موضوع عكسى .. هو زى كويز أو مشاركة حية - دجاجة تنفع ايه؟

[بندق أفندى]

السلام عليكم ورحمة الله....

فكرة جديدة خالص دى يا أستاذ بندق....

أنا أكلت شوربة عدس بجبة على الطريقة الهندى قبل كده...لكن دى أول مرة أسمع عنها ......طيب لو أضفنا شبت او كرفس بدل البقدونس الطعم حيتغير؟

تسلم ايديك وافكارك الذهبية...

لكن لسه ماعرفناش الفرخة طلعت ايه....

احنا ممكن نعملها ستروجانوف بالمشروم والخوخ

وممكن نعملها تندورى بقطع الخوخ ايضا..

وممكن نعمل الشوربة بس بدل العدس نعملها شوربة بطاطس......مع مراعاة ضرب البطاطس بعد سلقها فى الشوربة فى الخلاط..ونضيف عليها كريمة لبانى...

ينفع ولا أنا رحت بعيد كده...:o

صباح الفل

:)

ساعات مش بأكون مركز .. المهم الكرافس بيدى طعم مختلف عن البقدونش عن الكسبرة الخضراء .. كل واحد له نكهة مختلفة ..

لو حضرتك ضرتى البطاطس فى الخلاط هتكون بديل للدقيق فى شوربة الكريمة (انتى أضفتى كريمة لبانى) حلو أوى .. يبقى ناقص حب معين ينضاف لها .. ممكن يكون ذرة وممكن يكون قطع كرافس وجزر وفاصوليا وبسلة (مش كتير بس حاجة تدى طعم وتعمل منظر) وممكن تكون حمص .. وممكن تكون فاصوليا بيضاء مسلوقة .. وفى كل مرة هيكون الطعم مختلف ..

وطبعا ينفع جدا جدا .. وتأكدى حضرتك انه التجربة خير برهان وهتلاقى كل حاجة بتظبط كل مرة أكتر من اللى قبلها ..

[بندق أفندى]

ياسيدى ياسيدى على المزاج

يعنى لازم تسألنا ونجاوب زى الطلبة فى الثانوية العامة الاجابات المحفوظة تروح انت تول اجابات مبتكرة برة ملخصات الأمتحانات والاجوبة النموذجية لمصر والسودان

طبعا دى عمايل المعلم لنفسه مش لابنه

يعنى مية مية وشكلها يموت من الجوع

أى خدمة يا اسامة بك .. احنا فى خدمة الشعب .. بس صدقنى ساعات بأكون مش عارف الأكطلة هتطلع ايه .. خلى بالك لسة النص التانى بس كمان لابد يطلع حاجة مختلفة .. وربما يكون بصوص البرتقال فعلا ..

[بندق أفندى]

تم انجاز النصف ألأخير .. طلع تحفة انتظرونا