اذهب إلى المحتوى
محاورات المصريين

هل نادم على غربتك؟

Sysanalyst
 مشاركة

هل نادم على غربتك؟  

37 اصوات

  1. 1. هل نادم على غربتك؟

    • نعم 100%
      8
    • نعم
      1
    • لست أدرى
      7
    • لا
      8
    • لا 100%
      13

Recommended Posts

Sysanalyst عضو جديد

Sysanalyst

بتاريخ:
بتاريخ:

كثير ما أرى مغتربين نادمين على عدم وجودهم بمصر وأنهم كانوا يتمنوا لو رجع بهم الزمن إلى الوراء وكانوا فى مصر, أنا أنتظر تعليقاتكم

رابط هذا التعليق
شارك
sos عضو جديد

sos

بتاريخ:
بتاريخ:

نعم نادم نادم نادم على الغربة

للغربة ثمن (شأن كل شيئ فى الحياة) الا انى لم اعد قادر على المزيد

المحزن ان تحس بالغربة حتى فى مصرشعور يجعلك تندم

كأنه اصبحت الغربة ظل يلاحقك اينما ذهبت :(

الحمد لله على كل حال واعوذ بالله من حال اهل النار

لا

==================================

كل شيىء لابد ان يكون بسيط ولكن ليس ابسط....من اقوال اينشتين

رابط هذا التعليق
شارك
White heart عضو جديد

White heart

بتاريخ:
بتاريخ: (معدل)

فى استفتاء مشابه اجراة العزيز "مصرى" فى موضوع لو الزمن رجع حتسافر تانى؟ أظهرت نتيجته بتكرار تجربه أو قرار السفر....

انا شخصيا بالطبع لست نادما ... و أعتقد ان هذا الموضوع نسبى، يتأثر بعوامل عديدة، منها اسلوب تنشأة الفرد و العوامل البيئية المحيطة فى البلد الأم (خاصة ايجابية أو سلبية نتائج فترة التحول من شباب يلهو و يستمتع بهذه المرحلة الى أشخاص مسئولين) هذا من ناحية، و من ناحية ثانية نوع الشخصية التى نتحدث عنها، أذا كان الجانب العقلى يطغى على العاطفى منه أو العكس، و يأتى الشق الأخير من هذه العوامل الا و هو النتائج المحصلة من وراء هجرة الشخص اذا كانت ايجابية - ناجحة، أو العكس.....

(أعتذر فقد أخطأت فى التصويت، فقد التبس على صيغة السؤال بين الموضوعين فأدليت هنا بنعم/ فى حين أردت أن أدلى بلا.)

تم تعديل بواسطة White heart

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك
أسد عضو جديد

أسد

بتاريخ:
بتاريخ: (معدل)

كنت أتمنى أن أكون نادماً على غربتي .....

كنت أتمنى ألا تكون مصر بلد مناخها طارد لأبناؤها ...

مازلت أتمنى أن أعود ...

مازلت أتمنى أن تتغير وتتبدل الأحوال حتى أعود ....

ولكني لست نادماً ...

...

تم تعديل بواسطة أسد

في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..
وتاني .. تاني .. تاني .. بنحبك يامصر .. ...

 

1191_194557_1263789736.jpg


‎"إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد"

(من أقوال المازني في كتب حصاد الهشيم)
 

رابط هذا التعليق
شارك
Mohammad Abouzied عضو جديد

Mohammad Abouzied

بتاريخ:
بتاريخ:

وان كنت مرتاح في السعودية واحس انها لا تختلف كثيرا عن بلدي من كثرة المصريين بها وغزو الثقافة المصريه لها

الا بالطبع اريد العودة لبلدي واحس اني كنت غلطان في تركي لبلدي

يأتي في آخر الزمان قوم حدثاء الأسنان سفهاء الأحلام يقولون من خير قول البرية يمرقون من الإسلام كما يمرق السهم من الرمية لا يجاوز إيمانهم حناجرهم فأينما لقيتموهم فاقتلوهم فإن في قتلهم أجرا لمن قتلهم يوم القيامة

