يا حشيييييش ..تعالى..

[بنت شعنونة]

الخبر دا الله بحق وحقيقي اتنشر من اقل من اسبوع في جردة النبا لو ذاكرتي شغالة صح

بس للأسف ماعنديش اسكانز عشان انقله هنا

الخبر كان صفحة اولى وبنط عرييييييض

بيقول

انفجار نانسي عجرم اثناء ادائها حفلة غنائية

حيث نانسي عجرم اثناء غنائها وقاموا بنقلها فورا الى المستشفى لعمل جراحة تجمييييلية لهاااااااا

بس خلاص

معلش اوقات بلسع.."وش لاسع"

[Lighthouse]

؟؟؟؟

[فــيــروز]

فينووووووووووووووووووووووووووووووووو .. من بتوع مجلس الامن

[Salwa]

مش ممكن ياشانا ؟

يابنتى قلبى من كثرة الضحك وجعنى فعلا ...

الكلام ده مضبوط ياشنشن ....حصل هنا عندنا مرة .

هنا فيه ممثلة مشهورة وهى اصلا كانت صحفية ....بس مشهورة لانها كانت من اول صاحبات خوليو ...المغنى ...خوليو اجليسياس .

المهم ...كانت فى الطيارة ....وفجأة ......انفجر صدرها ...

السليكون ياشانا ........السليكون ......

اللى بيحصل انهم بيكونوا لسة عاملين العملية ....وزى ماتقولى ....الجرح مالحقش يقفل ...او ..احتمال مع ارتفاع الضغط .....الله اعلم .

مهزلة ...

ويقولك تجميل ...

وهنا برضه واحدة ...موديل ....انفجر السليكون اللى وضعته فى الشفايف ..

هم يبكى وهم يضحك ...

سلامى.

[se_ Elsyed]

أنا أول مره أسمع الخبر ده ...

مش ممكن ده أنا هاموت من الضحك ومتخيل منظر محمد صبحي في مسرحية الجوكر وهو عامل دور عطيات وحاطط بلالين وبعد كده منظره لما البلالين دي فرقعت ... بس انا كده خفت .. الواحد بعد كده يلبس سترة واقية من الإنفجارات احنا بنتعامل مع اجانب كتير ومش بعيد اكون قاعد في امان الله الأقي حاجة فرقعت في وشي ...

نقبك طلع على شونة يا حشيش ... وبالمناسبة دي أنا آلفت قصيدة مواساة لنانسي عجرف ، مطلعها بيقول

يا حلو بانت لبتك .... بعد ما فرقعت عمليتك

[DARWEEN]

ياسلااااااااااااااااااااااااام يابو الدراوين يا متمكن

والله من الأول أنا قلت العمليه مضروبه وعجرم دي ماتدخلش في ذمتي بتلاته شلن ....

ياعني عليك ياحشيش خالص عزائي .... آدي آخرة اللبناني ..

س س كتب :

يا حلو بانت لبتك .... بعد ما فرقعت عمليتك

 

نفسي أعرف أنت بتجيب الحاجات دي منين

شعنونه إلا ننوس ساعة مافرقعت كانت بتغني ؟؟؟

[حشيش]

انفجار نانسي عجرم اثناء ادائها حفلة غنائية

******************.

ياساتر عليكى ياشانا...كل ما تلاقى واحدة حلوة تطلعى فيها القطط الفطسانة...حقدددددددددددددددددددددد

[DARWEEN]

أيه يا شيشو .... هو الصنف كان مضروب ولا أيه ...

أنا شفت لك منام ... خير اللهم أجعله خير ... قال خطة الجوهري بتاعتك فشلت والأنذار التاني جايلك جريييييييييييييييييييييي

ياعني ياحشيش هي الصدمه عملت فيك كده

[بنت شعنونة]

ههههههههههههههههههههه

ههههههههههههههههههههههههههههه

ههههههههههههههههههههههههه

انا اغمى عليا من الضحححححححك والله

مش ممككككككن انتوا كواااارث بشرية والله

هههههههههههههههههه

بص يا سي السيد يا خويا

انت تعمل كدا منطقة حزام امان بينك وبين اي واحدا يجي مترين كدا

عشان تبقى قاعد وانت مطمن : )

يا حشيششششش

والله ها اموت ها امووووووت اكتبلك نص الخبببببر

بس يالله

ظرووووووووووف بقىىىىىى

عم داورييييييين

شفت بقى

نقولهم زي ما يسرا بتقول في الأعلان

البلدي يوكل

[moody00x]

نفس الخبر حصل مع الست هيفاء وهبى وفرقعت وهى بين السما وألأرض تقريبآ ضغط الطيارة فرقع المسائل...

