احكي يا شهرزاد

[الباشمهندس ياسر]

اننا نتحول الى مسخ فى كل شيء حتى فى افكارنا

تحولنا ... و ليس نتحول

[icehearted girl]

ممكن اعرف كام واحد هنا شاف الفيلم؟

اصلكم ونتم بتحكوا عن التريلر كانكم بتتكلموا عن فيلم تاني خالص في الحقيقة

[icehearted girl]

انا فعلا بعترض عالفيلم فعدة مشاهد بس مش معني كدا اخد الخايب فلعايب واحكم ان كل من ظهر في الفيلم عبارة

عن )_%@_%*^@ ......

حاجة كمان

ياريت نراعي ربنا شوية فلكلام اللي عمالين ننقله من هنا وهناك

لاننا منضمنش صدقه

فياريت منكونش فريسة سهله لترويج الاشاعات

بدليل مثلا كان في مداخلتين احدهما بتقول ان احمد حلمي حضر العرض الخاص

والاخري بتنفي

معني كدا ان مفيش دليل قاطع

يعني نتقي الله ونعرف اننا ممكن ندخل في سكة غيبه ونميمة واعراض مسلمين كمان

والله لو كل واحد اتأكد من ان افعاله مثالثة بنسبة 100% برده مش من حقه يتهكم علي انسان زيه بظبط بالاسلوب دا

فمابالكم باشخاص مثلنا نصيب ونخطأ

اشهد ان لا اله الا الله استغفرك واتوب اليك

[pink rose]

ممكن اعرف كام واحد هنا شاف الفيلم؟

اصلكم ونتم بتحكوا عن التريلر كانكم بتتكلموا عن فيلم تاني خالص في الحقيقة

انتي شوفتيه يا ايس؟

[icehearted girl]

ايوا يا ريمو

[pink rose]

طيب عظيم

قوليلي رأيك ايه فيه و قصته هادفة و لا مشاكل و فرقعة و خلاص زي افلام خالد يوسف

و يا ترى المشاهد الغير محترمة كان ليها لزوم ضمن سياق الفيلم و لا قلة وجودها كان هايكون احسن و اشرف للفيلم

اسئلتي كتيرة مش كده :)

[icehearted girl]

بصي يا ريمو حتي لا تتداخل الاجابات مبدئيا القصة شكري فيها او ذمي دا في الاول وفالاخر لصالح المؤلف قبل المخرج

القصه حقيقي عجبتني يمكن لو كنت قرأتها مكنتش هتلفت نظري يعني من الآخر السيناريو فعلا كويس

اما بالنسبة للمشاهد دي فرأيي مش هيتغير مهما كانت مهمة في سياق الفيلم

من الممكن تحويرها واظهار مغزاها بدون توضيح كافة التفاصيل بالشكل المقزز دا

وبعدين سيبك انتي اهم حاجة اني بحب اي فيلم فيه دور مذيعة عشان اتخذها قدوة :D :D :D

[toota]

تعليقي على الفيلم بعد مشاهدته من فترة والكلام ده نشرته في منتدى اخر....

شاهدت الفيلم امس....الصالة في السينما كانت كومبليه....الحضور كان كتير جدا....

بداية الفيلم يحتوي على مشاهد بسيطه رومانسية لمنى زكي ولكن ليست بالصورة التي ضخمتها وسائل الاعلام ابدا...ومن الواضح انها بقت اجرأ بكتير عن افلامها السابقة ...في الفيلم ده بالذات تحس ان منى زكي نضجت...وبقت قادرة تشيل فيلم لوحدها....ولم تعد البنت الدلوعه فقط....اصبحت لها شخصيه متميزة وحضور متمكن وتعبيرات وجهها اصبحت اكثر وضوحا وسلاسة في ايصال مشاعر الممثل للمتلقي.....

