساعد و أن أجرب كتابة سيناريو الإعلان القادم...وهو مستوحى بتصرف من إعلان "شماغ" وهو ما يضعه الخليجيون على رؤوسهم...وهو مثله تماما...فيه تشويق و إثارة و يدعوك للتفكير عشرات المرات قبل أن تعرف الشيء الذي يعلن عنه...

"السيناريو بالأزرق":

على أنغام أغنية "ولي لي" للمطرب الإماراتي الشهير عبد الله بالخير ...ناطحة سحاب في بلد خليجي ...أمامها حلبة ملاكمة..عدد من الشباب و الفتيات متجمعون حول الحلبة المنصوبة يتابعون في اهتمام شديد جدا..تركز الكاميرا على الشابين اللذان يتلاكمان وعلى قفازي الملاكمة ...

مبدئيا الإعلان ليس عن أدوات رياضية....

تنتقل الكاميرا إلى فتاتين جميلتين تنظران في إعجاب للشابين المتلاكمين وسط الجمهور ثم تعود للتركيز على المتلاكمين...حتى تستقر الاشتغالة في دماغك...

إلى أن يخطف نظر الفتاتين شاب خليجي وسيم...تركز الكاميرا على "الشماغ" الذي يرتديه على رأسه ، ثم جلبابه الأبيض الوسيم...ثم حذائه اللميع...الاعلان ليس عن الشماغ و لاعن الجلباب أو الحذاء أو العطر الفواح الذي يضعه...

لأنه ستظهر لوحة سوداء مكتوب عليها:

أمن حياتك و مستقبل أولادك مع شركة عوضين للتأمين!

fsh::

عذرا لو كان هناك بعض عدم اللياقة...لكن الاعلانات كلها كدة..

خلص الكلام

تم تعديل 20 نوفمبر 2003 بواسطة Sherief AbdelWahab

[maksoof]

أنا آسف جدا يا فيروز يس أنا بقالى 12 سنة باعمل أبحاث عن المشابك و صرفت ملايين عليها لغاية ما أخيرا أنتجت المشبك الجديد “مشبكترونيك” www.mashbaktronic.ca

فأعتذر للمنافسة.

المشبك الجديد بيمتاز بالخواص الأتية:

1. المشبك بيصفر لما الغسيل بينشف.

2. المشبك مزود بكي باد Key Pad عشان صاحبة الغسيل تدخل الكود بتاعها قبل ما تلم الغسيل لمنع السرقة.

3. لو حد حاول يسرق الغسيل المشبك بيطلق صفارة إنذارعالية جدا يعنى أعلى من صوت المعركة و من صوت النقشبندى كمان

4. لو محاولة السرقة إستمرت فالمشبك حيصعق الحرامى بجهد يتوقف على نوع الغسيل: يعنى مثلا فردة شراب تدى 150 فولت و جوز شراب يدى 250 فولت و قميص يدى 700 فولت و بدلة تدى 30 فولت (لإن البدلة مش مفروض إنها تتغسل و تتنشر) و هكذا

5. فى نفس الوقت المشبك بيحدد لو الحرامى له ضهر فبيطلب الإسعاف عن طريق جهاز محمول (www.mashmobile.com) و لو مالوش ضهر فحيطلب الشرطة و مباحث أمن الغسيل.

6. يمكن تحميل المشبك بأصوات مختلفة للتحيات و الإنذارات من: www.mashbaktone.com

أعتقد إن شركة المشابك السويسرية حتفلس يس آدى حال الدنيا و البزنس ما فيهوش رحمة.

vmp:

[Lighthouse]

حلو قوي يامكسوف اعلانك

ايوة كده التنافش الشريف لمصلحة المستهلك

خللى الناس تغسل وتنشر

[فــيــروز]

ايه ده يا شريف !! هى اعلانات الدش هى كمان غتته !! :angry:

يااااااااااااااااااااالصاعقه gra:-

بس ازاى يعنى بتقول

ثم جلبابه الابيض الوسيم !!

هو الجلباب هو اللى وسيم chn: !! كمااااااااااااان !! :angry:

أمن حياتك و مستقبل أولادك مع شركة عوضين للتأمين!