رابط هذا التعليق
شارك
wa7d عضو جديد

wa7d

بتاريخ:
بتاريخ: (معدل)

أظن أنا لو كنت هاجرت إلى بلد أخرى غير كندا يمكن كنت ندمت , ولكن الحمد لله أنا أشعر فى كندا بأننى قريب جدا من مصر كما أريدها . ,الحمد لله التكنولوجيا المتقدمة الآن جعلت الشعور بالغربة غير وارد . وأنا أتذكر فى بداية هجرتى - فى السبعينات - كنت أنتظر يوم الأحد للذهاب إلى السينما التى كان يعرض بها فيلم مصرى لكى أقابل المصريين وأتناول طعام مصرى وأرى فيلما مصريا . أما الآن أستطييع أن أقابل مصرييين فى أى وقت بواسطة الإنترنت .

تم تعديل بواسطة wa7d

أنصر أخاك ظالما أو مظلوما

رابط هذا التعليق
شارك
freefreer عضو جديد

freefreer

بتاريخ:
بتاريخ:

الحقيقة لها اوجه و زوايا عديدة ..

فبالتأكيد أنى كنت اتمنى ان تكون سبل العيش الكريم متاحة فى بلدى .. أو حتى فى احدى البلاد العربية الشقيقة .. و ما كنت افكر فى الهجرة ..

اما فى الظروف الحالية ..

فانى نادم جدا لأنى لم اهاجر من 10 أو 15 سنه ..

بسم الله الرحمن الرحيم .. إن المنافقين فى الدرك الأسفل من النار ولن تجد لهم نصيرا .. صدق الله العظيم ( النساء – 145 )
رابط هذا التعليق
شارك
سقراط المصري عضو جديد

سقراط المصري

بتاريخ:
بتاريخ: (معدل)

الحمد لله على كل حال ، أنا غير نادم على غربتي ، ولكني سأعود لمصر.

سقراط

تم تعديل بواسطة سقراط المصري

<span style='font-family: Arial'><span style='font-size:14pt;line-height:100%'><span style='color: blue'><strong class='bbc'><br />زوجتي الحبيبه ، امي الغاليه ، حماتي الطيبه<br /><br />برجاء تجهيز مايلي يوم وصولي لأرض المحروسه :<br /><br />باميه باللحم الضاني ، محشي ورق عنب ، كباب حله ، قلقاس باللحمه ،نص دستة زغاليل محشيه ، بطه راقده على صينية بطاطس ، وزه متشوحه كفتح شهيه ، صينيه رقاق ، موزه مشويه على الفحم ، سلطة طحينه بالليمون ، مية "دقه" ، ملوخيه بالارانب ، شربة فرخه بلدي بالحبهان والمستكه، برميل تمرهندي............... وكفايه كده عشان انام خفيف.<br /><br />سقراط المصري<br /></strong></span></span></span>

رابط هذا التعليق
شارك
Sysanalyst عضو جديد

Sysanalyst

بتاريخ:
  • كاتب الموضوع
بتاريخ:

هذه النتائج وضحت لى مدى إرتباط الناس بالبلد التى هاجروا لها,

كنت أتمنى ألا تكون مصر بلد مناخها طارد لأبناؤها ...

بصراحة أنا شايف ناس كتير تتمنى كده وكنت أتمنى أن يشترك عدد أكبر فى التصويت ليعطى نتائج أكبر.

المحزن ان تحس بالغربة حتى فى مصرشعور يجعلك تندم

كأنه اصبحت الغربة ظل يلاحقك اينما ذهبت

شئ محزن الغربة فى بلدك ولكن أعتقد إن كل شخص يكون ملائم له مناخ معين يناسب طبيعته فاذا هاجرت وأصبحت سعيدا فهذا يكون مناخك الملائم.

رابط هذا التعليق
شارك
متفائل عضو جديد

متفائل

بتاريخ:
بتاريخ: (معدل)

الغربة ....

بعد ما كتبت الكلمة دي زفرت زفرة طويلة

لما بتبعد عن مصر بتحس انك أنكسر جواك شي ....