يعنى يا حشيش صنف شو حبيبى طلع كله تايوانى

[حشيش]

طوبى يارب لمن إخترته إلى جوارك

رقد على رجاء القيامة الأديب والمفكر المعروف حشيش وذلك بعد إصابته بجروح خطيرة ناتجة عن تطاير شظايا السيليكون بعد أن إنفجرت فيه فتاة أثناء جلسة شاعرية فى أحد الفنادق...وقد نقل الأديب الكبير بالهليكوبتر إلى مركز فقوس التخصصى حيث فشلت جهود الأطباء فى إنقاذه...هذا وقد ترك الفقيد تراثاً ضخماً من الأعمال الأدبية المتنوعة فى مجال القصة القصيرة والشعر والنثر والأوبريت والطقطوقة والقطقوطة...وقد أمر الرئيس مبارك بصرف 25 جنيهاً تعويضاً فورياً لأسرة الفقيد الكبير وأن يلف الجثمان فى ورقة بفرة ويوضع على عربة بطاطا لتشييعه فى جنازة عسكرية مهيبة...جدير بالذكر أن الفقيد قد حصل على جائزة نوبل فى الأدب عام 2003 عن رائعته (هيثم وتامر ووليد)...

للعزاء تلغرافياً:

مضارب بنى عجرم

بيروت / لبنان

[Scorpion]

اتاريك ماكنتش حافظ الفاتحة... اتفقست يا حلو...

[Farah]

حرام عليك ياحشيش خلتني اضحك وبصوت عالي العيال جم من الحجره الاخري ايه ياماما انت بتضحكي علي ايه دا انتي لوحدك في الحجره قلتلهم بضحك علي اللي بيقوله حشيش رد ابني الصغير مين انكل حشيش ياماما ؛؛هو حشيش مش معناه مروانه

طب بالله عليك ارد عليه اقوله ايه؟؟؟؟؟

[afiona]

يعز عليا إن أول مشاركة لي في هدا المنتدى الرائع يكون في موضوع محزن كموضوع إنفجار نانوستنا وفي وقت يترقب فيه الجميع عودتها سالمة ومقفلة لتسعد الشباب اللي ضربه السلك زيي. تدمع عيناي وثروتنا تضيع هباء في ظلام الليل المدلهم ( حلوة دي ) ، وهى مؤامرة علي البلاد ولكنها غمة وستنقشع.... نانوستنا، عودي (واحد بيبكي)

[DARWEEN]

هش يابني أنت وهو ......

أيه أنتوا فاكرينها غرزه ؟؟؟؟؟؟؟

صبرنا على حشيش وقلنا ماشي بياخد أنذارات على ودنه ومسيره يا للكارت الأحمر يا المعتقل على أيد العبد لله بعد ماوقعته مع الراس الكبيره ...

شويه وطب بانجو .. وربنا أنتقم منه وأتجوز لوحده من غير ماحد يكلمه

وبعدين تكمل بأفيونه ؟؟؟؟

مش بعيد بعد يومين نلاقي المنتدى بيتطوح

البلدي يوكل

يعني بذمتك ياشعنونه .... هي يسرا اللي بلدي برضه ؟؟؟

صحيح مش قابله للأنفجار

بس مش بلدي .......

[achnaton]

انفجار نانسي عجرم اثناء ادائها حفلة غنائية

***********.

ياساتر عليكى ياشانا...كل ما تلاقى واحدة حلوة تطلعى فيها القطط الفطسانة...حقدددددددددددددددددددددد

والله حرام عليكن وعليكم .. إيه يعنى لما شئ عند " نانى " يفرقع .. .. ماحنا كلنا بنفرقع يوميا كام مرة .. لما نشوف قناتنا الفضائية { إنت فين ياشريف عبد الوهاب } أو لما يفرقع سمارة بلونات النفاق بتاعته .. وساعتها بيرد عليه الكل بفرقعة مختلفه ..؟!!