يعوض علينا عوض الصابرين يا رب chn:

[فــيــروز]

الحقيقه اما شفت اعلان الاستاذ مكسوف اللى بينافس منتجات شركتنا بيه بقيت عامله زى الصوره اللى هو حاططها دى

بس على العموم المنافسه ماتهزش عزيمتنا ومعاملنا عملت ابحاث عشان تحافظ لسويسرا على ريادتها فى عالم المشابك تجاه المنتج الكندى الدخيل stnd::

المشبك بيصفر لما الغسيل بينشف

مشبك فيروزكو بيفصل الغسيل اتوماتيك الى سله هديه يتم تسليمها عند شرائك دستتين فقط من مشابكنا stnd::

المشبك مزود بكي باد Key Pad عشان صاحبة الغسيل تدخل الكود بتاعها قبل ما تلم الغسيل لمنع السرقة

مشكبنا يعمل ببصمة الصوت .. key pad للستات المتعلمات .. انتو باين بتتعالوا على الزبون اللى مش بيعرف يقرا و يكتب .. ولعميلاتنا الخرس عندنا مشابك تعمل ببصمة العين او حتى بغمزه stnd::

لو حد حاول يسرق الغسيل المشبك بيطلق صفارة إنذارعالية جدا يعنى أعلى من صوت المعركة و من صوت النقشبندى كمان

لا بقى معلش .. احنا مشابكنا بتطبق نظرية اسماعيل يس فى لعب القمار و تستولى على نص ملابس الحرامى و تسيب له النص التانى حفاظا على الآداب العامه بس مش اكتر .. phn:

لو محاولة السرقة إستمرت

مشابكنا تتعرف من بصمة الحرامى على ارقام حساباته فى البنوك و تقوم بالتحويل فورا .. و سمعة بنوك سويسرا مفيش اجدع من كده vmp:

سيدتى .. سويسرا تغسل اكثر بياضا .. و كذلك مشابكها gt:

مكسوف .. باقول تقبلوا عرض شركتنا بالاندماج احسن لكم .. stnd::

[impossible]

مفيش غسالة لغسيل الافكارر

حاسة ان دماغى مشوشة وماشية فيهاااا صراصير

[maksoof]

سيدتى .. سويسرا تغسل اكثر بياضا .. و كذلك مشابكها  phn:

مكسوف .. باقول تقبلوا عرض شركتنا بالاندماج احسن لكم ..  stnd::

أنا مش شايف أى سبب يدعو شركتنا للإنضمام لشركتكم. مشابكنا لها خواص عديدة بتخليها تمتاز على مشابككم. بالإضافة الى إن مشابكنا واصلة يعنى لها إتصالات بجهات عليا منها- على سبيل المثال- موظفين كبار لهم نفوذ فى وزارة العمل و بالتالى فهى تقدر تعمل عمل لمشابككم و لو حضرتك إشترتيها ممكن تعمل عمل لجارتك و ضرتك كمان فممكن تعلقى يافطة على ضهر جوزك تقول "محمى بمشمبكترونك" و ده يبعد عنه خاطفات الأزواج.

[Sherief AbdelWahab]

العزيزة فيروز: كنت أقصد "الجلباب الناصع البياض"...بس نسيييييييت...

بس إيه رأيك في الإعلان؟ مش بذمتك آخر صيحة في عالم الإعلانات...زي الإعلان اللي جاي...

"السيناريو بالأزرق":

شيكولاتة "مزاهر" عبر العصوووور...

المشهد الأول:

قعدة فرعوني ...خمسة فراعنة أمامهم علبة شيكولاتة "مزاهر" وفي العلبة قطعة شيكولاتة واحدة...و بيعزموا على بعض...

خد يابتاح...لا إنت الأول يا خنفرو...لا..خد يا سنوحي...مش قبل ما تاخدها يا حتب.....

المشهد الثاني:

قعدة في مصر الأربعينيات...خمسة سيدات في جلسة حريمي و أمامهم علبة شيكولاتة "مزاهر" وفيها قطعة واحدة...و برضه بيعزموا على بعض...

خديها يا تفيدة هانم ، لا إنتي الأول يا حميدة هانم ، و دي تيجي إزاي يا نفيسة هانم ، شكرية هانم الكبيرة ،......

المشهد الثالث:

قعدة شبابية في الوقت الحالي...عدد من الشباب "المهيس" بعد شربهم لعلب سجائر ملغومة...و يعزمون على بعضهم البعض...

خد يا مااااان، دي شكولاتة كووول طحن...لا يا ريكو...انت الأول...خدها يا بيسو...إنت الأول...عليا النعمة دي بتعمل أحلى دماغ..خدها يا سيسو....