فيلم لغة جديده تماما للسينما المصرية...بجد انا ادهشني اسلوب التصوير...والاخراج...حتى الممثلين....والاماكن....تحس انك في عالم تاني خالص....سلاسة التصوير والمشاهد كانت لحد منتصف الفيلم حلوة...ومن بعد ما ابتدت الحكايا ....اصبحت المشاهد اكثر قسوة وقوة.... وتوحش...

القصه تتحدث عن مذيعه عندها برنامج تلفزيوني ناجح جدا...منى زكي..متزوجه من صحفي وصولي يعمل في صحيفة ويسعى لنيل منصب رئيس التحرير فيها...ويطلب المسؤلين منه ان يجعل زوجته توقف انتقاداتها للحكومه وتغيير فكرة البرنامج تماما لكي يحصل على هذا المنصب....

اتوقف قليلا واسلط الضوء على علاقتها بزوجها...حيث تربطهما علاقه غريبة...فيها شد وجذب ولكن باسلوب ناعم...وفيها الكثير من التناغم حتى وقت الاختلاف.....الزوج شخصيه غريبه بعض الشىء عن مجتمعنا حيث يحتوي زوجته العصبية حتى وهي في اشد لحظات الضيق...ويجعل منها زوجه مطيعه تسلمه قيادها بمنتهى السلاسة.... لنكتشف بعدها وفي منتصف الفيلم...مفاجأة غير متوقعه تماما.....تغير مفهومنا عن هذه العلاقه .....

غط الصحفي على زوجته عاطفيا وتستجيب بعد عدة محاولات وتغير افكار البرنامج وتبدأ مرحلة جديدة تماما تكون فكرتها عن تعرية واقع العنف الجنسي وقمع المرأة....

وتستضيف عدة شخصيات وكل شخصية تتحدث عن تجربتها وقصتها بطريقه مشوقة...وصادمة جدا...

مش ححرق لكم الفيلم....ولكني لا انصح بمشاهدة الفيلم لاقل من 16 سنة...لانه يحتوي على مشاهد عنيفه وصادمه...وايضا رومنسية بشكل كبير

تعليق شخصي على حضور الفيلم....الكرسي الي جنبي كانت عائلة مكونه من رجل وزوجته وطفلين الصغير لا يتعدى الست اشهر والكبير اربع سنوات....في منتصف الفيلم...علق الطفل الكبير....بابا هو الراجل قلع ولا لسه....

[MZohairy]

انا مش فاهم ليه الناس بتاخد المواضيع بحساسيه و بمشاعر ليست ذات علاقه؟

دي ممثله مش حارسة مسجد

و جوزها ممثل مش مؤذن في جامع

ليه خليتوها مثل للخلق الرفيع و فجأه وقعت من نظركم اول ما عملت مشهد صادم شويه؟

هي مش عملت مشاهد مماثله في فيلم ابو علي مثلا؟

تعاملوا معها كفنانه تؤدي دور مكتوب لها ايا كان هذا الدور (قديسه- غانيه- دكتوره-فلاحه-رقاصه-طالبه) و احكموا على اداءها للدور كان كويس ولا وحش

نفس الغلطه اللي عملناها مع المنتخب و حسن شحاته

تركنا تقييم دورهم الأساسي كلاعبي كره و أداءهم المخزي امام امريكا و التفتنا الى سجودهم و تدينهم فقط!!

[بركة]

انا مش فاهم ليه الناس بتاخد المواضيع بحساسيه و بمشاعر ليست ذات علاقه؟

دي ممثله مش حارسة مسجد

و جوزها ممثل مش مؤذن في جامع

ليه خليتوها مثل للخلق الرفيع و فجأه وقعت من نظركم اول ما عملت مشهد صادم شويه؟

هي مش عملت مشاهد مماثله في فيلم ابو علي مثلا؟

تعاملوا معها كفنانه تؤدي دور مكتوب لها ايا كان هذا الدور (قديسه- غانيه- دكتوره-فلاحه-رقاصه-طالبه) و احكموا على اداءها للدور كان كويس ولا وحش

نفس الغلطه اللي عملناها مع المنتخب و حسن شحاته

تركنا تقييم دورهم الأساسي كلاعبي كره و أداءهم المخزي امام امريكا و التفتنا الى سجودهم و تدينهم فقط!!