كان طول عمري نفسي أكون شي مفيد لبلدي كان كل حلمي ان يبقي عندي ارض أزرعها واتعب فيها وتطلع خير منه نقدر نأكل نفسنا

كنت بحلم في مصر بحياة بسيطة مش مترفة ولكن كريمة وكان عندي استعداد اتعب واكافح ...

كنت فاكر ان ده حلم مش كبير ...

بس اكتشفت ان ده صعب وحسيت ان الانسان مش قيمة كبيرة في بلدي كما لو كان هو أخر شي يتم التفكير فييه

فقررت اسافر

حقيقي مش نادم أبدا ...

لان الانسان مأمور بالسعي على رزقة فى أرض الله الواسعة

دانا على العكس خايف من الي ممكن يحصل لو رجعت يترى هقدر أعيش ... ياترى هقدر أتأقلم مع الظروف والأجواء ... الله أعلم

كل الي بتمناه ان بلدنا الي مش ناقصها أي مقومات علشان تكون بلد كويسة

تبقي كويس وتستوعب ولادها الي ممكن يفيدوها كتير جدا جدا بس لو أتيحت لهم الفرصة أو على الأقل تحاول تستفيد من الي باقيين منهم في البلد ولسة ماهجروش

أنا أسف انا حاسس أني مش مركذ وكلامي إنشائى و ملخبط في بعضه ...

تم تعديل بواسطة متفائل
رابط هذا التعليق
شارك
سقراط المصري عضو جديد

سقراط المصري

بتاريخ:
بتاريخ:

يا متفائل تفائل

هترجع بلدنا حلوه تاني متقلقش ، إحنا في محنه الان او تقدر تقول فترة هبوط المنحنى ، حظي وحظك او قدري وقدرك اننا ولدنا في هذا العصر ، بس ده مايمنعش ان المنحنى هيصعد تاني.

امتى متسالنيس ، ازاي ، كلنا عارفين، اهم حاجه لا نيأس .

انت عارف مصر الان عامله زي البنت الجميله اللي على وشها شويه تراب او عفاره ، خليها تغسل وشها كده ، هتلاقي معدنها وحلاوتها ظهرهم.

انتم عارفين حتى المبسوط فينا في غربته بيحلم بمصر.

<span style='font-family: Arial'><span style='font-size:14pt;line-height:100%'><span style='color: blue'><strong class='bbc'><br />زوجتي الحبيبه ، امي الغاليه ، حماتي الطيبه<br /><br />برجاء تجهيز مايلي يوم وصولي لأرض المحروسه :<br /><br />باميه باللحم الضاني ، محشي ورق عنب ، كباب حله ، قلقاس باللحمه ،نص دستة زغاليل محشيه ، بطه راقده على صينية بطاطس ، وزه متشوحه كفتح شهيه ، صينيه رقاق ، موزه مشويه على الفحم ، سلطة طحينه بالليمون ، مية "دقه" ، ملوخيه بالارانب ، شربة فرخه بلدي بالحبهان والمستكه، برميل تمرهندي............... وكفايه كده عشان انام خفيف.<br /><br />سقراط المصري<br /></strong></span></span></span>

رابط هذا التعليق
شارك
متفائل عضو جديد

متفائل

بتاريخ:
بتاريخ:

انتم عارفين حتى المبسوط فينا في غربته بيحلم بمصر.

والله سعات بيتهيألي ان الي برة مصر حامل هم البلد أكتر من الي فيها

أنا سعات لما بنزل بلاقي الناس مش في بالها أي حاجة

بأستغرب أوي وبقول هما مش حسين بأن فيه مشاكل ولا إييه :)

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

صعب الواحد يقول إجابة قاطعة لهذا السؤال ..

فأنا مش نادم .. لإني الحمد لله بأشتغل في عمل أحبه وناجح فيه ...

ونادم .. على إن النجاح ده ماحققتوش في بلدي ...

