أونتاريو ترحب بـ سوسو

[SoSo R]

إيه ده يا جدعاااااان؟! :D

دانا طلعت زعيم أوَنطة بقى على كده :D

الموضوع ده اتفتح إمتى؟ وكل الزباين دول دخلوا وشربوا وحاسبوا كمان! :lol:

وانا ولاااا هنا! :wub:

وسوسوراني دخلت فضحت كل اللي بقالنا سنين بنخبي فيه ، وبنلعب من تحت الترابيزة! عليه العوض في العمولة بتاعة الشهر اللي جاي!

زمان أبو جودة الكندي بيقول (أنا ما خلّفتش رجّالة يا أمينة)!

آدي جزات اللي يتسند على ستات! :sad:

كلام بجد بأه...

حمد الله ع السلامة أولاً...

وثانياً... مبروك افتتاح القهوة الجديدة ، اللي بجد فرحان بيها موووت... أسلوبك توووحفة والله :wub:

أنا من بدري وانا عارف إن فيه قصّاصة معانا ع المنتدى. عموماً ... Keep going بأسلوبك السهل المش ممتنع خالص دوت ، واحنا معاكي يا معلّمة سوسو.

وآديني لبست الفوطة وشايل الصنيّة ، وجاهز أخدّم ع الزباين.

أيوه جاااااااي :wub:

تصدق و تآمن بالله ...كنت لسه باكتب التيرمينشين ليتتر بتاعك و أمضيه...يعنى أترفدت قبل ما تتعين أصلا

بس يلا..سماح المرة دى عشان قلبى قلب خساية :unsure:

وخصوصا إن فلوسى معاك فلازم أصهين على عدم إلتزامك بمهام عملك كويتر

غير سلطتك الأشرافية اللى ممكن تسىء إستخدامها و تبقى عامل زى مراكز القوى :wub:

المهم...

الله يسلمك يا دكتور ولو إنك متأخر 6 صفحات

بس أنت ما علقتش على ولا كلمة تخص الكلام بتاع كندا..أنا عايزة خبرتك كمهاجر فى اللى حكيته والمناطق اللى رحتها...مش أنت ويتر هنا ولا إيه ظروفك؟؟؟؟

مستنية آرائك

تحياتى

سوسورانى

[SoSo R]

السلام عليكم

انا بس عاوز أسجل أعجابى بأسلوبك القصصى الرائع دة :unsure:

شكرا يا أستاذ helisinki

أتمنى تفضل معانا

العميل 005 الف الف حمد لله على السلامة وربنا يوفقك في بداية حياتك في كندا, اسلوبك رائع واتنبالك بمستقبل باهر للقهوة الجديدة

احنا تقريبا جينا في نفس الوقت ربنا يعيننا جميعا.

أنا وصلت بعدك بأسبوعين..حمد الله على سلامتنا إحنا الأتنين

أخبار الدنيا معاكى إيه؟؟

وهل فيه محاةلات لتجنيدك؟!

كلة الا زعلك يا سوسو

قلة المداخلات دا كسل بعيد عنك مش لا سمح اللة cts

عايزة اعترفلك اول مرة

تكتبى ctsدى قعدت طول اليوم افكر وبعدين كلمت جوزى قولتلوا الا اية اختصار ctsدى

قالى ctscanيا جاهلة

قولتلوا طب ما فيش ولا وصلة فى الكمبوتر اسمها كدة cts انا قولت يمكن وصلة cts تاعباكى فمش عارفة يعنى تكتبى قالىلاااااااااااااااااااااااااااااااااااااااااااااااااااااااااااااااا

دى قصدها carpul tunnel syndromeومن سا عتها يا اخت سوسو

وجوزى كل ما يشوفنى يقولى وصلة اة على وزن cpuوكدة يعنى :sad:

يلا اة اعتراف متاخر وبعدين الواحد فى التهامى موس بقى وعاملة نفسى اوعى

بس طالما فى قهوتك يلا ولا يكون عندك فكرة

خودى من دا كتير اللى عايزة اقولة هاقولة من الاخر البيت بيتنا بقى وكدة

خلاص يا ستى كدة مافيش زعل

والأعتراف بتاعك دة زى السكر...هو دة إنطباعى عنك من الأول..بونبانية

سيبك من قهوة التهامى و خليكى معايا يا أختى..ولو أثبتى جدارتك هاديكى وظيفة معتبرة...

