شوفوا التايمز البريطانية كتبت إيه عن أبو تريكة

[محمد عبدالعزيز]

الموضوع قرأته على موقع مصراوى مترجما من الجريدة البريطانية, فضلت أن أبحث عن النص الأصلى وأقرأه غير مترجماً.

وإليكم رابط الموضع باللغة الإنجليزية وباللغة العربية أيضاً:

التايمز البريطانية: أبو تريكة أفضل لاعب داخل المستطيل الأخضر

Mohamed Aboutrika shows he belongs in highest company

الموضوع فيه إشادة رائعة بمستوى أبو تريكة فى مباراة البرازيل وكذلك هناك تساؤل يدعو للتأمل على المستوى الشخصى عن سر تألق أبو تريكة حيث يتساءل الكاتب: هل أبو تريكة غير طموح لعدم لهاثه وراء فرصة احتراف فى أوروبا لإثبات ذاته أمام محترفى العالم فى كرة القدم وكذلك لجمع الملايين, أم أنه يستحق الفخر والإعجاب لأنه ظهر بهذا المستوى أمام البرازيل بالرغم من بقائه فى مصر ؟

ياترى شعوركم إيه بعد قراءة الموضوع؟

[ابو محمد بن مصطفي]

استاذنا العزيز

لقد قرأت الرابط وقد اعجبني كثيرا تعبير انه سمكة كبيرة في حوض صغير

نعم

ابو تريكة دليل واضح علي الوفاء والاخلاص

انه الفلاح الذي لم تبهره اضواء المدينة

[MoTo]

الحقيقة المقال تحفة و أخيراَ الإعلام الغربي يهتم بلاعب مثل أبو تريكة الساحر

و التعليقات كمان أحلي و أحلي .. أحلي تعليق عجبني من شخص أمريكي بيقول

إن أبو تريكة مكانه في ريال مدريد و إنه لو لعب جنب كاكا و كريستيانو هيغطي عليهم لأنه بيلعب بفلسفة

و فعلاَ أبو تريكة بيلعب بدماغه يا جماعة .. الراجل ده أسطورة .

[MoTo]

بعد إذنك انا نقلت رابط المقال لأحد منتديات السيارات اللي انا مشترك فيها

[ahlawycatalony]

مش التايمز بس

فى جريده المانيه شهيره كتبت مقال اروع من المقال المذكور..

ودى رساله للقائمين على جائزه احسن لاعب فى افريقيا

اللى العجلاتى اديبايور فاز بيها بدون وجه حق..

وان شاء الله تريكه يوصلنا للمونديال.

ويفوز باللقب المسلوب منه(احسن لاعب فى افريقيا).

[MoTo]

ياااااا رب نوصل للمونديااال عشان العالم كله يشوف أبو تريكة و جيله

حرام لاعب زي ده ميلعبش مرة في كأس العالم و ياخد حقه من التقدير العالمي

يا ريت تقولنا موجز للمقال الألماني يا أستاذ أهلاوي كتالوني (انا أهلاوي كتالوني برضه ههه)