لأن النجاح في بلدك له طعم خاص .. هــــــــــــــــيه ( تنهيده )

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
green bird عضو جديد

green bird

بتاريخ:
بتاريخ:

أعرف ناس أول مارجعت من الأجازه السنويه فى مصر ودخلت حدود ( الغربه ) قالت أشهد أن لا اله الا الله وأن محمد رسول الله وتنفست الصعداء وكأن كابوسا أنزاح من على صدورهم...

الوضع فى مصر أصبح لا يطاق :lol:

رابط هذا التعليق
شارك
  • بعد 1 شهر...
goold عضو جديد

goold

بتاريخ:
بتاريخ: (معدل)

فى الحقيقة انا مصرى والنيل جوايه يسرى اه فعلاً بس نحمد الله على كل حال

هو الانسان المكافح لا يخشى شئ لانه بلا شك هينجح فى كل مكان يتواجد فيه هيحقق نجاح اذا بالغربه او داخل بلده ومهما ننجح مش بنندم لكن بنفضل لو كنا فى بلادنا وكانت الفرص المتاحه لنا بالخارج تتاح لنا فى بلادنا كنا هنكون مبسوطين اكثر كفايه احساس الغربه الداخلى صح بناكل اكل مصر ونتكلم كلامنا ونمارس عادتنا لكن عايزنها هى مصرنا شوارعها ناسها شمسها وهواها دوشتها وكل ال فيها حلوها ومرها الغربه هى الغربه بس نفسي اقول للناس ال خايفين من العودة لا تخافوا هتعيشوا كرام معززين فى مصر وهتقدروا تتأقلموا تانى فيها وستبدأوا وتستقروا هو تعب شوية بس مع الوقت هتتماشى الامور وتستقر وتعتادوا كل شئ فيها . بس هنا لازم الواحد يقنع بظروفه التى يتواجد فيها ويحسنها هتتحسن بأذنه تعالى قصدى هتتعدل .

تم تعديل بواسطة goold
اللهم أكفنى بحلالك عن حرامك واغننى بفضلك عن سواك]
رابط هذا التعليق
شارك
mouaten عضو جديد

mouaten

بتاريخ:
بتاريخ:

أحزان عربية..!

بقـلم

للشاعر الكبير: عبدالرحمن الأبنودي

الله يجازيك يا عم »عبدالناصر«.. الليل مليّل.. والألم.. عاصر..

لسه اللي بيبيع أمته كسبان والزعما..

بين خايف وبين هربان وكل يوم.. أطلع أنا الخاسر

أما انت خميت مصر دي خمة يوم ما ناديت بالعشق للأمة

ورطتنا نعشق خريطة عبيطة

وبشر ما نعرفهاش وبلاد.. ما بنزورهاش

إلا.. فواعلية وبنايين وسواقين

وخدامين.. وطباخين.. وكناسين

بلاد أسافرها سعيد ارجع حزين

حبيتها زي ما قلت لي.. واكتر

ع الأجنبي ما استكترتش عليا تستكتر

ع الأجنبي ما اتنقورتْش عليا تتنقور.

تطمع في دمعي وفي تعاسة راتبي.

مُلهم أنا.. واعمل غبي

وادي الألم يا عم »عبدالناصر« زاحف وبيحاصر

وآدي الجميع خاسر السالب الأمة.. مع المسلوب

وآدي فجر أمتنا الجميل مغلوب وآدي انتحار الأمة بالمقلوب

وأنا... غريب الدار..

لابسني توب العار ساكن في وطني بالإيجار

عايش في أمة.. ما تحترمش الحزن!!

***

قاعد أنا ع الجسر في القيَّالة الرحمة..

من قلب اللهيب مِنشالة باطُلّ علي حالي..

وقلبي.. ساقية حزن سَيالة

باغني.. ما اعرف مغني والاّ عديد

زي افتكار الميتين.. في العيد.

باعاني وحداني شياطيني لابساني

والأمة قدامي.. مفارقاني

يا........ رب... ما تحببني في الناس الملاح تاني

يا..... رب.. ما ترجعني أعشق

ضحكة اخواني ولا دعا أمي

وهيه بتصلي وبتسمي

يا.... رب.. كرهني في أوطاني

يا... رب كرهني في طهارة اللقمة

وأمانة الكلمة وفي كل شيء طيب وإنساني!!