لوحة سوداء في النهاية:

شيكولاتة "مزاهر" لكل الأجيال....

stnd::

خلص الكلام

[Lighthouse]

العزيزة فيروز: كنت أقصد "الجلباب الناصع البياض"...بس نسيييييييت...

بس إيه رأيك في الإعلان؟ مش بذمتك آخر صيحة في عالم الإعلانات...زي الإعلان اللي جاي...

"السيناريو بالأزرق":

شيكولاتة "مزاهر" عبر العصوووور...

المشهد الأول:

قعدة فرعوني ...خمسة فراعنة أمامهم علبة شيكولاتة "مزاهر" وفي العلبة قطعة شيكولاتة واحدة...و بيعزموا على بعض...

خد يابتاح...لا إنت الأول يا خنفرو...لا..خد يا سنوحي...مش قبل ما تاخدها يا حتب.....

المشهد الثاني:

قعدة في مصر الأربعينيات...خمسة سيدات في جلسة حريمي و أمامهم علبة شيكولاتة "مزاهر" وفيها قطعة واحدة...و برضه بيعزموا على بعض...

خديها يا تفيدة هانم ، لا إنتي الأول يا حميدة هانم ، و دي تيجي إزاي يا نفيسة هانم ، شكرية هانم الكبيرة ،......

المشهد الثالث:

قعدة شبابية في الوقت الحالي...عدد من الشباب "المهيس" بعد شربهم لعلب سجائر ملغومة...و يعزمون على بعضهم البعض...

خد يا مااااان، دي شكولاتة كووول طحن...لا يا ريكو...انت الأول...خدها يا بيسو...إنت الأول...عليا النعمة دي بتعمل أحلى دماغ..خدها يا سيسو....

لوحة سوداء في النهاية:

شيكولاتة "مزاهر" لكل الأجيال....

stnd::

خلص الكلام

stnd:: phn: stnd::

اعلان غتت طحن

بجد بقى اللى بيعملوا الاعلانات المفروض يكون دمهم على الاقل خفيف شوية ... يعني مش يفرسونا م الغيظ وكمان دمهم تقيل .

قال شوكولاتة لكل العصور قال

خلينا في المشابك افيد ههههههههههه

[se_ Elsyed]

أنا آسف جدا يا فيروز يس أنا بقالى 12 سنة باعمل أبحاث عن المشابك و صرفت ملايين عليها لغاية ما أخيرا أنتجت المشبك الجديد “مشبكترونيك” www.mashbaktronic.ca

فأعتذر للمنافسة.

المشبك الجديد بيمتاز بالخواص الأتية:

1. المشبك بيصفر لما الغسيل بينشف.

2. المشبك مزود بكي باد Key Pad عشان صاحبة الغسيل تدخل الكود بتاعها قبل ما تلم الغسيل لمنع السرقة.

3. لو حد حاول يسرق الغسيل المشبك بيطلق صفارة إنذارعالية جدا يعنى أعلى من صوت المعركة و من صوت النقشبندى كمان

4. لو محاولة السرقة إستمرت فالمشبك حيصعق الحرامى بجهد يتوقف على نوع الغسيل: يعنى مثلا فردة شراب تدى 150 فولت و جوز شراب يدى 250 فولت و قميص يدى 700 فولت و بدلة تدى 30 فولت (لإن البدلة مش مفروض إنها تتغسل و تتنشر) و هكذا

5. فى نفس الوقت المشبك بيحدد لو الحرامى له ضهر فبيطلب الإسعاف عن طريق جهاز محمول (www.mashmobile.com) و لو مالوش ضهر فحيطلب الشرطة و مباحث أمن الغسيل.

6. يمكن تحميل المشبك بأصوات مختلفة  للتحيات و الإنذارات من: www.mashbaktone.com

أعتقد إن شركة المشابك السويسرية حتفلس يس آدى حال الدنيا و البزنس ما فيهوش رحمة.

vmp:

أيه يا عم مكسوف أنت مابتأكلش كرانشي ولا أيه ؟ قصدي يعني انت مش عارف عقول الحرامية عندنا ، هو الحرامي هايبقى فاضي يخلع المشابك من الغسيل والكلام ده ، ده يبا هاييجي يقص الحبل من الناحية دي والناحية دي ويأخد الجمل بما حمل وسلم لي على المشابك الترانزستور ..