يا جماعة الخير ممكن حد يفهمني "الأوفسايد" بنعرفه ازاي في كرة القدم ؟!

[سهل جدا]

*

*

من كام سنة كدة , كان أقصى معلوماتي عن كرة القدم إن الكرة لما تدخل الشباك يبقى معناها إن أحد الفريقين سجل هدف..

وبيزداد تأكيدي إن فعلا تم تسجيل الهدف لما ألاقي الفريق فرحان وعمال يتنطط , واللي جاب الجون عمال يجري وبقية اللعيبة عمالة تجري وراه , زي ما يكون حرامي سرق حاجة في مولد!!

المهم بعد كده ربنا فتح علي وبدأت أفهم في الكرة

لإني بصراحة كنت بشعر بالخجل لما كنت بجلس مع مجموعة شباب كرويين وهم بيتناقشوا في الكرة ..

فعرفت بعدها بقية القوانين وعرفت إن في حاجة اسمها فاول وكورنر وآوت, ولو اللعيب عمل غلطة ياخد كارت أصفر , ولو الغلطة كبيرة شوية ياخذ كارت أحمر, ومش بعيد كمان يتعمله محضر في القسم ...

كل الحاجات دي فهمتها

لكن الحاجة الوحيدة اللي محيراني ومخلياني أضرب أخماس في أسداس هي الأوفسايد ..

اللي أعرفه إن الأوفسايد معناه تسلل

وإن اللاعب لما يكون واقف لوحده ورا خط الدفاع بيتحسب عليه الأوفسايد

لكن المشكلة إني بشوف في أوقات كثيرة جدا اللاعب واقف ورا خط الدفاع لوحده والحكم لا يحسبها أوفسايد

يا ترى الحكم مش واخد باله , ولا أنا اللي مش فاهم ؟!!

حد يفهمني الله يباركلكم

[سكراب]

لا انت فاهم صح بس نقطه واحدة لم تفهمها جعلتك " تتلخبط "

لا يعتبر تسلل ان يقف المهاجم خلف دفاع الخصم من غير كره

التسلل يحتسب عندما يتحصل المهاجم على الكره وهو خلف دفاع الخصم ... اي انه اذا كان احد لاعبي الفريق في نصف الملعب ومعه الكره فركلها لزميله الاخر الذي يقع خلف دفاع الفريق الخصم هنا تحتسب التسلل لحظة استلام الاعب الكره وهو خلف المدافعين

ارجو ان اكون وضحت الامر

[MoTo]

يتم إحتساب الأوف سايد إذا تم تمرير الكرة للمهاجم و هو أقرب للمرمي من المدافعين لحظة تمرير الكرة و خروجها من قدم اللاعب الذي يمررها

اما إذا تخطي المدافعين و الكرة في طريقها إليه .. لا يعتبر تسلل .

و في حالات أخري لا يحتسب فيها التسلل و هي إن اللاعب المتسلل لا يشترك في الكرة و تذهب إلي مهاجم أخر لا يقع في مصيدة التسلل .

أو أن لا تمرر الكرة له من الأساس .

أو أن تكون الكرة تسديدة ذاهبة للمرمي مباشرة .

أتمني أكون وضحتلك .

تم تعديل 2 يونيو 2009 بواسطة MoTo

[سهل جدا]

الأخ الفاضل سكراب

أشكر لك تجاوبك

الأخ الفاضل موتو

اما إذا تخطي المدافعين و الكرة في طريقها إليه .. لا يعتبر تسلل .

و في حالات أخري لا يحتسب فيها التسلل و هي إن اللاعب المتسلل لا يشترك في الكرة و تذهب إلي مهاجم أخر لا يقع في مصيدة التسلل .

أو أن لا تمرر الكرة له من الأساس .

أو أن تكون الكرة تسديدة ذاهبة للمرمي مباشرة .

المعلومات دي بصراحة شبه جديدة علي

أشكرك بشدة :lol:

[MoTo]

العفو يا فندم .. شكراَ لذوقك .. تحياتي

[elshafey]

يتم إحتساب الأوف سايد إذا تم تمرير الكرة للمهاجم و هو أقرب للمرمي من المدافعين لحظة تمرير الكرة و خروجها من قدم اللاعب الذي يمررها

اما إذا تخطي المدافعين و الكرة في طريقها إليه .. لا يعتبر تسلل .

و في حالات أخري لا يحتسب فيها التسلل و هي إن اللاعب المتسلل لا يشترك في الكرة و تذهب إلي مهاجم أخر لا يقع في مصيدة التسلل .

أو أن لا تمرر الكرة له من الأساس .

أو أن تكون الكرة تسديدة ذاهبة للمرمي مباشرة .

أتمني أكون وضحتلك .

ممكن كمان الحكم يكون في حالة من الحالات التالية كمان :

-ممكن يكون مش واخد باله

- ممكن يكون اللاين مان مطنش أو مش واخد باله

- ممكن يكون قابض وبيفوت