***

قاعد أنا والشمس كلها غل...

بيستخبي تحت توبي الضل

أجتر همي بشكل حيواني

يا... رب.. ما تجعلني أعشق خِل

نشّف عروق الود في صوتي

واكتِب بإيدي تذكرة موتي.

إلا الهوا العربي يا ربي.. يعل

إلا عروبتي هيه أكفاني.

يا..... رب... كرهني في شهامة الرجال

والصبر ع الأحمال قربت من كتر الملل..

أنسي أمل

***

ياللي خلقت الأمة من غير قلب

من غير حضن وخلقتها ما تحترمش الحزن..

مأساتي.. إني حزين أحزان..

من اللي ماهيش رفاهية ودموعي.. مش مَيةَّ

وضلوع عنيدة بتتّكي بالجرح ع السكين!!

أنا الحزين ابن الحلال

أنا الغبي.. في الخالدين!!

أنا اللي باحزن ليّا لما باكون حزين

ما بأجرشي عينيا واقول: »أحزن لمين«؟

***

القلب يعوي

عارفني الليل.. بنباحي.

مراكب الهم ترسي ليلاتي في جراحي

علي الأميرة أم الشعور السودا

والتباريح ترقص علي ماء الأسي الاسود

رقص الغزال الذبيح.

بدويّة الصوت

والعيون فناجين. سمارها بُن السهَر

وخمرة العاشقين. يا... حزنها..

رقصة ستاير المخمل مُهرة إذا بس تصهل

تفلت سدود الحنين ولوعة العاشقين!!

يا ويلي من ده لظي روح يا ويلي من دي

نيران نوح يا ويلي من صورة

تبكي الميتين!!

***

نازلة الأميرة من علالي القصور

بشعرها المنكوش

ولحمها المنفوش

وقلبها المعصور!!

العطر في وسط النيران بيفوح

والموت بيرقص ع الرمال ما يكف.

لزَق القميص م العرق..

مفزوعة.. يفلت من قدمها الخُف!!

كتم الآهات الموت بلا أكفان.

يارب حانفر...إنت زيدني إيمان.

علي قد ماكل يوم

بتوسع الرقعة

بتنقص الأوطان!!

***

ما أخيبك أمَّة ما أتعسك أمة

لا عقل... ولا همة...

لا مصدقه فعلك

ولا تحفظي كلمة.

أمة.. تدور وتلف..

تقيلة.. مش حتخف

حماسية... وحماسها

بكتيرُه ساعة.. يجف.

أمة بتتخابِط

أمة بتتعابط

أمة ومالهاش لا...

زابط ولا رابط

ولا كبير عيلة

ولا قرابةْ دم

وفكرة وهمية

ما تورث إلاّ الهمّ...

ما تحل عني يا عم..

إحنا ورثنا كلام

إحنا تاريخنا كلام

علشان ده لما تقول..

علي طول أقول: »وبكام«؟؟

ما هو حب؟؟ دبرني

وتاريخ؟.. فكرني

وطريق؟.. نورني

ومصير؟.. بصرني

ده انا بقيت عربي

من قبل ما القي

اللي يمصرني.

أنا انتمائي لأمتي...

ممسخرني.

محسوبة في الأحزان عليّ

في الفرح تنكرني

ياللي انتي لا أمة

ولا انتي أم..

فيه أم

ما تعرفش ساعة الألم..

تضم؟..

قال اللي قال:

قد ما ننورها هيه مضلمة

قد ما نعلمها..

مش متعلمة.

كل ليلة بايتة مظلومة

وهيه الظالمة!!

آخرة السكك الوعار

مجد.. متلطخ.. بعار.

قد ما نحجمها...

تفلت م الإطار!!

السلاح من صنع بره

و»الكلام« من صنع بره

المآكل

الملابس

والهوا البارد في بيتي..

صنع بره.

لا نسجْت الهدمة..