يلا ورينا الهمة :D

الف حمد لله على السلامة :D

كندا و القارات المجاورة نورت ....سعادتك حضرتك(مش عميل 005 و كده :lol: )

مبروك على التوبيك الفظيع المريع الشنيع ده.

الله يسلمك يا جميل...و يبارك فيكى

أنا كنت عمالة أقول ..البنت دى أختفت ليه؟!

علطول بيقولوا علينا هنا فى كل حتة نيو كمرز

على أسمك

تحياتى

سوسورانى

تم تعديل 16 يونيو 2009 بواسطة SoSoRaNy

[Lunalola]

والله يااختي ياسوسو الدنيا معايا لغاية دلوقتي كويسة الحمد لله ,مشكلتي الاساسية كانت تتمثل في الجبنة البيضا لان بنتي تقريبا مبتكلش غيرها وكل مااروح سوبر ماركت الاقيها مش حلال لغاية مااخويا ايهاب سالم الله يكرمه بعتلي المحلات الحلال وعملنا غزو عليها والحمد لله اتحلت المشكلة , بالنسبة لموضوع التجنيد دا اعتقد انا ماليش فيه لاني مبدخلش بانتظام , بس لو عايزة اي حاجة انا تحت امرك على قد معلوماتي, لاني جيت عملت لاندينج من سنتين يعني اعرف حاجات بسيطة على ادي, اتمنى لك التوفيق ان شاء الله

[Nassarlink]

أستاذ نصار..سؤال برىء جدا

هو أنت متعاقد مع شركة فايزر فرع المنصورة...ولا بتاخد عمولة ولا إيه النظام؟!

معلهش إحنا بنتساءل بس مافيش أى نوايا سيئة :sad:

تحياتى

سوسورانى

لا لا لا

انا مبتعاقدش مع الجماعه الامريكان دول

فلوسهم مفيهاش بركه

ده حتي منزلين عقار للمساعده علي توقف التدخين - شامبكس

عارفه بكام

كورس ب 1200 جنيه

كل الناس قالوا احنا ندخّن ارخص

انا قلبي حاسس اننا اتقابلنا قبل كده في الدقي :unsure:

تم تعديل 16 يونيو 2009 بواسطة Nassarlink

[SoSo R]

مساء الخير عليكم...

أصبحت سوسورانى من حملة الG1

ودة بعد 3 زيارات للمرور عشان كان فيه ورق ناقص و 3 محاولات فى إمتحان النظرى

بس كانت التالتة تابتة..وأخدتها الحمد و الشكر لربنا

كان هذا فاصل و هارجع أحكى تفاصيل الورق و التقديم بعد ما أنشر الغسيل

تحياتى

سوسورانى

[precanadian]

دكتورتنا الكبيره قوي

ربنا يكرمك ويسهل لك طريق الاستقرار

احييك علي التواصل معانا في اصعب ايام الهجره وربنا يوفقك

بالمناسبه انا عايز رقم مميز زي 010 فودافون

كدة برضه يا دكتور

يعنى أنا أدعيلك و أنت كاتب لى 2 حدرتك لأ و كمان بين قوسين ؟؟؟!!!

بالنسبة للصور موجودة بس مش عارفة أتعامل معاها...ياريت الأنستركشنز فى نقاط

بالنسبة للرقم المميز عايزة خط ولا كارت

تحياتى

سوسورانى

يا دكتوره حضرتك فهمتيني غلط !!! : :sad:

حضرتك عارفه ان بعض الامريكان يكتبون ما ينطقون من حروف اما الانجليز دايما بتلاقي حروف ملهاش لازمه او الحرف ينطقوه بطريقه غريبه :lol: :lol: :lol:

انا كتبت الكلمه دي مره امريكاني ومره انجليزي :D

سماح يا دكتوره لو ده زعلك احنا اخوات

في الظروف الحاليه 010 يكون كارت لاني مش مستقر في المحروسه

أصبحت سوسورانى من حملة الG1

الف مبروك ومنتظرين التفاصيل اذا كان وقتك يسمح

تحياتي لكم وللاسره

[emano]