وفيه رجاله حتفرقع قريب من الأكل الحرام .. وهم دول لا سلكون ولا حاجة .. تخمه عمولات ممكن تعمل العجب !!

[متفائل]

والله أنا لما قرأت الموضوع أفتكرت فيه خطء في الصياغة

تخيلت ان ممكن لمبة أو كشاف أو سماعة أو حتي الميك هو الي فرقع

أنما ننسي نفسها ---- دنتوا فظاع

كل الناس فهمت إلا أنا

ووالله انا لغايت دلوقتي مش متخيل

يا خسارة دي كانت شبه زبيده ثروت خالص

[afiona]

 

ووالله انا لغايت دلوقتي مش متخيل 

يا خسارة دي كانت شبه زبيده ثروت خالص

بغض النظر عن أداء زبيدة ثروت، علي الأقل كان شكلها طبيعي ومش محتاجة نفخ شفايف واطنان من السليكون زي نجمات الزمن الأغبر ده اللي كل واحدة محتاجة واحد بتاع الوميتال يقفلها بقها مقاس 45واللى لاضم مع ودنها و هيأكل من قفاها حتة......

صبرنا على حشيش وقلنا ماشي بياخد أنذارات على ودنه ومسيره يا للكارت الأحمر يا المعتقل على أيد العبد لله بعد ماوقعته مع الراس الكبيره ... 

شويه وطب بانجو .. وربنا أنتقم منه وأتجوز لوحده من غير ماحد يكلمه 

وبعدين تكمل بأفيونه ؟؟؟؟

مع إحترامي وكامل تقديرى لأستادنا حشيش ،

وتقديرى لدور مخدر الحشيش الريادي وبكافة اشكاله وتدليعاته في حياة أجدادنا واللي صبرهم علي الحكومات الرشيدة المتواليةمند سبعة آلاف وهن يعملون في صمت، لكني أرفض وبشدة الزج بإسمى مع البانجو والأصناف الفافي اللي عاملة زي بودرة التلك . بقي تحط الأفيون مع البانجو والأصناف الحريمي ديه؟

وأنا من هدا الموضوع إكتشفت ان سر تأخرنا هو أخد الأمور المهمة بإستهزاء ...... يا جماعة نانسي فرقعت يا منز...........الخطب بحق جلل....ايه اللى نقدر نعمله من أجل عدم تكرار هده الكارثة والحفاظ علي ثروتنا القومية؟

[Handicraft]

afiona

وأنا من هدا الموضوع إكتشفت ان سر تأخرنا هو أخد الأمور المهمة بإستهزاء ...... يا جماعة نانسي فرقعت يا منز...........الخطب بحق جلل....ايه اللى نقدر نعمله من أجل عدم تكرار هده الكارثة والحفاظ علي ثروتنا القومية؟

عندى اقتراح يا جماعة للحفاظ على الثروة الفنية ان احنا نلم من بعض ونشترى بلف ومنفاخ (بلف زى بتاع العجله) لكل فنانة نافخه سيليكون وبكده لو الضغط على نتيجة ارتفاع الطياره تقدر تفسى العجله شوية وبكده تحافظ على نفسها وبالمنفاخ لما تنزل تنفخ تانى

ايه رأيكم فى الإقتراح ده ؟؟؟

[afiona]

afiona

 

عندى اقتراح يا جماعة للحفاظ على الثروة الفنية ان احنا نلم من بعض ونشترى بلف ومنفاخ (بلف زى بتاع العجله) لكل فنانة نافخه سيليكون وبكده لو الضغط على نتيجة ارتفاع الطياره تقدر تفسى العجله شوية وبكده تحافظ على نفسها وبالمنفاخ لما تنزل تنفخ تانى 

ايه رأيكم فى الإقتراح ده ؟؟؟

انا كنت هاموت من كتر الضحك........إقتراح وجيه جدا....