علي نولي الخشب

لا زرعْت.. ولا اكتفيت

شفتها.. جريت اشتريت.

جلاّبيتي.. عمامتي.. سجادتي

وحواديت الصغار

والحلاوة: حلوة.. مرة

شغل بره.

إيه يهم

إن مت من أجل البشر

وإلا سبت الديب يسرَّخ

واتغابيت؟...

أو نسيتها؟ أو اتناسيت؟؟..

الشهادة مجانية...

والبطولات...

نفحات استعراضية

والليل مليّل

والألم... عاصر

لسه اللي بيبيع أمته

كسبان..

وكل يوم..

أطلع أنا الخاسر...

الله يجازيك

يا عم »عبدالناصر«!!

"اللهم إنَّا نجعلُك في نحورهم، ونعوذ بك من شرورهم".

رابط هذا التعليق
شارك
  • بعد 5 أسابيع...
الطنطاوى عضو جديد

الطنطاوى

بتاريخ:
بتاريخ:

أنا جربت الغربة خارج مصر و داخل مصر. الغربة داخل مصر أصعب. لما تكون الغربة من جواك. لما تكون غريب فى بلدك بتكون الغربة أصعب بكتير. أنا حسيت بنفسى و بشباب كتير تايه بيدور على نفسه داخل بلده و مش قدر يلاقيها. الغربة خارج مصر لها حل ألا و هو العودة لمصرنا الحبيبة. لكن الغربة اللى جوانا دى حلها أيه؟؟؟ إذا حد عنده حل ياريت يقوله لنا :)

<span style='font-size:14pt;line-height:100%'>لم يبق فى الناس الا المكر والملق

شوك اذا لمسوا زهر اذارمقوا

فان دعتك ضرورات لعشرتهم

فكن جحيما لعل الشوك يحترق</span>

رابط هذا التعليق
شارك
  • بعد 2 سنة...
إسلام طلعت عضو جديد

إسلام طلعت

بتاريخ:
بتاريخ:

كانت إجابتي لست أدري ..

فأنا مغترب منذ شهور فقط ..

ولكن ...

عندما جاء في خاطري مدى سعيي للسفر عندما كنت في مصر وأنني لم أكن أطيق هذا الوطن ..

وعندما فكرت في حال وحدتي الآن وبعدي عن أهلي وأصدقائي ومواجهتي للحياة وحيداً ومواجهة المؤامرات من قبل بعض الجنسيات المختلفة وآآٍسف انها جنسيات عربية ...

وعندما تخيلت نفسي عائداً إلى بلدي الآن ... وتخيلت هل استطيع أن أعمل في مصر .. بالرغم أن عمري 23 عام

كانت الإجابة لااااااااااااااااااااااااااااااااااااااااااااااااا لست نادماً

واعتقد انني لو رجعت الى بلدي إما سأتجه للمخدرات وأنسى كل ما حولي .. أو سأكون اول من لديه استعداد ليلبس الحزام الناسف وأفجر مجمع التحرير والمتحف المصري وكابريهات شارع الهرم ...

وطبعا لم يخلو فؤادي من الدعاء على كل من كان السبب في هروبنا من بلدنا وعلى كل من كان السبب في جعلنا مذلولين داخل أوطاننا وخارجها ..

ولكن ذل الغربة خير من الذل داخل الوطن ..

تحياتي

رابط هذا التعليق
شارك
abo 3ali عضو جديد

abo 3ali

بتاريخ:
بتاريخ:

نعم نادم على غربتى و اتمنى العوده

اولا الحمد لله على كل شى

انا كنت ناجح فى بلدى . شغال فى المجال اللى بحبه و بادى شغلى حقه

و كمان نفس الشى فى الغربه

المشكله فى الجانب المادى فقط رغم انه مش شاسع

سوف اعود و اخطط لعوده من الان فانا اكره ان يتربى اولادى بعيدا عنى و عندما اعود ساعود للنجاح ايضا لانى اكره الفشل