:blink: مبروك ياسوسورانى على g1 ايوه كده

الله فرحتلك

اجى اسعدك فى نشر الغسيل علشان تخلصى بسرعه

بس انا بسمع ان نشر الغسيل فى البلكونات فى كندا ممنوع ولى ايه

ان حروح اعملى كبايه شاى بالنعناع واستناك

بس مطوليش فى النشر

[abuzyaad]

ايه ده يادكتورة سوسوراني احنا منظرين حضرتك من امبارح كل ده بتنشري الغسيل لعل المانع خير بس اسلوب التشويق اللي بتستخدميه كتير اوي انا سعيد بيكي وبعائلتك وربنا يوفقك وترجعي لينا بسرعة.

[خالد المسلم]

السلام عليكم ورحمه الله وبركاته

دكتوره سوسورانى الف مبروك على G1..وبالتوفيق دائما

[SoSo R]

متشكرة يا جماعة لذوقكم كلكم هاحكى و أرجع أرد على واحد واحد بالتفصيل فيما بعد...

المرور هنحتاج للآتى

الباسبور

ورقة اللآندنج

الرخصة الأصلية اللى معاك من البلد اللى كنت فيها

شهادة خبرة اللى بتطلع من المرور

ترجمة للرخصة بالأنجليزى من هيئة المترجمين المعتمدين بأنتاريو

أول مرة جوزى ماكانش معاه الرخصة الأصلية...والرخصة بتاعتى ماكانتش مترجمة

أخدنا رقم الهيئة بتاعة المترجمين وأتصلت بيهم إدونى رقم واحد فى ميساسجا طلع عراقى و أخد على الرخصة 25 $ بس بصراحة مسطول وأكتشفنا غلطات فى ترجمته و صلحها مرتين وبعدين فى المرور أكتشفنا و غلطة كمان بس عدوها الحمد لله

شهادة الخبرة كانت معمولة من الكويت ومترجمة من هناك و مصدقة من السفارة الكندية كانوا مزرجنين بس رضيوا بيها ودة اللى يخلينا ندخل على أمتحان ال g علطول و يقلل من مبلغ التأمين

المهم بتملى ورقة بيدهولنا و بعدين إختبار النظر و أنت واقف فى جهاز زى التليسكوب بيقولك أقرأ الأرقام اللى شايفها ...كل شوية حجمها بيصغر

وبعدين فلاشينج لايتس تقول هى يمين ولا شمال

بعد كدة بتتصور برضه و أنت فى مكانك و يقولك أوعى تبتسم

عشان الصورة تطلع وحشة

بعد كدة على الأمتحان النظرى

20 سؤال فى العلامات و 20 سؤال فى القوانين لازم تجيب 16 فى كل واحد على الأقل عشان تعدى و تاخد الg1...................

أستأذنكم أكمل بكرة لأن إيدى أبتديت تنتكس تانى

تحياتى

سوسورانى

[emano]

سوسو ياحببتى انا مش فاهمه جته شهاده الخبره

يعنى لو رحت المرور فى الاسكندريه ممكن اطلعها من هناك

يعنى ان مطلعه الرخصه من هناك

فحقدم ايه علشان اخذ الشهاده ده

[Lunalola]

الف مبروك ياسوسو راني على الرخصة عقبال ال G ان شاء الله, انا حاليا بحاول اتدرب على السواقة في كندا حبة حبة مع جوزي في الربية عشان اروح اعمل الــRoad test , السواقة هنا مختلفة تمااااااااااااما عن مصر , ربنا يسترها معانا وادعولي انجح في الامتحان

[bent misr]

الف مبروووووك يا سوسوراني على G1

وعقبال ما تخدي الرخصه ان شاء الله

و ربنا يوفقك و تلاقي شغل

بس قوليلي هو التجنيد اللي جندوهولك ده مش جايب

همه ولا ايه ؟؟؟ واضح ان كلام الاستاذ نصار صحيح

اظاهر عندكم مشكله فعلا في المرتبات

أنا لو منك أسيبهم و أشوف أكل عيشي بقه :blush2:

متابعين

[ELSHAMY]

الف مبروووووك يا سوسوراني على G1

وعقبال ما تخدي الرخصه ان شاء الله

و ربنا يوفقك و تلاقي شغل

بس قوليلي هو التجنيد اللي جندوهولك ده مش جايب

همه ولا ايه ؟؟؟ واضح ان كلام الاستاذ نصار صحيح

اظاهر عندكم مشكله فعلا في المرتبات

أنا لو منك أسيبهم و أشوف أكل عيشي بقه :blush2:

متابعين

العميلة رقم 008

خليكى محضر خير

احسن اوقففلك العملية الاخرانية

فلوسك حتوصلك زى ما اتفقنا.....المندوب بتاعنا حيستناكى عتد رجل ابو الهول الشمال...