والله كلام حضرتك جه في الصميم بشكرك جدا إنك حطيت النقط على الحروف

وفعلا سؤال كان بيدور في رأسي من أول الضجة اللي على الفيلم ده

ماهي الازمة بالظبط ؟

ماهي عملت فيلم أبو علي اللي مليان حنيّه ومحدش إتكلم

وبتلبس ومابتلبسش بقالها كام فيلم وبرده محدش اعترض

حكاية البراءة دي كانت لسه مسيطرة على اداءها وللا الناس بقت

مقاييس العيب والمسموح عندها مش واضحة كفاية !!!!!!!!! ؟؟؟؟؟؟؟؟؟؟؟؟؟؟؟؟؟؟؟؟؟؟؟

وفي الاخر هي ممثلة .......وليست معلمة أجيال في مدرسة أو جامعة ..ليه التفاؤل الزياده أوي ده ؟؟؟؟؟؟؟؟

تم تعديل 8 يوليو 2009 بواسطة بركة

[pink rose]

انا مش فاهم ليه الناس بتاخد المواضيع بحساسيه و بمشاعر ليست ذات علاقه؟

دي ممثله مش حارسة مسجد

و جوزها ممثل مش مؤذن في جامع

ليه خليتوها مثل للخلق الرفيع و فجأه وقعت من نظركم اول ما عملت مشهد صادم شويه؟

هي مش عملت مشاهد مماثله في فيلم ابو علي مثلا؟

تعاملوا معها كفنانه تؤدي دور مكتوب لها ايا كان هذا الدور (قديسه- غانيه- دكتوره-فلاحه-رقاصه-طالبه) و احكموا على اداءها للدور كان كويس ولا وحش

نفس الغلطه اللي عملناها مع المنتخب و حسن شحاته

تركنا تقييم دورهم الأساسي كلاعبي كره و أداءهم المخزي امام امريكا و التفتنا الى سجودهم و تدينهم فقط!!

مظبوط يا استاذ زوهيري

كلامك صح 100 %

الناس دي الواحد مش المفروض يتوقع منهم كتير فعلا

و زي ما حضرتك قولت دي ممثلة و ليها اللي مكتوب قدامها و بس

و احنا لينا بقى نشوف الحاجه الكويسة و ما نتفرجش على الحاجة الوحشة

زي ما هي قالت اللي شايف الفيلم قليل الادب ما يدخلوش

و الله انا كنت بحبها لحد فيلم ابو علي بعد كده بقى لقيت العك اشتغل فا كبرت دماغي منها

و اتوقع انها هاتبقى زي تاتا يسرا هما كده كل ما بيكبروا بيتهبلوا

[esocial]

حقيقى مش لازم نحطها فى الأطار اللى بيخصنا أو نهتم به واللى بيتمثل فى الشرف والأخلاق والأحترام لأنها هى وكل الوسط الفنى عايشين فى عالم ثانى لديهم بلادة فى المشاعر وكأن المسائل هذه والأغراء الذى نتحدث عنه نحن لا يمثل لهم اى اهمية ولا يعنيهم اصلا بشىء فزوج فلانة الفلانية يسهر و ينفرد بزوجة فلان الفلانى والعكس أو مع الوسط كله وبراه مفيش مشكلة خالص وبعدين من امتى كانت ادوار منى ذكى محترمة لا بالعكس أحنا متعودين على أدوارها كلها مع السقا وغيره خارجة وغير محترمة الا اذا كان فى حد بيعتبر القبلات والمشاهد العاطفية الأخرى المشابهة ليست خارجة وليس بها أى خروج عن المألوف .