انا عمرى ماكرهت مصر و لا ناقم عليها . احنا مامورين بالسعى . سعينا و عملنا اللى مقدرلنا و مكتبولنا . مصر هى كل شى بالنسبه لى . و اللى يحب عمره مايكره

مصر بس فى وعكه و حتقوم . مصر مامتيش و لا حتموت . زى ماالاخ بيقول عليها شويه تراب و حننفضها و ترجع حلوه

فاكرين منظر الاستاد فى نهائى كاس الامم . فاكرين منظر الناس هناك . فاكرين منظر كل واحد فينا فى غربته و احساسه بمصر لما كسبنا .. ده الوجه الحقيقى و اللى حيفضل

مصر واحشتنى بكل متناقضاتها و تعبها . بس التعب فى بلدى وسط ولادى و اهلى و اصحابى احلى من متحف الشمع اللى اسمه غربه

يلعن ابو الغربه و سنينها اللى ان شالله مش حتطول معايا لانى ناوى اخد منها اللى عاوزه و مشبيش بقشيش ليها

و حارجع مصر ان شالله . حارجع علشان اخليها حلوه . و اخلى ولادى يحبوها اكتر منى

و ربنا يهون علينا الايام جميعا

ان كنت لم تعرف مناقبه ... فاعرف مناقبه من ( هل اتى ) و كفــــى

" إختر ان تكون مغلوبا وأنت منصف ، ولا تختر أن تكون غالبا وأنت ظالم "

" الأخوان زينة في الرخاء، وعدة في البلاء"

" الأخوان في الله تدوم محبتهم لدوام سببها"

" ادب نفسك بما كرهته لغيرك"

" اعجاب المرء بنفسه يدل على ضعف عقله"

" أحمق الناس من ظن أنه أعقل الناس"

سيدنا على بن ابى طالب

( لا تتم فائده الانتقال من بلد الى بلد الا اذا انتقلت النفس من شعور الى شعور ... فاذا سافر معك الهم فانت مقيم لم تبرح )

( ليست اللذه فى الراحه و الفراغ . و لكنها فى التعب و الكدح و المشقه حين تتحول اياما الى راحه و فراغ )

مصطفى صادق الرافعى

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • شرف الدين
      10
      القرضاوي ... نادم على أنني خدعت فيك يوما ما ..
      http://www.youtube.com/watch?v=qOyerf5VLM8 الشيخ الهرم يطلب من أمريكا أن تقف وقفة لله .. ها قد استجاب نتيناهو مندوب أمريكا في الشرق الأوسط لطباتك يا مولانا .. حسبنا الله ونعم الوكيل .. ولا حول ولا قوة إلا بالله .. اللهم أخرجنا من الدنيا غير مفتونين ..

      بواسطة شرف الدين
      كُتب

    • amrhoras
      1
      ماذا تفعل في أول ايام غربتك
      على اننى قد لا أجد أفكارا او أعبر عن مابداخلى ولكننى سأحاول ان أترابط مع كل انسان عزم على الرحيل تاركا خلفه دنياه بكل مافيها من طيب وسيء تاركا أفراد اسرته ، اصدقائه، زوجته و أولاده او حتى خطيبته عندما تطأ اقدامك أرض الغربة تشعر بإحساس غريب لم تعشه من قبل تشعر فيه بأنك غريب تجد أوجه جديدة وأناس بتفكير مختلف حتى اللغة مختلفه وتجد الوحده تلازمك وأفكارا لم تكن بوجدانك من قبل هل أستطيع الرجوع مرة اخرى ؟ ماذا سافعل؟ هل سأنجح؟ الى أن تجد احد اقاربك منتظرك يمكن ذلك سيعمل على تهدئتك بعض الوقت ولكن

      بواسطة amrhoras
      كُتب

    • goold
      62
      قولنا اغرب ما صادفك .. فى غربتك او حتى فى داخل وطنك
      ممكن تقولنا اية اغرب شئ صدفك فى غربتك زى عادة غريبة فى البلد المقيم فيه أو اكلة غريبه عن اكلنا المصرى او لبس غريب او .. او

      بواسطة goold
      كُتب

×
×
  • أضف...