تحياتى

[Nassarlink]

اعلان هام

تعلن مؤسسة نصّار الاستخبراتيه بكيبيك

عن حاجتها لتعيين عملاء جدد

بمرتبات ثابته مغريه

وعموله بالقطعه

وتتعهد المنظمه بدفع المرتبات مقدما ثلاث شهور- واخدين بالكو من دي

مع توفير وسائل الانتقال والعشاء يوميا بنادي المنظمه

ويفضل من سبق له العمل في منظمات مشابهه او مماثله

مثل منظمه الي بالي بالك- طبعا انتم عارفين مين المنظمه دي

شروط التقديم

السن اي سن

المؤهل اي مؤهل

الخبرات سبق الحديث عنها

علي من يجد في نفسه الشروط المطلوبه

سرعة تقديم السيرة الذاتيه باليد او بالبريد او بالبريد الاكتروني

سيبكوا من نظام رجل ابو الهول دي

وانف كيليوباترا الفتحه الشمال

وسوف يتم اعلام المقبولين بالوظيفه

كل واحد علي حده

مع السلامه يا تربل زيرو

التوقيع

ابوجوده :blush2:

[precanadian]

أستأذنكم أكمل بكرة لأن إيدى أبتديت تنتكس تانى

تحياتى

سوسورانى

الف سلامه يا دكتوره خلي بالك انت لسه طالعه من العمليه.

ربنا يصلح احوالكم وييسرها لكم.

[SoSo R]

دى صورة الآنسة صاحبة عيد الميلاد بعد محاولات شنيعة لتحميل الصورة

سامحونى يا جماعة عارفة إنى مقصرة فى المداخلات و الحكايات ...بس بجد إيدى تعبانة جدا

وربنا يعلم أنا حاسة بإيه و أنا باكتب المداخلة دى

أنا جبت الصورة دى تصبيرة...لحد ما حالتى تتحسن

تحياتى

سوسورانى

[bent misr]

دي كميله خالص يا سوسو ما شاء الله

ربنا يخلي :giveup:

في انتظار باقي الصور :lol:

والف الف سلامه على ايدك و بجد ريحيها شويه

[bent misr]

الف مبروووووك يا سوسوراني على G1

وعقبال ما تخدي الرخصه ان شاء الله

و ربنا يوفقك و تلاقي شغل

بس قوليلي هو التجنيد اللي جندوهولك ده مش جايب

همه ولا ايه ؟؟؟ واضح ان كلام الاستاذ نصار صحيح

اظاهر عندكم مشكله فعلا في المرتبات :lol:

أنا لو منك أسيبهم و أشوف أكل عيشي بقه :giveup:

متابعين

العميلة رقم 008

خليكى محضر خير

احسن اوقففلك العملية الاخرانية

فلوسك حتوصلك زى ما اتفقنا.....المندوب بتاعنا حيستناكى عتد رجل ابو الهول الشمال...

تحياتى

كده كده كده يا د/ الشامي بقى تكشفني

وأنا لسه في مصر

وبعدين ايه اللخبطه دي هستناكم عند رجله الشمال

ولا اليمين ؟؟؟؟؟ اللي داخله لجوه و لا اللي طالعه لبره :lol:

المخلصه ليكم 008

[MZohairy]

سلامة ايديكي يا سوسوراني

متبقيش تكتبي جوابات الشفره بايدك اليمين عشان هو ده اللي بيتعبك

ابقي سجلي كلامك و معلوماتك على شرايط كاسيت و ابعتيه و اكتبي عليه من بره :اغاني محترمه

محدش حيفتحه و لا حييجي جنبه و المعلومات توصل بسريه بالغه

الفل بيصبح على الياسمين (وش عبد البديع العربي في فيلم العار)